ﺷﻌﺐ ﺃﺟﻤﻞ ﻣﻦ ﺟﻤﻴﻞ
ﺷﻌﺐ ﺟﻮﺍﻫﻮ ﺍﻟﻌﺰﻳﻤﻪ
ﺍﻧﺘﺼﺮ ﺭﻏﻢ ﺍﻟﺼﻌﺎﺏ
ﻭﺍﻟﺠﺮﺍﺣﺎﺕ ﺍﻻﻟﻴﻤﻪ
ﺑﻜﺮﻩ ﻳﻔﺮﺡ ﺑﻜﺮﻩ ﻳﻨﺴﻲ
ﺍﻟﻌﺬﺍﺑﺎﺕ ﺍﻟﻘﺪﻳﻤﻪ
ﻭﻛﻞ ﻣﺨﺎﻭﻑ ﺍﻟﻤﺎﺿﻲ ﺩﻳﻚ
ﺗﺒﻘﻰ ﺑﺲ ﻣﺎﻟﻬﺎ ﻗﻴﻤﻪ
ﺑﻜﺮﻩ ﺣﺎﻧﺒﻨﻴﻬﻮ ﻧﺤﻦ
ﻭﻣﺎ ﺣﺎﻧﻘﺒﻞ ﺑﺎﻟﻬﺰﻳﻤﻪ
# ﺳﻨﻪ ﺳﻌﻴﺪﻩ ﻋﻠﻴﻜﻢ ﺍﺣﺒﺘﻲ
# ﺯﻭﻭﻭﻭﺑﻪ

ﻭﻛﻨﺖ ﻋﻠﻰ ﺍﻟﻮﺟﻊ ﺑﻘﺪﺭ
ﺍﺩﺍﺭﻱ ﺩﻣﻮﻋﻲ ﻣﻦ ﺍﻟﻨﺎﺱ
ﻭﺍﻗﻮﻝ ﺍﻟﻔﺮﺣﻪ ﻣﺎﻟﻴﺎﻧﻲ
ﺍﺩﺍﺭﻱ ﺍﻻﻫﻪ ﻭﺍﻻﺣﺴﺎﺱ
ﻛﺘﻴﺮ ﺍﻧﺎ ﻛﻨﺖ ﺑﺒﻜﻲ ﺍﻟﻠﻴﻞ
ﻭﺩﺍﻳﻤﺎ ﺑﺲ ﺳﻬﺎﺩﻱ ﻳﻄﻮﻝ
ﺑﻤﺴﺢ ﺩﻣﻌﻲ ﻭﺍﺗﺼﺒﺮ ....
ﻭﻻ ﻣﻦ ﻋﺎﺩﺗﻲ ﺍﺣﻜﻲ ﺍﻗﻮﻝ
ﻭﻋﺎﺩﻱ ﺍﻟﻨﺎﺱ ﺑﺘﺸﻤﺖ ﻓﻴﻚ
ﻭﻻ ﺑﺤﺲ ﺑﻮﺟﻌﻚ ﺯﻭﻝ !!!..
ﻭﻛﻨﺖ ﺑﺤﺎﻭﻝ ﺍﺗﻨﺎﺳﻲ ...
ﻭﺍﺿﺤﻚ ﻟﻲ ﺯﻣﺎﻧﻲ ﺍﻟﺸﻴﻦ
ﻭﺍﻗﻮﻝ ﺍﻫﻲ ﻓﺘﺮﻩ ﻭﺗﻌﺪﻱ !!!..
ﻭﺍﻋﻴﺶ ﻣﻦ ﺗﺎﻧﻲ ﺍﺣﻠﻰ ﺳﻨﻴﻦ
ﺗﺪﻭﺭ ﺍﻟﺪﻧﻴﺎ ﻭﺍﻻﻳﺎﻡ ....
ﻭﺍﻧﺎ ﻭﺍﺣﺰﺍﻧﻲ ﻣﺘﻔﻘﻴﻦ
ﻻ ﺣﺎﺗﻜﻮﻥ ﻫﻲ ﻳﻮﻡ ﻟﻲ ﺳﻮﺍﻱ
ﻭﻻ ﺣﺎ ﺗﺠﻒ ﺩﻣﻮﻉ ﺍﻟﻌﻴﻦ
# ﺯﻭﻭﻭﻭﺑﻪ

ﺻﺪﺭ ﺍﻟﺤﻜﻢ ﻭﺍﻟﺪﻧﻴﺎ ﻋﻴﺪ
ﻭﺍﻟﺮﺍﺣﻮ ﻣﻨﻨﺎ ﻛﻢ ﺷﻬﻴﺪ !!!!
ﻭﺍﻧﺎ ﺟﺮﺣﻲ ﻟﺴﻊ ﻣﺎﺑﻄﻴﺐ
ﻻ ﺑﻘﺪﺭ ﺍﻧﺎﺳﻬﻮ ﺍﻟﺤﺼﻞ ..
ﺍﻧﺴﺎﻫﻮ ﻛﻴﻒ ﺣﺎﻟﻲ ﺍﻟﺼﻌﻴﺐ
ﻭﺍﺭﺟﻊ ﺍﻗﻮﻝ ﺍﻟﺠﺎﻱ ﺧﻴﺮ
ﺷﻤﺲ ﺍﻟﻈﻠﻢ ﻻﺑﺪ ﺗﻐﻴﺐ
ﻛﻢ ﺃﻡ ﺑﺘﺒﻜﻲ ﻋﻠﻰ ﺍﻟﺤﺼﻞ
ﻓﻲ ﺍﻻﻋﺘﺼﺎﻡ ﺭﺍﺡ ﻛﻢ ﺑﻄﻞ؟
ﻛﻴﻒ ﺩﻣﻬﻢ ﺣﺎﻳﺮﻭﺡ ﻛﺪﻩ !!!
ﻟﻠﻴﻠﻪ ﺣﻘﻬﻢ ﻣﺎﻭﺻﻞ ....
ﻳﺎﺍﻣﻲ ﺭﺍﺟﻊ ﻛﻨﺖ ﻟﻴﻚ
ﺍﺩﻳﻨﻲ ﺧﺎﻃﺮﻙ ﻭﻣﺎﻋﻠﻴﻚ
ﺍﻧﺎ ﻭﻃﻨﻲ ﺣﺎﺭ ﺑﻴﻬﻮ ﺍﻟﺪﻟﻴﻞ
ﻣﺎﺗﺒﻜﻲ ﻳﻮﻡ ﺍﻧﺎ ﺣﺎﺳﻲ ﺑﻴﻚ
ﻭﺍﻧﺎ ﺣﻘﻲ ﻟﻮ ﺿﺎﻉ ﻓﻲ ﺍﻻﺭﺽ
ﺑﻠﻘﺎﻫﻮ ﻋﻨﺪ ﺭﺏ ﺍﻟﻌﺒﺎﺩ
ﺍﻧﺎ ﺧﻮﻓﻲ ﻳﻤﻪ ﻋﻠﻰ ﺍﻟﺒﻠﺪ
ﺍﻧﺎ ﺧﻮﻓﻲ ﻳﻤﻪ ﻋﻠﻰ ﺍﻟﻮﻻﺩ
ﻛﻞ ﻣﺎﺍﻗﻮﻝ ﻫﻤﻲ ﺑﻴﺰﻭﻝ
ﺍﻧﺎ ﻛﻞ ﻳﻮﻡ ﺑﻠﻘﺎﻫﻮ ﺯﺍﺩ

ﻋﺪﺕ ﺳﻨﻴﻦ ﻋﻤﺮﻱ
ﺑﻲ ﻛﻞ ﺷﺮ ﺃﻭ ﺧﻴﺮ
ﺍﻳﺎﻡ ﺻﻌﻴﺒﺎ ﺧﻼﺹ
ﺑﻜﺖ ﻋﻴﻮﻧﻲ ﻛﺘﻴﺮ
ﻋﺎﻧﻴﺖ ﻣﻦ ﺍﻻﻳﺎﻡ
ﻣﻦ ﻟﺴﻪ ﻛﻨﺖ ﺻﻐﻴﺮ
ﻟﻜﻨﻲ ﻛﻨﺖ ﺑﺸﻮﻑ
ﺟﻮﺍﻳﺎ ﺣﻠﻢ ﻛﺒﻴﺮ
ﻛﻞ ﻣﺎﺍﻻﻗﻲ ﺻﻌﺎﺏ
ﺩﺍﻳﻤﺎ ﺑﻘﻮﻝ ﻟﻲ ﺧﻴﺮ
ﺗﺘﺤﻘﻖ ﺍﻻﺣﻼﻡ
ﻧﻨﺴﻰ ﺍﻟﻌﺬﺍﺏ ﻭﺍﻟﻬﻢ
ﻣﻦ ﻗﺴﻮﻩ ﺍﻻﻳﺎﻡ
ﻣﻦ ﺗﺎﻧﻲ ﻧﺘﺒﺴﻢ
ﺍﻟﺠﺎﻱ ﺍﺣﻠﻰ ﺍﻛﻴﺪ
ﺟﻮﺍﻳﺎ ﻟﺴﻪ ﻋﺸﻢ
ﺭﻳﺪﻙ ﺳﻜﻦ ﻗﻠﺒﻲ
ﻭﺑﻌﺪﺗﺎ ﻳﺎﻟﻤﺤﺒﻮﺏ
ﺍﻟﻔﺮﻗﻪ ﻣﺎﺑﻴﺪﻱ
ﺍﻻ ﺍﻟﻘﺪﺭ ﻣﻜﺘﻮﺏ
ﺍﻣﺸﻲ ﻭﺍﺳﻴﺐ ﻭﻃﻨﻲ
ﻓﻲ ﺃﻣﺮﻱ ﺟﺪ ﻣﻐﻠﻮﺏ

ﻳﺎﺻﺒﺎﺣﺎﺕ ﺍﻟﺤﺮﻭﻑ
ﺍﻟﻀﺎﺣﻜﻪ ﻓﻲ ﻗﻠﺐ ﺍﻟﻮﺗﺮ
ﻭﻳﺎﺻﺒﺎﺡ ﺍﻻﻣﻨﻴﺎﺕ . ؛؛؛
ﻣﻤﺰﻭﺟﻪ ﻓﻲ ﺳﻜﻪ ﺳﻔﺮ
ﻭﻗﺘﻴﻦ ﻳﻼﻗﻴﻬﺎ ﺍﻟﺤﻨﻴﻦ
ﻣﻦ ﺯﻭﻝ ﺯﻣﺎﻥ ﻋﺎﻧﺎ ﻭﺻﺒﺮ
ﺍﺣﻼﻣﻨﺎ ﺑﻲ ﻭﻃﻨﺎً ﻛﺒﻴﺮ
ﻣﻠﻴﺎﻥ ﺳﻤﺎﺡ ﻋﺰﻩ ﻭﺃﻣﻞ
ﻣﺎﻓﻴﻬﻮ ﺯﻭﻻ ﻣﻨﻜﺴﺮ ...
ﻻ ﺑﻴﻨﺎ ﺟﻔﻮﻩ ﻭﻻ ﺯﻋﻞ
ﻭﻛﻞ ﺍﻟﺼﻌﺎﺏ ﻭﺍﻟﻤﺎﺿﻲ ﺩﺍﻙ
ﻧﻠﻘﺎﻫﻮ ﺑﺲ ﻋﺪﺍ ﻭﺭﺣﻞ ...
# ﺯﻭﻭﻭﻭﻭﺑﻪ
٢٠ ﺳﺎﻋﺔ · Faceboo

ﻣﺎ ﺑﻌﺎﺗﺒﻚ ﻻ ﺑﻠﻮﻣﻚ
ﺑﺲ ﺑﺨﻠﻴﻚ ﻟﻲ ﺿﻤﻴﺮﻙ
ﻭﻳﻮﻡ ﺣﺎﺗﻌﺮﻑ ﺍﻧﻮ ﺭﻳﺪﻱ
ﻣﺎﺑﻴﻜﻮﻥ ﺍﺑﺪﺍ ﻟﻲ ﻏﻴﺮﻙ
ﻗﻠﺒﻲ ﻋﺎﺭﻑ ﻭﻳﻦ ﻣﺼﻴﺮﻭ
ﺍﻧﺖ ﺑﺲ ﺣﺪﺩ ﻣﺼﻴﺮﻙ
ﻭﺍﺑﻘﻰ ﺻﺎﺩﻕ ﻳﻮﻡ ﻓﻲ ﻭﻋﺪﻙ
ﺍﺻﻠﻮ ﻇﻠﻤﻚ ﻣﺎﺑﻀﻴﺮﻙ
ﻟﻮ ﺭﺿﻴﺖ ﺗﻈﻠﻢ ﺣﺒﻴﺒﻚ
ﻳﺒﻘﻰ ﻛﺘﺮ ﺍﻟﻒ ﺧﻴﺮﻙ
ﻗﻠﺒﻲ ﻣﺎﺑﻴﺤﻤﻞ ﻋﺘﺎﺑﻚ
ﺑﺮﺿﻮ ﻣﻦ ﺍﻟﻔﻴﻚ ﺑﺠﻴﺮﻙ
ﻟﻮ ﺑﻴﺮﺿﻴﻚ ﻛﻞ ﻋﺬﺍﺑﻮ
ﻭﻟﻮ ﺑﻴﺮﺗﺎﺡ ﻳﻮﻡ ﺿﻤﻴﺮﻙ
ﻣﺎﺗﺪﻕ ﻓﻲ ﻣﺮﻩ ﺑﺎﺑﻮ
ﺍﻣﺸﻲ ﻭﺍﺻﻞ ﺩﻭﻧﻮ ﺳﻴﺮﻙ
# ﺯﻭﺑﻪ ﻋﺜﻤﺎﻥ

تتقدم اسرة مدونة ودالعكلي نيوز بي احر التهاني للشاعرة زوبة عثمان بمناسبة عيد مولد ابنها خلودي
ونقول كل سنة وانت طيب وعقبال المية شمعة



ﺍﻭﻝ ﺷﻤﻌﻪ ﻭﺍﻭﻝ ﻋﻴﺪ
ﺑﻲ ﻣﻨﺎﺳﺒﻪ ﻋﻴﺪ ﻣﻴﻼﺩ ﻭﻟﺪﻱ
‏( ﺧﻠﻮﺩﻱ ‏)
ﺑﺘﻤﻨﻲ ﺗﺴﻤﻌﻮﻫﺎ
ﻛﻠﻤﺎﺕ . ﺯﻭﺑﻪ ﻋﺜﻤﺎﻥ
ﺍﻟﺤﺎﻥ ﺍﻟﻄﺎﻫﺮ ﺍﺣﻤﺪ
ﻏﻨﺎﺀ .. ﺍﻛﺮﺍﻡ ﻓﻀﻞ

ليا زمن مشتاقه لصوتك
الا ظروفي قست ياغالي
ماكترتا عليكا دقيقه..
ماناسياك دايما في بالي
دايما بسأل عن احوالك
مارديتو في مره سؤالي
رغم قساوة الدنيا طريتك
مافارقتا في مره خيالي
كنتا ترد في مره عليا..
لو حسيت في يوم بحالي
وكنتا عرفتا الحاصل بيا
وماسهرتا عيوني ليالي
وكان طمنتا قليبي شويا
رافض ليه ياغالي وصالي؟
وليا زمن مشتاقه لصوتك
الا ظروفي قست ياغالي

ﻣﺮﺍﺕ ﺍﻟﺰﻭﻝ ﺑﻴﻌﺪﻱ ﺑﻲ ﻓﺘﺮﻩ ﻗﺎﺳﻴﻪ ﻓﻲ ﺣﻴﺎﺗﻮ ﻧﺘﻴﺠﻪ ﻟﻲ ﻣﻮﻗﻒ ﻣﻌﻴﻦ ﺃﻭ ﻣﻤﻜﻦ ﻳﻜﻮﻥ ﺯﻭﻝ ﺧﺬﻟﻚ ﻭﺍﻧﺖ ﻣﺎﺗﻮﻗﻊ ﻣﻨﻮ ﺍﻟﺤﺎﺟﻪ ﺩﻱ .. ﺃﻭ ﻣﻤﻜﻦ ﺍﻧﺖ ﻛﻨﺖ ﻣﺪﻳﻬﻮ ﻣﺴﺎﺣﻪ ﺟﻮﺍﻙ ﻫﻮ ﻣﺎﺑﺴﺘﺤﻘﻬﺎ .. ﺍﻟﺰﻭﻝ ﺍﻟﺒﺘﺨﻼ ﻋﻨﻚ ﻓﻲ ﻋﺰ ﻣﺎﺍﻧﺖ ﻣﺤﺘﺎﺝ ﻟﻴﻬﻮ ﺩﺍ # ﻣﺎﺯﻭﻟﻚ . ﺍﻟﺰﻭﻝ ﺍﻟﻤﺎﺑﻘﺪﺭ ﻳﻔﻬﻢ ﻭﻳﺤﺲ ﺑﺎﻟﺠﻮﺍﻙ ﺩﺍ # ﻣﺎﺯﻭﻟﻚ . ﺍﻟﺰﻭﻝ ﺍﻟﺒﺘﺴﺒﺐ ﻓﻲ ﻋﺬﺍﺑﻚ ﻭﻳﺨﻠﻴﻚ ﺗﺒﻜﻲ ﺩﺍ # ﻣﺎﺯﻭﻟﻚ . ﺍﻟﺰﻭﻝ ﺍﻟﻴﺤﺴﺴﻚ ﺍﻧﻚ ﻣﺎﻓﺎﺭﻕ ﻣﻌﺎﻫﻮ ﻭﺍﻧﻮ ﻭﺟﻮﺩﻙ ﻭﻋﺪﻣﻮ ﻭﺍﺣﺪ ﻋﻨﺪﻭ ﺩﺍ ﺑﺮﺿﻮ # ﻣﺎﺯﻭﻟﻚ . ﺍﻟﺰﻭﻝ ﺍﻟﻤﺎﺑﻘﺪﺭ ﻳﺘﺨﻠﻰ ﻋﻦ ﻏﺮﻭﺭﻭ ﻭﻋﻨﺎﺩﻭ ﻋﺸﺎﻧﻚ .. ﺍﻛﻴﺪ ﻣﺎﺑﺴﺘﺎﻫﻞ ﺗﺘﻨﺎﺯﻝ ﻋﻦ ﺷﻲ ﻋﺸﺎﻧﻮ .. ﻣﺎﺗﺨﻠﻲ ﺯﻭﻝ ﻳﻘﻠﻞ ﻣﻦ ﺷﺄﻧﻚ ﻭﺍﻟﺒﺪﻭﺱ ﻋﻠﻰ ﻣﺸﺎﻋﺮﻙ .. ﺩﻭﺱ ﻋﻠﻰ ﻗﻠﺒﻚ ﻭﺍﻧﺴﺎﻫﻮ .. ﻭﺍﻟﺰﻭﻝ ﺍﻟﺨﺬﻟﻚ ﻣﺮﻩ ﺍﻛﻴﺪ ﺣﺎﻳﺨﺬﻟﻚ ﺗﺎﻧﻲ ﻭﺗﺎﻟﺖ ﻭﺭﺍﺑﻊ .. ﻣﺎﺗﺘﻤﺴﻚ ﺑﻲ ﺯﻭﻝ ﺍﻧﺖ ﺍﺧﺮ ﺍﻫﺘﻤﺎﻣﺎﺗﻮ .. ﻋﻴﺶ ﺣﻴﺎﺗﻚ ﻭﺍﻓﺮﺡ ﻭﻻ ﻛﺎﻧﻮ ﻓﻲ ﺣﺎﺟﻪ ﻣﻦ ﺍﺻﻠﻮ ﻧﻘﻄﻪ ﺳﻄﺮ ﺟﺪﻳﺪ .. ﻻﻧﻮ ﺍﻟﺤﻴﺎﺓ ﻣﺎﺑﺘﻘﻴﻒ ﻋﻠﻰ ﺯﻭﻝ ﻣﺎﺑﺴﺘﺎﻫﻞ .. ﺍﻟﺪﻧﻴﺎ ﻳﺎﻣﺎ ﻓﻴﻬﺎ ﻧﺎﺱ ﺑﺘﺘﻤﻨﻲ ﻧﻈﺮﻩ ﻣﻨﻚ ﻧﺎﺱ ﻋﻤﺮﻫﺎ ﻣﺎﺑﺘﺨﺬﻟﻚ .. ﻧﺎﺱ ﺑﺘﻤﻨﻮ ﻟﻴﻚ ﺍﻟﺨﻴﺮ ﻭﻻ ﺑﺤﺒﻮ ﺗﻨﺰﻝ ﺩﻣﻌﺔ ﻣﻨﻚ .. ﺃﺧﻴﺮﺍً ﻋﻴﺶ ﻣﻊ ﺍﻟﺒﺴﺘﺎﻫﻠﻚ
# ﺯﻭﻭﻭﻭﺑﻪ