ﺻﺎﺣﺒﺔ ﻓﻲ ﺍﻟﺰﻣﻦ ﺍﻟﺼﻌﺐ
ﻟﻤّﺎ ﻻ ﺗﺮﺣﺎﻝ ﻳﺤﻠﻚ
ﻻ ﺍﻟﺒﻌﺎﺩ ﻳﻘﺪﺭ ﻳﺤﻠﻚ
ﻻ ﺍﻟﻘﺮﺏ ﻳﻘﺪﺭ ﻳﺪﻭﻡ
ﺍﻟﻜﻼﻡ ﺑﺼﺒﺢ ﻣﻔﺮّﻕ
ﺍﻟﺪﻧﻴﺎ ﺗﺸﺒﻪ ﻟﻮﻥ ﺑﻌﺎﺩ
ﻭﺃﺑﻘﻲ ﺃﺣﻮﺝ ﻣﺎ ﺃﻛﻮﻥ
ﺃﻧﺎ ﻟﻲ ﺣﻀﻮﺭﻙ ﺑﺎﻟﺠﺪ ﺑﺪﻭﺭﻙ
ﻓﺠﺄﺓ ﻳﺸﻊ ﻓﻴﻨﻲ ﻧﻮﺭﻙ
ﻭﺍﻟﻘﺎﻙ ﻧﺒﺘّﻲ ﻣﻦ ﺗﺮﺍﺏ ﺍﻟﺴﻜﻪ
ﺳﺪﻳﺘﻲ ﺍﻷُﻓﻖ
ﻟﺤﺎﻙ ﺣﻠﻤﻲ ﺍﻟﻤﻠﻮّﻥ ﺑﻬﻤﻮﻣﻲ
ﻟﻤﺎ ﻳﻮﻣﻚ ﺑﻠﻘﻰ ﻳﻮﻣﻲ
ﻭﻓﺼﻞ ﻫﻤﻮﻣﻚ ﻣﻦ ﻫﻤﻮﻣﻲ
ﻧﻀﺤﻚ ﻣﻦ ﺍﻟﻮﺍﻗﻊ ﺳﻮﺍ
ﻧﺤﻦ ﺍﻟﻘﺪﺭﻧﺎ ﻋﻠﻲ ﺍﻟﺘﻌﺐ
ﺣﺮﻗﺘﻨﺎ ﺃﻟﺴﻨﺔ ﺍﻟﻠﻬﺐ
ﻭﻟﺴﻪ ﻣﺎﺳﻜﻴﻦ ﺍﻟﺪّﺭﺏ
ﻳﺎ ﺻﺎﺣﺒﻪ ﻓﻲ ﺍﻟﺰﻣﻦ ﺍﻟﺼﻌﺐ

ﻣﺸﻴﻨﺎ ﻣﻌﺎﻙ ﻣﺸﻮﺍﺭ ﻏﺮﺍﻡ
ﻭﺳﺮﺣﻨﺎ ﺑﻌﻴﺪ ﻓﻲ ﻋﻴﻮﻥ ﻧﻌﺴﺎﻧﻪ
ﺑﻌﻴﺪ ﻟﺒﻌﻴﺪ ﻟﻴﻞ ﺍﻟﻤﺴﺎﻓﻪ
ﻭﻋﺸﻨﺎ ﻣﻌﺎﻙ ﺍﺟﻤﻞ ﻟﺤﻈﺎﺕ ﺯﺍﺩﺕ ﺍﻳﺎﻣﻨﺎ ﺍﻟﻤﻌﺪﻭﺩﺍﺕ
ﻳﺎﺳﺖ ﺍﻟﻜﻞ ﻳﺎﺗﺮﺑﺔ ﺣﻮﺍﺀ ﻳﺎﺭﻭﺡ ﺍﺩﻡ
ﻳﺎﻫﺪﻳﺔ ﺍﻟﺮﺏ ﻟﻲ ﺩﻧﻴﺎﻧﺎ ﻳﺎﺍﺭﻕ ﺍﻟﻨﺎﺱ ﻳﺎﻓﻨﺎﻧﻪ
ﻳﺎﻧﻐﻢ ﻓﺮﺣﺎﻥ ﻛﻢ ﺍﺷﺠﺎﻧﺎ
ﻳﺎﻣﻠﻜﻠﺔ ﺑﺘﺎﻣﺮ ﻭﻋﺎﺟﺒﺎﻧﻪ ﻳﺎﺍﺣﻠﻲ ﻭﺍﺭﻭﻉ ﺍﻧﺴﺎﻧﻪ
ﻳﺎﺳﺖ ﺍﻟﻜﻞ ﻳﺎﺗﺮﺑﺔ ﺣﻮﺍﺀ ﻳﺎﺭﻭﺡ ﺍﺩﻡ
ﻣﺸﻴﻨﺎ ﻣﻌﺎﻙ ﻣﺸﻮﺍﺭ ﻏﺮﺍﻡ
ﻭﺳﺮﺣﻨﺎ ﺑﻌﻴﺪ ﻓﻲ ﻋﻴﻮﻥ ﻧﻌﺴﺎﻧﻪ
ﺑﻌﻴﺪ ﻟﺒﻌﻴﺪ ﻟﻴﻞ ﺍﻟﻤﺴﺎﻓﻪ
ﻭﻋﺸﻨﺎ ﻣﻌﺎﻙ ﺍﺟﻤﻞ ﻟﺤﻈﺎﺕ ﺯﺍﺩﺕ ﺍﻳﺎﻣﻨﺎ ﺍﻟﻤﻌﺪﻭﺩﺍﺕ
ﻳﺎﺳﺖ ﺍﻟﻜﻞ ﻳﺎﺗﺮﺑﺔ ﺣﻮﺍﺀ ﻳﺎﺭﻭﺡ ﺍﺩﻡ

ﻭﺍﺣﺸﻨﻲ
ﻭﺍﺣﺸﻨﻰ ﻳﺎ ﺍﻟﺨﻠﻴﺖ ﻣﻼﻣﺤﻚ ..
ﻓﻰ ﺣﻴﺎﺗﻰ ،
ﻭﺍﺣﺸﻨﻰ ﻳﺎ ﺍﻟﺮﺳﻴﺖ ﻣﺮﺍﺳﻴﻚ ..
ﺟﻮﺓ ﺫﺍﺗﻰ ،
ﺍﻻ ﺑﺎﻛﺮ ﻟﻤﺎ ﺗﺮﺟﻊ ،
ﺃﻧﺎ ﺑﺤﻜﻰ ﻟﻴﻚ ﻋﻦ ﺍﻟﺤﺼﻞ ،
ﻭﻋﻦ ﺑﻌﺪ ﺍﻟﻤﺴﺎﻓﺔ ﻭﻗﺮﺑﻬﺎ
ﻭﻟﻤﻦ ﻳﻔﺎﺭﻕ ﺯﻭﻝ ﻋﻴﻮﻥ
ﻏﺎﻟﻴﺎﺕ ﻋﻠﻴﻬﻮ ﻛﺘﻴﺮ ﺧﻼﺹ ﻭﺑﺤﺒﻬﺎ
ﻭﺍﻟﻠﻪ ﺃﺣﻜﺎﻡ ﻳﺎ ﻗﺪﺭ
ﻭﺍﻟﻠﻪ ﺃﺣﻜﺎﻡ ﻳﺎ ﻣﺴﺎﻓﺔ ﻭﻳﺎ ﺳﻔﺮ
***
ﻭﺍﻧﺖ ﻟﻤﺎ ﺑﺘﺴﻴﺒﻨﻰ ﻭﺗﺴﺎﻓﺮ
ﺧﺖ ﻓﻰ ﺇﻋﺘﺒﺎﺭﻙ ،
ﺍﻧﻮ ﺩﻧﻴﺎﻯ ﻓﻰ ﻣﺪﺍﺭﻙ
ﻭﺟﺪ - ﻟﻔﺎﻓﺎﺕ ﺍﻟﺼﺒﺮ ﺩﺧﻨﺘﻬﺎ
ﻭﻛﻞ ﺍﻟﻤﻘﺎﻃﻊ ﻓﻰ ﻏﻨﺎﻯ ﻃﻮﻋﺘﻬﺎ
ﻭﻏﺮﻳﺒﺔ ﻏﻨﺖ ،
ﻓﺮﺣﺔ ... ﻻ ... ﻻ
ﻏﺮﺑﺔ .. ﻻ .... ﻻ
ﺗﻘﺼﺪ ﺷﻨﻮ ﻣﺎ ﻋﺮﻓﺘﻬﺎ
ﻭﺃﻫﻰ ﺗﺠﺮﺑﺔ .....
ﺧﻄﻴﺮﺓ ﺟﺪ ﻭﺃﺟﺘﺰﺗﻬﺎ
ﻭﻟﺴﺔ ﻭﺍﺣﺸﻨﻰ

ﻳﻮﻡ ﺭﺣﻴﻠﻚ ..................
ﻣﺎﺑﺘﺸﺒﺔ ﺍﻟﻘﻤﺮ ﺍﻟﺒﺘﺎﻭﻕ ﻣﻦ ﺳﻤﺎ
ﻭﻻﺑﺘﺸﺒﻪ ﺍﻟﺒﺤﺮ ﺍﻟﺨﺪﺍﺭ
ﺟﻤﺎﻻ ﻣﺎﺣﺎﻕ ﻓﻲ ﻏﻨﺎ
ﻣﺸﻴﻬﺎ ﺯﻱ ﻭﺩ ﺍﻟﺒﺸﺎﺋﺮ ﺑﻲ ﻣﻬﻞ
ﻭﺣﺪﻳﺜﺎ ﺯﻱ ﻫﻤﺲ ﺍﻟﻨﺴﺎﺋﻢ ﻟﻠﻨﺨﻞ
ﺍﻳﺪﻳﻨﺎ ﺳﺎﺑﻐﻦ ﺍﻟﻮﺭﺩ
ﻭﺳﻼﻣﺎ ﺯﻱ ﺍﻟﺠﺪﺍﻭﻝ ﻟﻠﺮﺽ
ﻭﻣﻦ ﻣﻌﺰﺗﻚ ﺍﻧﺘﻲ ﻟﻴﺎ .. ﺧﺘﻴﺘﻲ ﻗﻠﺒﻚ ﻓﻮﻕ ﺍﺩﻱ
ﻭﻗﻠﺘﻲ ﻟﻴﻬﻮ ﻋﺰﻳﺰ ﻋﻠﻴﺎ .. ﻋﻠﻴﻚ ﺍﻟﻠﻪ ﺍﺣﺮﺳﻮ ﻟﻴﺎ
ﻭﻗﻠﺘﻲ ﻟﻴﻬﻮ ﻗﺪﺭ ﻋﻨﻴﺎ .. ﻋﻠﻴﻚ ﺍﻟﻠﻪ ﺍﺣﺮﺳﻮ ﻟﻴﺎ
ﻭﻓﻲ ﺻﺒﺎﺣﻮ ﻭﻓﻲ ﻋﺸﻴﺎ .. ﻭﻗﻠﺘﻲ ﻟﻴﺎ ﻣﻌﺎﻙ ﺳﻼﻣﺔ ..
ﻳﻮﻡ ﺭﺣﻴﻠﻚ ﻣﻦ ﺍﻟﺒﺪﺍﻳﺔ .. ﺩﺍﺭﻙ ﻣﺮﺻﻊ ﺍﻟﺠﻮﺍﻫﺮ ﺑﺎﻟﺴﻮﺍﺩ .. ﻏﻴﻢ ﺣﺰﻥ ﻛﻞ ﺍﻟﻴﺘﺎﻣﺔ .. ﻭﺍﺗﺸﺮ ﺑﻲ ﻛﻞ ﺍﻟﻌﺬﺍﺏ ﻭﻓﺎﺭﻗﺖ ﺍﻟﻨﺎﺱ ﺍﻟﺴﻼﻣﺔ ..
ﺍﻥ ﺷﺎﺀ ﺗﻤﺸﻲ ﻭﻟﻲ ﺗﻌﻮﺩﻱ . ﻭﺗﺠﻴﺒﻠﻲ ﺧﺒﺮ ﺟﺪﻳﺪﻱ . ﻳﺒﻘﻰ ﺳﻴﺪﻙ ﻭﻳﺒﻘﻰ ﺳﻴﺪﻱ ﺗﺸﻴﻠﻲ ﻣﻨﻲ ﻭﻟﻲ ﺗﻌﻴﺪﻱ ..
ﻳﺒﻘﻰ ﺳﻌﺪﻙ ﻭﻳﺒﻘﻰ ﺳﻌﺪﻱ ﺗﺸﻴﻠﻲ ﻣﻨﻲ ﻭﻟﻲ ﺗﻌﻴﺪﻱ .. ﻭﺃﻓﺮﺡ ﺑﻴﻪ ﻛﻤﺎﻥ ﺟﺪﻭﺩﻱ ...

ﺍﻟﺸﺎﺑﻪ ﺍﻟﺨﻀﺮﺍ ﻭﺯﻳﺘﻮﻧﻪ
ﻟﻮ ﺷﻔﺘﻮ ﺍﻟﻔﺮﺡ ﺍﻟﻔﻲ ﻋﻴﻮﻧﻬﺎ
ﻭﺍﻟﻘﻤﺮ ﺍﻟﺒﺮﻗﺺ ﻓﻲ ﺳﻨﻮﻧﺎ
ﻛﺎﻥ ﺳﺒﺘﻮ ﻛﻼﻡ ﻳﺎ ﻋﻮﺯﺍﻟﻨﺎ
ﻭﺍﺭﺗﺤﺘﻮ ﺳﺒﺘﻮﻧﺎ ﻓﻲ ﺣﺎﻟﻨﺎ
ﻭﺗﺘﻜﻠﻤﻮ ﻟﻴﻪ ﻣﺎﻟﻜﻢ ﻭﻣﺎﻟﻨﺎ
ﻣﺸﻐﻮﻝ ﺑﺪﻻﻟﻮ ﻭﺷﺎﻏﻠﻨﺎ
ﻭﻣﻔﺘﻮﻥ ﺑﺠﻤﺎﻟﻮ ﻭﻓﺎﺗﻨﺎ
ﻣﻦ ﺑﺪﺭﻱ ﻳﻨﻮﻡ ﻭﻳﺴﻬﺮﻧﺎ
ﻗﻮﻝ ﻟﻴﻨﺎ ﻋﻠﻴﻚ ﺍﻧﺖ ﺍﺳﺘﻨﺎ
ﻃﺒﻌﺎ ﻛﻴﻔﻦ ﻓﻴﻚ ﺍﻟﺤﻨﺎ
ﻳﺎ ﺍﻻﺻﻠﻚ ﻣﺎﺩﺍﻳﺮ ﺣﻨﺎ
ﻛﻴﻔﻦ ﺍﺑﻨﻮﺳﻪ ﺑﺘﺘﻨﺎ
ﻳﺎ ﺍﻻﺻﻠﻚ ﺍﺑﻨﻮﺳﻪ ﺑﺘﺘﻨﺎ
ﻛﻴﻔﻦ ﻳﺼﻠﻚ ﺑﺎﻟﻠﻬﻲ ﺳﺆﺍﻟﻨﺎ
ﻳﺎ ﺍﻟﻔﻴﻚ ﺍﺗﻜﻠﻤﻮ ﻋﺰﺍﻟﻨﺎ
ﻳﺘﻜﻠﻤﻮ ﻟﻴﻪ ﻣﺎﻟﻬﻢ ﻭﻣﺎﻟﻨﺎ
ﺍﻟﻠﻴﻞ ﻋﻠﺸﺎﻥ ﻳﺨﻄﻒ ﻧﻮﻣﻚ
ﺍﻧﺪﺍﺡ ﻭﺍﺗﺸﺘﺖ ﻓﻲ ﻋﻴﻮﻧﻚ
ﻭﺍﺗﺮﺍﻣﻰ ﺧﺼﻞ ﻏﻄﻰ ﺟﺒﻴﻨﻚ
ﻭﺍﺗﻤﺴﺢ ﺩﻩ ﻓﻲ ﺣﻮﺍﺟﺒﻴﻨﻚ
ﻭﺣﻴﻦ ﺭﺳﻢ ﺍﻟﺒﺴﻤﻪ ﺍﻟﻨﺪﻳﺎﻧﻪ
ﺧﺘﺎﻟﻮ ﻗﻤﺮ ﺟﻮﺍ ﺳﻨﻮﻧﻚ
ﻭﺩﻭﺑﻨﻲ ﺑﻘﻴﺖ ﻣﻔﺘﻮﻥ ﻟﻮﻧﻚ
ﻭﻓﻨﺎﻧﻚ ﻭﺷﺎﻋﺮﻙ ﻭﻣﺠﻨﻮﻧﻚ
ﻳﺎﺍﻟﻤﺎﻙ ﻣﻬﺘﻤﻪ ﺑﺎﺣﻮﺍﻟﻨﺎ
ﻳﺎ ﺍﻟﻔﻴﻚ ﺍﺗﻜﻠﻤﻮ ﻋﺰﺍﻟﻨﺎ
ﻭﻳﺘﻜﻠﻤﻮ ﻟﻴﻪ ﻣﺎﻟﻬﻢ ﻭﻣﺎﻟﻨﺎ

ﺁﻩ ﻟﻮ ﺃﻋﺮﻑ ﻣﻦ ﺃﻱ ﺍﻷﻓﺎﻕ ﺗﻬﺐ ﺍﻟﺮﻳﺢ
ﻟﻜﻨﺖ ﺳﺒﻘﺖ ﺍﻟﺮﻳﺢ
ﻭ ﻛﻨﺖ ﻧﺸﺮﺕ ﻋﻠﻰ ﺟﻨﺒﺎﺕ ﺍﻷﻓﻖ ﺭﺩﺍﺋﻲ
ﻣﻦ ﺃﻗﺼﺎﻩ ﺇﻟﻰ ﺃﻗﺼﺎﻩ
ﻷﺣﺠﺐ ﺭﻳﺢ ﺍﻟﺤﺰﻥ ﺍﻟﻘﺎﺩﻡ ﻋﻦ ﻋﻴﻨﻴﻚ
ﻭ ﺃﻧﺼﺐ ﻋﺮﺷﻚ ﻓﻮﻕ ﺍﻟﺸﻤﺲ
ﻭ ﺃﻋﺰﻑ ﻣﻮﺳﻴﻘﺎﻱ ﻣﺤﺒﺎً ﻓﻲ ﻣﻠﻜﻮﺕ ﺍﻟﻠﻪ
ﺁﻩ ﻟﻮ ﺃﻗﺪﺭ ﻛﻨﺖ ﻣﻸﺕ ﺣﺪﻳﻘﺘﻨﺎ ﺍﻟﺠﺮﺩﺍﺀ
ﺑﺎﻟﺰﻧﺒﻖ ﻭ ﺍﻟﺪﻓﻠﻲ
ﻭ ﻛﻨﺖ ﻏﺴﻠﺖ ﻛﺂﺑﺎﺕ ﺍﻟﻔﻘﺮﺍﺀ
ﻣﻦ ﺃﺟﻠﻚ ﻳﺎ ﻋﻴﻨﻲ
ﻟﻜﻨﻲ ﻻ ﺃﻣﻠﻚ ﺇﻻ ﺍﻟﻜﻠﻤﺔ ﻓﻲ ﺷﻔﺘﻲ
ﺃﺳﻄﺮﻫﺎ ﺣﻴﻨﺎ ﻓﻲ ﺍﻟﺼﺨﺮ
ﻭ ﺣﻴﻨﺎ ﺃﻧﻘﺸﻬﺎ ﻣﺜﻞ ﺍﻟﻤﺠﻨﻮﻥ ﻋﻠﻰ ﺻﻔﺤﺎﺕ ﺍﻟﻤﺎﺀ
ﺯﻣﻨﻲ ﻗﺎﺱ
ﺯﻣﻨﻲ ﺟﻼﺩ ﻻ ﻳﺮﺣﻢ
ﺯﻣﻨﻲ ﻗﺎﺱ
ﺯﻣﻨﻲ ﻭﺟﻪ ﻳﺘﻔﺠﺮ ﻣﻦ ﺷﻔﺘﻴﻪ ﺍﻟﺪﻡ
ﺯﻣﻨﻲ ﻗﺎﺱ
ﺯﻣﻨﻲ ﻳﺎ ﺃﺧﺖ ﻫﻮﺍﻱ ﺃﺻﻢ
ﻳﺨﻨﻘﻨﻲ ﻛﻲ ﻻ ﺃﺗﻜﻠﻢ
ﻭ ﺃﻧﺎ ﺃﻧﺴﺎﻥ ﻳﺘﺄﻟﻢ
ﻭ ﺃﻧﺎ ﺃﺑﺼﺮ ﺃﺳﻤﻊ ﺃﻋﻠﻢ
ﺃﻋﻠﻢ ﺃﻥ ﺍﻟﺤﺮﻳﺔ ﺗﺤﻜﻤﻬﺎ ﺍﻟﻘﻄﺒﺎﻥ
ﺃﻋﻠﻢ ﺃﻥ ﺷﻌﻮﺑﺎً ﻣﺎ ﺯﺍﻟﺖ ﺗﺘﺒﻨﻰ ﺍﻷﻭﺛﺎﻥ
ﺃﻋﻠﻢ ﺃﻥ ﺍﻟﺘﻮﺭﺍﺓ ﺗﻤﻮﺕ ﻭ ﺗﻮﻟﺪ ﻓﻲ ﺍﻹﻧﺴﺎﻥ
ﺃﻋﻠﻢ ﺃﻧﻲ ﻻ ﺷﻲﺀ ﺳﻮﻯ ﻇﻠﻤﺎﺕ
ﻻ ﺷﻲﺀ ﺳﻮﻯ ﺭﻭﺡ ﻣﻈﻠﻢ
ﻟﻮ ﻣﺎﺗﺖ ﻓﻲ ﺷﻔﺘﻲ ﺍﻟﻜﻠﻤﺎﺕ ﻭ ﻟﻮ ﺃﻃﺒﻘﺖ ﻋﻠﻴﻬﺎ ﺍﻟﻔﻢ
ﺯﻣﻨﻲ ﻗﺎﺱ
ﺯﻣﻨﻲ ﻳﺎ ﺃﺧﺖ ﻫﻮﺍﻱ ﻋﺠﺐ
ﻣﻮﺳﻢ ﺟﻮﻉ ﻭ ﺟﺒﺎﻝ ﺫﻫﺐ
ﺯﻣﻨﻲ ﻳﺎ ﺃﺧﺖ ﻫﻮﺍﻱ ﺃﺻﻢ

ﻓﻘﺪﻙ ﻛﺘﺐ ﺣﺰﻥ ﺍﻟﻤﻐﻨﻲ ﻭﺇﻧﻘﻄﻊ ﺷﺪﻭ ﺍﻟﻔﺼﻮﻝ
ﻭﺭﺟﻌﺖ ﺫﻱ ﻣﺎ ﻛﻨﺖ ﻗﺒﻠﻚ ﺁﻩ ﺳﺎﻛﺘﻪ ﻓﻲ ﻋﺼﺒﻲ ﺍﻟﺪﻫﻮﻥ
ﻳﻨﺴﻲ ﺍﻟﺒﺮﻕ ﻋﺮﻗﻲ ﻭﺷﺮﺩ ﻣﻨﻲ ﺍﻟﻮﺗﺮ ﺁﻩ
ﻛﺄﻧﻮ ﺭﻳﺪﻙ ﻛﺎﻥ ﻫﻼﻝ ﺁﺧﺮ ﺷﻬﺮ
ﻭﻛﺄﻧﻮ ﻓﻘﺪﻙ ﻧﻐﻤﺔ ﺃﻳﺎﻡ ﺍﻟﺸﺪﻩ ﻭﻓﺠﺮ ﺃﺣﺰﺍﻥ ﺍﻟﺼﻘﻴﻊ

ﻓﻲ ﻋﻴﻨﻴﻚ ﺩﻧﻴﺎ ﻏﺮﻳﺒﺔ،،
ﺩﻧﻴﺎ ﻣﻼﻧﺔ ﻣﺤﻨﺔ ﻭ ﻃﻴﺒﺔ،،
ﻣﺮﺓ ﺗﺪﻓﻊ ﻭ ﻣﺮﺓ ﺗﺠﻤﻊ،،
ﻣﺮﺓ ﺗﺎﺧﺪ ﻛﻞ ﺃﻋﻤﺎﻗﻨﺎ ﺗﺎﺑﺎ ﺗﺠﻴﺒﺎ،،
ﻭ ﺃﻧﺎ ﺇﺗﺤﻴﺮﺕ،،
ﺷﻠﺖ ﺍﻟﺨﻄﻮﺓ،،
ﺣﺘﻲ ﺍﻟﺨﻄﻮﺓ،،
ﻟﻤﺎ ﻧﺸﻮﻑ ﺟﻤﺎﻝ ﻋﻴﻨﻴﻚ،،
ﻓﺼﻮﻻ ﺭﻫﻴﺒﺔ،،
ﺗﺒﺪﺍ ﺗﺮﺟﻊ،،
ﻗﺼﺔ ﺻﻮﺭﺓ ﻓﻲ ﻋﻴﻨﻴﻚ
ﺃﺻﻮﻟﻬﺎ ﺑﺘﺤﻜﻲ ﻟﻸﻳﺎﻡ
ﻋﻴﺪ ﻣﻴﻼﺩ ﺣﺒﻴﺐ ﻭ ﺣﺒﻴﺒﺔ،،
ﻭ ﺗﺮﻭﻱ ﻛﻼﻡ ﻣﻄﺎﺑﻖ ﻟﻴﻚ،،
ﻧﺎﺑﻊ ﻭﺣﻴﻮ ﻣﻦ ﻋﻴﻨﻴﻚ،،
ﻭ ﺳﻤﺎﺡ ﻋﻴﻨﻴﻚ ﻋﺎﺩ ﻳﻌﻤﻴﻨﺎ،،
ﺯﻱ ﺍﻟﻠﻴﻬﺎ ﻣﺎ ﺷﻔﻨﺎ،،
ﻓﻴﻬﺎ ﺣﺪﻳﺚ ﺟﻤﻴﻞ ﻭ ﺭﻗﻴﻖ،،
ﺑﺪﻱ ﺍﻟﻨﺎﺱ ﺟﻤﺎﻝ ﺇﺣﺴﺎﺱ،،
ﺃﺻﻴﻞ ﻭ ﺭﻗﻴﻖ،،
ﻭ ﺳﻤﺎﺡ ﻋﻴﻨﻴﻚ ﻋﺎﺩ ﻳﻌﻤﻴﻨﺎ،،
ﺯﻱ ﺍﻟﻠﻴﻬﺎ ﻣﺎ ﺷﻔﻨﺎ،،
ﻻ ﻓﻲ ﺍﻟﺮﻳﻞ،،
ﻭ ﻻ ﺇﻧﺴﺎﻥ
ﻭﻻ ﺍﻟﺠﺪﻱ ﺍﻟﺴﻤﺢ ﺑﻲ ﺍﻟﺤﻴﻞ،،
ﻭﻻ ﺍﻟﻨﺎﺱ ﺍﻟﺒﻘﻮﻟﻮ ﻋﺪﻳﻞ،،
ﺳﻤﺎﺡ ﻋﻴﻨﻴﻚ ﻳﺸﻴﻞ ﻭ ﻳﺰﻳﻞ،،
ﺷﻘﺎ ﺍﻷﻳﺎﻡ،،
ﻭ ﻳﺮﺳﻢ ﻟﻴﻨﺎ ﻟﻲ ﻗﺪﺍﻡ
ﺑﻜﻞ ﺣﻨﺎﻥ،،
ﻳﺰﻏﺮﺩ ﻟﻴﻨﺎ ﺯﻳﻦ ﻭ ﻋﺪﻳﻞ

ﺍﻟﻠﻪ ﺃﻛﺒﺮ . ﺍﻟﻠﻪ ﺃﻛﺒﺮ .. ﺍﺫﻥ ﺍﻻﺫﺍﻥ
ﻭﺑﻨﺼﻠﻴﻚ ﻳﺎ ﺻﺒﺢ ﺍﻟﺨﻼﺹ ﺣﺎﺿﺮ ...
ﻭﺑﻨﻔﺘﺢ ﺩﻓﺘﺮ ﺍﻻﺣﺰﺍﻥ ﻣﻦ ﺍﻻﻭﻝ ﻭﻟﻸﺧﺮ
ﻭﻧﺘﺴﺂﺀﻝ ﻣﻨﻮ ﺍﻟﺮﺑﺤﺎﻥ ﻣﻨﻮ ﺍﻟﺨﺎﺳﺮ
ﻣﻨﻮ ﺍﻟﻜﺎﺗﻞ ﻣﻨﻮ ﺍﻟﻤﻜﺘﻮﻝ ..
ﻣﻨﻮ ﺍﻟﻘﺪﺍﻡ ﺿﻤﻴﺮ ﺍﻟﺪﻧﻴﺎ ﻳﻮﻡ
ﺍﻟﻮﺍﻗﻌﺔ ﻛﺎﻥ ﻣﻮﺻﻮﻡ ﻭﻛﺎﻥ ﻣﺴﺌﻮﻝ
ﻣﻨﻮ ﺍﻟﻌﻤﻖ ﻋﺰﻩ ﺟﻮﻩ ﻓﻴﻨﺎ
ﻭﻣﺎﻫﻤﺎﻫﻮ ﻳﻮﻡ ﺍﻟﻬﺠﺮﻩ ﻟﻠﻤﺠﻬﻮﻝ
ﻣﻨﻮ ﺍﻻﺗﻔﺶ ﻭﻟﻊ ﻧﺎﺭﻭ ﻓﻲ ﺍﻟﻤﺤﺼﻮﻝ
ﻣﻦ ﺍﻟﻤﺤﺼﻮﻝ
ﻭﺗﺎﻧﻲ ﺍﺗﻐﺸﻪ ﻣﺎﻋﺎﻳﻦ ﻋﺸﺎﻥ
ﻳﺘﺄﻣﻞ ﺍﻟﻌﻴﺶ ﺍﻟﻤﻼ ﺍﻟﻘﻨﺪﻭﻝ
ﻣﻨﻮ ﺍﻟﻌﺴﻜﺮ ﻣﻊ ﺍﻟﻄﻐﻴﺎﻥ
ﻣﻨﻮ ﺍﻟﺴﻠﻢ ﺻﻐﺎﺭﻭ ﺍﻟﻐﻮﻝ
ﻣﻨﻮ ﺍﻟﻠﻤﻊ ﻧﻌﻞ ﻛﺎﺗﻠﻨﺎ
ﻳﻮﻡ ﻛﺎﺗﻠﻨﺎ ﻛﺎﻥ ﻣﺨﺒﻮﻝ
ﻭﻣﻨﻮ ﺍﻟﻐﻨﺎﻟﻨﺎ ﺳﺎﻋﺔ ﺍﻟﺤﺎﺭﺓ
ﻳﺎ ﺍﻛﺘﻮﺑﺮ ﺍﻟﻤﺤﻤﻮﻝ ﻋﻠﻲ ﺍﻻﻛﺘﺎﻑ
ﻳﺎ ﺍﻛﺘﻮﺑﺮ ﺍﻟﻤﻜﺘﻮﻭﻭﻭﻝ
ﻭﺑﻌﺪ ﺍﻟﺼﺤﻮﺓ ﻭﺍﻻﺫﺍﻥ
ﻟﻴﻚ ﺑﻐﻨﻲ ﻳﺎﺷﻌﺒﻲ ﻭﻓﻴﻚ ﺍﻗﻮﻝ
ﻣﺎﻓﻲ ﻏﻴﺮﻙ ﻻ ﺍﺳﻢ ﻻ ﺭﺳﻢ
ﻣﺎﻓﻲ ﻏﻴﺮﻙ ﻻ ﺣﻘﻴﻘﺔ ﻭﻻ ﻗﻀﻴﺔ
ﺩﺭﺑﻲ ﺩﺭﺑﻚ .. ﻣﺠﺪﻱ ﻣﺠﺪﻙ
ﺟﺮﺣﻲ ﺟﺮﺣﻚ ﻋﺰ ﻣﺴﻄﺮ
ﻓﻲ ﺍﻟﺒﻴﺎﺭﻕ ﻭﺍﻟﻬﻮﻳﺔ
ﺻﻮﺗﻲ ﺻﻮﺗﻚ .. ﺣﺪﻱ ﺣﺪﻙ
ﻭﻋﻴﻲ ﻭﻋﻴﻴﻚ ﻋﻴﻦ ﺑﺘﺴﻬﺮ
ﻓﻲ ﺍﻟﻤﺮﺍﻛﺰ ﻭﻗﻠﺒﻲ ﺭﺍﻛﺰ
ﻭﺍﻳﺪ ﺑﺘﻀﻐﻂ ﻓﻲ ﺯﻧﺎﺩ ﺍﻟﺒﻨﺪﻗﻴﺔ ...
ﺣﺒﻴﺒﻨﺎ ﺍﻟﺸﻌﺐ ﻳﺎﻗﺎﺩﺭ ﻭ ﻳﺎ ﻧﺎﺩﺭ
ﺩﺍ ﺍﻟﺒﺨﻮﻧﻚ ﺩﺍﺱ ﻛﺮﺍﻣﺘﻮ
ﺯﻱ ﻣﻘﺎﺗﻞ ﺧﺎﻥ ﻗﻀﻴﺘﻮ
ﻭﺑﺎﻉ ﺳﻼﺣﻮ ﻭﻋﺎﺩﺍ ﺭﺍﻳﺘﻮ
ﺣﺒﻴﺒﻨﺎ ﺍﻟﺸﻌﺐ
ﻳﺎ ﻗﺎﺩﺭ ﻭﻳﺎ ﻧﺎﺩﺭ
ﺩﺍ ﺍﻟﺒﺤﺒﻚ ﻭﺍﻟﺒﻌﺰﻙ
ﻣﺎﺑﺪﺍﻳﻦ ﻣﺎ ﺑﻬﺎﺩﻥ
ﺣﺘﻲ ﻟﻮ ﺣﺎﻧﺖ ﻧﻬﺎﻳﺘﻮ
ﻭﻓﻴﻚ ﻳﺤﺐ ﺍﻻﺣﺘﺮﺍﻡ ..
ﻭﻟﻴﻚ ﻭﻣﻨﻚ ﻻﺯﻡ ﻳﻌﺮﻑ
ﺍﻳﻪ ﻫﻮ ﻣﻌﻨﻲ ﺍﻻﻟﺘﺰﺍﻡ

ﻋﻦ ﺣﺒﻴﺒﺘﻲ ﺑﻘﻮﻟﻜﻢ
ﻋﻦ ﺣﺒﻴﺒﺘﻲ ﺃﻧﺎ ﺣﺄﺣﻜﻲ ﻟﻴﻜﻢ
ﺿﻞ ﺿﻔﺎﻳﺮﺍ ﻣﻠﺘﻘﺎﻧﺎ
ﺷﺪُّﻭﺍ ﺃﻭﺗﺎﺭ ﺍﻟﻀﻠﻮﻉ
ﺃﻧﺎ ﺑﺤﻜﻲ ﻟﻴﻜﻢ ﻋﻦ ﺣﻨﺎﻧﺎ
ﻣﺮﺓ ﻏﻨﺖ ﻋﻦ ﻫﻮﺍﻧﺎ
ﻓﺮّﺣﺖ ﻛﻞ ﺍﻟﺤﺰﺍﻧﻲ
ﻭﻣﺮﺓ ﻻﻗﺖ ﻓﻲ ﺍﻟﻤﺪﻳﻨﺔ
ﺍﻟﺤﻤﺎﻣﺎﺕ ﺍﻟﺤﺰﻳﻨﺔ
ﻗﺎﻣﺖ ﺃﺩّﺗﺎ ﻣﻦ ﺣﻨﺎﻧﺎ
ﻭﻟﻤﺎ ﻃﺎﺭﺕ ﻓﻲ ﺍﻟﻔﻀﺎﺀ
ﺭﺩﺩﺕ ﺃﻟﺤﻦ ﺭﺿﺎﺀ
ﻭﻛﺎﻧﺖ ﺃﻭﻝ ﻣﺮﺓ ﻓﻲ ﻋُﻤﺮ ﺍﻟﻤﺪﻳﻨﺔ
ﺃﻧﻮ ﻧﺎﻡ ﻣﻜﺘﻮﻡ ﺣﺰﻳﻨﺎ
ﺗﺤﻴﺎ ﻣﺤﺒﻮﺗﻲ ﺍﻟﺤﻨﻴﻨﻪ
*
ﺳﺎﻭّﻩ ﻟﻴﻜﻢ .. ﺑﺈﻳﺪﻳﻨﺎ ﺷﺎﻱ
ﻭﺣﺎﻟﺒﺎﻟﻜﻢ ﺿﻲ ﺍﻟﻘﻤﺮﺍ
ﻣﺨﺒّﻴﻪ ﻓﻲ ﺟﻴﻮﺏ ﺍﻟﻠﻴﻞ
ﻣﺘﻰ ﻣﺎ ﺗﺪﻭﺭﻭ ﺑﺘﺮﻭﻳﻜﻢ
ﻭﻣﺎ ﻣﻤﻜﻦ ﺗﺨﻠﻴﻜﻢ
ﺗﺠﻴﺐ ﺍﻟﻨﺠﻤﻪ ﺗﺪﻳﻜﻢ
ﻋﺸﺎﻥ ﻛﺎﻥ ﻧﻮﺭﺍ ﻣﺎﻛﻔّﻲ
ﺗﺠﻴﺐ ﺿﻮﺍ ﻳﻜﻔّﻴﻜﻢ
ﻭﻋﻦ ﺣﺒﻴﺒﺘﻲ ﺑﻘﻮﻝ ﻟﻜﻢ
ﻭﻟﺴﻪ ﺑﺮﺿﻲ ﺣﺎﻗﻮﻝ ﻟﻜﻢ
ﻳﻼ ﺻﻔﻘﻮﺍ ﻛﻠﻜﻢ