ﺳﺎﺧﺮ ﺳﺒﻴﻞ
ﺍﻟﻔﺎﺗﺢ ﺟﺒﺮﺍ
ﺛﻨﺎﺋﻴﺎﺕ
• ﺇﺛﻨﺎﻥ ﻻ ﻳﺸﺒﻌﺎﻥ ﺃﺑﺪﺍً … ‏) ﺍﻟﻨﺎﺭ / ﺍﻟﻤﺤﻠﻴﺎﺕ ‏(
– ﻭﺍﻟﻠﻪ ﺍﻟﻨﺎﺭ ﺗﺸﺒﻊ ﺍﻟﻤﺤﻠﻴﺎﺕ ﻣﺎ ﺗﺸﺒﻊ !
• ﺇﺛﻨﺎﻥ ﻳﺮﺳﺨﺎﻥ ﻟﻠﻔﺴﺎﺩ ‏) ﺍﻟﺘﺴﻮﻳﺔ / ﺍﻟﺘﺤﻠﻞ ‏( ؟
– ﺍﻟﻘﺎﻧﻮﻥ ﺩﻩ ﻣﺎﻟﻮ؟ ﻋﻴﺒﻮﻫﻮ ﻟﻴﺎ !
• ﺇﺛﻨﺎﻥ ﻳﺘﺰﺍﻭﻍ ﻣﻨﻬﻤﺎ ﺍﻟﻤﻮﺍﻃﻦ ﻭﻳﻌﻤﻞ ﻟﻴﻬﻢ ﺧﺎﺭﻃﺔ ﻃﺮﻳﻖ ‏) ﺳﻴﺪ ﺍﻟﺒﻘﺎﻟﺔ / ﺷﺮﻃﻲ ﺍﻟﻤﺮﻭﺭ ‏(
– ﺳﻴﺪ ﺍﻟﺒﻘﺎﻟﺔ ﻣﺮﺓ ﻓﻲ ﺍﻟﺸﻬﺮ ﻟﻜﻦ ﺷﺮﻃﻲ ﺍﻟﻤﺮﻭﺭ ﺩﻩ ﻳﻮﻣﻴﺎ
• ﺇﺛﻨﺎﻥ ﻳﺮﻓﻊ ﺍﻟﺪﻋﻢ ﻋﻨﻬﻤﺎ ﺳﻨﻮﻳﺎً ‏) ﺍﻟﺮﻏﻴﻒ / ﻣﺸﺘﻘﺎﺕ ﺍﻟﺒﺘﺮﻭﻝ ‏(
– ﻧﻄﺎﻟﺐ ﺑﺮﻓﻊ ﺍﻟﺪﻋﻢ ﻧﻮﻭﻫﺎﺍﻳﺊ .. ﻋﺸﺎﻥ ﻧﺸﻮﻑ ﺃﻫﺎ ﺗﺎﻧﻲ ﻓﻲ ﺷﻨﻮﻭﻭ؟
• ﺇﺛﻨﺎﻥ ﻻ ﻳﺸﺒﻌﺎﻥ ‏) ﻃﺎﻟﺐ ﻋﻠﻢ / ﻃﺎﻟﺐ ﻣﺎﻝ ‏(
– ﻃﺎﻟﺐ ﺍﻟﻌﻠﻢ ﺇﺣﺘﻤﺎﻝ ﻳﺸﺒﻊ ﻭﺭﺃﺳﻮ ﻳﺘﻤﻠﻲ ﻟﻜﻦ ﺍﻟﻜﺮﻭﺵ ﺩﻱ ﺍﻟﺒﻴﻤﻼﻫﺎ ﺷﻨﻮﻭﻭﻭ
• ﺇﺛﻨﺎﻥ ﻻ ﺗﻨﺴﺎﻫﻤﺎ ﺃﺑﺪﺍً ‏) ﺍﻟﺤﺴﺎﺏ / ﺍﻟﻨﺎﺭ ‏(
– ﺍﻟﺰﻭﻝ ﺍﻟﺒﻨﺴﻰ ﺍﻹﺗﻨﻴﻦ ﺩﻳﻞ ﺑﻴﻜﻮﻥ ﻏﺎﻳﺘﻮ ﺑﺎﺍﻟﻎ … ﻳﺮﺍﺟﻊ ﻧﻔﺴﻮ ﻓﻮﺭﺍً
• ﺇﺛﻨﺎﻥ ﺻﺎﺭﺍ ﺍﻟﻮﺟﺒﺔ ﺍﻟﺮﺋﻴﺴﺔ ﻟﻤﻌﻈﻢ ﺍﻟﻤﻮﺍﻃﻨﻴﻦ ‏) ﺍﻟﻄﻌﻤﻴﺔ / ﻓﻮﻝ ﺍﻟﺤﺎﺟﺎﺕ ‏(
– ﺩﻩ ﻓﻲ ﺃﺣﺴﻦ ﺍﻷﺣﻮﺍﻝ .. ﺣﻠﻴﻞ ﺍﻟﻤﺤﺎﺷﻲ ﻭﺍﻟﺸﻮﺍﺀﺍﺕ ﺃﺿﺤﺖ ﺃﺛﺮﺍً ﺑﻌﺪ ﻋﻴﻦ
• ﺇﺛﻨﺎﻥ ﺗﺮﻛﺘﻬﻤﺎ ﺍﻷﺳﺮ ﺍﻟﺴﻮﺩﺍﻧﻴﺔ ‏) ﺻﻴﻨﻴﺔ ﺍﻟﻐﺪﺍﺀ / ﺷﺎﻱ ﺍﻟﻤﻐﺮﺑﻴﺔ ‏(
– ﻭﺍﻹﺗﻨﻴﻦ ﻛﺎﻧﻮ ﻣﻬﻤﺎﺕ ﻷﻧﻬﻤﺎ ﺇﺟﺘﻤﺎﻋﺎﺕ ﺃﺳﺮﻳﺔ ﻳﻮﻣﻴﺔ – ﺍﻟﻠﻪ ﻳﺠﺎﺯﻱ ﺍﻟﻜﺎﻥ ﺍﻟﺴﺒﺐ
• ﺇﺛﻨﺎﻥ ﻟﻴﻨﺎ ﺯﻣﻦ ﻣﺎ ﺳﻤﻌﻨﺎﻫﻢ ‏) ﺗﻬﻠﻴﻞ / ﺗﻜﺒﻴﺮ ‏(
– ﺃﻓﻴﺪﻭﻧﺎ … ﻳﻜﻮﻥ ﺍﻟﺤﺎﺻﻞ ﺷﻨﻮ ﻳﺎ ﺭﺑﻲ ؟؟
• ﺇﺛﻨﺎﻥ ﻋﻮﺩﺗﻬﻤﺎ ﻣﺴﺘﺤﻴﻠﺔ ‏) ﺣﺪﻳﻘﺔ ﺍﻟﺤﻴﻮﺍﻥ / ﺧﻂ ﻫﻴﺜﺮﻭ ‏(
• ﺣﺪﻳﻘﺔ ﺍﻟﺤﻴﻮﺍﻥ ﺗﺮﺟﻊ ﺧﻂ ﻫﻴﺜﺮﻭ ﻣﺎ ﻳﺮﺟﻊ .. ﻣﻌﻘﻮﻻ ‏) ﻋﺸﺮﺓ ﺳﻨﻴﻦ ‏( ﻋﺎﻣﻠﻴﻦ ﺭﺍﻳﺤﻴﻦ !
• ﺇﺛﻨﺎﻥ ﻻ ﻳﻬﻤﻬﻤﺎ ﺩﺧﻮﻝ ﺍﻟﺰﻭﻥ ‏) ﻻﻋﺐ ﺍﻟﺤﺮﻳﻖ /ﺍﻟﺤﺎﻛﻢ ‏(
– ﻓﻲ ﺍﻟﺤﺎﻟﺘﻴﻦ ﻳﻌﻨﻲ ﺡ ﻳﺤﺼﻞ ﺷﻨﻮﻭﻭ .. ﻣﺎ ﺑﺲ ﺍﻟﺰﻭﻝ ﺡ ﻳﻄﻠﻊ ﻳﺘﻔﺮﺝ
• ﺇﺛﻨﺎﻥ ﻻ ﻳﻤﻜﻦ ﺍﻟﻨﻈﺮ ﺇﻟﻴﻬﻤﺎ ﺑﺎﻟﻌﻴﻦ ﺍﻟﻤﺠﺮﺩﺓ ‏) ﺍﻷﻣﻴﺒﺎ / ﺍﻟﺮﻏﻴﻒ ‏(
– ﺍﻟﺮﻏﻴﻒ ﺑﻌﺪ ﺷﻮﻳﺔ ﺡ ﻳﻜﻮﻥ ﺣﻘﻨﺔ ﻓﻲ ﺍﻟﻌﻀﻞ .. ﺑﺲ ﺍﺻﺒﺮﻭﺍ
• ﺇﺛﻨﺎﻥ ﻻ ﺗﻘﺮﺑﻬﻤﺎ ‏) ﺍﻟﻨﺎﺭ / ﺍﻟﺒﻨﻮﻙ ‏(
– ﺍﻟﺒﻨﻮﻙ ﺧﻠﺖ ﺷﻐﻼ ﻭﺑﻘﺖ ﺫﻳﻬﺎ ﻭﺫﻱ ﺍﻟﺪﻻﻟﻴﺔ .. ﻟﻮ ﻋﺎﻭﺯ ‏) ﺷﺒﺸﺐ ‏( ﻣﻤﻜﻦ ﻳﺪﻭﻙ ﻣﺮﺍﺑﺤﺔ
• ﺇﺛﻨﺎﻥ ﻻ ﺗﻨﻈﺮ ﺇﻟﻴﻬﻤﺎ ﺧﺎﻝ ﺇﺳﺘﻴﻘﺎﻇﻚ ﺻﺒﺎﺣﺎً ‏) ﺣﺎﻓﻈﺔ ﺍﻟﻨﻘﻮﺩ / ﻋﺪﺍﺩ ﺍﻟﺠﻤﺮﺓ ‏(
– ﺍﻹﺗﻨﻴﻦ ﻟﻮ ﻟﻘﻴﺖ ﺍﻟﺮﺻﻴﺪ ﺷﻮﻳﺔ ﺡ ﻳﺤﺒﻄﻮﻙ
• ﺇﺛﻨﺎﻥ ﻧﺒﺤﺚ ﻋﻨﻬﻤﺎ ﻓﻼ ﻧﺠﺪﻫﻤﺎ ‏) ﺍﻟﻤﻮﺍﺻﻼﺕ /
ﺍﻟﺸﺮﻳﻌﺔ ‏(
– ﻫﻨﺎﻟﻚ ﺟﺎﺋﺰﺓ ﻗﻴﻤﺔ ﻟﻤﻦ ﻳﺠﺪ ﺍﻟﺜﺎﻧﻴﺔ !
• ﺇﺛﻨﺎﻥ ﺳﺒﺐ ﺧﺴﺎﺋﺮﻧﺎ ﺍﻟﻜﺮﻭﻳﺔ ﺧﺎﺭﺟﻴﺎً ‏) ﺍﻟﺘﺤﻜﻴﻢ / ﺍﻟﻤﻴﺪﺍﻥ ﻣﺒﺘﻞ ‏(
– ﺑﺲ ﻣﻌﻘﻮﻻ ﻳﻜﻮﻧﻮﺍ ﺍﻟﻼﻋﺒﻴﻦ ؟ !
• ﺇﺛﻨﺎﻥ ﺗﺠﺪﻫﻤﺎ ﻓﻲ ﺃﻱ ﻣﺬﻳﻌﺔ ﺳﻮﺩﺍﻧﻴﺔ ‏) ﺍﻟﺒﻴﺎﺽ /
ﺍﻟﻜﺸﺎﻛﻴﺶ ‏(
– ﻋﻠﻰ ﺷﺮﻁ ﺃﻥ ﻋﺪﺩ ﺍﻟﻐﻮﺍﻳﺶ ﻳﺘﻨﺎﺳﺐ ﻋﻜﺴﻴﺎً ﻣﻊ ﻣﻌﺮﻓﺘﻬﺎ ﺑﺎﻟﻠﻐﺔ ﺍﻟﻌﺮﺑﻴﺔ
• ﺇﺛﻨﺘﺎﻥ ﺗﻼﺯﻣﺎﻥ ﺍﻟﻤﻄﺮﺑﻴﻦ ﻓﻲ ﺑﺮﻧﺎﻣﺞ ﺃﻏﺎﻧﻲ ﻭﺃﻏﺎﻧﻲ ‏) ﺍﻟﺘﻔﺮﺷﺦ ﻓﻲ ﺍﻟﻘﻌﺪﺓ / ﺍﻟﻀﺤﻚ ﺑﻼ ﺳﺒﺐ ‏(
– ﻭﺍﻟﻠﻪ ﺣﻜﺎﻳﺔ ﺍﻟﺘﻔﺮﺷﺦ ﺩﻱ ﻣﺤﻴﺮﺓ ﺍﻟﻌﺒﺪﻟﻠﻪ ، ﺍﻟﻤﺮﺓ ﺍﻟﺠﺎﻳﺔ ﺩﺭﺑﻮﻫﻢ ﻋﻠﻰ ﺍﻟﻘﻌﺪﺓ ﺍﻟﻤﻬﺬﺑﺔ .. ﺧﺎﺻﺘﻦ ﺍﻟﻤﻄﺮﺏ ﺩﺍﻙ !
• ﺇﺛﻨﺎﻥ ﻳﺄﺗﻴﺎﻥ ﻓﺠﺄﺗﻦ ‏) ﺍﻟﺨﺮﻳﻒ / ﺍﻟﺠﻠﻄﺔ ‏(
– ﺃﻫﺎ ﺍﻟﺨﺮﻳﻒ ﺍﻟﺠﺎﻱ ﺇﻛﺘﻤﻠﺖ ﺍﻟﺘﺠﻬﻴﺰﺍﺕ ﺫﻱ ﻛﻞ ﻣﺮﺓ ﻫﻬﻬﻬﻪ؟
• ﺇﺛﻨﺎﻥ ﻻ ﻳﺘﻌﻠﻤﺎﻥ ‏) ﺍﻟﻤﺴﺘﺤﻰ / ﺍﻟﻤﺘﻜﺒﺮ ‏(
– ﻭﺍﻟﻐﺒﻰ ﺑﺮﺿﻮ
• ﺇﺛﻨﺎﻥ ﻳﻄﺮﺷﻨﺎ ﻗﺒﻞ ﻛﺪﻩ ﻣﺎ ﺳﻤﻌﻨﺎ ﺑﻴﻬﻢ ‏) ﺍﻟﺘﻮﺍﻟﻲ /
ﺍﻟﺘﺤﻠﻞ ‏(
– ﺍﻟﻨﺎﺱ ﺩﻱ ﺑﺘﺠﻴﺐ ﺍﻟﺤﺎﺟﺎﺕ ﺩﻱ ﻣﻦ ﻭﻳﻦ؟
• ﺇﺛﻨﺎﻥ ﻻ ﺗﺨﻠﻮ ﻣﻨﻬﺎ ﺷﻮﺍﺭﻋﻨﺎ ‏) ﺍﻟﻘﻤﺎﻣﺔ / ﺍﻟﺤﻔﺮ ‏(
– ﺣﺎﺟﺔ ﺗﺴﺪ ﺍﻟﻨﻔﺲ !
• ﺇﺛﻨﺎﻥ ﻟﻮ ﺇﺧﺘﻔﻮﺍ ﻣﻦ ﺣﻴﺎﺗﻨﺎ ﻛﺎﻥ ﺍﻟﺤﺎﻝ ﺇﻧﻌﺪﻝ ‏) ﺍﻹﺟﺘﻤﺎﻋﺎﺕ / ﺍﻟﻠﺠﺎﻥ ‏(
– ﻛﻴﻒ ﻟﻜﻦ ﻳﺨﺘﻔﻮﺍ ﻣﻊ ﺍﻟﺤﻮﺍﻓﺰ ﺩﻱ؟
• ﺇﺛﻨﺎﻥ ﻣﻦ ﺃﻧﻮﺍﻉ ﺍﻟﻌﻴﺎﺩﺍﺕ ﻋﺎﻳﺰﺓ ﻧﻈﺮﺓ ﻣﻦ ﺍﻟﺴﻠﻄﺎﺕ ‏) ﻋﻴﺎﺩﺍﺕ ﺍﻷﻋﺸﺎﺏ / ﻋﻴﺎﺩﺍﺕ ﺍﻟﺮﻗﻴﺔ ‏(
– ﺗﻜﺎﺛﺮﺕ ﺑﺸﻜﻞ ﻓﻈﻴﻊ ﺩﻭﻥ ﺣﺴﻴﺐ ﺃﻭ ﺭﻗﻴﺐ
• ﺇﺛﻨﺎﻥ ﺇﺫﺍ ﻓﺴﺪﺍ ﻓﺴﺪﺕ ﺍﻷﻣﺔ ﻭﺇﺫﺍ ﺻﻠﺤﺎ ﺻﻠﺤﺖ ﺍﻷﻣﺔ ‏) ﺍﻟﻌﻠﻤﺎﺀ / ﺍﻷﻣﺮﺍﺀ ‏(
– ﻛﺘﺐ ﺍﻟﺘﺮﺍﺙ ﺍﻟﻘﺎﻟﺖ ﻛﺪﻩ !
• ﺇﺛﻨﺘﺎﻥ ﻣﻦ ﺍﻟﻮﺯﺍﺭﺍﺕ ﺇﺫﺍ ﺃﻟﻐﻴﺘﺎ ﻓﻠﻦ ﺗﺘﺄﺛﺮ ﺍﻟﺪﻭﻟﺔ ‏) ﺍﻟﺴﻴﺎﺣﺔ / ﺍﻟﺒﻨﻰ ﺍﻟﺘﺤﺘﻴﺔ ‏(
– ﻻ ﺗﻮﺟﺪ ﺳﻴﺎﺣﺔ ﻭﻻ ﺗﻮﺟﺪ ﺑﻨﻰ ﺗﺤﺘﻴﺔ ﻭﻣﻊ ﺇﺭﺗﻔﺎﻉ ﺃﺳﻌﺎﺭ ﺍﻟﻠﺤﻮﻡ ﺍﻟﻤﻬﻮﻝ ﻛﻤﺎﻥ ﺗﻤﺸﻲ ﻣﻌﺎﻫﻢ ﺍﻟﺜﺮﻭﺓ ﺍﻟﺤﻴﻮﺍﻧﻴﺔ
• ﺇﺛﻨﺎﻥ ﺃﺻﺒﺢ ﺗﻨﺎﻭﻟﻬﻤﺎ ﻣﺴﺘﺤﻴﻞ ‏) ﺍﻟﻔﻮﺍﻛﺔ / ﺍﻟﻠﺤﻮﻡ ‏(
• ﺍﻟﺸﻌﺐ ﺑﻘﻰ ﻧﺎﻗﺺ ﻓﺎﻳﺘﻤﻴﻨﺎﺕ ﺃﻗﻞ ﻧﺰﻟﺔ ‏) ﺑﺮﺩ‏( ﻋﺎﻭﺯﻩ ﻟﻴﻬﺎ ﺷﻬﺮﻳﻦ ﻋﺸﺎﻥ ﺗﺮﻭﺡ ﺑﻌﻼﺝ ﻳﻔﻮﻕ ﺍﻝ 300 ﺃﻟﻒ !!
• ﺇﺛﻨﺎﻥ ﺇﺫﺍ ﺇﺭﺗﻔﻌﺎ ﻓﻠﻦ ﻳﻨﺨﻔﻀﺎ ‏) ﺍﻟﺪﻭﻻﺭ / ﺍﻷﺳﻌﺎﺭ ‏(
– ﻭﻻﺍﺍ ﺑﺎﻟﺼﺪﻣﺔ ﺫﺍﺍﺍﺗﻮ
• ﺇﺛﻨﺎﻥ ﺃﺻﺒﺤﺖ ﺃﻋﺪﺍﺩﻫﻤﺎ ﻣﺨﻴﻔﺔ ‏) ﺍﻟﻤﻄﺮﺑﻴﻦ /
ﺍﻟﻤﺘﺴﻮﻟﻴﻦ ‏(
– ﺷﻮﻓﻮ ﺻﺎﻻﺕ ﺍﻷﻓﺮﺍﺡ .. ﻭﺷﺎﺭﺍﺕ ﺍﻟﻤﺮﻭﺭ !
• ﺇﺛﻨﺎﻥ ﻻﺑﺪ ﺃﻥ ﺗﺠﺪﻫﻤﺎ ﻓﻲ ﻣﻨﺰﻝ ﺃﻱ ﻣﺴﺆﻭﻝ ‏) ﺑﺮﺍﺩﻭ ﻣﻈﻠﻠﺔ / ﺑﻮﻛﺲ ﺩﺑﻞ ﻛﺎﺏ ‏(
• ﺍﻟﺒﺮﺍﺩﻭ ﻟﺴﻴﺎﺩﺗﻮ ﻭﺍﻟﺪﺑﻞ ﻛﺎﺏ ﻟﻠﻌﻴﺎﻝ ‏) ﻭﻟﻮ ﺷﺎﻟﻮﻫﻢ ﻣﻨﻬﻢ ﺃﻫﻮ ﺩﻱ ﺩﻗﻨﻲ؟ ‏(
• ﺇﺛﻨﺘﺎﻥ ﻣﻦ ﺍﻟﻤﻬﻦ ﺇﻧﺪﺛﺮﺗﺎ ‏) ﺍﻟﺨﺎﻃﺒﺔ / ﺍﻟﺒﺼﻠﺢ ﺍﻟﻌﻨﺎﻗﺮﻳﺐ ‏(
• ﺣﻠﻴﻞ ‏) ﺍﻟﺨﻄﺒﺔ ‏( ﻭﺣﻠﻴﻞ ﺍﻟﻌﻨﺎﻗﺮﻳﺐ !
ﻛﺴﺮﺓ :
• ﺇﺛﻨﺎﻥ ﻣﻦ ﺍﻷﻟﻘﺎﺏ ﺍﻟﻌﻠﻤﻴﺔ ﻓﻘﺪﺍ ﺑﺮﻳﻘﻬﻤﺎ ‏) ﺩﻛﺘﻮﺭ /
ﺑﺮﻭﻓﻴﺴﻮﺭ ‏(
– ﺧﻠﻮﻫﺎ ﺑﺲ ﻣﺴﺘﻮﻭﻭﻭﻭﺭﺓ !! ﻭﺍﻟﻠﻪ ﺗﻐﻴﺐ ﻣﻦ ﺍﻟﺰﻭﻝ ﺃﺳﺒﻮﻉ ﺗﻼﻗﻴﻬﻮ ﺧﺎﺗﻲ ﻟﻴﻬﻮ ‏) ﺩﺍﻝ ‏( ﻗﺪﺍﻡ ﺇﺳﻤﻮ … ﺧﺎﺻﺘﻦ ﺍﻟﺠﻤﺎﻋﺔ !!
ﺗﻨﺒﻴﻪ :
ﻳﻮﺟﺪ ﻭﺍﻭ ﺟﺪﻳﺪ ‏) ﺍﻟﻔﻮﺭﺓ ﻣﻠﻴﻮﻥ ‏( !
ﻛﺴﺮﺓ ﺛﺎﺑﺘﺔ ‏) ﻗﺪﻳﻤﺔ ‏( :
ﺃﺧﺒﺎﺭ ﻣﻠﻒ ﺧﻂ ﻫﻴﺜﺮﻭ ﺍﻟﻌﻨﺪ ﺍﻟﻨﺎﺋﺐ ﺍﻟﻌﺎﻡ ﺷﻨﻮ ‏) ﻭﻭﻭﻭﻭﻭﻭﻭﻭﻭﻭﻭ ‏( + ‏) ﻭﻭﻭﻭﻭﻭﻭﻭﻭﻭﻭﻭ ‏( +
‏) ﻭﻭﻭﻭﻭﻭﻭﻭﻭﻭﻭﻭ ‏( + ‏) ﻭﻭﻭﻭﻭﻭﻭﻭﻭﻭﻭﻭ ‏( +
‏) ﻭﻭﻭﻭﻭﻭﻭﻭﻭﻭﻭﻭ ‏( + ‏) ﻭﻭﻭﻭﻭﻭﻭﻭﻭﻭﻭﻭ ‏( +
‏) ﻭﻭﻭﻭﻭﻭﻭﻭﻭﻭﻭﻭ ‏( + ‏) ﻭﻭﻭﻭﻭﻭﻭﻭﻭﻭﻭﻭ ‏( + ﻭ + ﻭ + ﻭ + ﻭ+ ﻭ + ﻭ + ﻭ
• ﻛﺴﺮﺓ ﺛﺎﺑﺘﺔ ‏) ﺟﺪﻳﺪﺓ ‏(
ﺃﺧﺒﺎﺭ ﺗﻨﻔﻴﺬ ﺗﻮﺟﻴﻬﺎﺕ ﺍﻟﺴﻴﺪ ﺍﻟﺮﺋﻴﺲ ﺑﺨﺼﻮﺹ ﻣﻠﻒ ﺧﻂ ﻫﻴﺜﺮﻭ ﺷﻨﻮ ‏) ﻭﻭﻭﻭﻭﻭﻭﻭﻭﻭﻭﻭ ‏( +
‏) ﻭﻭﻭﻭﻭﻭﻭﻭﻭﻭﻭﻭ ‏( + ‏) ﻭﻭﻭﻭﻭﻭﻭﻭﻭﻭﻭﻭ ‏( +
ﻭﻭﻭﻭﻭﻭﻭﻭﻭﻭﻭﻭ ‏( + ‏) ﻭﻭﻭﻭﻭﻭﻭﻭﻭﻭﻭﻭ ‏( + ﻭ + ﻭ + ﻭ + ﻭ+ ﻭ + ﻭ + ﻭ + ﻭ

ساخر