ﻣﺤﻤﺪ ﺍﻟﻄﻴﺐ ﺍﻷﻣﻴﻦ
: ﺍﻟﺒﺨﺎﻑ ﻣﻦ ﺍﻟﺨﺎﺋﻒ ﺑﺨﻮﻑ

ﺗﺠﺪﻧﻲ ﺃﺣﺐ ﺍﻟﻨﺠﻢ ﺍﻟﻤﺼﺮﻱ ﻣﺤﻤﺪ ﻫﻨﻴﺪﻱ ﺑﺸﻜﻞ ﻣﺒﺎﻟﻎ ﻓﻴﻪ .
* ﻭﻗﻨﺎﻋﺘﻲ ﺃﻥ ﺍﻟﺬﻱ ﻳﺠﺮﻱ ﻓﻲ ‏( ﻭﺭﻳﺪ ‏) ﻣﺤﻤﺪ ﻫﻨﻴﺪﻱ ‏( ﺷﺮﺑﺎﺕ ﻟﻴﻤﻮﻥ ‏) ﻭﻟﻴﺲ ﺩﻡ .
* ﻣﺤﻤﺪ ﻫﻨﻴﺪﻱ ﻓﻲ ﻓﻠﻴﻢ ‏( ﺃﻣﻴﺮ ﺍﻟﺒﺤﺎﺭ ‏) ﺳﺄﻝ ﻋﺮﻳﺲ ﺗﻘﺪﻡ ﻟﺸﻘﻴﻘﺘﻪ : ﺑﺘﺸﺘﻐﻞ ﺍﻳﻪ ﻳﺎ ﺣﺠﺎﺯﻱ ؟ ﺭﺩ ﺣﺠﺎﺯﻱ : ﺃﻧﺎ ﻋﻨﺪﻱ ﻓﺮﻥ ﺷﻐﺎﻝ ﺑﺮﺵ ﺍﻟﻜﻨﺎﻓﺔ ﻓﻲ ﺭﻣﻀﺎﻥ .. ﻓﺒﺎﻏﺘﻪ ﻫﻨﻴﺪﻱ ﺑﺴﺆﺍﻝ ﻋﻠﻲ ﺍﻟﻄﺎﺋﺮ : ﻃﻴﺐ ﻭﺑﻌﺪ ﺭﻣﻀﺎﻥ ؟
* ﺍﻟﺴﺆﺍﻝ ﻟﻄﻴﻒ ﺟﺪﺍ .
* ﺯﻭﻝ ﺷﻐﺎﻝ ﻳﺮﺵ ﺍﻟﻜﻨﺎﻓﺔ ﻓﻲ ﺭﻣﻀﺎﻥ ، ﻃﻴﺐ ﺍﻫﺎ ﺑﻌﺪ ﺷﻬﺮ ﺭﻣﻀﺎﻥ ﻳﻨﺘﻬﻲ ﺑﺘﺸﺘﻐﻞ ﺷﻨﻮ ﻳﻌﻨﻲ ؟
* ﺣﺠﺎﺯﻱ ﺭﺩ ﻋﻠﻲ ﺳﺆﺍﻝ ﻫﻨﻴﺪﻱ ﻭﻫﻮ ﻳﻀﺤﻚ : ﺑﻌﺪ ﺭﻣﻀﺎﻥ ﺑﻠﻢ ﺍﻟﻜﻨﺎﻓﺔ ﺗﺎﻧﻲ .
* ﻓﻘﺎﻝ ﻫﻨﻴﺪﻱ ﻣﺨﺎﻃﺒﺎ ﻭﺍﻟﺪﺗﻪ : ﺩﻩ ﺟﺎﻱ ﻳﺴﺘﻈﺮﻑ ﻳﺎ ﻣﺎﻣﺎ .
* ﻋﺮﻳﺲ ﻧﺎﺱ ﻫﻨﻴﺪﻱ ﺑﺸﺘﻐﻞ ﻛﻨﺎﻓﺔ ﻓﻲ ﺭﻣﻀﺎﻥ ﻭﺑﻌﺪ ﺭﻣﻀﺎﻥ ﺑﻴﻠﻢ ﺍﻟﻜﻨﺎﻓﺔ ﺗﺎﻧﻲ .
* ﻭﺟﻤﻬﻮﺭ ﺍﻟﻤﺮﻳﺦ ﺍﻟﺸﻬﻴﺮ ﺏ ‏( ﻣﺪﻓﻮﺭ ﺍﻟﺒﻠﺪ ‏) ﺷﻐﺎﻝ ﻳﺸﺠﻊ ﺍﻟﻤﺮﻳﺦ ﻟﺤﺪﻱ ﺍﻟﺘﻤﻬﻴﺪﻱ .
* ﻃﻴﺐ ﻭﺑﻌﺪ ﺍﻟﺘﻤﻬﻴﺪﻱ ﺑﻴﺸﺘﻐﻠﻮﺍ ﺍﻳﻪ ؟
* ﺑﻌﺪ ﺍﻟﺘﻤﻬﻴﺪﻱ ﺑﻴﺸﺠﻌﻮﺍ ﺍﻟﻔﺮﻕ ﺍﻟﺒﺘﻌﻠﺐ ﺿﺪ ﺍﻟﻬﻼﻝ .
* ﻭﺍﻟﻠﻪ ﺻﺤﻲ .
* ﻛﻞ ﺳﻨﺔ ﻛﺪﻩ .
* ﺑﺸﺠﻌﻮﺍ ﺍﻟﻤﺮﻳﺦ ﺍﻓﺮﻳﻘﻴﺎ ﻓﻲ ﻣﺒﺎﺭﺍﺗﻴﻦ ﺃﺗﻨﻴﻦ .
* ﺍﻟﻤﺒﺎﺭﺍﺓ ﺍﻷﻭﻟﻰ ﻫﻲ ‏( ﺫﻫﺎﺏ ﺩﻭﺭ ﺍﻝ 64 ﺃﻭ ﻣﺎ ﻳﺴﻤﻰ ﺑﺎﻟﺘﻤﻬﻴﺪﻱ ‏) .
* ﺍﻟﻤﺒﺎﺭﺍﺓ ﺍﻟﺜﺎﻧﻴﺔ ﻫﻲ ‏( ﺇﻳﺎﺏ ﺩﻭﺭ ﺍﻝ 64 ﺃﻭ ﻣﺎ ﻳﻌﺮﻑ ﺑﺎﻟﺘﻤﻬﻴﺪﻱ ‏) .
* ﻭﺑﻌﺪ ﺍﻟﻤﺒﺎﺭﺍﺗﻴﻦ ﺩﻳﻞ ﺑﻴﻄﺮﻭﺍ .
* ﺛﻢ ﻳﻨﺼﺮﻓﻮﺍ ﻟﺘﺸﺠﻴﻊ ﺍﻟﻔﺮﻕ ﺍﻟﺘﻲ ﺗﻠﻌﺐ ﺿﺪ ﺍﻟﻬﻼﻝ ﺃﻓﺮﻳﻘﻴﺎ .
* ﺁﺧﺮ ﻓﺮﻳﻖ ﺷﺠﻌﻮﻫﻮ ﻛﺎﻥ ﺍﻧﻴﻤﺒﺎ ﺍﻟﻨﻴﺠﻴﺮﻱ ﺍﻟﺬﻱ ﺍﺑﻌﺪﻧﺎﻩ ﻭﺑﻠﻐﻨﺎ ﺍﻟﻤﺠﻤﻮﻋﺎﺕ .
* ﺃﻭﻝ ﺃﻣﺒﺎﺭﺡ ﺍﻻﺗﺤﺎﺩ ﺍﻷﻓﺮﻳﻘﻲ ﻋﻤﻞ ﻣﺒﺎﺭﺍﺓ ﺍﻟﻬﻼﻝ ﻭﺑﻼﺗﻨﻴﻮﻡ ﺍﻟﺴﺎﻋﺔ 9 ﻣﺨﺼﻮﺹ ﻋﺸﺎﻥ ‏( ﺃﻃﻔﺎﻝ ﺃﻓﺮﻳﻘﻴﺎ ﻳﻨﻮﻣﻮﺍ ‏) .
* ﻭﺑﺎﻟﻔﻌﻞ ﻛﻠﻤﻨﺎﻫﻢ ﻭﻗﻠﻨﺎ ﻟﻴﻬﻢ ﻧﻮﻣﻮﺍ ﺑﺪﺭﻱ .
* ﻣﺎ ﻓﻲ ﺩﺍﻋﻲ ﻟﻠﺴﻬﺮ .
* ﺍﻟﺒﺮﺩ .
* ﻭﺍﻟﻜﻮﺭﺓ ﻣﺸﻔﺮﺓ .
* ﻭﺍﻟﺘﻠﺘﻠﺔ ﻣﺎ ﺣﺒﺎﺑﺎ .
* ﻭﺍﺻﻼ ﺃﻧﺎ ﺑﻔﺘﺮﺽ ﺇﻧﻮ ﺯﻭﻝ ﺑﻴﻄﻴﺮ ﻣﻦ ﺍﻟﺘﻤﻬﻴﺪﻱ ﺣﻘﻮ ﻳﻨﻮﻡ ﺑﺪﺭﻱ .
* ﻗﻠﻨﺎ ﻟﻴﻬﻢ ﻣﺎ ﺗﺴﺎﻫﺮﻭﺍ .
* ﻗﺎﻟﻮﺍ ﻻ .. ﺡ ﻳﺸﺠﻌﻮﺍ ﺑﻼﺗﻨﻴﻮﻡ .
* ﻭﻣﺸﻮﺍ ﺃﻧﺪﻳﺔ ﺍﻟﻤﺸﺎﻫﺪﺓ ﻭﺷﺎﻳﻠﻴﻦ ﺍﻟﺘﺴﺎﻟﻲ ﻭﺍﻟﺴﺠﺎﺋﺮ ﻭﻓﻮﻝ ﺍﻟﺤﺎﺟﺎﺕ .
* ﻫﺴﻪ ﻓﻮﻝ ﺍﻟﺤﺎﺟﺎﺕ ﺯﻧﺒﻮ ﺷﻨﻮ ﻳﺴﺎﻫﺮ ﻣﻌﺎﻛﻢ ﻻﻧﺼﺎﺹ ﺍﻟﻠﻴﺎﻟﻲ ؟
* ﺳﺎﻫﺮﻭﺍ ﻭﻳﺤﺪﻭﻫﻢ ﺍﻷﻣﻞ .
* ﻭﺟﺎ ﺍﻟﻬﻼﻝ ﻃﻴﺮ ﺍﻟﻨﻮﻡ ﻣﻦ ﻋﻴﻮﻧﻬﻢ .
* ﻭﺳﺠﻞ ﻫﺪﻓﻴﻦ ﻛﻞ ﻫﺪﻑ ﻭﺟﻌﻮ ﺃﻛﺒﺮ ﻣﻦ ﻭﺟﻊ ﺍﻟﻬﺪﻑ ﺍﻟﺘﺎﻧﻲ .
* ﺍﻟﻤﻬﻢ .
* ﺗﻌﺎﻣﻞ ﺍﻟﻬﻼﻝ ﻣﻊ ﺍﻟﻤﺒﺎﺭﺍﺓ ﺑﻮﺍﻗﻌﻴﺔ ﻓﻲ ﺣﺪﻭﺩ ﺍﻟﻈﺮﻭﻑ ﻭﺍﻹﻣﻜﺎﻧﻴﺎﺕ .
* ﻭﺍﺳﺘﻄﺎﻉ ﺃﻥ ﻳﺤﻘﻖ ﺍﻟﻤﻬﻢ ﻓﻲ ﻣﺜﻞ ﻫﺬﻩ ﺍﻟﻤﺮﺣﻠﺔ .
* ﺍﻟﻨﻘﺎﻁ ﻫﻲ ‏( ﻣﺮﺑﻂ ﺍﻟﻔﺮﺱ ‏) ﻓﻲ ﺩﻭﺭ ﺍﻟﻤﺠﻤﻮﻋﺎﺕ .
* ﻭﺑﺤﻤﺪﻟﻠﻪ ﻧﺠﺢ ﺍﻟﻬﻼﻝ ﻓﻲ ﺗﺤﻘﻴﻖ ﺫﻟﻚ .
* ﻧﻌﻢ ﺍﻷﺩﺍﺀ ﻟﻢ ﻳﻜﻦ ﺑﺎﻟﺸﻜﻞ ﺍﻟﻤﻄﻠﻮﺏ ﻭﻟﻜﻨﻪ ﺃﻓﻀﻞ ﻣﻦ ﺍﻟﻤﺒﺎﺭﻳﺎﺕ ﺍﻟﺴﺎﺑﻘﺔ .
* ﺇﺫﺍ ﻗﺎﺭﻧﺎ ﻣﺴﺘﻮﻯ ﺍﻟﻬﻼﻝ ﺃﻣﺎﻡ ﺑﻼﺗﻨﻴﻮﻡ ﻭﻣﺴﺘﻮﺍﻩ ﺃﻣﺎﻡ ﺍﻟﻤﺮﻳﺦ ﻧﺠﺪ ﺃﻥ ﺍﻟﻬﻼﻝ ﺃﻣﺲ ﺍﻷﻭﻝ ﻛﺎﻥ ﺃﻓﻀﻞ .
* ﻭﺗﺤﺪﻳﺪﺍ ﻓﻲ ﺍﻟﻨﺼﻒ ﺍﻷﻭﻝ ﻣﻦ ﺍﻟﺸﻮﻁ ﺍﻷﻭﻝ .
* ﺑﻼﺗﻨﻴﻮﻡ ‏( ﺭﺍﺳﻮ ﻻﻓﻲ ‏) ﻟﺤﺪﻱ ﺍﻟﺪﻗﻴﻘﺔ ‏( 25 ‏) ﻣﻦ ﺯﻣﻦ ﺍﻟﺸﻮﻁ ﺍﻷﻭﻝ .
* ﻧﺴﺘﺒﺸﺮ ﺑﻬﺬﻩ ﺍﻟﺒﺪﺍﻳﺔ ﻭﻫﺬﻩ ﺍﻟﺮﻭﺡ ﻭﻧﺘﻤﻨﻰ ﺃﻥ ﻧﺮﺗﻘﻲ ﻟﻸﻓﻀﻞ .
* ﻧﻨﺸﺪ ﻫﻼﻝ ﺃﻓﻀﻞ .
* ﻧﻌﻤﻞ ﻟﺘﻘﻠﻴﻞ ﺍﻷﺧﻄﺎﺀ ﻭﻧﺮﺍﺟﻊ ﺍﻟﺴﻠﺒﻴﺎﺕ ﺍﻟﺘﻲ ﻇﻬﺮﺕ ﻓﻲ ﺍﻷﺩﺍﺀ ﻭﺍﻟﺘﻨﻈﻴﻢ .
* ﻳﺤﺘﺎﺝ ﺩﺭﺍﺝ ﺃﻥ ﻳﺮﺍﺟﻊ ﺣﺴﺎﺑﺎﺗﻪ ﻭﻛﺬﻟﻚ ﻭﻟﻴﺪ ﺍﻟﺸﻌﻠﺔ .
* ﻭﻳﺤﺘﺎﺝ ﺟﻤﺎﻝ ﺳﺎﻟﻢ ﻟﺪﻋﻢ ﻣﻦ ﺍﻟﺠﻬﺎﺯ ﺍﻟﻔﻨﻲ ﻭﺍﻹﻋﻼﻡ ﻭﺍﻟﺠﻤﻬﻮﺭ .
* ﻏﺪﺍ ﻳﻠﻌﺐ ﺍﻟﻬﻼﻝ ﺃﻣﺎﻡ ﺣﻲ ﺍﻟﻮﺍﺩﻱ ﻭﻧﺘﻤﻨﻰ ﺃﻥ ﻳﺸﺎﺭﻙ ﺟﻤﺎﻝ ﺳﺎﻟﻢ ﺣﺘﻰ ﻳﺠﺪ ﺍﻟﺪﻋﻢ ﻭﻳﻌﻴﺪ ﺗﻮﺍﺯﻧﻪ .
* ﻻ ﻧﻨﻜﺮ ﺃﻥ ﺍﻟﺨﻄﺄ ﺍﻟﺬﻱ ﻭﻗﻊ ﻓﻴﻪ ﺟﻤﺎﻝ ﻓﺎﺩﺡ ﻭﻛﺒﻴﺮ .
* ﻭﻟﻜﻦ ﻫﺬﺍ ﻻ ﻳﻨﻔﻲ ﺃﻥ ﺍﻟﻬﻼﻝ ﺳﻴﺤﺘﺎﺝ ﻟﺠﻤﺎﻝ ﻓﻲ ﻣﺒﺎﺭﺍﺓ ﺍﻷﻫﻠﻲ ﻭﺍﻟﻨﺠﻢ .
* ﻣﺒﺎﺭﺍﺓ ﺑﻼﺗﻨﻴﻮﻡ ﺃﺛﺒﺘﺖ ﺃﻥ ﺳﻠﻴﻢ ﺑﺮﺷﺎﻭﻱ ﻻﻋﺐ ﻛﺒﻴﺮ ﻭﺳﻴﻜﻮﻥ ﻟﻪ ﻣﺴﺘﻘﺒﻞ ﺑﺎﻫﺮ .
* ﻛﻤﺎ ﺃﺛﺒﺘﺖ ﺍﻟﻤﺒﺎﺭﺍﺓ ‏( ﻣﺎ ﻓﻲ ﻣﺪﺭﺏ ﻋﺎﻗﻞ ﺑﻴﺒﻌﺪ ﺑﺸﺔ ﺍﻟﺼﻐﻴﺮ ﻣﻦ ﺍﻟﺘﺸﻜﻴﻠﺔ ‏) .
* ﻋﻤﻮﻣﺎ .. ﻣﻌﺎﻟﺠﺔ ﺍﻟﺴﻠﺒﻴﺎﺕ ﻫﻲ ﺍﻷﻫﻢ .
* ﺍﻟﺠﻬﺎﺯ ﺍﻟﻔﻨﻲ ﻧﻔﺴﻪ ﺗﺤﺲ ﺑﺄﻧﻪ ﻣﺮﺗﺒﻚ ﻟﺤﺪ ﻣﺎ .
* ﻛﺪﻩ ﻛﺪﻩ ﻓﺰﻧﺎ ﻋﻠﻲ ﺑﻼﺗﻨﻴﻮﻡ ﻓﻲ ﻣﺒﺎﺭﺍﺓ ﺣﻘﻖ ﻓﻴﻬﺎ ﺍﻟﻬﻼﻝ ﺍﻷﻫﻢ ﻭﻟﻜﻨﻪ ﻟﻢ ﻳﻄﻤﻨﺎ ﺑﺎﻟﺸﻜﻞ ﺍﻟﺬﻱ ﻳﻄﺮﺩ ﺍﻟﺨﻮﻑ .
* ﻟﻮ ﻗﻠﻨﺎ ﻣﺎ ﺧﺎﻳﻔﻴﻦ ﻧﻜﻮﻥ ﻛﻀﺎﺑﻴﻦ .
* ﻭﻟﻮ ﻗﻠﻨﺎ ﺍﻟﻬﻼﻝ ﻣﻴﺔ ﻣﻴﺔ ﻧﻜﻮﻥ ﺑﻨﻀﺤﻚ ﻋﻠﻲ ﺭﻭﺣﻨﺎ .
* ﺩﺍﻳﺮﻳﻦ ﺷﻐﻞ ﻭﺷﻐﻞ ﻛﺘﻴﺮ .
* ﻭﻫﺬﻩ ﺍﻟﺒﺪﺍﻳﺔ ﺍﻟﺘﻲ ﺣﺼﺪﻧﺎ ﻓﻴﻬﺎ ﺍﻟﻨﻘﺎﻁ ﻳﺠﺐ ﺃﻥ ﺗﻜﻮﻥ ﻧﻘﻄﺔ ﺍﻧﻄﻼﻗﺔ ﻟﻸﻓﻀﻞ .
* ﺛﻢ ﻧﻜﺮﺭ ﻭﻧﻜﺮﺭ ، ﻋﻠﻲ ﻣﺠﻠﺲ ﺍﻹﺩﺍﺭﺓ ﺃﻥ ﻳﺤﺴﻢ ﺃﻣﺮ ﺍﻟﻤﺤﺘﺮﻓﻴﻦ ﺍﻷﺟﺎﻧﺐ ﻣﻨﺬ ﺍﻵﻥ ﺣﺘﻰ ﺇﺫﺍ ﺣﺎﻥ ﻣﻮﻋﺪ ﺍﻟﺘﺴﺠﻴﻼﺕ ﻧﻜﻮﻥ ﺟﺎﻫﺰﻳﻦ .
* ﺍﻹﺿﺎﻓﺎﺕ ﺍﻟﻤﻨﺘﻈﺮﺓ ﺳﺘﻠﻌﺐ ﻣﻌﻨﺎ ﺛﻼﺙ ﻣﺒﺎﺭﻳﺎﺕ ﻓﻲ ﺍﻟﻤﺠﻤﻮﻋﺎﺕ .
* ﻓﻼﺑﺪ ﺃﻥ ﺗﻜﻮﻥ ﺇﺿﺎﻓﺎﺕ ﺣﻘﻴﻘﺔ ﺗﺤﺪﺙ ﺍﻟﻔﺎﺭﻕ ﻭﺗﻨﻘﻠﻨﺎ ﻟﻠﻤﺮﺣﻠﺔ ﺍﻟﻘﺎﺩﻣﺔ .
* ﻧﺤﻦ ﺳﻌﺪﺍﺀ ﺑﻬﺬﻩ ﺍﻟﻨﻘﺎﻁ ﻭﻣﺎ ﺯﻟﻨﺎ ﺧﺎﻳﻔﻴﻦ ﻭﻧﺎﻗﺼﻨﺎ ﺍﻟﻜﺘﻴﺮ .
* ﻭﺗﺤﻴﺔ ﻛﺒﻴﺮﺓ ﻟﺠﻤﻬﻮﺭ ﺍﻟﻬﻼﻝ ﻭﻟﻼﻭﻟﺘﺮﺱ ﻭﺗﺤﻴﺔ ﺧﺎﺻﺔ ﻟﻤﺤﻤﺪ ﻣﻮﺳﻰ ﺍﻟﻀﻲ ﻭﺍﺑﻮﻋﺎﻗﻠﺔ ﻭﻟﻜﻞ ﺃﻫﻞ ﺍﻟﻬﻼﻝ .
* ﻭﻧﺮﻛﺐ ﺻﺎﻓﻨﺎﺕ ﻭﻧﺠﻴﺒﺔ ‏( ﻫﻼﻻﺑﻴﺔ ‏) ﻭﺍﺻﻠﻮ ﺍﻟﺰﻭﻝ ﺑﻴﻤﻮﺕ ﻭﺍﻟﺬﻛﺮﻯ ﺗﻔﻀﻞ ﺣﻴﺔ .
* ﻭ .. ﻭ ..
* ﻭﻗﻮﻝ ﺍﻟﻨﺼﻴﺤﺔ ﻛﻠﻤﻨﻲ ﻣﺎﻟﻚ .… ‏( ﺳﺎﻫﺮﺕ ﻣﻊ ﺇﻧﻚ ﺗﻤﻬﻴﺪﺍﻭﻱ ‏)