ﻣﻤﻜﻦ ﺟﺪﺍ ..." ﺩﻭﻥ ﺗﻜﻠﻴﻒ ﻭﺑﻼ ﺇﺳﺘﺌﺬﺍﻥ
ﻳﺪﺧﻞ ﻗﻠﺒﻚ ﺯﻭﻝ ﺑﺎﻟﺼﺪﻓﻪ ﻳﻜﻮﻥ ﺑﺎﻟﺠﺪ ﻓﻌﻼ " ﺇﻧﺴﺎﻥ
ﻳﻐﺴﻞ ﻋﻨﻚ ﺭﻫﻖ ﺍﻟﺴﻜﻪ ﻭﻳﻤﺴﺢ ﺩﻣﻌﻚ ﻭﺍﻷﺣﺰﺍﻥ
ﻳﻐﻴﺮ ﻛﻞ ﺗﺎﺭﻳﺦ ﺃﻳﺎﻣﻚ .. ﺻﻮﺭﻩ ﻭﺻﻮﺕ ﻭﺯﻣﺎﻥ ﻭﻣﻜﺎﻥ
ﻭﻳﻔﺘﺢ ﺑﻮﺍﺑﺎﺕ ﺃﺣﻼﻣﻚ .... ﻭﻳﻐﻤﺮ ﺭﻭﺣﻚ ﻧﻮﺭ ﻭﺃﻣﺎﻥ
ﻭﻳﺒﺪﺃ ﻳﻔﺮﻫﺪ ﻏﺼﻦ ﻏﺮﺍﻣﻚ ... ﻭﺗﻌﻠﻦ ﺇﻧﺘﺎ ﺍﻟﻔﺮﺣﻪ ﺃﻭﺍﻥ
ﻣﻤﻜﻦ ﺟﺪﺍ ..." ﻳﻔﻴﺾ ﺇﺣﺴﺎﺳﻚ ... ﺧﻴﺮ ﻭﻣﻮﺩﻩ ﻭﺷﻮﻕ ﻭﺣﻨﺎﻥ
ﻭﺗﺒﺪﺃ ﺗﺸﻮﻑ ﺍﻟﻠﻮﻥ ﺍﻟﻮﺭﺩﻯ .... ﻭﺗﻔﺘﺢ ﻟﻶﻣﺎﻝ ﺩﻛﺎﻥ
ﻳﺮﺳﻢ ﻓﻴﻚ ﺍﻟﻠﻮﺣﻪ ﺍﻷﺟﻤﻞ ... ﻭﻟﻴﻬﺎ ﻳﻜﻮﻥ ﺍﻟﻬﻨﺎﺀ ﺃﻟﻮﺍﻥ
ﻭﻳﻜﺘﺐ ﻟﻴﻚ ﺍﻟﻘﺼﻪ ﺍﻷﻋﻤﻖ ... ﻭﻳﺼﺒﺢ ﻟﻴﻬﺎ ﺍﻟﻮﻓﺎ ﻋﻨﻮﺍﻥ
ﺗﺮﺍﻫﻦ ﺇﻧﻮ ﺍﻟﻔﺮﺻﻪ ﺍﻷﺣﺴﻦ ... ﻭﺣﺘﻤﺎ " ﺗﻜﺴﺐ ﺃﻏﻠﻰ ﺭﻫﺎﻥ
ﺗﻌﻴﺶ ﺍﻟﻌﺸﺮﻩ ﻣﻌﺎﻭ ﻓﻰ ﺳﺘﺮﻩ ... ﻭﻟﻴﻚ ﺗﺘﺒﺪﻯ ﺍﻟﺪﻧﻴﺎ ﺟﻨﺎﻥ
ﻭﻣﻤﻜﻦ ﺟﺪﺍ ..."
ﻣﻤﻜﻦ ﺟﺪﺍ " ﺗﺒﻘﻰ ﺍﻟﻐﻠﻄﻪ ... ﺑﺪﺍﻳﺔ ﻣﺮﺣﻠﺔ ﺍﻟﺘﺼﺤﻴﺢ
ﻭﻳﺒﻘﻰ ﺍﻷﻣﻞ ﺇﺣﺴﺎﺱ ﻳﺘﻤﺪﺩ ... ﻭﻳﻤﻸ ﻧﻀﺎﺭﻙ ﺑﻬﻮ ﻓﺴﻴﺢ
ﻭﺗﻠﻘﻰ ﺍﻟﺰﻭﻝ ﺍﻟﻴﺴﻤﻊ ﻧﺪﻣﻚ ... ﻭﺇﻧﺘﺎ ﺑﺘﺤﻜﻰ ﻋﻦ ﺍﻟﺘﺒﺮﻳﺢ
ﻳﻮﺍﺳﻰ ﺃﺳﺎﻙ ﺑﺎﻟﻜﻠﻤﻪ ﺍﻟﻄﻴﺒﻪ ... ﻭﺑﺮﺿﻮ ﻳﻮﺿﺢ ﺭﺃﻯ ﺻﺮﻳﺢ
ﺯﻭﻝ ﻳﻬﺪﻳﻚ ﺃﺧﻄﺎﺀﻙ ﻭﻳﻨﺼﺢ .... ﻭﺣﺘﻰ ﻋﺘﺎﺑﻮ ﺟﻤﻴﻞ ﻭﻣﺮﻳﺢ
ﻟﻴﻜﺎ ﻳﻔﺴﺮ ﻛﻞ ﺍﻟﻤﺒﻬﻢ ... ﻭﺑﻴﻬﻮ ﺗﻀﻤﺪ ﻗﻠﺐ ﺟﺮﻳﺢ
ﻭﻣﻤﻜﻦ ﺟﺪﺍ "
ﻣﻤﻜﻦ ﺟﺪﺍ " ﺗﻠﻘﻰ ﺍﻟﺰﻭﻝ ﺍﻟﻴﺮﺣﻢ ﺿﻌﻔﻚ ﻭﻳﻔﻐﺮ ﻏﻠﻄﻚ ﻭﻛﻠﻮ ﺳﻤﺎﺡ
ﺗﻨﻮﻡ ﻋﻠﻰ ﻃﻴﻔﻮ .. ﻭﺗﺤﻠﻢ ﺑﻴﻬﻮ .. ﻭﻣﻨﻮ ﺑﻴﺸﺮﻕ ﺃﺣﻠﻰ ﺻﺒﺎﺡ
ﺑﻴﻮ ﺗﺴﺘﻘﻮﺍ ... ﻭﻳﺒﻘﻰ ﺍﻟﻤﺄﻭﻯ ... ﻭﺗﺸﻌﺮ ﺟﺪ ﺇﻧﻚ ﻣﺮﺗﺎﺡ
ﻳﻘﻮﻡ ﻋﻮﺟﻚ ..... ﻳﺒﺪﺩ ﺯﻫﺠﻚ .... ﻭﺯﻯ ﺍﻟﻨﻮﺭ ﻓﻰ ﺩﺭﺑﻚ ﻻﺡ
ﺿﺤﻜﺘﻮ ﺣﻠﻮﻩ ... ﻭﻳﺒﻘﻰ ﺍﻟﺴﻠﻮﻯ .... ﻭﻳﻬﻤﺲ ﻟﻴﻚ ﺑﻰ ﺻﻮﺕ ﺻﺪﺍﺡ
ﺭﻳﻘﻮ ﺍﻟﻌﺴﻞ ﺍﻟﻄﻌﻢ ﻋﻤﺮﻙ .... ﻭﺑﻠﺴﻤﻮ ﻳﺸﻔﻰ ﻋﺬﺍﺏ ﻭﺟﺮﺍﺡ
ﻭﻣﻤﻜﻦ ﺟﺪﺍ "
ﺭﺑﻨﺎ ﻋﻮﺽ ﺻﺒﺮﻙ ﺧﻴﺮ ...
ﻭﺭﺟﻊ ﻟﻴﻚ ﺍﻟﺴﺮﻗﻮ ﺍﻟﻐﻴﺮ
ﺟﺎﻙ ﺍﻟﺰﻭﻝ ﺍﻟﺒﺒﻘﻰ ﻧﺼﻴﺮ
ﻓﻴﻬﻮ ﺷﻬﺎﻣﻪ ﻭﺻﺪﻕ ﺃﺻﻴﻞ
ﻓﻰ ﻟﻴﻼﺗﻚ ﺑﺪﺭ ﻣﻨﻴﺮ
ﻳﻠﻮﺡ ﻓﻰ ﺧﺎﻃﺮﻙ ﻣﻌﻨﻰ ﺟﻤﻴﻞ
ﻭﻣﺎﺗﺘﺮﺩ ﻟﺤﻈﻪ ﻭﺗﻐﻠﻂ .... ﺳﺮﺝ ﻧﺤﻮﻭ ﺍﻟﺮﻭﺡ ﻭﺍﻟﺨﻴﻞ ..... ﻭﻟﺴﻪ ﺍﻟﺪﻧﻴﺎ ﺍﻟﻔﻨﻴﻪ ﺑﺨﻴﺮ ﻭﻣﻤﻜﻦ
ﻳﻈﻬﺮ
ﻗﻠﺐ ﻧﺒﻴﻞ ..... ﻭﻋﻤﺮﻙ ﺑﻴﻬﻮ ﺑﻴﺒﻘﻰ ﻃﻮﻳﻞ ... ﻣﻤﻜﻦ ﺟﺪﺍ