ﺑﻼ ﺃﻗﻨﻌﺔ - ﺯﺍﻫﺮ ﺑﺨﻴﺖ ﺍﻟﻔﻜﻲ
ﻧﻀﻤﻚ ﻣﺎ ﺑﻔﻴﺪ !!..
ﺷﻮﻑ ﻏﻴﺮﻧﺎ ﻗﻮﻟﻴﻬﻮ ﺍﻟﻨﻀِﻢ ..
ﻣﺎ ﺑﻨﺘﻠﺪﻍ ﻣﻦ ﺟُﺤﺮِ ﻭﺍﺣﺪ ﻣﺮﺗﻴﻦ ..
ﻣﺎ ﺑﺴﺮﻯ ﻓﻲ ﺃﺟﺴﺎﺩﻧﺎ ﺳِﻢ ..
ﺷﻌﺒﺎً ﻣﺪﺭّﻉ ﺑﺎﻟﻘﻴﻢ ..
ﺭﺍﻓﻊ ﺷﻌﺎﺭ ﺍﻟﻠﻪ ﺃﻛﺒﺮ ﻣُﻠﺘﺰِﻡ ..
ﻣﺎﺳﻚ ﺻﻼﺗﻮ ﻋﻠﻰ ﻧﺒﻴﻚ ..
ﺻﺎﺩﻕ ﻣُﺤﺼﻦ ﺑﺎﻟﻌﻠِﻢ ..
ﺧﺎﺋﻒ ﻛﺘﻴﺮ ﻣﻦ ﺍﻟﻠﻪ ﻗُﺒﺎﻝ ﺍﻟﻤﻤﺎﺕ ..
ﻣﻦ ﻗﺒﻞِ ﻣﺎ ﻳﺒﻠﻰ ﺍﻟﺠﺴِﻢ ..
ﺧﻠﻴﻬﻮﺍ ﻧﻀﻤﻚ ﻣﺎ ﺑﻔﻴﺪ ..
ﻳﻜﻔﻴﻨﺎ ﻛُﻞ ﺍﻟﻘﻠﺘﻮﺍ ﻣﻦ ﺯﻣﻦٍ ﺑﻌﻴﺪ ..
ﻓﻲ ﺭُﺑﻊ ﻗﺮﻥٍ ﺃﻭ ﻳﺰﻳﺪ ..
ﻧﺤﻨﺎ ﺧﺎﺷﻴﻦ ﺍﻟﻔﻴﻠِﻢ ..
ﺣﺎﻓﻈﻴﻦ ﺗﻔﺎﺻﻴﻞ ﺍﻟﻔﻴﻠﻢ ..
ﺣﺘﻲ ﺍﻟﺒﻄﻞ ﻋﺎﺭﻓﻨﻮ ﻋﺎﺭﻓﻴﻦ ﺍﻹﺳﻢ ..
ﻛﺎﻥ ﺍﻟﺼﺒُﺮ ﺗﺮﻳﺎﻗﻨﺎ ﻟﻴﻚ ..
ﻣﻦ ﻳﻮﻡ ﻣﺠﻴﻚ ..
ﺭﺍﺑﻂ ﻗِﻨﺎﻋﻚ ﻓﻲ ﻭﺷﻴﻚ ..
ﺧﺎﻳﻒ ﺗﺠﻴﻚ ..
ﺍﻟﻄﺎﻣﺔ ﻗُﺒﺎﻝ ﺗﺴﺘﺠِﻢ ..
ﺃﻫﻠﻚ ﻗﺒﻴﻞ ﻗﺎﻟﻮﻫﺎ ﻟﻴﻚ ..
ﻣﺎ ﺗﺮﺟﻰ ﺯﻭﻝ ..
ﻗﺎﻋﺪ ﻳﺤﺶ ﺑﻲ ﺩﻗﻨﻮ ﻓﻲ ﺍﻟﺰﺭِﻉ ﺍﻟﻮﻫﻢ ..
ﻻﺑﺪ ﺣﺼﺎﺩﻭ ﻳﻜُﻮﻥ ﺳﺮﺍﺏ ..
ﺑﺎﻳﺮﺓ ﺍﻷﺭﺽ ﺃﺿﺤﺖ ﻳﺒﺎﺏ ..
ﺗﺪﺧﻞ ﺻﺮﺍﻉ ﺗﻤﺮﻕ ﻧﺰﺍﻉ ..
ﺍﻟﺨﺎﺗﻤﺔ ﻛﺎﻧﺖ ﻫﻲ ﺍﻟﺨﺮﺍﺏ ..
ﻭﺍﻟﺸﺮ ﺑِﻌِﻢ ..
ﻣُﺒﻬﻢ ﻛﻼﻣﻚ ﻳﺎ ﺃﺧﻲ ..
ﻟﻲ ﻏﻴﺮﻧﺎ ﻣﺎ ﻋﺎﺩ ﺑِﻨﻔﻬِﻢ ..
ﻭﺍﻟﺮﺑﺎﻁ ﺍﻟﻜﺎﻥ ﻭﺛﻴﻖ ..
ﺃﺻﺒﺢ ﺿﻌﻴﻒ ﺯﻱ ﺧﻴﻂ ﺭﻗﻴﻖ ..
ﺷﺎﻥ ﺍﻟﻮﻃﻦ ﻛُﻞ ﻳﻮﻡ ﺑﻀﻴﻖ
ﻭﺍﻟﺤﺎﻝ ..
ﻳﺎ ﺳﻴﺪﻱ ﻳﻐﻨﻴﻚ ﻋﻦ ﺳﺆﺍﻝ
ﺧﻠﻴﻬﻮﺍ ﺑﺎﻟﻠﻪ ﺍﻟﻨﻀِﻢ ..
ﻧﺤﻦ ﺧﺎﺷﻴﻦ ﺍﻟﻔﻴﻠﻢ ..
ﺍﻟﺠﺮﻳﺪﺓ