ﻳﻮﻡ ﺍﻟﻤﻐﺮﺑﻴﺔ
ﺑﻲ ﺃﺷﻮﺍﻗﻲ ﺣﺲ ..
ﺑﻲ ﻧﻈﺮﺍﺗﻮ ﺳﻠﻢ ..
ﻭ ﺑﻲ ﺑﺴﻤﺎﺗﻮ ﻣﺲ ..
ﻳﻮﻡ ﺍﻟﻤﻐﺮﺑﻴﺔ
ﺣﺪﻳﺜﻮ ﺣﻨﻴﻦ ﻭ ﻫﻤﺴﺔ ..
ﻣﻮﺳﻴﻘﻰ ﺇﺫﺍ ﺗﻜﻠﻢ ..
ﻫﻮﺍﻭ ﻟﻲ ﻗﻠﺒﻲ ﻣﺲ ..
ﻭ ﺷﻮﻗﻮ ﻛﺘﻴﺮ ﻋﻠﻲ
ﻭﻟﻮ ﻻﻗﻴﺘﻮ ﻫﺴﻪ ..
ﺯﻱ ﺍﻟﺒﺎﻥ ﻣﻘﺴﻢ ..
ﺑﻜﻮﻥ ﻣﺸﺘﺎﻗﻠﻮ ﻟﺴﻪ ..
ﻭ ﻛﻼﻣﻲ ﺍﻟﻔﻴﻮ ﺷﻮﻳﺔ
ﻭﻟﻮ ﺍﻟﻘﻠﺐ ﺩﺱ ..
ﻏﺮﺍﻣﺎً ﻟﻲ ﺃﻟّﻢ ..
ﺧﻔﺎﻫﻮ ﻋﻠﻲ ﺗﻘﺴّﻰ ..
ﻭﻇﺎﻫﺮ ﻓﻲ ﻋﻴﻨﻲ
ﺍﻟﻼﺩﻥ ﺟﺴﻴﻤﻮ ..
ﺍﻟﺮﺍﻗﻲ ﺍﻟﻤﻬﻨﺪﻡ ..
ﻳﺮﺩ ﺍﻟﺮﻭﺡ ﻧﺴﻴﻤﻮ ..
ﺧﻤﺎﺋﻞ ﻣﻮﺳﻤﻴﺔ
ﻣﺘﻴﻦ ﻳﺎ ﺭﺑﻲ ﻟﻴﻤﻮ ..
ﻭ ﻣﻦ ﻋﺰﺍﻟﻲ ﺃﺳﻠﻢ ..
ﻭ ﺃﻋﻴﺶ ﺩﻳﻤﺔ ﻑ ﻧﻌﻴﻤﻮ ..
ﺍﻟﻌﻴﺸﺔ ﺍﻟﻬﻨﻴﺔ
ﺭﺑﻲ ﻋﻠﻲ ﻳﺪﻳﻤﻮ ..
ﻳﺼﺪ ﻣﺮﺍﺕ ﻭ ﻳﺮﺣﻢ ..
ﺃﺧﻴﺮ ﻟﻲ ﻣﻦ ﺟﺤﻴﻤﻮ ..
ﻟﻮ ﺿﺎﻉ ﻣﻦ ﺇﻳﺪﻱّ
ﺟﺪﻳﺪ ﺭﻳﺪﻱ ﻭ ﻗﺪﻳﻤﻮ ..
ﻏﻴﺮ ﻋﻴﻨﻴﻮ ﺗﺤﺮّﻡ ..
ﻋﻘﺪ ﺍﻟﺪﺭ ﺑﺴﻴﻤﻮ ..
ﻭ ﺍﻟﻘﺎﻣﺔ ﺍﻟﻌﻠﻴﻪ
ﺍﻟﻮﺟﻨﺎﺕ ﻭﺣﺎﺗﻦ ..
ﻣﺮﺓ ﺇﺫﺍ ﺗﺒﺴّﻢ ..
ﻓﻲ ﺧﺪﻳﻮ ﺣﻼﺗﻦ ..
ﻭﻓﻲ ﻭﺭﻭﺩﻭ ﺍﻟﻨﺪﻳﺔ
ﻓﺘﺎﻙ ﺟﻴﺪﻭ ﻓﺎﺗﻦ ..
ﻣﺮﺿﻲ ﻭ ﻟﻲّ ﺑﻠﺴﻢ ..
ﻭ ﻋﻴﻨﻴﻮ ﻣﻦ ﺻﻔﺎﺗﻦ ..
ﺑﺘﺰﻳﺪ ﺍﻷﺳﻴﺔ
ﻭ ﻣﺎﻓﻴﺶ ﺣﺴﻦ ﻓﺎﺗﻦ ..
ﻗﺘﻠﻦ ﻗﻠﺒﻲ ﺑﺎﻟﻬﻢ ..
ﻭ ﺑﻲ ﺳﻼﺡ ﺍﻟﻤﻔﺎﺗﻦ ..
ﻭ ﻣﻦ ﻏﻴﺮ ﺃﻱ ﺩﻳﺔ
ﻭ ﻋﺎﻳﺸﺎﺕ ﻫﻦ ﺣﻴﺎﺗﻦ ..
ﻭ ﻛﻢ ﻋﺎﺷﻖ ﺑﻴﺤﻠﻢ ..
ﺟﻔﺎ ﺍﻟﻌﻴﻨﻴﻦ ﺛﺒﺎﺗﻦ ..
ﻭ ﺳﺎﻫﺮ ﺑﻲ ﺍﻷﺯﻳﺔ

ﺍﻧﺖ ﺣﺮ
ﻣﺮﺓ ﺍﺳﻘﻴﻨﻲ ﺍﻟﻤﺤﺒﺔ ... ﻭﻣﺮﺓ ﺍﺳﻘﻲ ﺍﻟﺮﻳﺪﺓ ﻣﺮ ..
...
ﻭ ﺃﺑﻘﻰ ﻣﺮ ﻋﻠﻰ ﺑﻴﺘﻨﺎ ﻣﺮﺓ .. ﺃﺻﻠﻮ ﻗﺮﺑﻚ ﻟﻲ ﺑﺴﺮ ..
ﻭ ﻣﺮﺓ ﺃﺑﻌﺪ ﻳﺎﺣﺒﻴﺒﻲ .. ﺧﻠﻲ ﺷﻮﻗﻲ ﻳﺰﻳﺪ ﺟﻤﺮ
.. ﺍﻧﺖ ﺣﺮ ﻭ ﺍﻟﺪﺍﻳﺮﻭ ﺩﺍﻳﺮﻭ .. ﻭ ﺍﻟﻠﻪ ﻳﺪﻳﻨﻲ ﺍﻟﺼﺒﺮ
ﺍﻧﺖ ﻳﻤﺸﻲ ﻋﻠﻲ ﻛﻼﻣﻚ .. ﺍﻧﺖ ﺗﺄﻣﺮ ﺑﺲ ﺃﻣﺮ
ﻭ ﺑﻲ ﻣﺰﺍﺟﻚ ﻳﺎ ﺣﺒﻴﺒﻲ .. ﻣﺮﺓ ﺃﺿﺤﻚ ﻭ ﻣﺮﺓ ﺻﺮ
ﻭ ﻣﺮﺓ ﺃﺟﺮﺡ ﻗﻠﺒﻲ ﺃﻛﺘﺮ .. ﻭﻳﻮﻡ ﺃﺧﺪ ﻓﻴﻨﻲ ﺍﻷﺟﺮ
ﺍﻧﺖ ﺣﺮ ﻟﻮ ﺷﻠﺘﻲ ﻋﻤﺮﻱ .. ﻭ ﺯﺩﺗﻮ ﻟﻲ ﻋﻤﺮﻙ ﻋﻤﺮ
ﺍﻧﺖ ﺣﺮ ﻟﻮ ﺧﻨﺖ ﻭﻋﺪﻙ .. ﻭ ﺃﺻﻠﻮ ﻣﺎ ﻣﺤﺘﺎﺝ ﻋﺬﺭ
ﻟﻮ ﺗﺨﻠﻲ ﺩﻣﻮﻋﻲ ﺗﺠﺮﻱ .. ﻣﺎﻓﻲ ﻳﻮﻡ ﺩﻣﻌﺔ ﺑﺘﻀﺮ
ﺳﻴﺒﻨﻲ ﺃﺑﻜﻲ ﻭ ﺯﻳﺪ ﻧﻔﻮﺭﻙ .. ﺑﻲ ﻣﺰﺍﺟﻚ ﻭ ﺍﻧﺖ ﺣﺮ
ﺩﻳﻤﺔ ﺑﺴﺘﻨﺎﻙ ﺣﺒﻴﺒﻲ .. ﻭ ﺍﻟﻠﻪ ﻳﺪﻳﻨﻲ ﺍﻟﺼﺒﺮ

ﻗﺎﻟﻮﺍ ﻭﻣﺎ ﺗﻠﻚ ﺍﻟﺘﻲ ﺑﻴﻤﻴﻨﻚ ﺃﻋﻄﻴﻨﺎ ﺟﻮﺍﺏ؟
ﺃﻫﻲ ﻋﺼﺎﺗﻚ ﻓﻲ ﺯﻣﺎﻥ ﺍﻟﺴﺤﺮ؟
ﻭﺍﻟﻘﻮﻝ ﺍﻟﻤﻠﻔﻖ؟
ﻭ ﺍﺣﺘﻤﺎﻻﺕ ﺍﻟﺼﻮﺍﺏ؟
ﺃﻡ ﺻﻮﺭﺓ ﺗﻬﻔﻮ ﺇﻟﻴﻬﺎ ﻛﻠﻤﺎ ﺟﺎﺭﺕ ﺑﻚ ﺍﻷﻳﺎﻡ
ﺗﺨﻨﻘﻬﺎ ﻭﺗﻮﻟﻴﻬﺎ ﺍﻟﻌﺘﺎﺏ ؟
ﺃﻡ ﺑﻌﺾ ﻣﺎﺽٍ ﻗﺪ ﺗﺪﺍﺭﻛﺖ ﺍﺣﺘﻀﺎﺭﻩ
ﻗﺒﻞ ﺃﻥ ﻳﻬﻮﻱ ﺇﻟﻰ ﻗﺎﻉ ﺍﻟﻐﻴﺎﺏ؟
ﺃﻡ ﺭﻳﺸﺔ ﺃﺧﺬﺕ ﺃﻧﺎﻣﻠﻚ ﺍﻟﺮﻗﻴﻘﺔ ﻣﺴﻜﻨﺎً
ﻓﺮﺳﻤﺖ ﻃﻴﻔﺎً ﻣﻦ ﺷﻘﻴﻘﺎﺕ ﺍﻟﻌﺬﺍﺏ ؟
ﺃﻡ ﻛﺎﻥ ﺃﺯﻣﻴﻼ ﻟﺘﻨﺤﺖ ﻓﻲ ﺻﻤﻴﻢ ﺍﻟﻘﻠﺐ ﺃﻏﻨﻴﺔً
ﻣﻦ ﺍﻟﺤﺲ ﺍﻟﺸﻔﻴﻒ
ﻭﺿﻮﺀ ﺷﻤﻊٍ
ﻭ ﺃﻧﺘﺴﺎﺏ؟
ﻗﺎﻟﻮﺍ ﻭﻗﺪ ﻛﺬﺑﻮﺍ ﻭﻟﻮ ﺻﺪﻗﻮﺍ ﻓﻬﺬﺍ ﺍﺭﺗﻘﺎﺀ
ﻫﻲ ﺍﺭﺗﻴﺎﺡ ﺍﻟﺮﻭﺡ ﻣﻦ ﺩﻭﻥ ﺍﻟﻨﺴﺎﺀ
ﻫﻲ ﻟﻬﻔﺘﻲ ﻭﻣﺤﻂ ﻗﻠﺒﻲ ﻣﻦ ﺗﺒﺎﺭﻳﺢ ﺍﻟﻌﻨﺎﺀ
ﻫﻲ ﻣﻦ ﺗﻮﻛﺄﺕ ﻋﻠﻴﻬﺎ
ﺣﻴﻦ ﺿﻦّ ﺍﻟﻨﺎﺱ ﻭﺍﻋﺘﺎﺩﻭﺍ ﺍﻟﺮﻳﺎﺀ
ﻫﻲ ﻭﺟﻬﺘﻲ
ﻫﻲ ﻣﻬﺠﺘﻲ
ﻫﻲ ﺑﻬﺠﺘﻲ
ﻫﻲ ﻣﻦ ﺃﻫﺶّ ﺑﻬﺎ ﻋﻠﻰ ﺣﺰﻧﻲ
ﺇﺫﺍ ﻋﻢّ ﺍﻟﺸﻘﺎﺀ
ﻫﻲ ﻭﺍﺣﺘﻲ
ﻫﻲ ﺳﺎﺣﺘﻲ
ﻫﻲ ﻣﺴﺮﺣﻲ
ﻫﻲ ﻣﻄﺮﺣﻲ
ﻫﻲ ﻣﻠﻔﺤﻲ ﺩﻭﻣﺎً ﺇﺫﺍ ﻋﺼﻒ ﺍﻟﺸﺘﺎﺀ
ﻫﻲ ﻣﺤﺾ ﻋﺸﻖٍ ﺩﺍﻓﻖٍ ﻓﻲ ﺍﻟﻘﻠﺐ ﻟﻴﺲ ﻟﻪ ﺇﻧﺘﻬﺎﺀ

ﺍﻟﺒﺮﻟﻮﻡ
ﺑﺮﻟﻮﻡٌ ﻗﺎﺑﻞ ﺑﺮﻟﻮﻣﻪ
ﻓﻲ ﺍﻭﻝ ﻳﻮﻡٍ ﺑﺎﻟﺠﺎﻣﻌﻪ
ﺮَﺤِﺳُ ﺍﻟﺒﺮﻟﻮﻡ ﺑﻨﻈﺮﺗﻬﺎ
ﻭﺗﺮﺍﻩ ﻳﺮﺩﺩ ﻓﻲ ﻭﻟﻪٍ
‏( ﺣﺒﻴﺘﻮ ﻣﻦ ﻧﻈﺮﻩ ﻭﻫﻮ ﻗﻠﺒﻮ ﺧﺎﻟﻲ ﻛﻴﻒ ﺍﻟﻄﺮﻳﻘﻪ ﺍﻟﺒﻴﻬﺎ ﻳﺘﻢ ﻭﺻﺎﻟﻲ ‏)
ﻭﺑﻌﺪ ﻣﺤﺎﺿﺮﺓ ﻃﺎﻟﺖ
ﻭﺷﺠﻮﻥٌ ﻭﺩﻣﻮﻉٌ ﺳﺎﻟﺖ
ﺳﺄﻟﺖ ﺟﺎﺭﺗﻬﺎ ﻋﻦ ﺷﺊٍ
ﻓﺸﺐ ﺳﺮﻳﻌﺎً ﺧﻠﻔﻬﻤﺎ
ﻭﺑﺪﺕ ﺍﺳﺌﻠﺔٌ ﺗﺘﻮﺍﺗﺮ
ﻫﻞ ﺍﻧﺖ ﺍﺳﺎﺳﺎً ﻣﻦ ﻣﺪﻧﻲ؟
ﺍﻧﻲ ﻗﺎﺑﻠﺘﻚ ﻓﻲ ﻣﺮﻩ
ﻟﻜﻦ ﺍﻟﺴﻬﻮ ﺗﻤﻠﻜﻨﻲ
ﻭﺑﺪﺍ ﺍﺣﻴﺎﻧﺎ ﻳﺴﺄﻟﻬﺎ ﻭﻳﺠﻴﺐ ﺍﺣﺎﻳﻴﻨﺎ ﺍﺧﺮﻱ
ﻭﺍﻟﻴﻮﻡ ﺍﻻﻭﻝ ﻗﺪ ﻋﺪﻯ
ﻟﻴﺼﻴﺮ ﺍﺳﺎﺑﻴﻌﺎ ﻋﺪﺓ
ﻣﺎﺑﻴﻦ ﺳﻬﺎﺩٍ ﻭﺳﻌﺎﺩٍ
ﺗﺘﺨﻠﻠﻪ ﺑﻌﺾ ﺍﻟﺬﻛﺮﻯ
ﻭﺳﻌﺎﺩ ﺍﻻﺧﺮﻯ ﻗﺪ ﻫﺎﻣﺖ
ﺑﺎﻟﺸﺎﺏ ﺍﻻﺳﻤﺮ ﻭﺗﺮﺍﻣﺖ
ﻓﻲ ﺑﺤﺮ ﺍﻟﻌﺸﻖ ﻭﻗﺪ ﻋﺎﻣﺖ
ﻋﺎﻡٌ ﻭﺗﻔﺸﻰ ﺑﻴﻨﻬﻤﺎ
ﺣﺐٌ ﻟﻠﻨﺎﺱ ﻛﻤﺎ ﻟﻬﻤﺎ
ﻟﻴﺰﻳﺪ ﺍﻟﻮﺩُ ﻛﻤﺎﻟﻬﻤﺎ
ﻭﻳﺼﻴﺮﺍ ﺑﻴﻦ ﺍﻟﻨﺎﺱ ﺷﻤﻮﺱ
ﻓﻲ ﺍﻟﻌﺎﻡ ﺍﻟﺜﺎﻧﻲ ﺍﺧﺒﺮﻫﺎ
ﻋﻦ ﺣﺎﻝ ﺍﻻﺳﺮﺓ ﻭﺍﻻﺧﻮﺍﻥ
ﻭﺍﺑﻮﻩ ﻗﺪ ﻛﺎﻥ ﻣﺪﻳﺮﺍ
ﻭﺍﻻﺳﺮﺓ ﺗﻘﻄﻦ ﺍﻣﺪﺭﻣﺎﻥ
ﻭﺍﻧﻲ ﻻ ﺍﻣﻠﻚ ﺍﻻ ﻓﻴﻼ ﻓﻲ ﺑﺤﺮﻱ
ﻭﻣﺨﻴﺮ ﻓﻲ ﺍﻥ ﺍﻣﻠﻚ ﺍﺭﺿﺎ ﺍﻭ ﺑﺴﺘﺎﻥ
ﻭﻣﻀﻲ ﻋﺎﻣﺎﻥ ﻭﺳﻌﺎﺩٌ ﺳﺎﻭﺭﻫﺎ ﺷﻚٌ
ﻓﻲ ﺍﻥ ﻋﺜﻤﺎﻥ ﻗﺪ ﻳﻜﺬﺏ ﻓﻲ ﺑﻌﺾ ﺍﻻﺣﻴﺎﻥ
ﻟﻜﻦ ﺍﻻﺣﺒﺎﺏ ﻭﺍﻥ ﻛﺬﺑﻮﺍ
ﻓﻠﻴﺲ ﻛﺬﻭﺑﺎً ﻓﻲ ﺍﻟﺘﺤﻨﺎﻥ
ﻭﺍﻟﺜﺎﻟﺚُ ﻗﺪ ﺟﺎﺀ ﻭﻣﺮَ
ﻣﺎﺑﻴﻦ ﺣﻼﻭﺗﻪ ﺍﻟﻤﺮﻩ
ﻭﺑﺼﻴﺺٌ ﻣﻦ ﻃﻌﻢ ﺍﻟﺬﻛﺮﻯ
ﻓﻲ ﺁﺧﺮِ ﻋﺎﻣﻬﻤﺎ ﺍﻟﺮﺍﺑﻊ
ﻣﺎﺑﻴﻦ ﺷﺠﻮﻥٍ ﻭﻣﺪﺍﻣﻊ
ﺟﺎﺀﺕ ﺗﺒﻜﻲ
ﻭﺍﻟﺤﺴﺮﺓُ ﻛﺎﺩﺕ ﺗﻘﺘﻠﻬﺎ
ﻓﺮﺍﺡ ﺳﺮﻳﻌﺎ ﻳﺴﺄﻟﻬﺎ
ﻣﺎﺫﺍ ﻳﺠﺮﻱ ﻫﻴﺎ ﺇﺣﻜﻲ
ﻣﺎﺫﺍ ﻳﺠﺮﻱ
ﻗﺎﻟﺖ ﻭﺍﻟﺪﻣﻌﺔُ ﻗﺪ ﺳﺎﻟﺖ :
ﻗﺪ ﺟﺎﺀ ﺧﻄﻴﺐٌ ﻳﺨﻄﺒﻨﻲ
ﻭﺍﺑﻲ ﻣﺎﻗﺎﻝ ﻟﻪ ﻣﺎﺫﺍ
ﻻ ﻣﺎﻧﻊ ﺍﺑﺪﺍ ﻓﻲ ﻫﺬﺍ
ﻗﻞ ﻟﻲ ﻣﺎﺫﺍ ﺍﻓﻌﻞ
ﻭﺍﻟﺤﺐُ ﻫﻨﺎ ﻻ ﻳﺘﺒﺪﻝ؟
ﻓﺄﺟﺎﺏ ﺑﻜﻞ ﺑﺮﻭﺩ
ﻣﺎ ﻣﻦ ﻣﺸﻜﻠﺔٍ ﺍﺑﺪﺍ
ﻭﻋﻠﻴﻚِ ﻣﺠﺎﺑﻬﺔُ ﺍﻟﻮﺍﻗﻊ
ﻭﺳﺄﻟﺖُ ﺍﻟﻠﻪ ﻟﻜﻲ ﺍﻟﺘﻮﻓﻴﻖ
ﻭﺍﺭﺑﻌﺔ ﺳﻨﻴﻦ ﻋﺎﺷﻢ ﺍﻟﺤﺐ
ﺍﻟﻠﻴﻠﺔ ﻳﻮﻡ ﺍﻋﺪﺍﻣﻢ ﻳﺎﻗﻠﺐ
ﻓﻲ ﺁﺧﺮ ﻗﺼﺘﻨﺎ ﻫﺬﻱ .. ﻟﻴﺲ ﺍﻟﺤﺐ ﺣﺮﻭﻓﺎ ﺃﻭ ﻛﻠﻤﺎﺕ .. ﺍﻟﺤﺐ ﺳﻠﻮﻙ ﻓﻲ ﺑﺴﻤﺎﺕ

ﺍﻟﻴﻚ ﺃُﺯﺝُ ﺑﺤﺰﻧﻲ ﻭﻓﻴﻨﻲ
ﺑﻘﺎﻳﺎﻙ ﺑﺎﻟﻌﻴﻦ ﺗﻄﻔﻮ ﻭﺃﺷﻜﻮ
ﺇﻟﻰ ﺍﻟﻠﻪ ﻗﻠﺒﻲ ﺃﺗﺎﻙ
ﻭﺭﻏﻢ ﻋﺰﻭﻓﻲ ﻋﻦ ﺍﻟﺤﺐ ﻳﻬﻔﻮ
ﻭﺃﻋﻠﻢ ﺍﻧﻲ ﺇﺫﺍ ﻣﺎ ﻇﻠﻠﺖ
ﺃﺭﺍﻗﺐ ﻗﻠﺒﻲ ﻓﻴﻮﻣﺎً ﺳﺄﻏﻔﻮ
ﻓﻴﻬﺮﺏَ ﻣﻨﻲ ﻋﺸﻮﻗﺎً ﺑﺬﻧﺐٍ
ﻭﻳﺪﺭﻱ ﺑﺄﻧﻲ ﺇﺫﺍ ﻣﺎ ﺭﺃﻳﺖ ﻋﻴﻮﻧﻚ ﺃﻋﻔﻮ
ﺍﻟﻴﻚ ﺃُﺯﺝُ ﻭﺃﻧﺖ ﺍﻣﻴﺮ ﺗﻌﻴﺶ
ﻭﺣﻴﺪﺍً ﻏﺰﺍﻻً ﺷﺮﻳﺪﺍً ﻭﺩﻧﻴﺎﻙ ﺗﺼﻔﻮ
ﺍﻟﻴﻚ ﺃُﺯﺝُ ﻭﻓﻴﻨﻲ ﺑﺤﺒﻚ ﻧﺎﺭٌ ﺗﺄﺝُ
ﻭﺃﻧﺖ ﺗﻀﺞُ ﻭﺣﺎﺟﺐ ﻋﻴﻦ ﺗﺒﻌﺜﺮ ﻟﻬﻮﺍً
ﻭﺃﻧﺖ ﺃﺯَﺝُ ﺍﻟﻴﻚ ﺃُﺯﺝُ
ﻓﻬﻞ ﻓﻲ ﺻﻤﻴﻢ ﻓﺆﺍﺩﻙ ﺃُﺳﺠﻦ
ﻭﺃﺣﻴﺎ ﻭﺣﻴﺪﺍً .. ﻓﺮﻳﺪﺍً ﻷﺳﻤﻮ
ﻭﺑﻴﻦ ﻋﻴﻮﻧﻚ ﻓﻲ ﺍﻟﻨﻮﻡ ﺃُﺩﻓﻦ؟
ﺿﻤﺎﻥٌ ﻟﺴﻌﺪﻱ ﺭﺅﻳﺎﻙ ﻃﻴﻔﺎً
ﻭﺇﻥ ﻛﺎﻥ ﻣﺮﺁﻙ ﺣﻘﺎً ﻓﺄﺿﻤﻦ
ﺍﻟﻴﻚ ﺃُﺯﺝُ ﻭﻳﻌﺒﺚ ﻋﻘﻠﻲ ﺑﻄﻔﻠﺔ
ﻓﻜﺮﻩ ﻣﺠﺮَﺩُ ﻃﻔﻠﺔ ﻗﺒﻴﺤﺔ ﻣﻈﻬﺮ
ﻭﻓﻴﻬﺎ ﺭﻭﺍﺋﺢ ﻓﻘﺮٍ ﻭﻗﻬﺮٍ
ﺷﺪﻳﺪٍ ﻭﻣﺴﺤﻮﻕ ﺑﺸﺮﻩ ﺗﻘﻮﻝ :
ﺑﺄﻧﻲ ﺳﺄﺑﻌﺪُ ﻋﻨﻚ ﺑﻌﻴﺪﺍً ﻭﺃُﺣﺮﻕ
ﻭﺣﺒﻲ ﺍﻟﻴﻚ ...
ﺳﺘﺤﻜﻢ ﻓﻴﻪ ﺍﻟﻈﺮﻭﻑ ﻭﻳﺸﻨﻖ
ﻭﻳﺒﻘﻰ ﻣﻦ ﺍﻟﻌﺸﻖ ﺫﻛﺮﻯ
ﺃﻋﻮﺫ ﺑﺮﺑﻲ ...
ﻓﺈﻧﻲ ﺑﻌﻮﻥ ﺍﻹﻟﻪ ﻗﺮﻳﺒﺎً ﺳﺄﻧﺠﺢ
ﻭﻛﻞ ﻗﻼﻉ ﺍﻟﻈﺮﻭﻑ ﺍﻟﻌﻘﻴﻤﺔ
ﺑﻤﻔﺘﺎﺡ ﺷﻮﻗﻲ ﺇﻟﻴﻚ ﺳﺘﻔﺘﺢ
ﻭﻋﻨﻚ ﺃﻏﻨﻲ ...
ﻭﻓﻴﻚ ﺳﺄﺻﺪﺡ ...
ﻭﻧﺤﻴﺎ ﺳﻮﻳَﺎً ...
ﻓﺬﻟﻚ ﺻﺒﺢ ﺍﻟﺴﻌﺎﺩﺓ ﺃﺻﺒﺢ

ﻗﺒﻞ ﻣﺎ ﺗﻨﻮﻱ ﺍﻟﺮﺣﻴﻞ
ﻗﻠﺒﻲ ﻋﺸﻤﺎﻥ ﺑﻲ ﺭﺟﻮﻋﻚ .. ﻗﺒﻞ ﻣﺎ ﺗﻨﻮﻱ ﺍﻟﺮﺣﻴﻞ
ﻣﺴﺘﺤﻴﻞ ﻳﻮﻡ ﺍﻟﻤﺴﺎﻓﺎﺕ .. ﺗﻤﺤﻲ ﺭﻳﺪﻙ ﻣﺴﺘﺤﻴﻞ
.....................................................................
ﺑﻘﺮﺃ ﻓﻲ ﻛﻔﻚ ﺷﻘﺎﻱ .. ﻳﻮﻡ ﺗﻠﻮﺡ ﺑﺎﻟﻮﺩﺍﻉ .
. ﻭ ﺍﻟﻤﺮﺍﻛﺐ ﺍﻟﺸﺎﻳﻠﺔ ﺭﻳﺪﻙ .. ﺷﺎﺭﺓ ﻗﻠﺒﻲ ﻋﻠﻰ ﺍﻟﺸﺮﺍﻉ .
. ﺑﻜﺮﺓ ﺗﺮﺟﻌﻲ ﻟﻲ ﺗﺎﻧﻲ .. ﺿﺎﻭﻳﺔ ﻳﺎ ﺃﺟﻤﻞ ﺷﻌﺎﻉ ..
ﻭ ﺗﻤﻠﻲ ﻋﻴﻨﻲ ﺑﻲ ﺇﺑﺘﺴﺎﻣﺘﻚ .. ﻭ ﻳﺮﺟﻊ ﺍﻟﻔﺮﺡ ﺍﻟﻠﻲ ﺿﺎﻉ
.......................................................................................
ﻣﻬﻤﺎ ﺗﺒﻌﺪﻱ ﻋﻦ ﻋﻴﻮﻧﻲ .. ﺇﻧﺖ ﻓﻲ ﺟﻮﺍﻱ ﺳﻜﻮﻧﻚ
.. ﻭ ﺃﻓﻀﻞ ﺃﺷﻌﺮ ﺑﻲ ﻭﺟﻮﺩﻙ .. ﺑﻲ ﺣﺮﻛﺘﻚ ﻭ ﺑﻲ ﺳﻜﻮﻧﻚ
.. ﻭ ﺃﻧﺖ ﻟﻮ ﺑﺘﻐﻴﺒﻲ ﻟﺤﻈﺔ .. ﻓﻴﻨﻲ ﻣﺎ ﺑﺘﻐﻴﺐ ﻋﻴﻮﻧﻚ
.. ﺑﻜﺮﺓ ﺗﺮﺟﻌﻲ ﻟﻲ ﺳﺎﻟﻤﺔ .. ﻭ ﺑﺪﻋﻲ ﺭﺑﻲ ﺩﻭﺍﻡ ﻳﺼﻮﻧﻚ
..........................................................................
ﺍﻟﻮﺩﺍﻉ ﻛﻠﻤﺔ ﺑﻨﻘﻮﻻ .. ﻭ ﻣﺎ ﺑﻨﻌﺮﻑ ﻟﻴﻬﺎ ﺁﺧﺮ
.. ﻭ ﺍﻟﻈﺮﻭﻑ ﻫﻲ ﺍﻟﻔﺮﻗﺘﻨﺎ .. ﻭ ﺍﻷﻣﻞ ﺗﺠﻤﻌﻨﺎ ﺑﺎﻛﺮ
.. ﻭ ﺇﻧﺖ ﻋﺎﺭﻓﺔ ﺟﻤﺮ ﻭﺩﺍﻋﻚ .. ﻭ ﻋﺎﺭﻓﺔ ﺇﻧﻲ ﻋﻠﻴﻬﻮ ﺻﺎﺑﺮ
.. ﺃﺑﻘﻲ ﺃﺭﺟﻌﻲ ﻟﻲ ﺳﺮﻋﺔ .. ﻗﺒﻞ ﺭﻭﺣﻲ ﻣﻌﺎﻙ ﺗﺴﺎﻓﺮ

ﺫﻧﺒﻚ ﺇﻧﻚ
ﺫﻧﺒﻚ ﺇﻧﻚ ﺇﻧﻲ ﺑﺮﻳﺪﻙ ﺃﻛﺘﺮ ﻣﻨﻚ
ﻧﻔﺴﻚ ﻭ ﻟﻮﻧﻚ ﻭﺻﻮﺗﻚ ﻭﺣﺴّﻚ
ﻭﺑﺮّﺍﻕ ﺳﻨﻚ ...
ﻭﺳﻨﺔ ﺳﻴﻒ ﺍﻟﻌﻴﻦ ﺍﻟﻄﻌﻨﺖ
ﻗﻠﺒﻲ ﺍﻟﺮﺍﺩﻙ ﻭﺣﻲ ﺑﻲ ﺣﻨّﻚ
ﺯﺍﺩﻥ ﺷﻮﻕ ﺍﻟﺸﻮﻕ ﺍﻟﺸﺎﻗّﻲ
ﻣﺴﺎﻓﺔ ﺷﻘﺔ ﺭﺍﺳﻚ ﻭﺁﺧﺮ ﻗﺪﻣﻚ
ﻭﻟﺴﺔ ﺍﻟﻨﺎﺱ ﺑﺎﻟﺸﻮﻕ ﺭﺍﺟﻴﻨﻚ ......
ﺫﻧﺒﻚ ﺇﻧﻚ ......
ﺷﺎﻳﻞ ﺭﻳﺪﻙ ﺟﻮّﻩ ﻋﻴﻮﻧﻚ
ﺇﻻّ ﺍﻟﺮﺷﺮﺵ ﺷﺮّ ﻋﻠﻴﻬﻦ ﻟﻮﻥ ﺍﻟﻌﺘﻤﺔ
ﻭﺷﺮّﻙ ﻟﻠﻤﺴﺘﻨﻲ ﺣﻀﻮﺭﻙ
ﻭﻛﻴﻔﻦ ﺗﺒﻘﻰ ﻣﻌﺎﻙ ﺍﻟﻘﻤﺮﺓ
ﻭﺿﻴّﻚ ﻭﻧﻮﺭﻙ ...
ﺿﻮّ ﻗﻠﻴﺐ ﺍﻟﺰﻭﻝ ﺍﻟﺮﺍﺟﻊ ﻟﻴﻚ ﻭﻣﻨﻚ
ﺫﻧﺒﻚ ﺇﻧﻚ .....
ﻫﻞّ ﻫﻼﻟﻚ ﻭﻫﻠﻞ ﻛﻞ ﺍﻟﺸﺎﻓﻚ
ﻭﺷﻔّﻖ ﺭﻭﺣﻮ ﻋﺸﺎﻥ ﺍﻟﺸﻌﺮ ﺍﻟﻨﺎﺯﻝ
ﻓﻮﻕ ﺍﻟﺤﺎﺟﺐ ﺣﺎﺟﺐ ﻟﻮﻥ ﺍﻟﺸﻤﺲ
ﺍﻟﻔﻮﻕ ﻋﻴﻨﻴﻚ ﻣﺎﺗﺸﺮﻕ ....
ﻭﺷﺎﺭﻕ ﻓﻴﻚ ﺍﻟﺪﻫﺸﺔ ﻭﺳﺎﺭﻕ
ﻛﻞ ﺍﻟﻨﺎﺱ ﺍﻟﺴﻤﺤﺔ ﻗﻠﻮﺑﻢ ﻭﻣﺎ ﻧﺎﺳﻴﻨﻚ .....
ﺫﻧﺒﻚ ﺇﻧﻚ .........
ﻟﺴﻪ ﻣﺠﻬﺠﻪ ﺑﻴﻦ ﻣﺎ ﺗﺴﺮﺡ
ﺷﺎﻥ ﻣﺎ ﺗﺴﺮﺡ ﻓﻴﻚ ﺍﻟﺪﻧﻴﺎ
ﻭﺑﻴﻦ ﻣﺎ ﺗﻔﺮﺡ ...
ﺷﺎﻥ ﻣﺎ ﺗﻠﻤﺢ ﺻﻮﺕ ﺍﻟﻐﻨﻴﺔ
ﻳﺮﺩﺩ ﻓﻴﻬﺎ ﺍﻟﻄﻔﻞ ﺍﻟﺸﺎﻓﻚ
ﻭﻛﺎﻧﺖ ﻃﻠّﺔ ﻭﺷّﻚ ﻣﻨﻴﻪ
ﻭﻋﻴﺪﻭ ﻭﻋﻴﺪ ﺃﻭﻻﺩ ﺍﻟﺤﻠّﺔ
ﺍﻟﺤﻞّ ﺍﻟﺤﺰﻥ ﺍﻟﺠﺎﻫﻢ
ﻭﺑﻴﻦ ﺩﻗﺎﺕ ﺍﻟﻘﻠﺐ ﺍﻟﺮﺍﺩﻙ ﻫﻢ ﺷﺎﻳﻠﻨﻚ
ﺫﻧﺒﻚ ﺇﻧﻚ ... ﺇﻧﻲ ﺑﺮﻳﺪﻙ ﺃﻛﺘﺮ ﻣﻨﻚ

ﻳﺎ ﺑﺖ ﻣﻨﻘﺮﻓﺔ ﻣﻦ ﻫﻤﻮﻡ ﺍﻟﺪﻧﻴﺎ ﻭﺍﻟﻘﺸﺮ ﺍﻟﻴﺒﺎﺱ
ﻳﺎ ﺑﺖ ﺧﻼﺹ ﺃﻧﺎ ﺟﺪ ﻓﺘﺮ ﻓﻴﻨﻲ ﺍﻟﺼﺒﺮ
ﻳﺎ ﺑﺖ ﺧﻼﺹ ﺣﺘﺮﺏ ﻣﺴﺎﻣﺎﺗﻲ ﺍﻟﺠﻤﺮ
ﻳﺎﺑﺖ ﻣﺸﻄﻔﺔ ﻣﻦ ﺩﻣﻮﻉ ﺍﻟﻌﻴﻦ ﻭﻛﺖ ﺗﺒﻜﻴﻚ ﻓﺠﺮ
ﻳﺎ ﺑﺖ ﺧﻼﺹ ﻣﺎ ﺗﺮﺟﻌﻲ
ﻭ ﺃﻏﻤﺲ ﻋﻴﻮﻧﻲ ﺍﻟﺒﺎﻗﺔ ﻓﻲ ﺑﺤﺮﻙ ﻭ ﺃﻋﻮﻡ
ﻛﻴﺘﺎً ﻋﻠﻲ ﺍﻟﻨﺠﻤﺎﺕ ﻋﺸﺎﻥ ﺍﻟﻨﺠﻤﺎﺕ ﺑﺘﻀﺎﺣﻜﻦ
ﻭﻳﺘﻮﺳﻮﺳﻦ ﻟﻤﺎﻥ ﺗﻜﻮﻧﻲ ﺑﻌﻴﺪﺓ ﻭﺑﺸﺘﻬﺒﻚ
ﻳﺎ ﺑﺖ ﻣﻨﻘﺮﻓﺔ ﻣﻦ ﻫﻤﻮﻡ ﺍﻟﺪﻧﻴﺎ ﻭﺍﻟﻘﺸﺮ ﺍﻟﻴﺒﺎﺱ
ﻳﺎ ﺑﺖ ﺧﻼﺹ ﺃﻧﺎ ﻳﻮﻡ ﺭﺣﻴﻠﻚ ﺷﻠﺖ ﻋﻜﺎﺯ ﻣﻦ ﺻﺒﺮ
ﺳﻬﺮﺍﻥ ﺑﺤﺎﺣﻲ ﺍﻟﻄﻴﻒ ﻗﺪﺭ ﻣﺎ ﻳﻔﺮ ﺑﺠﺒﺪﻭ ﻋﻠﻲ
ﺃﻛﺎﻥ ﻳﻄﺒﻆ ﻋﻴﻮﻧﻲ ﺍﻟﺸﺎﻳﻠﻪ ﻣﻨﻚ ﻃﻠﺔ ﺍﻟﺼﺒﺤﻴﺔ
ﻗﺒّﺎﻝ ﺍﻟﺸﻤﺲ ﺗﺘﻤﻐّﻰ ﻣﻦ ﻧﻮﻣﺎ ﻭﺗﻘﻮﻡ
ﻳﺎ ﺑﺖ ﻣﻨﻘﺮﻓﺔ ﻣﻦ ﻫﻤﻮﻡ ﺍﻟﺪﻧﻴﺎ ﻭﺍﻟﻘﺸﺮ ﺍﻟﻴﺒﺎﺱ
ﻳﺎ ﺑﺖ ﺧﻼﺹ ﺃﻧﺎ ﺷﻔﺖ ﻗﺒّﺎﻟﻚ ﻛﺘﻴﺮ ﻟﻜﻨّﻮ ﺯﻳَﻚ ﻣﺎ ﺑﺠﻦ
ﺃﻳﺎﻣﻲ ﻣﻦ ﻏﻴﺮﻙ ﺳﻮﺍﺩ ﺃﻳﺎﻣﻲ ﻣﻦ ﺩﻭﻧﻚ ﺳﻜﻦ
ﻭ ﺍﻧﺎ ﺟﺪ ﺳﻜﻦ ﺟﻮﺍﻱ ﺷﺠﻦ ﻭﻛﺘﻴﻦ ﺭﺣﻠﺘﻲ ﻣﻦ ﺍﻟﻮﻃﻦ
ﻳﺎ ﺑﺖ ﺧﻼﺹ ﻣﺎ ﺗﺮﺟﻌﻲ
ﻳﺎ ﺑﺖ ﺧﻼﺹ ﺍﻧﺎ ﺫﺍﺗﻲ ﺣﺎﺱ ﺇﻧﻮ ﺍﻟﻨﻔﺲ ﻣﺎﺭﻕ ﻭﺭﺍﻙ
ﻳﺎ ﺑﺖ ﺧﻼﺹ ﻣﺎ ﺗﺮﺟﻌﻲ
ﻳﺎ ﺑﺖ ﺧﻼﺹ ﻣﺎ ﺗﺮﺟﻌﻲ
ﻭ ﺃﻏﻤﺲ ﻋﻴﻮﻧﻲ ﺍﻟﺒﺎﻗﺔ ﻓﻲ ﺑﺤﺮﻙ ﻭ ﺃﻋﻮﻡ
ﻛﻴﺘﺎً ﻋﻠﻲ ﺍﻟﻨﺠﻤﺎﺕ ﻋﺸﺎﻥ ﺍﻟﻨﺠﻤﺎﺕ ﺑﺘﻀﺎﺣﻜﻦ
ﻭﻳﺘﻮﺳﻮﺳﻦ ﻟﻤﺎﻥ ﺗﻜﻮﻧﻲ ﺑﻌﻴﺪﺓ ﻭﺑﺸﺘﻬﺒﻚ
ﻳﺎ ﺑﺖ ﻣﻨﻘﺮﻓﺔ ﻣﻦ ﻫﻤﻮﻡ ﺍﻟﺪﻧﻴﺎ ﻭﺍﻟﻘﺸﺮ ﺍﻟﻴﺒﺎﺱ

ﻧﻘﺎﻁ ﺍﻟﺰﻳﺮ
ﻧﻘﺎﻁ ﺍﻟﺰﻳﺮ
ﻭﻟﺤﺎﻑ ﻣﻬﺮﻭﺩ
ﻣﺎﺗﺎﻣﻲ ﺳﺮﻳﺮ
... ﻭﺍﻟﺤﻮﺵ ﻭﺳﺨﺎﻥ
ﺑﻼﻋﺔ ﺍﻟﺒﻴﺖ
ﺟﺮﻛﺎﻧﺔ ﺍﻟﺰﻳﺖ
ﻛﺴﺎﺭ ﺍﻟﻄﻮﺏ
ﻓﺮﺩﺓ ﻣﺮﻛﻮﺏ
ﺷﺠﺮﺓ ﻻﻟﻮﺏ
ﺷﺎﻓﻊ ﺳﺮﺣﺎﻥ
ﻣﻠﻴﺎﻥ ﺑﺎﻟﺠﻴﺮ
ﻭﻳﻘﻮﺩ ﺍﻟﻨﺎﺭ
ﺑﺎﻗﺔ ﺍﻟﻜﺮﻛﺎﺭ
ﺩﺧﺎﻥ ﺍﻟﺼﺎﺝ
ﺻﻮﺕ ﺍﻟﺤﺠﺎﺝ
ﺑﺎﺏ ﺍﻟﻨﻔﺎﺝ
ﺃﻭﻻﺩ ﻋﻤﻚ
ﺭﺍﻗﺪﻳﻦ ﺑﻲ ﺟﺎﻱ
ﻣﻬﺪﻭﺩﻳﻦ ﺣﻴﻞ
ﺷﺎﻳﻠﻴﻦ ﺍﻟﻠﻴﻞ
ﺍﺣﻼﻡ ﻋﺸﻤﺎﻥ
ﺭﻳﺤﺔ ﺍﻟﺒﻠﺪﺍﺕ
ﺿﺮﻋﺎﺕ ﺟﻨﻴﺎﺕ
ﻣﻴﺮﺍﺙ ﺍﺑﻮﺍﺕ
ﻭﻋﺼﺎﻳﺔ ﺯﺍﻥ
ﺻﻮﺕ ﺍﻷﺫﺍﻥ
ﻣﻮﻳﺔ ﺍﻻﺑﺮﻳﻖ
ﺷﻮﻑ ﻟﻴﻨﺎ ﻃﺮﻳﻖ
ﺧﺘﻴﻨﺎ ﺍﻟﻨﻲ
ﺧﺘﻴﻨﺎ ﺍﻟﻀﻴﻖ
ﺍﺩﻳﻨﺎ ﻭﺳﺎﻉ
ﻭﻛﻼﺏ ﺍﻟﺤﻲ
ﻣﺎﻛﻨﺎﺕ ﻭﻣﻨﺎﻉ
ﻣﺎﻧﻌﺎﺕ ﺍﻟﻀﻲ
ﻭﺍﻟﺤﺎﻝ ﺑﻄﺎﻝ
ﺍﺩﻳﻨﺎ ﺭﻳﺎﻝ
ﺭﺍﺟﻴﺎﻧﺎ ﻋﻴﺎﻝ
ﻭﺣﺒﺎﻝ ﻓﻲ ﺣﺒﺎﻝ
ﻣﺎﻟﻴﻬﺎ ﺣﺪﻭﺩ
ﻭﻃﺮﻳﻖ ﻣﺴﺪﻭﺩ
ﻭﺍﻟﺠﻴﺐ ﻣﻘﺪﻭﺩ
ﻭﺍﻟﻮﺩ ﻣﻴﺮﻭﺩ
ﺣﻖ ﺍﻟﺪﻛﺘﻮﺭ
ﻭﺍﻟﺼﻒ ﻭﺍﻟﺪﻭﺭ
ﻭﺍﺑﻮﻫﻮ ﻣﻌﺎﺵ
ﻣﺎﻑ ﺣﺎﺟﻪ ﺑﻼﺵ
ﺳﻴﺪ ﺍﻟﺪﻛﺎﻥ
ﻣﻤﻨﻮﻉ ﺍﻟﺪﻳﻦ
ﺟﺎﺯ ﺍﻟﺒﺎﺑﻮﺭ
ﺳﻠﻚ ﺍﻟﻠﻤﺎﻉ
ﻃﻌﻤﻴﻪ ﻓﻄﻮﺭ
ﻭﺭﺳﻮﻡ ﻭﻫﻤﻮﻡ
ﻭﻏﺒﺎﺭ ﻭﺳﻤﻮﻡ
ﺍﻡ ﺍﻷﻭﻻﺩ
ﻣﺎﺿﺎﻗﺖ ﺍﻟﻨﻮﻡ
ﻭﻻﺣﺘﻲ ﺭﻗﺎﺩ
ﺗﻌﺒﺎﻧﻪ ﺧﻼﺹ
ﻣﻠﺖ ﺍﻟﺒﺮﻣﻴﻞ
ﻭﻧﻬﺎﺭﻩ ﻏﺴﻴﻞ
ﺣﻔﻈﺖ ﺍﻟﺒﺖ
ﺳﻮﺭﺓ ﺍﻹﺧﻼﺹ
ﺑﻲ ﻭﺟﻊ ﺍﻟﺮﺍﺱ
ﺭﻗﺪﺕ ﺑﺎﻟﺘﻮﺏ
ﻣﺎﻗﺎﻟﺖ ﺍﻟﺮﻭﺏ
ﻛﻮﺭﺍﻙ ﺍﻟﺪﻳﻚ
ﻣﺴﺘﻮﺭﻩ ﻫﺪﻳﻚ
ﺟﻬﺰﺕ ﺍﻟﺸﺎﻱ
ﺭﺑﻚ ﻫﺎﺩﻳﻚ
ﻣﺎﺑﻔﻜﻚ ﺳﺎﻱ
ﻻﺑﺪ ﺇﺩﻳﻚ
ﻣﻦ ﺑﻌﺪ ﺍﻟﻀﻴﻖ
ﻭﺍﻧﺎ ﻛﻨﺖ ﻏﺮﻳﻖ
ﻣﺎﻻﻗﻲ ﺍﻟﻘﺶ
ﻭﻻ ﺣﺘﻲ ﺷﻬﻴﻖ
ﻳﺎﺍﻟﻮﺷﻮ ﻗﻤﺮ
ﻣﺎﺑﺪﺳﻮ ﺍﻟﻐﻴﻢ
ﻭﺍﻧﺎ ﺣﺒﻲ ﻗﺪﻳﻢ
ﻭﺗﺘﺎﻭﻕ ﺍﻟﺒﺖ
ﺗﻤﻼﻧﻲ ﻛﻼﻡ
ﻭﻋﻴﻮﻧﻪ ﻋﻴﻮﻥ
ﻣﺎﻟﻴﺎﺕ ﺍﻟﻜﻮﻥ
ﺑﻲ ﺍﺟﻤﻞ ﻟﻮﻥ
ﻣﺮﺷﻮﺡ ﺟﻮﺍﻱ
ﻳﺎﻫﻤﺲ ﺍﻟﺮﻳﺪ
ﻳﺎﺳﺮ ﻣﻐﻨﺎﻱ
ﺑﻘﺮﺍﻙ ﻓﻲ ﺍﻟﻨﻢ
ﺳﺎﻣﻌﻚ ﺷﺎﺷﺎﻱ
ﻋﻄﺮﻙ ﻳﻨﺸﻢ ﺏ
ﺑﺤﺮﻙ ﻭﺩﺍﻱ
ﺍﻟﻨﺎﺱ ﺑﺎﻟﻨﺎﺱ
ﻭﺍﻟﻜﻞ ﻟﻠﻔﻮﻕ
ﺑﻌﺪﻭﻧﻲ ﺑﻌﻴﺪ
ﻣﻦ ﺍﻟﻤﻌﺸﻮﻕ
ﻏﺮﺑﺎﻭﻱ ﺑﻘﻴﺖ
ﺭﺳﻤﻮﻫﺎ ﺷﺮﻭﻕ
ﻭﺍﻧﺎ ﺑﻴﻦ ﺇﺗﻨﻴﻦ
ﺑﺎﻟﻈﻦ ﻣﺨﻨﻮﻕ
ﺑﻴﻦ ﺇﻧﻚ ﻟﻲ
ﺍﻡ ﺇﻧﻚ ﻓﻮﻕ
ﻋﺴﻤﻨﻲ ﺍﻟﺮﻳﺪ
ﻳﺎﺳﺖ ﺍﻟﺰﻭﻕ
ﻳﺎﺿﻞ ﻣﻔﺮﻭﺵ
ﺟﻮﺍﺕ ﺍﻟﺤﻮﺵ
ﻣﻘﺸﻮﺵ ﻭﻧﻀﻴﻒ
ﻣﻦ ﻗﻮﻝ ﺍﻟﺰﻳﻒ
ﻣﺮﺷﻮﺵ ﺑﻲ ﻣﻮﻳﺔ ﺭﻳﺪ ﻭﺣﻨﺎﻥ
ﻭﺍﻟﺒﻦ ﻓﻲ ﺍﻟﻨﺎﺭ
ﻭﺗﻬﺐ ﺭﻳﺤﺘﻚ
ﻭﺍﻧﺎ ﺭﺍﺳﻲ ﻳﺪﻭﺵ
ﻣﺘﻘﺮﻳﻒ ﻟﻴﻚ
ﻭﺍﻟﻤﻄﺮﻩ ﺑﺪﺕ
ﻓﻲ ﺩﺍﻙ ﺍﻟﺤﻮﺵ
ﺍﻟﻤﺎﻣﻌﺮﻭﺵ
ﺳﺎﻓﺮ ﻳﺎﻧﺎﺱ
ﺍﻧﺎ ﺍﻟﻘﺎﻭ ﻛﻴﻒ
ﺭﺳﻠﺖ ﻛﺘﻴﺮ
ﺃﺷﻮﺍﻕ ﻭﺳﻼﻡ
ﻭﺣﺮﻭﻓﻲ ﺗﻄﻴﺮ
ﻣﺮﺳﺎﻟﻲ ﺣﻤﺎﻡ
ﻭﺃﻗﻮﻝ ﻻﺑﺪ
ﻳﺒﻌﺖ ﻻﺑﺪ
ﻟﻜﻨﻮ ﻫﻨﺎﻙ
ﻻ ﺑﺼﺪ ﻻ ﺑﺮﺩ
ﺷﻠﻬﺘﻨﻲ ﻣﻌﺎﻭ
ﻟﻲ ﺁﺧﺮ ﺣﺪ
ﺣﺪﺍﺩﻱ ﻫﻮﺍﻙ
ﻣﺪﺍﺩﻱ ﺍﻟﻤﺪ
ﻳﺎﺥ ﻣﺸﺘﺎﻕ ﻟﻴﻚ
ﻃﻤﻨﻲ ﻋﻠﻲ
ﻟﻮ ﻛﺖ ﻣﺎﺟﺎﻱ
ﺭﺳﻞ ﻋﻴﻨﻴﻚ
ﻓﺠﺄﺓ ﺍﻟﻨﺒﺎﻩ
ﻭﺍﻧﺎ ﻟﻴﻠﻲ ﻃﻮﻳﻞ
ﻣﺘﻌﺸﻲ ﺟﺮﺍﺡ
ﻟﻤﻠﻤﺖ ﺍﺳﺎﻱ
ﺟﺎﺑﻠﺪﺕ ﺍﻵﻩ
ﺷﻬﺪﺕ ﻧﺠﻮﻡ
ﻭﺣﺪﺕ ﺍﻟﻠﻪ
ﻭﺃﺧﻴﺮﺁ ﻋﺎﺩ
ﻛﺎﻥ ﺷﺎﻳﻠﻮ ﺑﻌﺎﺩ
ﻭﺃﺧﻴﺮﺁ ﻋﺎﺩ
ﻭﺍﻧﺎ ﻋﺎﺩ ﻳﺎﻧﺎﺱ
ﺍﻓﺮﺍﺣﻲ ﻛﺤﻞ
ﻭﺍﻟﺮﻳﺪ ﻣﺮﻭﺍﺩ
ﻭﺟﺮﻳﺖ ﺍﻟﻘﺎﻭ
ﺳﺎﺑﻘﻨﻲ ﻫﻮﺍﻭ
ﻭﻟﺴﻮﺀ ﺍﻟﺤﻆ
ﻻﺣﻈﺖ ﺍﻟﻠﻮﻥ
ﻣﺎ ﻟﻮﻥ ﺍﻟﻌﻴﻦ
ﻭﺇﺣﺴﺎﺱ ﻣﻤﺤﻮﻕ
ﻣﺎﻓﻴﻬﻮ ﺣﻨﻴﻦ
ﺯﻱ ﺍﻟﻤﺴﺤﻮﺭ
ﺍﻭ ﻃﺎﻗﺸﺎﻭ ﻋﻴﻦ
ﻭﺍﻟﺪﻧﻴﺎ ﺗﺪﻭﺭ
ﻭﻗﻠﺐ ﻣﻜﺴﻮﺭ
ﻭﻣﺮﺍﻳﺔ ﺍﻟﻈﻦ
ﻣﺎ ﺑﺘﻌﻜﺲ ﻧﻮﺭ

ﻧﺎﺱ ﻓﻲ ﺍﻟﻔﻴﺲ ﻛﻼﻣﻬﺎ ﻻ ﻟﻴﻬﻮ ﻣﻌﻨﻰ ﻭﻻ ﻣﻀﻤﻮﻥ
ﻣﺠﺮﺩ ﻗﻬﻘﻬﺔ ﻭﻻﻳﻜﺎﺕ ﻭﺑﺎﻗﻲ ﺍﻟﻮﻗﺖ ﻏﺰﻝ ﻭﻣﺠﻮﻥ
ﻻﺣﺸﻤﺔ ﻻ ﺍﺧﻼﻕ ، ﺣﺜﺎﻟﺔﻣﺠﺘﻤﻊ ﺭﺑﻲ ﻟﻴﻬﻢ ﻳﺼﻮﻥ
ﺍﻟﻔﻴﺲ ﻣﺠﺘﻤﻊ ﺣﺮﻳﺔ ﻣﺎ ﻓﻮﺿﻰ ﻭﺳﻜﺴﻜﺔ ﻭﺟﻨﻮﻥ
ﺍﻛﺘﺐ ﻭﺭﻳﻨﻲ ﻣﻴﻦ ﺍﻧﺖ ؟ ﻋﺴﻰ ﺍﻟﻔﺎﻳﺪﺓ ﻣﻨﻚ ﺗﻜﻮﻥ
ﻭﺍﺩﻳﻨﻲ ﻣﻦ ﻭﻗﺘﻚ ﺷﻮﻳﺔ ﻭﺧﻠﻴﻚ ﻋﻠﻲّ ﺣﻨﻮﻥ
ﺍﻓﻬﻤﻨﻲ ﺑﺮﻭﺍﻗﺔ، ﻣﺎ ﺍﺻﻠﻮ ﺟﻮﺍﻱ ﺑﺎﻟﻜﻼﻡ ﻣﺸﺤﻮﻥ
ﺧﻠﻲ ﺍﻟﻌﻼﻗﺔ ﺍﻟﺒﻴﻨﺎ ﺗﺰﻳﺪ ﺛﻘﺎﻓﺔ ﻭﺩ ﻭﻭﻋﻲ ﻭﻓﻨﻮﻥ
ﻭﻳﻜﻮﻥ ﺻﺪﻕ ﺍﻟﻤﺸﺎﻋﺮ ﺯﻳﻨﺔ ﻭﻛﻼﻡ ﺑﺎﻟﻌﻘﻞ ﻣﻮﺯﻭﻥ
ﻛﻔﺎﻧﺎ ﻛﻼﻡ ﻣﺎﻟﻴﻬﻮ ﻓﺎﻳﺪﺓ " ﻧﺤﻨﺎ ﻛﻨﺎ " ﺗﻌﺎﻟﻮ ﻧﻜﻮﻥ
ﻭﻧﻄﻠﻊ ﺍﻟﺪﺭﺟﺎﺕ ﻧﺤﺼﻞ ﺍﻟﻔﺎﺗﻮﻧﺎ ﺑﺎﻟﺴﻨﻴﻦ ﻭﻗﺮﻭﻥ
ﻣﺎ ﻧﻀﻴﻊ ﻭﻗﺖ ﻓﻲ ﺷﺎﺕ ﻭﺩﺭﺩﺷﺔ ﻭﻻﻳﻜﺎﺕ ﻭﻓﺘﻮﻥ
ﻣﺎﻫﻮ ﺍﻻﻧﺘﺮﻧﺖ ﻣﻼﻥ ﻓﻴﻬﻮ ﺍﻟﻤﻮﺍﺿﻴﻊ ﺫﺍﺕ ﺷﺠﻮﻥ
ﻓﻴﻬﻮ ﻛﻞ ﺍﻟﻌﻠﻮﻡ ﺍﺳﺄﻟﻮ ﻏﻮﻏﻞ ﺍﻥ ﻛﻨﺘﻢ ﻻ ﺗﻌﻠﻤﻮﻥ
ﻳﻼ ﻧﻨﻬﻞ ﻣﻨﻪ ﻣﺎﻳﻔﻴﺪﻧﺎ ﻭﻏﻴﺮﻩ ﻣﺎﻟﻴﻨﺎ ﺑﻴﻬﻮ ﺷﺆﻭﻥ
ﺑﺲ ﺣﺎﺳﺐ ﺿﻤﻴﺮﻙ ﻭﺍﺭﻋﻰ ﻣﻦ ﻗﺎﻝ ﻭﺍﻳّﺎﻱ ﻓﺎﺗﻘﻮﻥ