ﺻﺒﺎﺣﻜﻢ ﺧﻴﺮ - ﺩ ﻧﺎﻫﺪ ﻗﺮﻧﺎﺹ
ﻳﻮﻣﻴﺎﺕ ﺍﻟﺤﺠﺮ ﺍﻟﻤﻨﺰﻟﻲ ‏( 1 ‏)
ﺑﺴﻢ ﺍﻟﻠﻪ ﻧﺒﺪﺃ .. ﺻﺒﺎﺡ ﺍﻷﺣﺪ .. ﻭﻟﺴﻪ ﺑﻨﻘﻮﻝ ﻳﺎ ﻓﺘﺎﺡ ﻳﺎ ﻋﻠﻴﻢ .... ﺟﻠﺴﻨﺎ ﻟﺸﺮﺏ ﺍﻟﺸﺎﻱ
..ﺍﺑﺘﺪﺭ ﺍﺑﻨﻲ ﺍﻟﺼﻐﻴﺮ ﺣﺪﻳﺜﻪ ﻣﻌﻲ ‏( ﺗﻌﺮﻓﻲ ﻳﺎ ﺣﺎﺟﺔ ﺍﻧﻮ ﺳﻘﺮﺍﻁ ﻣﺎ ﻋﻤﻞ ﺗﺪﻭﻳﻦ ﻟﻲ
ﻛﻼﻣﻮ .. ﻛﻞ ﺃﻓﻜﺎﺭﻩ ﻛﺘﺒﻬﺎ ﻋﻨﻪ ﺗﻠﻤﻴﺬﻩ ﺍﻓﻼﻃﻮﻥ‏) .. ﻣﻌﻠﻮﻣﺔ ﻫﺎﻣﺔ ﻓﻲ ﺯﻣﻦ ﺍﻟﻜﻮﺭﻭﻧﺎ
.. ﺳﺄﻟﺘﻪ ‏( ﻟﻴﻪ ﻣﺜﻼً‏) .. ﻗﺎﻝ ﺑﻠﻬﺠﺔ ﺫﺍﺕ ﻣﻐﺰﻯ ‏( ﻛﺎﻥ ﺑﻴﻌﺘﻘﺪ ﺍﻧﻮ ﺍﻟﻜﺘﺎﺑﺔ ﺗﻮﺭﺙ
ﺍﻟﻐﺒﺎﺀ‏) .. ﻣﺎ ﻋﺎﺭﻓﺔ ﻟﻴﻪ ﻣﺎ ﻋﺠﺒﻨﻲ ﺍﻟﻜﻼﻡ ؟ ﻭﺃﺣﺴﺴﺖ ﺍﻧﻪ ﻳﻘﺼﺪﻧﻲ ﺑﻄﺮﻳﻘﺔ ﻣﺎ
.. ﻗﻠﺖ ﻟﻪ ﺑﺤﺪﺓ ‏( ﻛﺘﺎﺑﺔ ﺷﻨﻮ ﻳﺎ ﻭﻟﺪ ﺍﻟﺒﺘﻮﺭﺙ ﺍﻟﻐﺒﺎﺀ ؟‏) .. ﺗﺪﺧﻞ ﺃﺧﺎﻩ ﺍﻷﻛﺒﺮ ‏( ﻳﻘﺼﺪ
ﺍﻟﻜﺘﺎﺑﺔ ﺍﻻﻣﻼﺋﻴﺔ ﻳﺎ ﺣﺎﺟﺔ .. ﻳﻌﻨﻲ ﺍﻟﻮﺍﺣﺪ ﻳﺴﻤﻊ ﻭﻳﻜﺘﺐ ﺑﺪﻭﻥ ﻣﺎ ﻳﻔﻜﺮ ﻭ ﻻ ﻳﺸﻐﻞ
ﻋﻘﻠﻪ .. ﺃﺣﻤﺪ ﺃﻛﻴﺪ ﻣﺎ ﻗﺎﺻﺪ ﺍﻟﻜﺎﺗﺒﺔ ﺍﻻﺑﺪﺍﻋﻴﺔ ﺯﻱ ﺑﺘﺎﻋﺘﻚ ‏) ﻭﻛﺎﻥ ﻳﻀﻐﻂ ﻋﻠﻰ
ﺣﺮﻭﻑ ‏( ﺍﻻﺑﺪﺍﻋﻴﺔ ‏) ﺑﺸﺪﺓ .. ﻓﺄﻇﻠﻨﻲ ﺍﺣﺴﺎﺱ ﺃﺳﻮﺃ ﻣﻦ ﺫﻱ ﻗﺒﻞ .. ﻋﺰﺯﻩ ﺑﺘﻠﻚ
ﺍﻟﻀﺤﻜﺔ ﺍﻟﻤﻜﺘﻮﻣﺔ ﺍﻟﺘﻲ ﺑﺎﻧﺖ ﻣﻼﻣﺤﻬﺎ ﻋﻠﻰ ﻭﺟﻪ ﺷﻘﻴﻘﻪ ... ﻛﻨﺖ ﻋﻠﻰ ﻭﺷﻚ ﺍﻟﺮﺩ
ﺣﻴﻦ ﺃﺗﺎﻧﺎ ﺻﻮﺕ ﺃﺑﻮ ﻫﻨﺪ ﻫﺎﺗﻔﺎً.. ‏( ﻧﺎﺱ ﺍﻝ ﺳﻲ ﺍﻥ ﺍﻥ .. ﻗﺎﻟﻮﺍ ﻋﺪﺩ ﺍﻻﺻﺎﺑﺎﺕ ﻓﻲ
ﺯﻳﺎﺩﺓ .. ﻟﻜﻦ ﻧﺎﺱ ﺍﻟﺒﻲ ﺑﻲ ﺳﻲ ﺟﺎﻳﺒﻴﻦ ﺧﺒﺮ ﺍﻧﻮ ﺑﺮﻳﻄﺎﻧﻴﺎ ﺣﺘﻘﻔﻞ ﺍﻟﻤﺪﺍﺭﺱ .. ﻭﻭﻭ ‏)
ﺧﻴﺮ ﺍﻟﻠﻬﻢ ﺃﺟﻌﻠﻪ ﺧﻴﺮ .. ﺍﻻﺳﺒﻮﻉ ﺑﺎﻳﻦ ﻣﻦ ﺃﻭﻟﻪ .. ‏(ﻣﻦ ﻫﻲ ﺗﻠﻚ ﺍﻟﺘﻲ ﻛﺎﻧﺖ ﺗﺤﺘﻔﻲ
ﺑﺎﻧﺠﺎﺏ ﺍﻟﺬﻛﻮﺭ ؟ ﺫﻛﺮﻭﻧﻲ ﺑﻴﻬﺎ ﺑﺎﻟﻠﻪ ‏) .. ﻃﺒﻌﺎً ﻧﺴﻴﺖ ﺃﻗﻮﻝ ﻟﻴﻜﻢ ﺍﻥ ﺃﺑﺎ ﻫﻨﺪ ﻳﺴﺘﻤﻊ
ﻟﺬﺍﺕ ﺍﻻﺧﺒﺎﺭ ﻓﻲ ﺟﻤﻴﻊ ﺍﻟﻘﻨﻮﺍﺕ ﺍﻟﻔﻀﺎﺋﻴﺔ ﻭﺑﻤﺨﺘﻠﻒ ﺍﻟﻠﻐﺎﺕ ﻋﺮﺑﻲ ﻋﻠﻰ ﻋﺠﻤﻲ
.. ﻣﻤﺎ ﻳﺠﻌﻞ ﺷﻌﺎﺭ ﺍﻟﻤﺮﺣﻠﺔ ‏( ﻭﺩﺍﻋﺎً ﻟﻠﻤﺴﻠﺴﻼﺕ‏) ..
ﻳﺮﻥ ﻫﺎﺗﻔﻲ .. ﺍﺫﺍ ﺑﺼﻮﺕ ﺧﺎﻟﺪﺓ ‏( ﻧﺎﻫﺪ ﻻﺯﻡ ﻧﺸﻮﻑ ﻃﺮﻳﻘﺔ ﻟﻘﻌﺪﺓ ﺍﻟﺮﺟﺎﻝ ﻓﻲ ﺍﻟﺒﻴﺖ
.. ﺃﻧﺎ ﻣﺎﻗﺎﺩﺭﺓ ﺃﻋﻤﻞ ﺣﺎﺟﺔ .. ﺍﺳﻤﺎﻋﻴﻞ ﻗﺎﻋﺪ ﺯﻱ ﺍﻟﻤﻌﻠﻖ ﺍﻟﺮﻳﺎﺿﻲ ﻣﺎ ﺑﺴﻜﺖ ﺍﺻﻠﻮﺍ
.. ﻃﻮﻝ ﺍﻟﻴﻮﻡ ..ﺩﺍ ﺷﻨﻮ ؟ ﻭﻗﺎﻋﺪﻳﻦ ﺗﻌﻤﻠﻮﺍ ﻓﻲ ﺷﻨﻮ ؟ ﻭﺩﺍ ﻟﻴﻪ ﻗﺎﻋﺪ ﻫﻨﺎ ‏) .. ﺿﺤﻜﺖ
ﻣﻌﻬﺎ ‏( ﻳﺎ ﺧﺎﻟﺪﺓ ﺍﺳﺘﺤﻤﻠﻲ ..ﻛﻠﻬﺎ ﻛﻢ ﻳﻮﻡ ﻭﺍﻟﻐﻤﺔ ﺗﺰﻭﻝ .. ﻭﻛﻞ ﺟﺮﻛﺎﻧﺔ ﺗﻤﺸﻲ
ﻣﻜﺎﻧﻬﺎ ‏) ..‏( ﻫﻲ ﻟﻜﻦ ﺍﻟﻤﺸﻜﻠﺔ ﻗﺒﻞ ﻣﺎ ﺍﻟﺠﺮﻛﺎﻧﺔ ﺗﻤﺸﻲ ﻣﻜﺎﻧﻬﺎ .. ﻏﺎﺩﺓ ﺍﻟﻤﻔﺮﻭﺽ
ﺗﺠﻴﺐ ﻟﻲ ﻗﺮﻭﺵ ﺍﻟﺼﻨﺪﻭﻕ ..ﺩﻱ ﺻﺮﻓﺘﻲ .. ﻗﺎﻋﺪﺓ ﺣﺎﺭﺳﺎﻫﺎ ﺑﺎﻟﺸﻬﻮﺭ .. ﻫﺴﻪ
ﺍﺳﻤﺎﻋﻴﻞ ﻳﻌﺮﻑ ﺍﻷﻧﺎ ﻛﻨﺖ ﺩﺍﺳﺎﻫﻮ ﻣﻨﻮ ﺑﺎﻟﺴﻨﻴﻦ ..ﺍﻭﺩﻱ ﺍﻟﻘﺮﻭﺵ ﻭﻳﻦ ﺫﺍﺗﻮ ؟ ﻣﺎ ﺑﻘﺪﺭ
ﺍﻃﻠﻊ ﺃﻣﺸﻲ ﺍﻱ ﺣﺘﺔ .. ﺣﻴﺴﺄﻟﻨﻲ ﺳﺆﺍﻝ ﺍﻟﻤﻠﻜﻴﻦ ‏) ..‏( ﺍﺳﻤﻌﻲ .. ﻳﻤﻜﻦ ﻏﺎﺩﺓ ﺫﺍﺗﻬﺎ ﻣﺎ
ﺗﻘﺪﺭ ﺗﺠﻴﻚ .. ﻟﻜﻦ ﻟﻮ ﺟﺎﺗﻚ ﻗﻮﻟﻲ ﻟﻴﻬﻮ ﺍﻟﻘﺮﻭﺵ ﺩﻱ ﺃﻣﺎﻧﺔ ﺣﻘﺖ ﻏﺎﺩﺓ ﻭﺃﻧﺎ ﻣﺎﺳﻜﺎﻫﺎ
ﻟﻴﻬﺎ .. ﻟﺤﺪﻱ ﻣﺎ ﺍﻷﻣﻮﺭ ﺗﻨﺠﻠﻲ ﺍﻥ ﺷﺎﺀ ﺍﻟﻠﻪ ﻭﻳﺮﺟﻊ ﺷﻐﻠﻮ ‏)..ﻭﺩﻋﺘﻨﻲ ﻭﻫﻲ ﺗﻤﺘﻢ
‏(ﺷﻜﻴﺘﻚ ﻳﺎ ﺍﻟﻜﺮﻭﻭﻧﺎ ﻟﻲ ﺍﻟﻠﻪ ‏) ..
ﻣﺎ ﺍﻥ ﺃﻏﻠﻘﺖ ﺍﻟﺨﻂ .. ﺣﺘﻰ ﺭﻥ ﺍﻟﻬﺎﺗﻒ ﻣﺮﺓ ﺃﺧﺮﻯ ..ﻣﻨﺎﻫﻞ ﻋﻠﻰ ﺍﻟﺠﺎﻧﺐ ﺍﻵﺧﺮ ‏( ﻳﺎ
ﻧﺎﻫﺪ ﻋﺎﻣﻠﺔ ﺷﻨﻮ ﻣﻊ ﺍﻟﻤﻄﺒﺦ ؟ ﺍﻧﺎ ﺃﻭﻻﺩﻱ ﻗﻌﺪﻭﺍ ﻟﻲ ﻓﻲ ﺍﻟﺒﻴﺖ ﻭﺍﻱ ﺣﺎﺟﺔ ﺍﻧﺘﻬﻮﺍ
ﻣﻨﻬﺎ .. ﻳﺎﺧﻲ ﺍﻟﻮﻟﺪ ﺍﻟﺼﻐﻴﺮ ﺍﻣﺒﺎﺭﺡ ﺟﻌﺎﻥ ﻓﺘﺢ ﺍﻟﺘﻼﺟﺔ ﺃﻛﻞ ﺧﻠﻄﺔ ﺍﻟﺸﻌﺮ ﺑﺘﺎﻋﺔ ﺍﺧﺘﻮ
.. ﺍﻟﻠﻴﻞ ﻛﻠﻮ ﺍﻟﻠﻪ ﻳﻜﺮﻣﻚ ﻗﻀﺎﻫﺎ ﻓﻲ ﺍﻟﺤﻤﺎﻡ ..ﺩﻱ ﻣﺼﻴﺒﺔ ﺷﻨﻮ ﻳﺎ ﺍﺧﻮﺍﻧﺎ ..ﺍﻟﻨﺎﺱ
ﺍﻟﻘﻔﻠﻮﺍ ﺍﻟﺠﺎﻣﻌﺎﺕ ﺩﻳﻞ .. ﻣﺎ ﻋﺎﺭﻓﻴﻦ ﺍﻟﺤﺎﺻﻞ ﺷﻨﻮ ﻓﻲ ﺍﻟﺒﻴﻮﺕ ‏) ﻏﺎﻟﺒﺖ ﺍﻟﻀﺤﻚ ﺷﺮﺩ
ﺫﻫﻨﻲ ﻗﻠﻴﻼً )) ﻗﺎﻟﻮﺍ ﺍﻟﻴﺸﻮﻑ ﻣﺼﻴﺒﺔ ﻏﻴﺮﻭ ‏) ‏) ..‏( ﺍﺧﻴﺮ ﻧﺎﺱ ﺳﻘﺮﺍﻁ ﺍﻟﻘﺎﻋﺪﻳﻦ ﻣﻌﺎﻱ
ﺩﻳﻞ ‏) ..ﺍﺗﺎﻧﻲ ﺻﻮﺗﻬﺎ ﻣﺮﺓ ﺃﺧﺮﻯ ‏( ﻣﺎ ﻗﻠﺖ ﻟﻲ ﺃﻋﻤﻞ ﺷﻨﻮ ‏) ..‏( ﺗﻌﻤﻠﻲ ﺩﻳﺒﺎﺟﺎﺕ
ﺍﻟﺼﻴﺎﺩﻟﺔ .. ﻛﻞ ﺧﻠﻄﺎﺕ ﺍﻟﺸﻌﺮ ﻭﺍﻟﺠﺴﻢ ﺑﺘﺎﻋﺘﻚ ﺍﻧﺘﻲ ﻭﺑﻨﺎﺗﻚ ..ﺍﻛﺘﺒﻲ ﻋﻠﻴﻬﺎ
ﻟﻼﺳﺘﺨﺪﺍﻡ ﺍﻟﺨﺎﺭﺟﻲ ﻓﻘﻂ .. ﺗﺤﻔﻆ ﺑﻌﻴﺪﺍً ﻋﻦ ﺍﻻﻃﻔﺎﻝ ﻭﺣﻤﻠﺔ ﺍﻟﻮﺍﻱ
ﻛﺮﻭﻣﻮﺳﻮﻡ ‏) .....ﻳﺎ ﻧﺴﺎﺀ ﺍﻟﻌﺎﻟﻢ ﺍﺗﺤﺪﻭﺍ .. ﺍﻋﻤﻠﻮﺍ ﺍﺭﺷﺎﺩﺍﺕ ﺍﻻﺳﺘﻌﻤﺎﻝ ﻭﺍﺷﺎﺭﺍﺕ
ﺍﻟﻤﺮﻭﺭ ﻓﻲ ﺍﻟﺒﻴﺖ .. ﺍﻋﻠﻨﻮﺍ ﺣﺎﻟﺔ ﺍﻟﻄﻮﺍﺭﺉ .. ﺍﻟﺴﺎﺩﺓ ﺣﻤﻠﺔ ﺍﻟﻮﺍﻱ ﻛﺮﻭﻣﻮﺳﻮﻡ ﺿﻴﻮﻓﻨﺎ
ﺍﻟﻰ ﺃﺟﻞ ﻣﺴﻤﻰ ..ﺩﻋﻮﻧﺎ ﻧﺨﺮﺝ ﻣﻦ ﻫﺬﻩ ﺍﻟﻔﺘﺮﺓ ﺍﻟﻌﺼﻴﺒﺔ ﺑﺄﻗﻞ ﺍﻟﺨﺴﺎﺋﺮ ﻭﻳﺎ ﺭﺏ
ﻣﺎﻧﻔﻘﺪ ﺯﻭﻝ ..
ﺍﻣﺎ ﺃﻧﺎ ﻓﻘﺪ ﺗﻮﺻﻠﺖ ﺍﻟﻰ ﻗﻨﺎﻋﺔ ﺭﺍﺳﺨﺔ .. ﺑﺄﻥ ﺍﻟﺴﺎﺩﺓ ﺍﻟﺬﻛﻮﺭ ﻟﻢ ﻳﺨﻠﻘﻮﺍ ﻟﻠﺒﻘﺎﺀ ﻓﻲ
ﺍﻟﻤﻨﺎﺯﻝ .. ﻭﺍﻥ ﺷﺎﺀ ﺍﻟﻠﻪ ﺑﻌﺪ ﺍﻧﻘﺸﺎﻉ ﻏﻤﺔ ﺍﻟﻜﻮﺭﻭﻧﺎ ..ﺃﻱ ﺍﻣﺮﺃﺓ ﺗﻄﺎﻟﺐ ﺯﻭﺟﻬﺎ ﺍﻭ
ﺃﻭﻻﺩﻫﺎ ﺑﺎﻟﻤﻜﻮﺙ ﻓﻲ ﺍﻟﻤﻨﺰﻝ .. ﻳﺠﺐ ﺍﻟﻜﺸﻒ ﻋﻠﻰ ‏( ﺍﻟﻨﻔﺴﺎﻭﻳﺎﺕ ‏) ﺗﺒﻌﻬﺎ .. ﻏﻴﺮ ﺍﻥ
ﺃﺟﻤﻞ ﺗﻌﻠﻴﻖ ﺗﺴﺘﺤﻖ ﻋﻠﻴﻪ ﺍﻻﻭﺳﻜﺎﺭ ﻛﺎﻥ ﻣﻦ ﺻﺪﻳﻘﺘﻲ ﺍﻟﻌﺰﻳﺰﺓ ﺍﺭﺳﻠﺘﻪ ﻟﻲ ﻫﺬﺍ
ﺍﻟﺼﺒﺎﺡ .. ‏( ﺍﻟﺮﺍﺟﻞ ﻓﻲ ﺍﻟﺒﻴﺖ ...ﻭﻻ ﺑﺴﻮﻱ ﺷﺊ .. ﻟﻜﻦ ﻗﻌﺎﺩﻭ ﻣﺎ ﺣﻠﻮ‏).
ﺍﻟﺠﺮﻳﺪﺓ