ﺍﻟﻴﺘﻴﻢ
ﻗﻠﺒﻰ ﺍﻟﻤﻦ ﺣﻨﺎﻧﻮ ﺑﻴﺴﻘﻱ ﻣﺎﻟﻮ ﻣﻦ ﺍﻟﺤﻨﺎﻥ ﻣﺤﺮﻭﻡ
ﻭﺍﺻﺒﺢ ﺯﻯ ﻳﺘﻢ ﻓﺎﻗﺪ ﺍﻣﻮ ﻣﻦ ﺍﻭﻝ ﺳﺒﻮﻉ ﻣﻔﻄﻮﻡ
ﺍﻟﻨﺎﺱ ﺑﺎﻟﺤﻈﻮﻅ ﺗﺘﻬﻨﻰ ﻣﺎﻟﻰ ﺍﻧﺎ ﺣﻈﻰ ﻋﺎﺛﺮ ﻭﺷﻮﻡ
ﻭﺍﻟﺰﻭﻝ ﻣﺎﺑﻴﻔﻮﺗﺎ ﻗﺴﻤﺘﻮ ﻻﺯﻡ ﻧﺮﺿﻰ ﺑﺎﻟﻤﻘﺴﻮﻡ
ﺩﻧﻴﺎﻯ ﻣﺎﻻ ﺟﺎﻳﺮﻯ ﻋﻠﻴﺎ ﻓﻴﻬﺎ ﻣﺼﻴﺮﻯ ﻣﺎ ﻣﻔﻬﻮﻡ
ﺍﺻﻠﻬﺎ ﻟﻮ ﺗﺪﻭﻡ ﻟﻰ ﺳﻴﺪﺍ ﻛﺎﻧﺖ ﻟﻠﻘﺒﻠﻨﺎ ﺗﺪﻭﻡ ﺟﻴﺖ ﻻﻫﻠﻰ ﺍﻟﻜﺒﺎﺭ ﺩﺍﻳﺮ ﺍﺷﻜﻰ ﻗﻠﺖ ﺑﻴﻨﺼﺮﻭ ﺍﻟﻤﻈﻠﻮﻡ
ﻗﺎﻟﻮﻟﻰ ﻗﺒﻞ ﻣﺎ ﺍﺣﻜﻰ ﻏﻠﻄﺎﻥ ﻛﻠﺖ ﺣﺪ ﺍﻟﻠﻮﻡ ﺑﺲ ﻛﺎﻥ ﻗﺼﺪﻯ ﺍﻓﺮﺡ ﻣﺮﻩ ﻟﻮ ﻛﺎﻥ ﻓﻰ ﺍﻟﻌﻤﺮ ﻓﺪ ﻳﻮﻡ
ﺍﺳﻌﺪ ﺑﻰ ﻟﻘﺎﻙ ﻭﺍﺗﻬﻨﻰ ﺍﺭﻗﺪ ﺍﺿﻮﻕ ﺣﻼﻭﺓ ﺍﻟﻨﻮﻡ
ﺍﻟﻬﻢ ﻟﻰ ﺯﺭﻉ ﺗﻴﺮﺍﺑﻮ ﺟﻮﻩ ﻗﻠﻴﺒﻰ ﺩﺍﻳﺮﻭ ﻳﻘﻮﻡ ﻓﻌﻼ ﻗﺎﻡ ﻭﺩﻟﻰ ﻓﺮﻭﻋﻮ ﺷﺎﻟﺖ ﻭﺣﺘﺖ ﺍﻟﺨﺮﻭﻡ ﻭﺍﺩﻳﺎ ﺍﻟﻤﺨﺮﻑ ﺩﺍﺟﻰ ﻣﺎ ﻇﻠﺖ ﺳﻤﺎﻫﻮ ﻏﻴﻮﻡ ﻭﺍﻟﺼﻴﺪ ﺍﻟﺒﻴﺮﺩﻭ ﻋﺸﻴﻰ ﻃﻔﺸﻮ ﻣﻦ ﺣﺪﺍ ﺍﻟﺒﻌﺸﻮﻡ
ﺭﻭﺿﻰ ﺍﻟﺪﺍﺑﻮ ﻓﺘﺢ ﺯﻫﺮﻭ ﻣﺎﻟﻮ ﺑﻘﺖ ﻃﺮﺍﻭﺗﻮ ﺳﻤﻮﻡ
ﻃﻮﻝ ﻻﺑﻴﺸﻮﻑ ﻃﻴﺮ ﺟﻨﻰ ﻭﺍﻻ ﻓﺮﺍﺷﻪ ﻓﻮﻗﻮ ﺗﺤﻮﻡ
ﺍﺳﻜﺖ ﻳﺎﻗﻠﺐ ﻻ ﺗﺒﻜﻰ ﺗﻜﺸﻒ ﺳﺮﻙ ﺍﻟﻤﻜﺘﻮﻡ ﺍﻟﻔﺎﺕ ﻟﻮ ﺑﺠﻴﺒﻮ ﺑﻜﺎﻛﺎ ﻣﺎ ﻛﺎﻥ ﻟﻰ ﺳﻜﺎﺗﻨﺎ ﻟﺰﻭﻡ ﻋﻮﻡ ﻭﻗﺖ ﺍﺻﻠﻚ ﺍﺗﺒﻠﺒﻠﺖ ﻭﺍﻻﺗﺒﻼ ﺍﺧﻴﺮﻟﻮ ﻳﻌﻮﻡ ﻋﻮﻡ ﻭﺍﻧﺖ ﻋﺎﺭﻑ ﺍﻝ ﷲ ﺯﺍﺭﻋﺎ ﻓﻰ ﺍﻟﺤﺠﺮ ﺑﺘﻘﻮﻡ

ﻋﻔﺎﻑ
ﻋﻴﺪ ﻣﻴﻼﺩﻱ ﻳﻭﻡ ﻭﻟﺪﻭﻛﻲ ﻳﻮﻡ ﺳﻤﺎﻛﻲ ﺍﺑﻮﻛﻲ ﻋﻔﺎﻑ
ـ ﺍﻟﻴــﻮﻡ ﺩﺍﻙ ﺍﻧــﺎ ﺍﺻﻠﻲ ﻓﺮﺣﺖ ﻓﺮﺡ ﺍﻟﺤﺠﺔ ﻣﻜﺔ ﻭﻃــﺎﻑ
ﺑﻲ ﻓــﺎﺭﻕ ﺍﻟﺼﺒﺮ ﺭﺍﺟﻴﻬـﻮ ﺷﻬـﺮﻙ ﺷــﺎﻥ ﻳﻬﻞ ﻳﻨﺸــﺎﻑ
ﺃﺷــﻮﻓــﻚ ﻭﻣﻨـﻚ ﺍﺧﺬ ﺯﺍﺩﻱ ﻭﺍﻣﺸﻲ ﺍﻟﺪﻳـﺮ ﻣﻊ ﺍﻟﻌﻜــﺎﻑ
ﻣـــﺎﻙ ﺷﻴﻪ ﺍﻟﺮﻗﻴﺺ ﻓﻲ ﺍﻟﺪﺍﺭﺓ ﻟﻲ ﻧــﺎﺳﺎً ﻗﻠﻮﺑﺎ ﺭﻫــﺎﻑ
ﺍﻟﻔﻲ ﺍﻟــﺪﺍﺭﺓ ﻓﻴـــﻚ ﻣــﺎ ﺍﺗﻜﻔﻲ ﻭﺍﻟﻮﺭﺍ ﻻ ﺳﻤﻊ ﻻ ﺷــﺎﻑ
ﺟﻴﺪﻱ ﺭﻗﻴﺼـﻚ ﺍﺑﺪﻋﻲ ﻓﻴﻬﻮ ﻭﺭﻱ ﻣﻦ ﺍﻟﻔﻨـﻮﻥ ﺍﺻﻨـﺎﻑ
ﻧـــﻮﻋﻲ ﻟــﻮﻋﻴﺒــﻮ ﻗﻠﻮﺑﻨـــﺎ ﻣـــﺎ ﻧﺸﻔﺘــﻲ ﺭﻳﻘﻨـﺎ ﻧﺸــﺎﻑ
ﺍﻟﺤﻀــﺮ ﺍﻟﻌﻘـﺪ ﺷــﺎﻝ ﺣﻘـﻮ ﻭﺍﻧـﺎ ﻭﺍﺑﻠﻴﺲ ﻃﻠﻌﻨﺎ ﻧﻀـﺎﻑ
ﺍﺑﻠﻴﺲ ﻣـــﺎ ﻗﺪﺭ ﻏﺸــﺎﻩ ﻭﺍﻧﺎ ﺍﺻﻠﻲ ﺑﻘﻴﺖ ﻣﺪﺭﻭﺵ ﻭﻻﻑ
ﻗﻠﺒـﻲ ﻋﻠﻴﻜﻲ ﺍﺣــﻦ ﻣﻦ ﺍﻣﻲ ﻗﻠﺒــﻚ ﻟﻴﻪ ﻣﻌــﺎﻧﺪ ﻭﺟـــﺎﻑ
ﻭﺍﻻ ﺍﺻﻠﻚ ﻗﺼﺪﺗﻲ ﻫﻼﻛﻲ ﺩﺭﺗﻲ ﻫﻮﺍﻱ ﻳﻤﻮﺕ ﺳﻔﺴﺎﻑ
ﻋﻨﺘﺮ ﺟﺎﺀ ﺍﻟﺴﺠﻦ ﺷـــﺎﻥ ﻋﺒﻠﺔ ﻣﺴﻜﻴﻦ ﻣﺎ ﻟﻘﻲ ﺍﻻﻧﺼﺎﻑ
ﻭﻏﻴﺚ ﻫـــﺎﺟﺮ ﻗﺼــﺪ ﺩﺍﺭ ﻟﻴﻠــﻲ ﻏﻴــﺮﻥ ﺯﻱ ﺑـﺎﻻﻻﻑ
ﻋﻴـــﻦ ﺍﺳﻤــﻚ ﻋﺒــﺪﺗﻮ ﻋﺒـﺎﺩﻩ ﻫﻮ ﺍﻟﻨﺴﺎﻧﻲ ﺣﺮﻑ ﺍﻟﻜﺎﻑ
ﻭﻗﻠﺒﻲ ﺍﺻﺒﺢ ﻫﻮﻫﻮ ﻫﻮﺍﻛﻲ ﻃﻠﻖ ﻧﺎﺱ ﺳﻌـــﺎﺩ ﻭﺇﻟﻄــﺎﻑ
ﻋﺸـــﺎﻥ ﻭﺩ ﻋﻴﻨــﻚ ﺍﺑﺎ ﻳﺘــﻼﻗﻲ ﻟﻠــﺰﻭﻝ ﺍﻟﺸﻨـﺎﺑﺮﻭ ﺧﻔﺎﻑ
ﺍﻗﺮﺏ ﺩﺍﺭ ﺍﻛﻮﻥ ﻓﻲ ﺡﻤﺎﻫﻮ ﺍﺻﻞ ﻻﺣﺪ ﺣﻤﻮﻫﻮ ﻭﺍﺧﺎﻑ

ﺯﻫــــــــــﺮﺓ ﺍﻟﻌﺒـﺎﺩ
ﻻ ﺗﻘﻮﻟﻲ ﻟﻲ ﺧﺎﻳﻔﺔ ﻋﻠﻴﻚ ‏)
ﻟﺤﻦ ﻭ ﻏﻨﺎﺀ : ﻃـــــﺎﺭﻕ ﺍﻟﻌـــــــﻮﺽ
ﻻﺗﻘﻮﻟﻲ ﻟﻲ ﺧﺎﻳﻔﻪ ﻋﻠﻴﻚ ﻟﻮ ﺍﺻﻠﻚ ﺗﺨﺎﻓﻲ ﻋﻠﻲ
ﺍﺭﺟﻌﻲ ﺗﺎﻧﻲ ﺟﻴﺒﻲ ﺍﻟﻨﺎﺭ ﺣﻤﻲ ﻭﻃﺒﻘﻲ ﻟﻲ ﺍﻟﻜﻲ
ﻏﻠﻔﻲ ﻧﺠﻀﻴﻪ ﺗﻤﺎﻡ ﻋﺸﺎﻥ ﻣﺎ ﻳﺒﻘﻲ ﺟﺮﺣﻚ ﻧﻲ
ﺍﺻﻠﻲ ﺍﻧﺎ ﺑﺎﻗﻲ ﻣﺖ ﺯﻣﺎﻥ ﻣﺎ ﻓﻀﻞ ﻟﻲ ﺿﻔﺮﺍ ﺣﻲ
ﺟﺴﻤﻲ ﻭﺣﺎﺕ ﻣﻌﺰﺗﻲ ﻟﻴﻚ ﺍﻧﺸﻮ ﻯ ﻓﻮﻕ ﻟﻬﻴﺒﻚ ﺷﻲ
ﻗﻠﺒﻲ ﻣﺰﻳﻨﺎﺑﻮ ﺍﻳﺪﻳﻜﻲ .. ﻃﺎﻭﺍﻫﻮ ﻭﺳﻂ ﺿﻔﺎﻳﺮﻙ ﻃﻲ
ﺟﻤﺎﻟﻚ ﻣﺎﻓﻲ ﺯﻳﻮ ﺷﺒﻴﻪ ﻭﺯﻳﻚ ﺯﻳﻮ ﻣﺎ ﺍﺗﻠﻘﻰ ﺯﻱ
ﻭﺣﺎﺗﻚ ﺩﺧﺖ ﺑﺎﻟﺘﻨﺒﻴﻪ ﻭﻓﺘﺸﺖ ﺍﻟﺒﻠﺪ ﺣﻲ .. ﺣﻲ
ﺻﻔﺎﺭﻙ ﺯﻫﺮﺓ ﺍﻟﻌﺒﺎﺩ .. ﻣﻔﺮﻗﺔ ﻓﻮﻕ ﺗﺮﻋﺖ ﺍﻟﺮﻱ
ﺻﻮﺗﻚ ﻗﻠﺒﻲ ﻳﺴﻤﻌﻮ ﻭﻳﻮﻋﺎﻩ ,, ﻗﺒﺎﻝ ﻳﺴﻤﻌﻨﻮ ﺍﺿﻨﻲ
ﺍﺻﻨﻘﺮ ﻏﺎﺩﻱ ﺍﺳﻬﻲ ﺑﺮﺍﻱ ﻭﺍﻓﻜﺮ ﻓﻲ ﺍﻟﺨﻠﻮﻕ ﺣﻮﺍﻟﻲ
ﺍﺣﺎﻭﻝ ﺍﺷﻴﻞ ﻫﻤﻮﻡ ﺍﻟﻨﺎﺱ ﻫﻤﻮﻣﻲ ﻣﻨﻮ ﺍﻟﺒﺸﻴﻠﻦ ﻟﻲ
ﺍﻋﺎﻟﺞ ﻓﻲ ﺟﺮﻭﺡ ﺍﻟﻐﻴﺮ ﻧﺴﻴﺖ ﺃﻟﻢ ﺍﻟﺠﺮﻭﺡ ﺍﻟﺒﻲ
ﻣﺮﺓ ﺍﺿﺤﻚ ﻭﺍﻏﻨﻲ ﺑﺮﺍﻱ ﻭﻣﺮﺍﺕ ﺍﺑﻜﻲ ﻣﻨﻲ ﻭﻟﻲ
ﻣﺮﺓ ﺍﻣﺴﻚ ﻟﻲ ﻓﻲ ﻓﺪ ﻛﻠﻤﺔ ﺍﺭﺩﺩﻫﺎ ﻣﺘﻞ ﺍﺑﻮ ﺍﻟﺘﻲ ﺗﻲ
ﻣﺮﺓ ﺍﻛﺒﺮ ﻭﺃﺟﺊ ﺍﺻﻐﺮ ﺗﺎﻧﻲ ﻭﺍﺻﻐﺮ ﻟﻤﻦ ﺍﺑﻘﻲ ﺟﻨﻲ
ﻣﺮﺓ ﺍﺷﻮﻑ ﺭﻗﺒﺘﻲ ﻋﺮﻳﺲ ﻳﻬﺰﻭﺍ ﻣﻌﺎﻱ ﺍﻟﻒ ﺻﺒﻲ
ﺍﺷﻮﻑ ﻛﺮﺳﻴﻜﻲ ﻓﻮﻕ ﺍﻟﻜﻮﺷﺔ ﻭﺍﻧﺘﻲ ﺗﺮﻗﺼﻲ ﺑﻴﻦ ﺍﻳﺪﻱ
ﻛﻠﻮ ﻳﺮﻭﺡ ﻭﺍﻻﻗﻲ ﺭﻗﺒﺘﻲ ﻓﻮﻕ ﻛﻮﺷﺔ ﺭﻣﺎﺩ ﻭﺣﺼﻲ

ﻗﺼﺮﻳﻬﺎ ﻋﻴﻮﻧﻚ ﺷﻮﻳﻲ
================
ﻗﺼﺮﻳﻬﺎ ﻋﻴﻮﻧﻚ ﺷﻮﻱ ﻭﺍﺑﻘﻲ ﻣﻦ ﻭﺩ ﻋﻴﻨﻚ ﺍﺭﺣﻢ
ﻻﺗﻘﺒﻠﻲ ﻗﻮﺳﻦ ﻋﻠﻲ ﻣﺎﺑﻄﻴﻖ ﻣﻨﻬﺎ ﻓﺪ ﺳﻬﻢ
ﻳﻮﻡ ﺳﻮﺍﺩﻩ ﻳﻼﻗﻲ ﻋﻴﻨﻲ ﺍﺑﻘﻲ ﺍﻧﺎ ﻭﻫﻲ ﺍﻟﻨﺎﺭ ﻭﺍﻟﺸﺤﻢ
ﻭﻳﻮﻡ ﻳﻐﻴﺒﻦ ﺍﻛﻮﻥ ﻻﻧﻲ ﺣﻲ ﻻﻧﻲ ﻣﻴﺘﺎ ﻗﺎﻃﻊ ﺍﻟﻌﺸﻢ
ﻏﻴﺮ ﺗﺸﻮﻓﻨﻲ ﻭﺍﺷﻮﻓﻪ ﺷﻦ ﻟﻲ ﻭﺍﺑﺪﺍ ﻓﺮﺣﺎ ﻋﺎﻗﺒﻮ ﺍﻟﻨﺪﻡ
ﻭﺍﻟﻠﺤﺎﻅ ﺍﻟﺒﺎﺭﻭﺩﻩ ﺣﻲ ﻛﻴﻒ ﺗﺸﻮﻓﻨﻲ ﻭﺍﺷﻮﻓﻪ ﻭﺍﺳﻠﻢ
ﻳﺎﺣﻔﻴﺪﺓ ﺷﻴﺨﻨﺎ ﺍﻟﻬﺪﻱ ﻣﺎﻓﻲ ﻣﻦ ﺯﻳﻚ ﺗﺎﻧﻲ ﻛﻢ
ﺟﻞ ﻓﻴﻜﻲ ﺍﻟﻮﺍﺣﺪ ﺍﻟﺤﻲ ﻭﺟﻞ ﻣﻦ ﺳﻮﺍﻙ ﻣﻦ ﻋﺪﻡ
ﻗﻮﻟﻲ ﻟﻤﻚ ﻗﻮﻟﻲ ﺟﻴﺪﻟﻲ ﺑﺘﻲ ﺟﺎﺑﺘﻠﻲ ﺍﻛﺒﺮ ﺭﻗﻢ
ﻭﻗﻮﻟﻲ ﻓﻴﻚ ﻣﺎﻗﻠﺘﻮ ﻓﻮﻕ ﻧﻲ ﻳﺎﻛﻲ ﺑﺲ ﻭﺍﻟﺒﻌﺪﻙ ﻭﻫﻢ
ﺧﺎﻓﻲ ﺭﻳﻚ ﻭﺭﺣﻤﺎﻛﻲ ﺑﻲ ﻳﺎﻧﻲ ﺯﻭﻝ ﺯﻳﻚ ﻟﺤﻢ ﻭﺩﻡ
ﻣﺎ ﺍﻇﻨﻲ ﺭﻗﺪﺕ ﺍﻡ ﻗﻔﻲ ﻳﻮﻡ ﺧﻠﻔﺖ ﻗﺪﻡ ﻓﻮﻕ ﻗﺪﻡ
ﻣﺎ ﺍﻟﻘﻠﻴﺐ ﺍﻟﻤﻜﺘﻮﺏ ﺷﻘﻲ ﺻﺤﻔﻮ ﺟﻔﺖ ﻭﺭﻓﻊ ﺍﻟﻘﻠﻢ

ﻳﺎﻗﻠﺒﻲ ﺍﻧﺖ ﺑﺎﻗﻲ ﻋﻨﻴﺪ ﻭﺍﻧﺎ ﺍﻥ ﻃﺎﻭﻋﺘﻚ ﺍﺑﻘﻲ ﺑﻠﻴﺪ
ﻭﺍﻛﻮﻥ ﺯﺍﺗﻲ ﺑﺘﺼﻨﻊ
ﺣﺪﻭﺩﻱ ﻣﻌﺎﻙ ﻟﺤﻮﻕ ﺍﻟﻠﻴﺪ ﻭﻣﺎﻟﻲ ﺑﺎﻟﺘﺴﻮﻱ ﺑﻌﻴﺪ
ﻳﻤﻴﻦ ﻻ ﺍﺗﻤﻄﺎ ﻻﺑﻔﻠﻊ
ﻣﻦ ﺯﻣﻨﻲ ﺍﻟﺒﺘﺎﺗﻲ ﻭﻟﻴﺪ
ﺑﺸﻮﻓﻚ ﺑﺎﺭﻱ ﺩﺭﺏ ﺍﻟﺮﻳﺪ
ﻭﺑﺮﺿﻚ ﺟﺎﺭﻱ ﻻﻫﺴﻊ
ﻗﻠﻮﺏ ﺍﻟﻨﺎﺱ ﻫﻮﺍﻫﺎ ﻭﺣﻴﺪ ﻫﻮﺍﻙ ﻛﺘﻴﺮ ﺑﻼﺗﺤﺪﻳﺪ
ﻭﺍﺑﻴﻴﺖ ﺗﺘﻜﻔﻲ ﻳﻮﻡ ﺗﻘﻨﻊ
ﻗﺪﻳﻤﻚ ﺣﺎﺑﻲ ﻣﻨﻮ ﺗﺤﻴﺪ
ﻭﺩﺍﻳﺮ ﺍﻟﺪﺍﺑﻮ ﺷﺒﺎ ﺟﺪﻳﺪ
ﻭﻻﺣﻖ ﺍﻟﻔﻲ ﺍﻟﺸﻄﺮ ﻳﺮﺿﻊ

ﻓﻼﻧﻲ
=======\\\\========
ﻓﻼﻧﻲ ﺍﻭﺻﺎﻓﺎ ﺩﺍﻳﺮ ﺍﺣﻜﻴﻬﺎ ﻟﻮ ﻛﺎﻥ ﺍﺻﻠﻲ ﺑﻘﺪﺭ ﺍﻗﻮﻻ
ﻭﺍﺑﺪﺃ ﻣﻦ ﺍﻟﻬﻮﺍ ﺍﻟﻘﺒﻼ ﻭﻏﻤﺎﻣﻪ ﺑﻴﻬﺎ
ﻣﻀﻠﻮﻟﻪ
ﻭﺍﻧﺰﻝ ﻓﻮﻕ ﺳﺒﻴﺐ ﺭﺍﺳﺎ ﺍﻟﺘﻤﻠﻲ ﺿﻔﺎﻳﺮﻭ
ﻣﻔﺘﻮﻻ
ﻗﺎﻟﻮ ﺟﺒﻴﻨﺎ ﻳﻘﺴﻢ ﺑﻜﺮﻩ ﻏﻴﺮﻱ ﻛﺘﺎﺭ
ﻳﻌﺪﻭﻻ
ﺣﺎﺟﺒﻪ ﺷﻔﻨﺎ ﺻﻤﻨﺎ ﻋﻠﻴﻬﻮ ﺟﻨﺘﻪ ﻧﺤﻦ ﺩﺭﻧﺎ
ﺩﺧﻮﻻ
ﻋﻴﻮﻥ ﻣﻔﺘﻮﺣﻪ ﻧﺺ ﺿﻠﻔﻪ ﻣﺪﻭﺭﻩ ﻧﺎﻋﺴﻲ
ﻣﻜﺤﻮﻻ
ﻋﻴﻮﻥ ﺍﻧﺎ ﺗﻬﺖ ﺑﻲ ﺩﺭﺑﺎ ﻭﻫﻲ ﺗﺎﻳﻬﻲ ﻭﺭﺍ ﺷﺒﺢ
ﺯﻭﻻ
ﺧﺪﻭﺩ ﺟﺎﺕ ﺷﻜﻮﻱ ﻣﻦ ﻭﺭﺩﻩ ﺑﺘﻘﻮﻝ ﺍﻟﻠﻮﻥ ﺩﻩ ﻣﻮ ﻫﻮﻻ
ﺧﺪﻭﺩ ﻧﻮﻧﺎﺗﻪ ﻣﺘﻼﻗﻲ ﻭﻣﺨﻠﻲ ﻋﻘﻮﻟﻨﺎ
ﻣﺼﻄﻮﻻ
ﺷﻔﺎﻳﻒ ﺗﺤﺴﺪﻩ ﺍﻟﻌﻨﺒﻪ ﺳﻤﺎﺣﺘﻪ ﻳﺎﺣﻼﺕ
ﻗﻮﻻ
ﺑﺪﻭﺭ ﻧﻀﻤﻪ ﻭﺑﺪﻭﺭ ﻃﻌﻤﻪ ﻭﻛﻼﻣﻪ ﺣﺮﻭﻓﻮ
ﻣﻌﺴﻮﻻ
ﻭﺟﻴﺪﺍ ﺑﻼ ﺍﻟﺠﺪﻱ ﺍﻟﺸﺎﻓﺖ ﺟﻮﻭ ﺻﻴﺎﺩﻳﻦ
ﻳﻠﺒﺘﻮﻻ
ﺑﻌﺪ ﺣﻠﻤﺎﺗﺎ ﻣﻦ ﻛﺘﻔﻪ ﺣﻠﺞ ﻣﺎ ﺧﻠﻪ
ﺻﺎﻣﻮﻻ
ﻣﻴﺰﺍﻥ ﺍﻟﻌﺪﺍﻟﻪ ﻛﺘﻮﻓﻪ ﻣﺴﺘﻮﻱ ﻣﺎﻫﺎ
ﻣﻬﺪﻭﻻ
ﻫﻲ ﺣﺎﻛﻤﻲ ﻋﻠﻴﺎ ﺑﺎﻻﻋﺪﺍﻡ ﺭﺟﻢ ﻭﺍﺣﻜﺎﻣﺎ
ﻣﻘﺒﻮﻟﻪ
ﻗﻨﺎﺑﻞ ﺟﺎﻫﺰﻱ ﻓﻮﻕ ﺳﺪﺭﺍ ﺍﻱ ﺭﻭﺡ ﻗﺪﺍﻣﻪ
ﻣﻜﺘﻮﻟﻪ
ﻳﻤﻴﻦ ﻟﻮ ﺷﻔﺘﻮ ﻧﻮﻉ ﻛﺘﻠﻦ ﺗﻬﺎﺟﺮﻭ ﺗﺠﻮ ﻭ
ﺗﻘﻴﻔﻮﻻ
ﻣﻘﺴﻤﻪ ﻓﻲ ﻭﺳﻂ ﺧﺎﺗﻢ ﻣﻀﻤﺮﻩ ﺟﺎﻳﻌﻲ
ﻣﻨﺤﻮﻟﻪ
ﺑﺨﺎﻑ ﻻ ﻳﻨﻜﺴﺮ ﺧﺼﺮﺍ ﺑﻘﺎﻟﻲ ﻗﻠﻴﻞ ﻋﻠﻲ
ﺟﻮﻻ
ﻳﺠﺮﻫﺎ ﺻﺎﺩﻱ ﺟﺮ ﻛﻔﻠﻪ ﻣﺘﻘﻠﻪ ﺯﺍﺩﻫﺎ
ﺣﻴﻤﻮﻟﻪ
ﻣﺸﻴﻬﺎ ﻣﺘﻞ ﻣﺸﻲ ﺍﻟﻮﺣﻼﻥ ﺗﺸﻮﻓﺎ ﺗﻘﻮﻝ ﻫﻲ ﻣﻮﺣﻮﻟﻪ
ﻓﻼﻧﻲ ﺍﻟﺠﻨﺔ ﺑﻲ ﺣﺎﻻ ﻭﺣﻼﻻ ﻭﻛﺖ ﺗﻘﻴﻒ
ﻃﻮﻻ
ﻓﻼﻧﻲ ﺍﻟﻨﺎﺭ ﻋﺬﺍﺑﺎﺗﻪ ﻭﺟﺤﻴﻤﺎ ﻭﻭﺣﺸﺘﻬﺎ
ﻭﻫﻮﻻ
ﻭﺭﺍﻫﺎ ﺍﻟﺜﺎﻧﻴﻪ ﺗﺘﻤﻄﻲ ﻭﺗﻜﻮﻥ ﺳﻨﻲ ﻛﺎﻣﻠﻲ
ﻻﺣﻮﻻ
ﺭﺳﺎﻟﻪ ﻣﻦ ﺍﻟﻠﻪ ﻟﻲ ﺧﻠﻘﻮ ﻟﻮ ﺍﺣﻨﺎ ﻓﻬﻤﻨﺎ
ﻣﺪﻟﻮﻟﺔ

ﻣﻌﺠﺒﻲ ﺍﻻﺳﺘـــﺎﺫ ﺍﻟﺸﺎﻋﺮ - ﺍﻟﺤﺎﺝ ﻣﺤﻤﺪ ﺳﺮ ﺍﻟﺨﺘﻢ