ﺗﺒﺘﺪﻱ ﺍﻟﺮﻳﺪﻩ ﺑﺒﺴﻤﺔ
ﺗﻨﺘﻬﻲ ﺑﻘﺼﺔ ﺍﻟﻴﻤﺎ
ﺍﻟﺪﻧﻴﺎ ﺩﻳﻤﺎ ﺗﻌﻠﻤﻚ
ﺗﻤﺴﺢ ﺍﻟﺪﻣﻊ ﺍﻟﺤﺰﻳﻨﺔ
ﻭﻛﻞ ﻗﺼﺔ ﺭﻳﺪ ﻟﻄﻴﻔﻪ
ﺗﻨﺘﻬﻲ ﺑﻘﺴﻮﺓ ﻣﺮﻳﺮﺓ
ﻧﺎﺱ ﺗﻘﻮﻝ ﺍﻟﻔﺮﺣﺔ ﻋﺎﺑﺮﺓ
ﻭﻧﺎﺱ ﺗﺒﻴﻌﻚ ﻓﻲ ﺩﻗﻴﻘﻪ
ﺍﻟﺒﺤﺐ ﻣﻦ ﻗﻠﺒﻮ ﺑﺸﻘﻰ
ﻣﺎ ﺍﻟﻘﻠﻮﺏ ﺩﺍﻳﻤﺎ " ﻭﻟﻴﻔﺔ
ﻭﺍﻟﺒﺮﻳﺪﻙ ﻣﻦ ﺩﻭﺍﺧﻠﻮ
ﺑﺸﺘﻞ ﺍﻟﻔﺮﺣﺔ ﺍﻟﺴﻌﻴﺪﺓ
ﺑﺒﻌﺪ ﺍﻟﻬﻢ ﺍﻟﻜﺌﻴﺐ
ﻭﻟﻠﻘﻠﻮﺏ ﺑﺼﺒﺢ ﻭﺭﻳﺪﺍ
ﻧﺎﺱ ﺑﺘﺒﻌﺪ ﺑﺪﻭﻥ ﺗﻮﺩﻉ
ﺫﻱ ﺳﺤﺎﺑﺔ ﻟﻴﻚ ﺑﻌﻴﺪﺍ
ﻳﻤﻠﻮ ﺍﻟﻌﻴﻨﻴﻦ ﺩﻣﻮﻉ
ﻭﻳﺰﺭﻋﻮ ﺍﻟﻬﻢ ﻓﻲ ﺍﻟﻘﺼﻴﺪﺍ
ﺗﺒﺪﺍ ﺗﻠﻌﻦ ﻓﻲ ﺣﻈﻮﻇﻚ
ﻭﺍﻟﺤﻨﻴﻦ ﺑﺎﻟﻴﻞ ﻳﺰﻭﺭﻙ
ﻭﺍﻟﻌﺼﺎﻓﻴﺮ ﻟﻴﻚ ﺗﻐﺮﺩ
ﺑﺲ ﻋﺸﺎﻥ ﺗﻠﻬﻢ ﺷﺠﻮﻧﻚ
ﻭﺍﻟﺠﺮﺍﺣﺎﺕ ﺗﺒﺪﺍ ﺗﻔﺘﺢ
ﻭﺍﻟﺪﻣﻮﻉ ﺗﺤﺮﻕ ﺧﺪﻭﺩﻙ
ﻭﺍﻟﺼﺒﺎﺡ ﻳﺒﺪﺍ ﻳﺮﺣﻞ
ﻻ ﺻﺒﺎﺡ ﻓﻲ ﻳﻮﻡ ﺑﺰﻭﺭﻙ
ﻭﺍﻟﻘﻤﺮ ﺑﻠﻴﻞ ﺑﻴﻄﻠﻊ
ﻳﺨﻔﺾ ﺍﻟﻨﻮﺭ ﻣﻦ ﻋﻴﻮﻧﻚ
ﺗﺒﺪﺍ ﺗﺘﺰﻛﺮ ﺣﺒﻴﺒﻚ
ﻭ ﻛﻴﻒ ﺑﻴﻔﺮﺡ ﻓﻲ ﺣﻀﻮﺭﻙ
ﻛﻴﻒ ﺑﺘﻔﺮﺵ ﻟﻴﻮ ﻭﺭﻭﺩ
ﻳﻮﻡ ﺧﻄﺎﻭ ﺗﻠﻤﺲ ﻭﺟﻮﺩﻙ
ﻟﻤﺎ ﻳﺘﺸﺮﻑ ﻳﺠﻴﻚ
ﻛﻞ ﺍﻟﻜﻼﻡ ﻳﺮﺣﻞ ﻳﺨﻮﻧﻚ
ﻣﺎﺍﻟﺪﻋﺎﺵ ﺍﻟﻠﻴﻠﻪ ﻏﺎﺷﻲ
ﻭﺍﻟﺮﺑﻴﻊ ﻓﺘﺢ ﺯﻫﻮﺭﻙ
ﻭﺍﻟﻐﺮﺍﻡ ﻟﻴﻚ ﺑﻴﻬﻄﻞ
ﻭﺍﻟﻤﺸﺎﻋﺮ . ﺗﺒﺪﺍ ﺗﻨﻤﻮ ﻓﻲ ﺿﻠﻮﻋﻚ
ﻓﺠﺎﺀ ﺗﻀﺤﻚ ﻣﻦ ﺩﻭﺍﺧﻠﻚ
ﻟﻤﺎ ﻗﺎﻟﺖ ﻟﻴﻚ ﺑﺤﺒﻚ
ﻭ ﺍﺻﻠﻮ ﻣﺎ ﺑﻘﺪﺭ ﺍﺧﻮﻧﻚ
ﻟﻤﺎ ﺭﺩﺕ ﻳﻮﻡ ﺳﻼﻡ
ﺍﻟﺴﻼﻡ ﻣﺎﻓﻴﻮ ﺣﺎﺟﻪ
ﺑﺲ ﻗﺒﻴﻞ ﺍﺷﻌﻞ ﻇﻨﻮﻧﻚ
ﺍﻟﺒﺤﺐ ﺩﺍﻳﻤﺎ " ﺑﺴﺎﻣﺢ
ﻭﺍﻟﺒﺨﻮﻥ ﺑﺤﺮﻕ ﺟﻔﻮﻧﻚ
ﻭﺍﻟﺒﺤﺒﻚ ﺑﺒﻘﻰ ﺳﻨﺪﻙ ﻓﻲ ﺍﻟﻘﻮﺍﺳﻲ
ﺑﺒﻘﻰ ﺑﻠﺴﻢ ﻟﻲ ﺟﺮﺍﺣﻚ
ﻭﺗﺒﻘﻰ ﻗﺼﺔ ﺭﻳﺪ ﺧﺮﺍﻓﻲ
ﻳﺒﻘﻰ ﻳﺴﻘﻴﻚ ﻓﻲ ﺍﻟﻐﺮﺍﻡ ﻭﺍﻧﺖ ﺗﻨﻤﻮ
ﻭﻳﺒﻘﻰ ﻟﻤﺮﺍﻛﺒﻚ ﻣﺮﺍﻓﻲ
ﻭﺍﻟﺒﻴﺠﺮﺡ ﺧﻠﻲ ﻳﻌﺮﻑ
ﺍﻧﻮ ﺭﺑﻚ ﻟﻠﺠﺮﺡ ﺩﻳﻤﺎ ﺷﺎﻓﻲ