ﺁﻟﺸـﺂﻋﺮ / ﻋﻤـﺮﺁﻟﻄـﻴﺐ ﺁﻟﺪﻭﺵ
..
ﺩﻗّﺖْ ﺍﻟﺪَﻟّﻮُﻛَﻪْ
..
ﻗُﻠﻨﺎ ﺍﻟﺪﻧﻴﺎ ﻣﺎ ﺯﺍﻟﺖ ﺑﺨﻴﺮ
ﺃﻫﻮ ﻧﺎﺱ ﺗﻌﺮِّﺱ ﻭﺗﻨْﺒَﺴِﻂ
ﺗﻜْﻜَّﺖَ ﺑﺎﻟﺤﻨﻘﻮﻗﺔ ﺳﺮﻭﺍﻟﻲ ﺍﻟﻄﻮﻳﻞ
ﺳﻮﻳﺘْﻠُﻮ ﺭﻗﻌﺎﺕ ﻓﻰ ﺍﻟﻮﺳﻂ
ﻓﻰ ﺧﺸْﻢِ ﻋﻀّﻴﺖ ﺍﻟﻘﻤﻴﺺ
ﺃﺟﺮﻯ ﻭﺍﺯﺑّﺪ ﺷﻮﻕ ﻭﺍﻧُﻂ
ﻻ ﻣَﻦ ﻭﺻﻠﺖَ ﺍﻟﺤﻔﻠَﻪْ ﺯﺍﺣﻤﺖَ ﺍﻟﺨﻠﻖ
ﻭﺭﻛﺰْﺕَ
ﺷﺎﻥ ﺍﻟﺒِﺖْ ﺳُﻌﺎﺩ
ﺃﺻﻠﻰ ﻋﺎﺭﻑ ﺟِﻨَّﻬﺎ
ﻓﻰ ﺯﻭﻝ ﺑﻴﺮْﻛِﺰ ﻭﻳﻨْﺴَﺘِﺮ
ﻟﻜﻨِّﻰ ﻋﺎﺭِﻑ ﺇﻧَّﻬﺎ
ﻟﻮ ﻛﻠﻮ ﺯﻭﻝ ﻓﻰ ﺍﻟﺤﻠﺔ ﺑﺎﻟﺴُﺘْﺮَﻩْ ﺇﻧﺠَﻠَﺪ
ﻳﺎﻧﻰ ﺍﻵﺯﺍﻫﺎ ﻭﺟِﻨَّﻬﺎ
ﺑﺮْﺿِﻰ ﻋﺎﺭِﻑ ﺃﻇﻨَّﻬَﺎ
ﺩِﻳﻤﻪْ ﻓﻰ ﺻَﺮَّ ﺓ ﻭﺷﻴﻬَﺎ
ﻳﻠﻔﺤْﻨﻰ ﺷﻮﻕ ﻧﺎﻓِﺮ ﻟَﺒَﺪ
ﻭﺭﻛﺰْﺕَ ﻟﻠﺤُﺮﻗَﻪْ ﺍﻟﻤَﺸَﺖ
ﻓﻮﻕ ﺍﻟﻀﻠﻮﻉ ﺗِﺤﺖ ﺍﻟﺠِﻠﺪ
ﺿﻤّﻴﺖ ﻗﺰﺍﺯﺗﻰ ﻣﺮﻗﺖَ ﻋِﻦ ﻃَﺮَﻑ ﺍﻟﺒﻠﺪ
ﻭﺳِﻜﺮْﺕ ﺟَﺪْ
ﻭﺃﻧﺎ ﺟﺎﻳﻰّ ﺭﺍﺟﻊِ ﻣُﻨْﺘَﻬﻰ ﻻﻗﺘْﻨﻰ ﻫِﻰ
ﻗﺎﻟﺖ " ﺗﻌﺎﻝ "
ﻛِﺒْﺮَﺕْ ﻛُﺮﺍﻋﻰ ﻣﻦ ﺍﻟﻔﺮﺡ
ﻧُﺺ ﻓﻰ ﺍﻷﺭِﺽ ﻧُﺺ ﻓﻰ ﺍﻟﻨِّﻌﺎﻝ
ﺍﺗْﻠﺨْﺒَﻂ ﺍﻟﺸﻮﻕ ﺑﺎﻟﺰَّﻋﻞ
ﺍﺗْﺤَﺎﻭﺭﻭﺍ ﺍﻟﺨﻮﻑ ﻭﺍﻟﻜﻼﻡ
ﻫﻴْﻰ ﻳﺎ ﺳُﻌﺎﺩ
ﻋﻠﻰ ﻭﺩْ ﺳﻜﻴﻨَﻪْ ﻭﻛِﻠْﺘِﻲ ﻓﻲ ﺧﺸﻤﻮ ﺍﻟﺮﻣﺎﺩ
ﻋﻠﻲ ﻭﺩ ﺳﻜﻴﻨَﻪ ﻭﻣَﺎﺕ ﺃﺳﻰ
ﻭﺃﻧﺎ ﺑِﺖ ﺑﻼﻙ ﻣﻠْﻌُﻮﻥ ﺃﺑﻮﻯ
ﻟﻮ ﻛﻨﺖَ ﺃﺭْﺿَﻰ ﺃﻋﺮِّﺳﻬْﺎ
ﻭﺃﻧﺎ ﻳﺎ ﺳُﻌﺎﺩ
ﻭﻛﺘﻴﻦ ﺗﺼُﺒﻰ ﺳﺤﺎﺑَﻪْ ﺗَﻨْﺰِﻟﻲ ﺯﻱ ﺩُﻋﺎﺵ
ﺑﻔْﺮِﺵ ﻋﻠﻰ ﺭﻭﺣﻰ ﻭﺍﺟﻴﻚْ
ﺯﻭﻻً ﻫِﻠِﻚ ﺗﻌﺒﺎﻥ ﻭﻃﺎﺵ
ﻭﺃﻧﺎ ﻳﺎ ﺳﻌﺎﺩ ﻭﻛﺘﻴﻦ ﺃﺷﻮﻓِﻚ ﺑﺒﻘﻰ ﺯﻭﻝ
ﻓَﺮَﺷﻮﻟﻮﺍ ﻓَﺮْﺵ ﺍﻟﻤﻮﺕ ﻭﻋﺎﺵ ‏)
ﻗﺎﻟﺖ ﺳُﻌﺎﺩ
‏( ﺑﻄِّﻞ ﻛﻼﻡ ﺍﻟﺠِﺮْﺳَﻪْ ﺍﻧﺠﺾ ﻳﺎ ﻭﻟﺪ ‏)
ﻣﺰّﻗْﺖ ﺭﻭﺣﻰ ﻧِﺘَﻒ
ﻣﺮّﻗْﺖَ ﻣﻦ ﺟﻴﺐ ﺍﻟﻘﻤﻴﺺ
ﻋﺮﻗﻰ ﻭﺃﺳﻖ
ﻃﺒّﻴﺖ ﻗﺰﺍﺯﺗﻰ ﻭﺻﻠﺖَ ﻟﻰ ﻃَﺮَﻑ ﺍﻟﺒﻠﺪ
ﻭﺳﻜْﺮﺕَ ﺟَﺪ
ﺍﺫّﻧﺖ ﻓﻰ ﺍﻟﺸﻮﻙ ﻭﺍﻟﺴَﻠَﻢ
ﻭﺳﺮﺣْﺖَ ﺑﺎﻟﻨﺎﺱ ﻭﺍﻟﻐَﻨَﻢ
ﻭﺭﻛﻌﺖَ ﻟﻠﻌﺮﻗﻰ ﺍﻟﺒِﻜِﺮ
ﻭﺭﻗﺪﺕَ ﻓﻰ ﺍﻷﻟﻢ ﺍﻟﺤِﻜِﺮ
ﻭﺣﻠﻤﺖَ ﺯﻯ ﺷﺎﻟﻨﻰ ﻭﻣﺸَﻰ
ﻓﻮﻑ ﺯﺣﻤﺔ ﻧْﺒﻲْ ﺍﻟﻠﻪ ﺍﻟﺨِﻀِﺮ
ﺻﺤَّﺎﻧﻰ ﺻﻮﺕ ﺍﻟﻌُﻤﺪﻩْ ﻗﺎﻝ
‏( ﻣﺴﺌﻮﻝ ﻛﺒﻴﺮ ﺯﺍﻳﺮ ﺍﻟﺒﻠﺪ ‏)
ﻗﺎﻝ ﻟﻴﻨﺎ
‏( ﻭﻛَﺖْ ﺍﻟﺰﻭﻝ ﻳﺠِﻰ ،
ﻻﺯِﻡ ﺗﻘﻴﻔﻮﺍ ﺻﻔﻮﻑ ﺻﻔﻮﻑ
ﻭﺗﻬﻴّﺠُﻮﺍ ﺍﻟﺨَﻼ ﺑﺎﻟﻜﻔﻮﻑ
ﻭﺗﻘﻮﻟﻮﺍ ﻋﺎﺵ .. ﻳﺤﻴﺎ ﺍﻟﺒﻄﻞ ‏)
ﺻﻠّﺤْﺖَ ﻃﺎﻗﻴﺘﻲ ﺍﻟﺤﺮﻳﺮ
ﻭﺍﺗﻨَﺤْﻨَﺢ ﺍﻟﺤﺸﺎ ﺑﺎﻟﻜﻼﻡ
ﻭﺭﻣﻴﺘُﻮ ﻣﻦ ﺣﻠﻘﻰ ﺍﻟﻮﺻَﻞ
ﻗُﺖْ ﻟﻴﻬﻮ ﻳﺎ ﻋُﻤﺪﻩْ ﺍﺧﺘﺸﻰ
ﻣﺴﺌﻮﻝ ﻛﺒﻴﺮ ﻓﻲ ﺍﻟﺪﻧﻴﺎ ﻏﻴﺮ ﺍﻟﻠﻪ ﺍِﻧْﻌَﺪَﻡ
ﻣﺎ ﺷُﻔْﻨﺎ ﺯﻭﻝ ﺭﺿّﻊ ﺻﻐﺎﺭ
ﻣﺎ ﺷﻔﻨﺎ ﺯﻭﻝ ﻧﺠّﺢ ﺑَﻬَﻢ
ﻣﺎ ﺷﻔﻨﺎ ﺯﻭﻝ ﻟﻤْﻠَﻢ ﺭِﻣَﻢ
ﻻ ﺻِﺤِﻴﻨَﺎ ﻋﺎﺟِﺒﻨﺎ ﺍﻟﺼﺒﺎﺡ
ﻻ ﻧُﻤْﻨَﺎ ﻏﻄّﺎﻧﺎ ﺍﻟﻌَﺸَﻢ
ﻭﺍﻟﺤِﻠَﻪْ ﻣﻦ ﻛﻞَّ ﺍﻟﺠِﻬﺎﺕ ﻣﺤﺮﻭﺳَﻪْ
ﺑﺎﻟﺨﻮﻑ ﻭﺍﻟﻮﻫﻢ
ﻭﻣﻀﻴﻨﺎ ﻣﻦ ﺯﻣﻨﺎً ﻗﺪﻳﻢ
ﻳﺎ ﻋُﻤﺪﻩْ - ﻣﺮْﺳﻮﻡ ﺍﻧﺘﺤﺎﺭ
ﺍﻟﻤﻮﺕ ﻣُﺒﺎﺡ
ﻭﺍﻟﺤﺐ ﻧِﻄﺎﺡ
ﻭﺍﻟﺼِﺪﻕِ ﻣﻦ ﺟِﻨﺲ ﺍﻟﺰِّﻧﺎ
ﺍﻟﻌﺎﻓﻴﻪْ ﻣﻮﻟﻮﺩَﺓ ﺳِﻔﺎﺡ
ﻭﺍﻟﺮﻏﺒَﻪْ ﻣﻜﺴﻮﺭﺓَ ﺟﻨﺎﺡ
ﺍﻟﺤﻠﻢ ﻭﺍﻟﻮﻋﺪ ﺍﻟﻨﺒﻴﻞ
ﺍﻟﻄِﻔﻠﻪْ ﻭﺍﻷﻡ ، ﺍﻟﻨﺨﻴﻞ
ﺍﻟﺮّﻧَﻪْ ﻓﻰ ﺍﻟﻮﺗﺮ ﺍﻻﺻﻴﻞ
ﺗﻠﻘﺎﻫَﺎ ﻓﻰ ﻗﺎﻣﻮﺱ ﻧﻜﺎﺡ
ﻳﺎ ﻳُﻤَّﻪ ﻭﺍﺡ .. ﻳﺎ ﺣِﻠَّﻪْ ﻭﺍﺡ
ﻳﺎ ﺳﻌﺎﺩ ﺗﻌﺎﻟﻰ ﻭﻟﻤِّﻰ ﻣﻦ ﻛﻞ ﺍﻟﺒﻴﻮﺕ
ﻋِﺪَّﺓ ﺍﻟﺴَﻔَﺮ ﺍﻟﻄﻮﻳﻞ
ﺯَﺧْﺮِﻓﻰ ﺍﻟﻔﺠﺮ ﺍﻟﻨﻬﺎﺭ
ﺷﺨْﺒِﻄﻰ ﺍﻟﻀُﺤﻰ ﻭﺍﻷًﻳﻞ
ﺍﻟﻤَﻐْﺮِﺏ
ﺍﻟﻔﺠﺮ
ﺍﻟﻨﺠﻮﻡ .
ﻓﻰ ﺻُﺮَّﻩْ ﻭﺍﺭﻣِﻴﻬﺎ ﺍﻟﺒﺤﺮ
ﺧﻠِّﻴﻨَﺎ ﻓﻮﻕ ﺍﻟﺸﻚ ﻧَﻌُﻮﻡ
ﻭﺍﻟﻌُﻤﺪَﻩْ ﻓﺎﺽ
ﺍﻟﻌُﻤﺪَﻩْ ﺻﺎﺭ ﻣﻠﻴﻮﻥ ﻋُﻤَﺪ
ﺍﻟﻌُﻤﺪﻩ ﻓﻴﻞ
ﺟﺒﻼً ﺗﻘﻴﻞ
ﻟﺒْﻮَﻩْ ﻭﺃﺳﺪ
ﺣَﺴَﻨَﻪْ ﻭﻏَﺼِﺐ
ﺟُﻤْﻌَﻪْ ﻭﺃﺣَﺪ
ﺑﻘّﻴﺖْ ﻗﺰﺍﺯﺗﻰ
ﻣﺮﻗْﺖَ ﻋِﻦ ﻃﺮﻑ ﺍﻟﺒﻠﺪ
ﻭﺳﻜْﺮﺕَ ﺟَﺪ
ﻭﺃﻧﺎ ﺟﺎﻳﻰ ﺭﺍﺟِﻊ ﺃﺟﻬﺠﻬﻮ
ﻻﻗﺎﻧﻰ ﻫﻮ
ﺳﺎﺍﻳﻖ ﺍﻟﻌﺴﺎﻛﺮ ﻭﺍﻟﻜﻼﺏ
ﺭﺍﻣﻰ ﺑﻴﻦ ﻋﻴﻨﻲ ﻭﻋﻴﻨﻮ
ﻛﻠﺐ ﻭﺗَﻜْﺸﻴﺮﻩْ ﻭﺣُﺮﺍﺏ
ﺿﺎﻗﺖ ﻧِﻌﺎﻟﻰ ﻣﻦ ﺍﻟﺰّﻋﻞ
ﻣﻦ ﺗﺤﺘﻬَﺎ ﺍﺗْﻤَﻠﻤﻞ ﺗُﺮﺍﺏ
ﺍﻟﻐﻴﻢ ﺳﻜﺐ ﺿُﻠﻮ ﻭﻣﺸَﻰ
ﻭﺍﻟﺪﻧﻴﺎ ﻏﻴﻤﺎ ﺳﺮﺍﺏ ﺳﺮﺍﺏ
ﻭﺍﻟﺤِﻠﻪْ ﺯﻯ ﺑﻠﺪﺍً ﺑﻌﻴﺪ
ﺯﻭَّﺩ ﺑُﻌﺎﺩ ﻭﻗُﺮُﺏ ﺳُﻌﺎﺩ
ﺍﺗﺠﻤَﻌَﺖ ﻛﻞَّ ﺍﻟﺒﻴﻮﺕ ﻓﻰ ﺭﺍﺣﺘَﺎ
ﺯﻯ ﺑِﺖ ﻟِﻌﺎﺏ
ﻣﺠﻨﻮﻧَﻪْ ﺗﺼﺮﺥ ﻓﻰ ﺍﻟﺰﻭﺍﻝ
ﻣﻤﺰﻭﺟَﻪْ ﻓﻰ ﺍﻟﺪﻡ ﻭﺍﻟﻠُﻌﺎﺏ
ﻋﻴﻨﻲَّ ﺿﺎﻗﺖ ﻧﻈْﺮَﺗﻬْﺎ
ﻭﺍﻟﺠﻮﻑ ﻳﻄﻘْﻄِﻖ ﺑﺎﻟﻜﻼﻡ
ﻗُﺒَّﺎﻝ ﻳﻘﻮﻟﻮﺍ ﻟﻲ ﺳﻼﻡ
ﺍﺗﻠﻤُﻮﺍ ﺣﻮﻟﻰ ﺑﻼ ﻧِﻈﺎﻡ
ﺷﺎﻝ ﻭﻋِﻤَّﻪْ
ﺗﻮﺏ ﻭﻏُﻤَّﻪْ
ﻓﺎﺱ ﻭﻃﻮﺭﻳَّﻪ ﻭﺣﺰﺍﻡ
ﺷﺎﻟﻮﻧﻰ ﺑﻰ ﻛُﻞ ﺇﺣﺘﺮﺍﻡ
ﻭﺭﻣﻮﻧﻰ ﻓﻰ ﻗَﻌَﺮ ﺍﻟﺴﺠﻦ
ﺣﺼﻠّﻨﻰ ﻗﺒﻞ ﺍﻟﻴﻮﻡ ﻳِﺘﻢ
ﺟﺎﺭﻧﺎ ﺍﻟﻤﺪﺭِّﺱ ﻭﺩْ ﺧﺪﻭﻡ
ﻗﺎﻝ ﻟﻲَّ
ﻻ ﺯﻭﻝ ﻗﺎﻡ ﻫﺘَﻒ
ﻻ ﻛﻒ ﻣﺸَﺖ ﺑﺘﻼﻗِﻰ ﻛَﻒ
ﻭﺍﻟﻌُﻤﺪَﻩْ ﺯﻯ ﻫَﻤْﺒﻮﻝ ﻭﻗﻒ
ﻳﺎ ﺻﻤﺖ ﺃُﻑ
ﻳﺎ ﺩﻧﻴﺎ ﺗُﻒ
ﻭﺃﻧﺎ ﻳﺎ ﺳُﻌﺎﺩ ﻟﻠﺸﻮﻕ ﻧﻐَﻢ
ﻟﻠﻬَﻢ ﻋَﻠَﻒ