ﺍﻧﺖ ﻣﺎ ﻋﺎﺭﻑ ﺍﻟﺤﻜﺎﻳﻪ
ﺩﺍﻳﺮ ﺍﻗﻮﻻ ﻣﻦ ﺍﻟﺒﺪﺍﻳﻪ
ﺍﻟﺤﻜﺎﻳﻪ ﺑﺮﻳﺪ ﻋﻴﻮﻧﻚ
ﻭﺣﺰﻧﻚ ﺍﻧﺖ ﺳﺒﺐ ﺍﺳﺎﻳﺎﺍﺍ
ﻟﻤﺎ ﺗﻔﺮﺡ ﺑﻨﺴﻰ ﺣﺰﻧﻲ
ﻭﻟﻤﺎ ﺗﺒﻜﻲ ﻳﺰﻳﺪ ﺑﻜﺎﻳﺎﺍﺍﺍ
ﻟﻮ ﺗﻐﻴﺐ ﻓﻲ ﻟﺤﻈﻪ ﻋﻨﻲ
ﺗﻜﺘﺐ ﺍﻻﺷﻮﺍﻕ ﻏﻨﺎﻳﺎﺍﺍﺍ
ﻭﻳﻮﻡ ﺣﻀﻮﺭﻙ ﻱ ﺳﻤﻴﺮﻱ
ﺗﺒﻘﻰ ﻟﻴﺎ ﺍﻟﻔﺮﺣﻪ ﻏﺎﺍﺍﺍﻳﻪ
ﺍﺑﻘﻰ ﻋﺎﺭﻑ ﺍﻧﻲ ﺩﻭﻧﻚ
ﺯﻱ ﻣﺮﻳﺾ ﻣﺤﺘﺎﺝ ﺭﻋﺎﺍﺍﻳﻪ
ﻣﺎﺑﻌﻴﺶ ﻣﻦ ﻏﻴﺮ ﻋﻴﻮﻧﻚ
ﺍﻧﺖ ﺑﺲ ﺍﻣﻠﻲ ﻭﻣﻨﺎﻳﺎﺍﺍﺍ
ﻭﻛﻞ ﻣﺎ ﻓﻲ ﺍﻟﻘﺼﻪ ﺍﻧﻲ
ﻳﺎﺥ ﺑﺮﻳﻴﻴﻴﺪﻙ ﺩﻱ ﺍﻟﺤﻜﺎﻳﻪ
‏( ﻫﺠﻮﺭﻩ ‏

ومعاكا طال حد السعاده
الكان محااااال نمشيهو 
سكه بلااا رجوع
و معاك ازدهر الطريق 
الكان مقفل بمتاريس الجفا
المليان محكر بالدمووع
ومعاك بمشي المستحيل
واشعل اناملي تكون شموع
و معاك بتحدى الخلق
واسمع اوامرك دون نزوع
واركع عشان عينيك شكر
و ادعيهو ربك في خشوع

ﺑﺮﺿﻮ ﻟﻲ ﺍﻟﺼﺎﺑﺮ ﺗﻤﻦ
ﻟﻲ ﻋﻴﻮﻥ ﺍﺗﻮﺟﻌﻦ
ﻭﻟﻲ ﻛﻼﻡ ﻣﺤﺒﻮﺱ ﺯﻣﻦ
ﻟﻲ ﻗﻠﻮﺏ ﺍﺗﺤﻄﻤﺖ
ﺑﺎﻟﺤﺰﻥ ﻣﻠﻴﺎﻧﻪ ﻃﻦ
ﻭﻣﻬﻤﺎ ﻃﺎﻝ ﺍﻻﻧﺘﻈﺎﺭ
ﺍﺻﻠﻮ ﻡ ﺑﺨﻴﺐ ﻟﻴﻜﺎ ﻇﻦ
ﺗﻠﻘﻰ ﻳﻐﺸﺎﻙ ﺍﻟﻔﺮﺡ
ﻭﺗﻠﻘﻰ ﻛﻞ ﺍﻟﻘﺎﺳﻲ ﺣﻦ
ﺩﻱ ﺍﻟﺪﻧﻴﺎ ﺍﺻﻌﺐ ﺍﻣﺘﺤﺎﻥ
ﻭﻓﻴﻬﺎ ﺍﻧﺖ ﺍﻟﻤﻤﺘﺤﻦ
ﻳﺎ ﺗﻜﻮﻥ ﻣﺒﺸﺮ ﺑﺎﻟﻨﺠﺎﺍﺡ
ﻳﺎ ﺗﻤﺸﻲ ﻓﻲ ﺩﺭﺏ ﺍﻟﻤﺤﻦ
ﻭﺍﻧﺖ ﺍﻟﻌﻠﻴﻚ ﺍﻻﺧﺘﻴﺎﺭ
ﻳﺠﺮﻥ ﺩﻣﻮﻉ ﻋﻴﻨﻴﻚ ﻓﺮﺡ
ﻭﻓﻲ ﺍﻟﺨﺪﻭﺩ ﻳﺪﻓﻘﻦ
ﻳﺎﺍﻳﻤﺎ ﻳﻤﻼﻫﺎ ﺍﻟﺤﺰﻥ
ﻭﺑﺪﻭﻥ ﺷﻌﻮﺭ ﻳﺒﻘﻦ ﺟﺮﻥ

ﻣﺮﺕ ﺳﻨﻴﻦ ﻭﺍﻟﻨﺎﺱ ﻣﺤﺎﻝ ﻳﺘﻐﻴﺮﻭ
ﻭﻣﻀﻦ ﻋﻬﻮﺩ ﻭﺍﻟﻨﺎﺱ ﺑﺨﻮﻧﻮ ﻭﻳﺨﺪﻋﻮ
ﻭﻡ ﻛﻞ ﻣﻼﻙ ﻛﺎﻳﻦ ﻇﺮﻳﻒ ﻭﻡ ﻛﻞ ﺯﻭﻝ ﺑﺘﻮﻗﻌﻮ ﻭﺍﻟﻨﺎﺱ ﺑﺘﺠﺮﺡ ﻓﻲ ﺍﻟﻀﻤﻴﺮ ﻭﻳﻜﺴﺮﻭ ﻗﻠﺒﻚ ﻳﻮﺟﻌﻮ ﻭﻓﻲ ﺯﺣﻤﻪ ﻭﺳﻂ ﺍﻟﻔﻴﻦ ﺧﻠﻖ ﺑﻜﻠﻤﻪ ﻣﻤﻜﻦ ﻳﺠﺮﺣﻮ ﻭﻳﺘﻨﺎﺳﻮ ﻛﻞ ﺍﻟﻜﺎﻥ ﺯﻣﺎﻥ ﻓﻲ ﻟﺤﻈﻪ ﻣﻤﻜﻦ ﻳﻤﺴﺤﻮ ﺻﺪﻗﻨﻲ ﻳﺎﺥ ﺍﻟﻨﺎﺱ ﻛﺪﺍ ﺳﺎﻣﺢ ﺍﻻﺯﺍﻙ ﻭﺍﺳﺘﺴﻤﺤﻮ ﺍﻟﻠﻴﻠﻪ ﻋﺎﻳﺶ ﺑﻌﺪﻭ ﻻ ﻳﻮﻡ ﺑﻜﺮﺍ ﻡ ﺍﻇﻦ ﺗﻠﺤﻘﻮ ﺳﺎﻣﺢ ﺗﻌﻴﺶ ﻣﺮﺗﺎﺡ ﺿﻤﻴﺮ ﻻ ﺣﺴﺮﻩ ﻻ ﻋﻴﻮﻥ ﻳﺪﻣﻌﻮ ﻭﺻﺪﻗﻨﻲ ﻳﺎﺥ ﺍﻟﺨﻴﺮ ﻛﺘﻴﺮ ﺭﺏ ﺍﻟﺨﻼﺋﻖ ﻭﺯﻋﻮ ﻭﻡ ﻛﻠﻮ ﺯﻭﻝ ﻓﻲ ﺍﻟﺪﻧﻴﺎ ﺻﺎﺡ ﻭﻡ ﺍﻱ ﺯﻭﻻ ﺗﺘﺒﻌﻮ ﻣﺎﻧﺎﺱ ﻛﺘﺎﺭ ﻋﺎﺷﻮ ﺍﻟﻌﻤﺮ ﻭﻓﻲ ﻟﺤﻈﻪ ﻣﻨﻨﺎ ﻭﺩﻋﻮﻭ ♡ ﻭﺍﻟﻌﻔﻮ ﻭﺍﻟﻌﺎﻓﻴﻪ ﻟﺠﻤﻴﻴﻴﻴﻴﻊ 2020♡ ﺍﺣﻠﻰ ﻣﻌﺎﻛﻢ

ﺩﺍ ﺍﻟﻌﺬﺍﺏ ﺍﻟﺠﺎﻱ ﻣﻨﻚ
ﺍﺻﻠﻮ ﻣﺎ ﺍﺗﻮﻗﻌﺖ ﻳﻮﺻﻞ
ﻭﺍﻟﻌﻴﻮﻥ ﺍﻟﺮﺍﺟﻴﻪ ﺷﺨﺼﻚ
ﻓﻲ ﺍﻟﻨﺠﻮﻡ ﺑﺘﻌﺪ ﻭ ﺗﺴﻬﺮ
ﻭﺍﻟﻘﻠﻴﺐ ﺍﻟﺪﻗﻪ ﻧﺒﻀﻮﻭ
ﻟﻤﺎ ﺯﺍﺗﻚ ﻟﻴﻬﻮ ﻳﻈﻬﺮ
ﺍﻣﺸﻲ ﻭﺍﺻﻞ ﻓﻲ ﻃﺮﻳﻘﻚ
ﺍﺻﻠﻮ ﺭﻳﺪﻙ ﺭﻳﺪ ﻟﻤﻈﻬﺮ
ﻭﺧﻠﻲ ﺯﻭﻵ ﻛﺎﻥ ﻋﺸﺎﻧﻚ
ﻳﻨﻜﺴﺮ ﻳﻮﻡ ﺍﻧﺖ ﺗﺰﻋﻞ
ﻭﻳﻨﺴﻰ ﻫﻢ ﺍﻟﺪﻧﻴﺎ ﻛﻠﻮﻭ
ﻟﻤﺎ ﺗﻤﺸﻲ ﻋﻠﻴﻬﻮ ﺗﻮﺻﻞ
ﻭﺩﺍ ﺍﻟﻌﺬﺍﺏ ﺍﻟﺠﺎﻱ ﻣﻨﻚ
ﺍﺻﻠﻮ ﻣﺎﺍﺗﻮﻗﻌﺖ ﻳﻮﺻﻞ

ﻳﻐﻠﺒﻨﻲ ﺍﻟﻜﻼﻡ ﻟﻤﻦ ﺣﺮﻭﻓﻚ ﺗﻄﻠﻊ
ﻭﻳﻐﻤﺮﻧﻲ ﺍﻟﺴﻜﻮﺕ ﻳﺘﻬﻨﻰ ﺑﻴﻚ ﺍﻟﻤﺴﻤﻊ
ﻭﻳﻮﻡ ﺍﻧﺖ ﺑﺘﻐﻴﺐ ﺍﻟﻌﻴﻦ ﺑﺘﺰﺭﻑ ﺗﺪﻣﻊ
ﻭﺗﺘﺮﺟﺎ ﺍﻟﻜﺮﻳﻢ ﺑﺴﺮﻋﻪ ﺷﺨﺼﻚ ﻳﺮﺟﻊ
ﻓﻲ ﻭﻗﺖ ﺍﻟﺸﺮﻭﻕ ﺑﻠﻘﺎﻙ ﻧﻮﺭﻙ ﻳﺼﻄﻊ
ﻭﻓﻲ ﻭﻗﺖ ﺍﻟﻐﺮﻭﺏ ﺷﺎﻳﻔﻚ ﻧﺠﻮﻣﺎ ﺗﻠﻤﻊ
ﺷﺎﻛﺮ ﺭﺑﻲ ﻓﻴﻚ ﺷﺎﻥ ﻓﻀﻠﻮ ﺍﺳﺠﺪ ﻭﺍﺭﻛﻊ

ﻣﺎﻗﺒﻴﻞ ﻗﻮﻟﻨﺎ ﻟﻴﻚ
ﺧﻠﻴﻚ ﻣﻌﺎﻧﺎ ﺑﺘﺮﺑﺢ
ﺑﺘﺴﻤﻊ ﻣﻦ ﻋﺰﻭﻝ
ﻛﻞ ﻣﺮﻩ ﻟﻴﻨﺎﺑﺘﺠﺮﺡ
ﻓﺎﻛﺮﻧﺎ ﺑﻨﺨﻮﻥ ﻭﻓﻲ
ﺍﻟﻌﻮﺍﻃﻒ ﻧﻤﺰﺡ
ﻭﻣﺎﺧﺪﻧﻚ ﺭﻫﻴﻴﻦ
ﻧﺨﺘﺎﻙ ﻣﻨﻚ ﻧﺴﺮﺡ
ﺩﻳﻞ ﻧﺤﻨﺎ ﺍﻟﻘﺒﻴﻴﻴﻞ
ﻓﻲ ﻭﺵ ﺍﺯﺍﻙ ﺑﻨﺒﺢ
ﻭﺑﺮﺿﻮ ﺍﺣﻨﺎﺍﻟﻘﺒﻴﻴﻞ
ﻛﺎﻥ ﺷﻮﻓﻨﺎ ﺷﺨﺼﻚ
ﻧﻔﺮﺡ ﻭﺩﺍﻳﺮﻳﻦ ﻟﻴﻚ
ﻧﻘﻮﻝ ﻭﻛﻢ ﺳﺆﺍﻵ ﻧﻄﺮﺡ
ﻟﻴﻪ ﻛﻞ ﺍﻟﺴﻨﻴﻦ ﻑ ﺍﻟﺮﻳﺪﻩ
ﻟﻴﻨﺎ ﺑﺘﺸﺮﺡ ﻭﻣﺜﻠﺖ ﺍﻟﻐﺮﺍﻡ
ﻭﻗﻠﺒﻨﺎ ﻛﺎﻥ ﺍﻟﻤﺴﺮﺡ

ﻣﻜﺴﻮﺭ ﺍﻟﺠﻨﺎﺡ ﺗﺐ ﺭﺑﻮ ﻣﺎﺑﻨﺴﺎﻫﻮ
ﻣﻌﺴﻮﻝ ﺍﻟﻠﺴﺎﻥ ﻛﻞ ﺍﻟﺨﻠﻮﻕ ﺩﺍﻳﺮﺍﻫﻮﻭ
ﺧﺒﺜﺎﻥ ﺍﻟﻨﻔﻮﺱ ﺣﺎﻳﻼﻗﻲ ﺭﻭﺣﻮ ﺑﺮﺍﻫﻮ
ﻭﻃﻴﺒﺎﻥ ﺍﻟﻘﻠﺐ ﺭﺑﻚ ﺑﺼﻮﻥ ﻳﺮﺍﻋﺎﻫﻮ
ﺍﻟﻌﺎﺵ ﺑﺎﻟﻜﻌﺐ ﺍﻟﻔﺮﺣﻪ ﻣﺎ ﺗﻄﺮﺍﻫﻮ
ﻭﺍﻟﻌﺎﺵ ﺑﺎﻟﺴﻤﺢ ﻳﻠﻘﻰ ﺍﻟﺴﻌﺎﺩﻩ ﻣﻌﺎﻫﻮﻭ

ﺍﻏﻨﻴﻪ ﺍﻟﻘﺮﺍﺭ
ﻛﻠﻤﺎﺕ ﺍﻟﺸﺎﻋﺮﻩ ﻫﺎﺟﺮ ﺑﺖ ﻛﺴﻼ
ﺍﻟﺤﺎﻥ ﺍﻟﺸﺎﻋﺮ ﺑﺸﻴﺮ ﻋﻠﻲ ﺍﻟﺤﺎﺝ
ﻳﻮﻡ ﺍﻧﺖ ﺍﺻﺪﺭﺗﺎ ﺍﻟﻘﺮﺍﺭ
ﻭﺗﻨﺴﺎﻧﻲ ﻛﺎﻥ ﺍﻻﺧﺘﻴﺎﺭ
ﻋﺸﺶ ﻋﻠﻰ ﺣﻠﻤﻲ ﺍﻟﻐﺒﺎﺭ
ﺣﺎﻛﻢ ﻋﻠﻰ ﺭﻭﺣﻲ ﺍﻟﻮﺩﺍﺭ
ﺻﺪﻗﻨﻲ ﻳﺎﺥ ﺍﻟﻔﺮﻗﻪ ﻧﺎﺍﺍﺍﺭ
ﻭﺍﺻﻌﺐ ﺷﻌﻮﺭ ﺍﻻﻧﻜﺴﺎﺭ
ﻓﺎﺭﻕ ﻣﻌﺎﻙ . ﺑﺠﺪ . ﺍﻧﺎ
ﻓﺎﺭﻗﺎﺕ ﻣﻌﺎﻛﺎ ﺳﻨﻴﻦ ﻣﻨﻰ
ﻭﺍﻟﺮﻳﺪﻩ ﺣﻘﺖ ﻛﻢ ﺳﻨﻪ
ﻗﻮﻝ ﻟﻴﺎ ﻳﺎﺥ ﺑﺎﺍﺧﺘﺼﺎﺭ
ﻫﻞ ﻛﻨﺖ ﻓﻲ ﺑﺎﻟﻚ . ﺍﻧﺎ
ﻫﻞ ﻋﺸﺖ ﻓﻲ ﻗﻠﺒﻚ ﻫﻨﺎ
ﺍﻭﺑﻴﻨﻲ ﻣﺎﺑﻴﻨﻚ ﺳﺘﺎﺍﺍﺍﺍﺭ
ﺟﺎﻓﻴﻨﻲ ﻟﻴﻪ ﺣﺎﺻﻞ ﺷﻨﻮ
ﺩﻳﻞ . ﺑﺎﻟﻜﻼﻡ ﺍﺗﻤﻜﻨﻮﻭ
ﻭﺑﺎﻟﺸﻴﻨﻪ ﺭﺍﺳﻚ ﺯﻳﻨﻮﻭ
ﺍﺧﺘﺎﺭﻭ ﻟﻴﻚ ﺍﻻﻧﻔﺼﺎﺍﻝ
ﻣﺎﺑﺠﺒﺮﻙ ﺍﺻﻼ . ﻋﻠﻲ
ﻳﺎﺍﺍﺥ ﻣﻨﻲ ﻟﻴﻚ ﺍﻻﻋﺘﺬﺍﺭ
ﺍﻟﻜﻨﺖ ﻗﺎﻳﻠﻮ ﺣﻘﻴﻘﻪ ﺭﻳﺪ
ﻓﻲ ﻟﺤﻈﻪ ﺍﺗﺤﻮﻝ ﻫﻈﺎﺍﺍﺭ