ﺑﻌﺪ ﻓﺘﺮﺓ ﻣﻦ ﺍﻟﺼﻤﺖ، ﻭﺭﺑﻤﺎ ﺍﻻﻧﺰﻭﺍﺀ ﺑﻌﻴﺪًﺍ ﻋﻦ ﺍﻷﺿﻮﺍﺀ ﻭﺃﺟﻬﺰﺓ ﺍﻹﻋﻼﻡ .. ﺑﺪﺃ ﻣﻬﺎﺟﻢ ﺍﻟﻤﺮﻳﺦ، ﺳﻴﻒ ﺗﻴﺮﻱ، ﺍﻟﻤﺘﻬﻢ ﻋﻠﻰ ﺫﻣﺔ ﺇﺣﺪﻯ ﺍﻟﻘﻀﺎﻳﺎ ﺍﻟﺸﻬﻴﺮﺓ ﺍﻟﺘﻲ ﺗﺰﺍﻣﻨﺖ ﻣﻊ ﺛﻮﺭﺓ ﺩﻳﺴﻤﺒﺮ ﺍﻟﻤﺠﻴﺪﺓ، ﻳﺴﺘﻌﻴﺪ ﺃﻧﻔﺎﺳﻪ، ﻭﻳﺴﻌﻰ ﻻﺳﺘﺮﺩﺍﺩ ﺍﻟﺒﺮﻳﻖ ﺍﻟﻤﻔﻘﻮﺩ، ﻭﺭﺑﻤﺎ ﺍﻟﻤﺴﺘﻮﻯ ﺍﻟﻔﻨﻲ ﺍﻟﻤﻌﻬﻮﺩ ﻓﻴﻪ ﺍﻟﺬﻱ ﺃﻫّﻠﻪ ﻻﺭﺗﺪﺍﺀ ﺷﻌﺎﺭ ﺃﻛﺒﺮ ﺍﻷﻧﺪﻳﺔ ﺍﻟﺴﻮﺩﺍﻧﻴﺔ، ﻭﺟﻌﻠﻪ ﻳﺘﺰﻳّﻦ ﺑﻌﻠﻢ ﺍﻟﺒﻼﺩ ﻣﻦ ﺧﻼﻝ ﺍﻟﻤﺸﺎﺭﻛﺔ ﻣﻊ ﺍﻟﻤﻨﺘﺨﺐ ﺍﻟﻮﻃﻨﻲ ﻓﻲ ﻋﺪﺩ ﻣﻦ ﺍﻟﻤﻨﺎﻓﺴﺎﺕ ﺍﻧﺬﺍﻙ .
ﺳﻴﻒ ﺗﻴﺮﻱ ﺍﻟﺬﻱ ﻳﺸﺘﻬﺮ ﺑﺼﻤﺘﻪ ﻭﺗﻬﺮّﺑﻪ ﺍﻟﺪﺍﺋﻢ ﻣﻦ ﺍﻟﺤﺪﻳﺚ ﻟﻠﺼﺤﻒ ﺃﻭ ﺇﺟﺮﺍﺀ ﺍﻟﺤﻮﺍﺭﺍﺕ .. ﺗﻤﻜﻦّ ” ﺑﺎﺝ ﻧﻴﻮﺯ ” ﺑﻌﺪ ﺟﻬﺪٍ ﻣﻦ ﺍﻟﺠﻠﻮﺱ ﻣﻌﻪ ﻭﻛﺎﻧﺖ ﺍﻟﻔﺮﺻﺔ ﻣﻮﺍﺗﻴﺔ ﻋﻠﻰ ﻫﺎﻣﺶ ﺍﻟﺘﻜﺮﻳﻢ ﺍﻟﺬﻱ ﺃﻗﺎﻣﻪ ﻟﻪ ﻗﻄﺐ ﺍﻟﻤﺮﻳﺦ ﺃﺳﻌﺪ ﺣﺴﻦ ﻣﻦ ﺃﺟﻞّ ﺍﻟﺠﻠﻮﺱ ﻣﻌﻪ ﻭﻃﺮﺡ ﺍﻟﻌﺪﻳﺪ ﻣﻦ ﺍﻟﺘﺴﺎﺅﻻﺕ ﻋﻠﻴﻪ ﺧﺎﺻﺔ ﺃﺳﺌﻠﺔ ﺍﻟﺸﺎﺭﻉ ﺍﻟﺮﻳﺎﺿﻲ ﻻ ﺳﻴﻤﺎ ﻭﺃﻧﻪ ﻻﻋﺐ ﻣﺜﻴﺮ ﻟﻠﺠﺪﻝ ﻟﻜﻮﻥ ﺃﻥّ ﻣﺴﻴﺮﺗﻪ ﺍﻟﺘﻲ ﺑﺪﺃﺕ ﺑﺎﻟﺘﺄﻟﻖ ﻭﻧﻴﻞ ﻧﺠﻮﻣﻴﺔ ﺍﻟﺘﺴﺠﻴﻼﺕ ﻟﻢ ﺗﺨﻠﻮ ﻛﺬﻟﻚ ﻣﻦ ﺍﻟﻬﻨﺎﺕ ﺑﺤﺴﺐ ﺍﻟﺒﻌﺾ ﻭﻫﻮ ﻣﺎ ﺟﻌﻠﻪ ﺃﺳﻴﺮًﺍ ﻭﺣﺒﻴﺴًﺎ ﻓﻲ ﻗﻀﻴﺔ ﺗﺪﻭﺭ ﺣﻮﻟﻬﺎ ﺍﻟﻜﺜﻴﺮ ﻣﻦ ﺍﻻﺳﺘﻔﻬﺎﻣﺎﺕ ﻭﻣﻦ ﻫﻨﺎ ﻛﺎﻧﺖ ﺍﻟﺒﺪﺍﻳﺔ .
* ﻓﺌﺔ ﻛﺒﻴﺮﺓ ﻓﻲ ﺍﻟﻤﺮﻳﺦ ﺗﺮﻱ ﺑﺄﻥّ ﺍﻟﻨﺎﺩﻱ ﺷﺮﺏ ﺍﻟﻤﻘﻠﺐ ﻓﻲ ﺍﻟﺘﻌﺎﻗﺪ ﻣﻌﻚ؟
– ﻣﻦ ﺣﻘﻬﻢ ﻭﺃﻧﺎ ﻋﻦ ﻧﻔﺴﻲ ﻣﺎ ﺭﺍﺿﻲ ﻋﻦ ﻣﺴﺘﻮﺍﻱ .
* ﺳﻴﻒ ﺗﻴﺮﻱ ﻣﻦ ﻧﺠﻢ ﻟﻠﺘﺴﺠﻴﻼﺕ ﺇﻟﻰ ﺃﺳﻴﺮ ﻭﺣﺒﻴﺲ ﻓﻲ ﻗﻀﻴﺔ ﺷﺎﺋﻜﺔ؟
_ ﺷﻮﻑ ﺍﻟﻨﺎﺱ ﺍﻟﻘﺮﻳﺒﺔ ﻣﻨﻲّ ﻭﺍﻟﺒﺘﻌﺮﻓﻨﻲّ ﻋﺎﺭﻓﺔ ﺍﻟﺤﻘﻴﻘﺔ .
* ﻣﺎ ﻫﻲ ﺍﻟﺤﻘﻴﻘﺔ، ﺃﻟﻢ ﺗﺸﺎﺭﻙ ﻓﻲ ﺣﺮﻕ ﻗﺴﻢ ﺍﻟﺘﻜﺎﻣﻞ؟
_ ﺃﻧﺎ ﻟﻢ ﺃﺣﺮﻕ ﻗﺴﻢ ﺍﻟﺘﻜﺎﻣﻞ، ﺃﻗﻮﻝ ﻟﻴﻚ ﻛﻼﻡ ﺃﻧﺎ ﻣﺎ ﺟﻴﺖ ﺟﻨﺐ ﺍﻟﻘﺴﻢ ﺩﻩ ﺃﺻﻼً ﻓﻲ ﺍﻟﺤﺎﺩﺛﺔ ﻣﺜﺎﺭ ﺍﻻﺗﻬﺎﻡ .
* ﻟﻜﻦ ﺍﻟﺤﻴﺜﻴﺎﺕ ﺗﺸﻴﺮ ﺇﻟﻰ ﺃﻧّﻚ ﺷﺎﺭﻛﺖ ﻣﻊ ﺍﻟﻤﺘﻈﺎﻫﺮﻳﻦ؟
_ ﺍﻟﻜﻼﻡ ﺩﻩ ﻣﺎ ﺣﺎﺻﻞ ﻭﻓﻲ ﻧﺎﺱ ﻣﺘﺮﺻﺪﻧﻲ ﻭﺃﻧﺎ ﻣﺎ ﻋﺎﺭﻑ ﻣﺸﻜﻠﺘﻬﻢ ﻣﻌﺎﻱ ﺷﻨﻮ .
* ﻳﻘﺎﻝ ﺃﻧّﻚ ﺷﺎﺭﻛﺖ ﻭﻗﺪﺕ ﻣﻮﻛﺒًﺎ ﻟﺘﺤﺮﻳﺮ ﺷﻘﻴﻘﻚ ﺍﻟﻤﺤﺒﻮﺱ ﻓﻲ ﺍﻟﻘﺴﻢ؟
_ ﺩﻱ ﻭﺍﺣﺪﺓ ﻣﻦ ﺍﻟﺸﺎﺋﻌﺎﺕ ﺍﻟﻄﻠﻌﻮﻫﺎ ﻋﻨﻲّ ﺃﻳﺎﻡ ﺍﻟﺤﺒﺲ، ﻭﺩﺍﻳﺮ ﺃﻗﻮﻝ ﻟﻴﻜﻢ ﺣﺎﺟﺔ ﺃﻧﺎ ﺷﻘﻴﻘﻲ ﻣﺎ ﻛﺎﻥ ﻣﺤﺒﻮﺱ ﻓﻲ ﺍﻟﻘﺴﻢ ﺩﻩ ﺃﺻﻼً ﻭﺩﻱ ﺃﻭّﻝ ﻛﺬﺑﺔ، ﻭﺍﻟﺤﺎﺟﺔ ﺍﻟﺘﺎﻧﻴﺔ ﺍﻟﺒﺘﺄﻛّﺪ ﻛﻼﻣﻲ ﺃﻧّﻮ ﺍﻟﺒﻼﻍ ﺍﻟﻤﻔﺘﻮﺡ ﻓﻴﻨﻲ ﻣﺎ ﻓﻴﻪ ﺃﻱّ ﺯﻭﻝ ﻣﻦ ﺃﻗﺮﺑﺎﺋﻲ .
* ﺳﻴﻒ ﺑﺤﺴﺐ ﺍﻟﺒﻌﺾ ﺃﻧﺖ ﺩﺍﺋﻢ ﺍﻟﺘﺮﺩﺩ ﻛﻨﺖ ﻋﻠﻰ ﺍﻟﻘﺴﻢ؟
_ ﻣﺎ ﺻﺎﺡ ﺍﻟﻘﺴﻢ ﺃﺻﻼً ﻣﺎ ﻗﺮﻳﺐ ﻣﻨﻨﺎ .
* ﺃﻳﻦ ﻛﻨﺖ ﺗﺘﻮﺍﺟﺪ ﻓﻲ ﺃﻳﺎﻡ ﺍﻟﺘﻈﺎﻫﺮﺍﺕ؟
_ ﺑﻴﺘﻨﺎ ﻃﺒﻌًﺎ .
* ﺃﻧﺖ ﻣﺜﻴﺮ ﻟﻠﺠﺪﻝ ﻭﻫﻨﺎﻙ ﺷﻜﺎﻭﻱ ﺗﺠﺎﻫﻚ ﻣﻦ ﺳﻜﺎﻥ ﻣﻨﻄﻘﺘﻚ؟
_ ﻧﺎﺱ ﺍﻟﺤﻠﺔ ﻣﺎ ﺍﺷﺘﻜﻮﺍ ﻣﻨﻲّ، ﻭﺃﻗﻮﻝ ﻟﻴﻚ ﻛﻼﻡ ﺍﻣﺸﻮﺍ ﺃﺳﺄﻟﻮﺍ ﻋﻨﻲّ ﻓﻲ ﺍﻟﺤﺎﺝ ﻳﻮﺳﻒ ﻛﻠﻬﺎ ” ﺩﻱ ﻣﻨﻄﻘﺘﻲ ” ، ﻭﻟﻮ ﻓﻲ ﻭﺍﺣﺪ ﺃﺗﻜﻠﻢ ﻋﻨﻲّ ﻛﻼﻡ ﻣﺎ ﻳﺎﻫﻮ ﺑﻌﺪﺍﻙ ﻣﻦ ﺣﻖ ﺍﻟﻨﺎﺱ ﺗﺎﺧﺪ ﻋﻨﻲّ ﺃﻱّ ﺍﻧﻄﺒﺎﻉ .
* ﺃﻳﻦ ﺗﻢّ ﺍﻟﻘﺒﺾ ﻋﻠﻴﻚ؟
_ ﺃﻧﺎ ﺍﻋﺘﻘﻠﻮﻧﻲ ﻣﻦ ﺍﻟﺒﻴﺖ .
* ﻣﺘﻰ ﺣﺪﺙ ﺫﻟﻚ ﺑﺎﻟﻀﺒﻂ؟
_ ﺑﻌﺪ ﺍﻟﺤﺎﺩﺛﺔ ﺑﻲ 15 ﻳﻮﻡ .
* ﻣﺎﻫﻲ ﺍﻷﺳﺒﺎﺏ ﺭﻏﻢ ﺳﺮﺩﻙ ﻭﺩﻓﺎﻋﻚ؟
_ ﻗﺎﻟﻮﺍ ﻟﻲ ﺍﻟﻜﺎﻣﻴﺮﺍﺕ ﺟﺎﺑﺘﻚ .. ﻭﻫﻮ ﺃﺻﻼً ﻣﺎﻑ ﺃﻱّ ﻛﺎﻣﻴﺮﺍﺕ .
ﺳﻴﻒ ﺗﻴﺮﻱ
* ﺃﻧﺖ ﺗﺸﻌﺮ ﺑﺎﻟﺘﺮﺻﺪ ﻭﺍﻻﺳﺘﻬﺪﺍﻑ؟
_ ﻣﺎ ﺑﺸﻌﺮ، ﺃﻧﺎ ﺃﺻﻼً ﻣﺘﺮﺻﺪ ﻣﻦ ﻧﺎﺱ ﺍﻟﻤﺒﺎﺣﺚ .
* ﻟﻤﺎﺫﺍ ﺍﻟﻤﺒﺎﺣﺚ ﺗﺤﺪﻳﺪًﺍ؟
_ ﻻ ﺃﻋﺮﻑ ﺃﺳﺒﺎﺏ ﺍﻟﻤﺸﻜﻠﺔ، ﺑﺲ ﺃﻋﺘﻘﺪ ﻓﻲ ﻧﺎﺱ ﺣﺎﺳﺪﻧﻲ .
* ﻛﻴﻒ؟
_ ﻧﺎﺱ ﺍﻟﻤﺒﺎﺣﺚ ﺑﻘﻮﻟﻮﺍ ” ﺳﻴﻒ ﻛﻨﺎ ﺑﻨﺴﻜﻮﺍ ﻭﺣﺴﻲ ﺑﻨﺤﻀﺮ ﻟﻴﻪ .”
* ﻣﻌﻨﻲ ﺫﻟﻚ ﺃﻥ ﺳﺠﻠﻚ ﻣﻠﻲﺀ ﺑﺎﻟﺠﺮﺍﺋﻢ؟
_ ﻣﺎ ﺻﺎﺡ .
* ﺃﻟﻢ ﺗﺤﺒﺲ ﻣﻦ ﻗﺒﻞ؟
_ ﺃﻳﻮﺓ ﺃﻱّ ﺷﺨﺺ ﺑﻤﺮ ﺑﻔﺘﺮﺓ ﻣﺮﺍﻫﻘﺔ، ﻭﺃﻧﺎ ﺍﺗﺴﺠﻨﺖ ﻓﻲ ﺍﻟﻔﺘﺮﺓ ﺩﻱ ﻟﻜﻦ ﻣﻦ ﺑﺪﻳﺖ ﻛﻮﺭﺓ ﺑﻄﻠﺖ ﺃﻱّ ﺣﺎﺟﺔ .
* ﻳﻘﺎﻝ ﺇﻥ ﺍﻟﺨﺮﻃﻮﻡ ﺍﻟﻮﻃﻨﻲ ﻟﻢ ﻳﺴﺠﻠﻚ ﺇﻻّ ﺑﻌﺪ ﺍﻹﻃﻼﻉ ﻋﻠﻰ ﺳﺠﻠﻚ؟
_ ﺃﻗﻮﻝ ﻟﻴﻚ ﻛﻼﻡ ” ﻧﺎﺱ ﺍﻟﺨﺮﻃﻮﻡ ﺳﺠﻠﻮﻧﻲ ﻋﺸﺎﻥ ﻛﻮﺭﺗﻲ ﻭﻣﺎ ﺳﺄﻟﻮﺍ ﻣﻦ “ ﻓﻴﺸﻲ ” ﺯﻱ ﻣﺎ ﺑﻘﻮﻟﻮﺍ ﺍﻟﻨﺎﺱ .
* ﻭﺍﺣﺪﺓ ﻣﻦ ﺍﻻﺗﻬﺎﻣﺎﺕ ﺍﻟﺸﻬﻴﺮﺓ ﺗﺠﺎﻫﻚ ﺃﻧّﻚ ﺗﻘﻮﺩ ﻋﺼﺎﺑﺎﺕ ” ﺍﻟﻨﻴﻘﺮﺯ ” ؟
_ ﻣﺮﺓ ﻳﻘﻮﻟﻮﺍ ﺑﻘﻮﺩ ﻭﻣﺮﺓ ﻳﻘﻮﻟﻮﺍ ﺑﻤﻮﻝ ﻭﻓﻲ ﺍﻟﺤﺎﻟﺘﻴﻦ ﺍﻟﻜﻼﻡ ﻣﺎ ﺻﺎﺡ ﻭﺩﻱ ﺷﺎﺋﻌﺎﺕ ﻭﺃﻧﺎ ﻣﺎ ﻗﺎﺩﺭ ﺃﺣﺪّﺩ ﺍﻟﺠﻬﺔ ﺍﻟﺒﺘﻄّﻠﻌﺎ ﻟﻜﻦّ ﺯﻱ ﻣﺎ ﻗﻠﺖ ﻟﻴﻚ ﻓﻲ ﻧﺎﺱ ﺣﺎﺳﺪﻧﻲ .
* ﺍﻟﺜﻮﺭﺓ ﺍﻧﺼﻔﺘﻚ ﻭﺍﺻﺒﺤﺖ ﺑﻄﻼً ﻗﻮﻣﻴﺎً؟
_ ﺃﻧﺎ ﻣﺎ ﺑﻄﻞ ﻗﻮﻣﻲ .. ﺃﻧﺎ ﻫﺪﻓﻲ ﻛﺎﻥ ﻭﺍﺣﺪ ﻭﻫﻮ ﺗﻐﻴﻴﺮ ﺍﻟﻨﻈﺎﻡ ﺯﻱ ﻭﺯﻱ ﻧﺎﺱ ﻛﺘﺎﺭ ﻭﺩﻱ ﻛﺎﻧﺖ ﺇﺭﺍﺩﺓ ﺍﻟﺸﻌﺐ .
* ﻫﻞ ﻓﻌﻼً ﻓﻜّﺮﺕ ﻓﻲ ﺗﺮﻙ ﺍﻟﻜﺮﺓ ﻧﻬﺎﺋﻴًﺎ ﻋﻘﺐ ﺍﻻﻋﺘﻘﺎﻝ؟
_ ﻻ ﻻ ﻻ .. ﻣﺎ ﻓﻜّﺮﺕ ﻓﻲ ﺗﺮﻙ ﺍﻟﻜﻮﺭﺓ ﻭﺃﻧﺎ ﻛﻨﺖ ﻭﺍﺛﻖ ﻣﻦ ﺑﺮﺍﺀﺗﻲ ﻣﻬﻤﺎ ﻗﻌﺪﺕ ﻓﻲ ﺍﻟﺴﺠﻦ .
* ﺃﻟّﺎ ﺗﻌﺘﻘﺪ ﺑﺄﻥ ﻭﻗﻮﻓﻚ ﻣﻊ ﺍﻟﺜﻮﺭﺓ ﻫﻮ ﻭﺍﺣﺪ ﻣﻦ ﺃﺳﺒﺎﺏ ﺍﻟﺪﻓﻊ ﺑﻚ ﺇﻟﻰ ﺍﻟﺤﺒﺲ؟
_ 100% ﺍﻟﺴﺒﺐ ﻫﻮ ﻭﻗﻮﻓﻲ ﻣﻊ ﺍﻟﺜﻮﺭﺓ ﻭﻇﻬﻮﺭﻱ ﻓﻲ ﺍﻟﻘﻴﺎﺩﺓ ﻭﻗﻴﺎﺩﺗﻲ ﻟﻠﻤﻮﺍﻛﺐ .
* ﺳﻴﻒ ﺑﺼﺮﺍﺣﺔ ﺃﻧﺘﻢ ﻣﺘﻬﻤﻴﻦ ﺑﺄﻧّﻜﻢ ﺷﺎﺭﻛﺘﻢ ﻓﻲ ﺍﻟﺜﻮﺭﺓ ﻷﺟﻞّ ﺍﻟﺸﻬﺮﺓ ؟
_ ﺩﻩ ﻛﻼﻡ ﻣﺎ ﺻﺎﺡ، ﺃﻧﺎ ﻣﺎ ﺳﻴﺎﺳﻲ، ﺃﻧﺎ ﺷﺎﺭﻛﺖ ﻓﻲ ﺍﻟﺜﻮﺭﺓ ﺯﻱ ﻭﺯﻱ ﺃﻱّ ﺯﻭﻝ ﻭﻣﺎ ﻋﻤﻠﺖ ﺣﺴﺎﺏ ﺃﻧﻮ ﺃﻧﺎ ﻧﺠﻢ ﺃﻭ ﺍﺳﻢ ﻣﺸﻬﻮﺭ ﺃﻧﺎ ﺧﺮﺟﺖ ﻷﻧﻮ ﻭﺿﻊ ﺍﻟﺒﻠﺪ ﺩﺍﻳﺮ ﺗﻐﻴﻴﺮ ﻭﺩﻩ ﺍﻟﻜﺎﻥ ﺣﺎﺻﻞ .
* ﺑﺼﺮﺍﺣﺔ ﺗﺸﻌﺮ ﺑﺎﻟﺨﺬﻻﻥ ﺗﺠﺎﻩ ﺑﻌﺾ ﺍﺻﺪﻗﺎﺋﻚ ﻓﻲ ﻣﺤﻨﺘﻚ؟
_ ﺷﻮﻑ ﺃﻧﺎ ﺍﺗﺨﺬﻟﺖ ﻓﻲ ﻧﺎﺱ ﻭﻛﺴﺒﺖ ﻧﺎﺱ .
* ﻣﻦ ﻫﻢ؟
_ ﺑﺼﺮﺍﺣﺔ ﻓﻲ ﻧﺎﺱ ﻭﻗﻔﺖ ﻣﻌﺎﻱ ﻭﻗﻔﺖ ﺭﺟﺎﻝ .. ﻭﻓﻲ ﻧﺎﺱ ﻣﺎ ﺑﻌﺮﻓﺎ ﻭﺑﺮﺿﻮ ﻭﻗﻔﺖ ﻣﻌﺎﻱ ﻛﺄﻧّﻬﺎ ﺑﺘﻌﺮﻓﻨﻲ ﻟﻴﻬﺎ ﻓﺘﺮﺓ ﻭﺯﻣﻦ ﻭﻓﻲ ﻧﺎﺱ ﻛﺎﻧﺖ ﻗﺮﻳﺒﺔ ﻟﻲ ﻭﻋﺮﻓﺘﻬﻢ ﻋﻠﻰ ﺣﻘﻴﻘﺘﻬﻢ .
* ﻣﺎﺫﺍ ﻋﻦ ﺯﻣﻼﺋﻚ ﺍﻟﻼﻋﺒﻴﻦ؟
_ ﺩﻳﻞ ﺍﻟﻮﺣﻴﺪﻳﻦ ﺍﻷﻧﺎ ﻣﺎ ﺍﺗﺨﺬﻟﺖ ﻓﻴﻬﻢ ﻭﺍﻟﻠﻪ، ﺑﺎﻟﻌﻜﺲ ﻓﻲ ﻧﺎﺱ ﻣﺎ ﺑﻌﺮﻓﻬﻢ ﺑﻠﻌﺒﻮﺍ ﻓﻲ ﺃﻧﺪﻳﺔ ﺛﺎﻧﻴﺔ ﻭﻟﻤﺘّﻨﺎ ﺍﻟﻜﻮﺭﺓ ﻟﻘﻴﺘﻬﻢ ﻭﺍﻗﻔﻴﻦ ﻣﻌﺎﻱّ ﻭﻗﺪﺍﻡ ﻭﺑﺮﺿﻮ ﻻﻋﺒﻴﻦ ﺍﻟﻤﻨﺘﺨﺐ ﻣﺎ ﻗﺼﺮﻭﺍ .. ﺃﻧﺎ ﻣﺒﺴﻮﻁ ﻣﻦ ﺯﻣﻼﺋﻲ .
* ﺗﻠﻌﺐ ﻣﻊ ﺍﻟﻤﺮﻳﺦ ﻭﺟﻠﺴﺎﺕ ﻣﺤﺎﻛﻤﺘﻚ ﺗﺸﻐﻞ ﺍﻟﺠﻤﻴﻊ؟
_ ﻋﻠﻰ ﻓﻜﺮﺓ ﺃﻧﺎ ﺑﺤﺮﺹ ﻋﻠﻰ ﺣﻀﻮﺭ ﺟﻠﺴﺎﺕ ﻣﺤﺎﻛﻤﺘﻲ ﺑﻨﻔﺴﻲ .. ﻭﻟﻤﻦ ﺃﻛﻮﻥ ﻗﺎﻋﺪ ﻓﻲ ﺍﻟﺨﺮﻃﻮﻡ ﺑﻤﺸﻲ .
* ﻣﺎﻫﻮ ﺩﻭﺭ ﺗﺠﻤّﻊ ﺍﻟﻤﻬﻨﻴﻴﻦ ﻭﻗﻮﺓ ﺍﻟﺘﻐﻴﻴﺮ ﻓﻲ ﻗﻀﻴﺘﻚ؟
_ ﺗﺠﻤّﻊ ﺍﻟﻤﻬﻨﻴﻴﻦ ﻭﻗﻮﺓ ﺍﻟﺤﺮﻳﺔ ﻭﺍﻟﺘﻐﻴﻴﺮ ﻭﻗﻔﻮﺍ ﻣﻌﺎﻱ ﻭﺃﺳﺘﺎﺫ ﻣﺠﺪﻱ ﺍﻟﻤﺤﺎﻣﻲ ﺟﻤﺎﻳﻠﻮﺍ ﻣﺎ ﺑﻘﺪﺭ ﺃﻧﺴﺎﻫﺎ .. ﻭﺍﻗﻒ ﻣﻌﺎﻱ ﻭﻣﺘﻮﺍﺻﻞ ﻭﺣﻀﻮﺭ ﻓﻲ ﻛﻞ ﺍﻟﺠﻠﺴﺎﺕ .
* ﻣﺎ ﻫﻮ ﺃﺑﺮﺯ ﺍﻟﻤﺸﺎﻫﺪ ﺍﻟﺘﻲ ﻻ ﺗﻨﺴﻰ ﺧﻼﻝ ﻓﺘﺮﺓ ﺍﻋﺘﻘﺎﻟﻚ؟
_ ﻟﻘﻴﺖ ﻣﻌﺎﻣﻠﺔ ﻛﻮﻳﺴﺔ ﻣﻦ ﺿﺒﺎﻁ ﺍﻟﺴﺠﻦ، ﻭﺗﻠﻔﻮﻧﻲ ﻛﺎﻥ ﺷﻐﺎﻝ ﻭﺍﻷﺧﺒﺎﺭ ﻛﺎﻧﺖ ﺑﺘﺠﻴﻨﻲ، ﻭﻳﻮﻡ ﺍﻟﻤﻮﻛﺐ ﺍﻟﻜﺎﻥ ﻋﺎﻣﻠﻨﻮﺍ ﻟﻲّ ﻓﻲ ﺷﺎﺋﻌﺎﺕ ﻛﺘﻴﺮﺓ ﺣﺼﻠﺖ ﺇﻧﻮ ﻓﻲ ﺍﻗﺘﺤﺎﻡ ﻟﻠﺴﺠﻦ ﻭﺍﻟﺤﺎﺟﺔ ﺩﻱ ﺧﻠﺖ ﻧﺎﺱ ﺍﻣﺪﺭﻣﺎﻥ ﻳﺤﻮّﻟﻮﻧﻲ ﻟﻲ ﻛﻮﺑﺮ ﻗﺒﻞ ﻳﻮﻡ ﻣﻦ ﺍﻟﻤﻮﻛﺐ ﻭﻧﺎﺱ ﺳﺠﻦ ﻛﻮﺑﺮ ﺭﻓﻀﻮﻧﻲ .. ﺑﻌﺪﺍﻙ ﺭﺟﻌﻨﺎ ﻭﻳﻮﻡ ﺍﻟﺜﻼﺛﺎﺀ ﺃﻭ ﺍﻷﺭﺑﻌﺎﺀ ﺍﻟﺼﺒﺎﺡ ﺃﺗﺬﻛﺮ ﻭﺩﻭﻧﻲ ” ﺍﻟﻬﺪﻯ ”
* ﺩﻋﻨﺎ ﻧﺨﺮﺝ ﻣﻦ ﻫﺬﺍ ﺍﻟﻤﻠﻒ، ﺃﺣﺮﺯﺕ ﻫﺪﻓًﺎ ﺃﻣﺎﻡ ﻣﺮﻳﺦ ﺍﻟﻔﺎﺷﺮ ﺑﻌﺪ ﻏﻴﺎﺏ؟
_ ﺍﻧﺘﺼﺎﺭﻧﺎ ﻋﻠﻰ ﻣﺮﻳﺦ ﺍﻟﻔﺎﺷﺮ ﻛﻨّﺎ ﻓﻲ ﺃﺷﺪ ﺍﻟﺤﺎﺟﺔ ﺇﻟﻴﻪ، ﻭﻧﺤﻦ ﺧﺴﺮﻧﺎ ﻛﻮﺭﺓ ﺣﻲ ﺍﻟﻮﺍﺩﻱ ﻭﻛﺎﻥ ﻻﺯﻡ ﻧﻌﻮّﺽ ﻭﺍﻟﺤﻤﺪ ﻟﻠﻪ ﻓﺰﻧﺎ ﻋﻠﻰ ﺍﻟﻬﻼﻝ ﻭﺍﻟﻤﺮﻳﺦ .
ﺍﻟﻤﺮﻳﺦ ـ ﺇﺭﺷﻴﻔﻴﺔ ـ
* ﻟﻜﻦّ ﻣﻦ ﺍﻟﻜﻮﺍﻟﻴﺲ ﺃﻧّﻚ ﺍﻋﺘﺬﺭﺕ ﻋﻦ ﺍﻟﻤﺸﺎﺭﻛﺔ ﺃﻣﺎﻡ ﻣﺮﻳﺦ ﺍﻟﻔﺎﺷﺮ؟
_ ﺃﻳﻮﺓ ﺃﻧﺎ ﻣﺎ ﻣﺮﺗﺎﺡ ﻧﻔﺴﻴًﺎ، ﻭﺍﻋﺘﺬﺭﺕ ﻟﻲ ﺍﻟﻜﻮﺗﺶ ﻭﻗﻠﺖ ﻟﻴﻪ ﺃﺣﺴﻦ ﺃﻛﻮﻥ ﺑﻌﻴﺪ .
* ﻣﺎﺫﺍ ﺣﺪﺙ؟
_ ﺃﺑﻮﻋﻨﺠﺔ ﻣﻦ ﺃﻛﺜﺮ ﺍﻟﺪﺍﻋﻤﻴﻦ ﻟﻲ، ﻭﺃﺗﻜﻠﻢ ﻣﻌﺎﻱ ﻭﻫﻮ ﻗﺒﻞ ﺍﻋﺘﺬﺍﺭﻱ ﺃﻣﺎﻡ ﻫﻼﻝ ﺍﻟﻔﺎﺷﺮ ﻟﻜﻦّ ﻓﻲ ﻛﻮﺭﺓ ﻣﺮﻳﺦ ﺍﻟﻔﺎﺷﺮ ﻗﺎﻝ ﻟﻲ ﻧﺤﻦ ﻣﺤﺘﺎﺟﻴﻦ ﻟﻴﻚ ﻭﺍﻟﻔﺮﻳﻖ ﺩﺓ ﻻﺯﻡ ﻧﻐﻠﺒﻮﺍ ﻭﻣﺒﺎﺭﻳﺎﺗﻨﺎ ﻣﻌﺎﻩ ﻓﻴﻬﺎ ﺃﺣﺪﺍﺙ ﻭﺍﻟﺴﻨﺔ ﺍﻟﻔﺎﺗﺖ ﺿﻴّﻊ ﻣﻨﻨّﺎ ﺍﻟﺪﻭﺭﻱ .. ﻭﺑﺎﺧﺘﺼﺎﺭ ﺃﺑﻮﻋﻨﺠﺔ ﺩﻋﻤﻨﻲ ﻭﺣﻔﺰّﻧﻲ ﻭﻛﺎﻧﺖ ﻣﺸﺎﺭﻛﺘﻲ ﺇﻳﺠﺎﺑﻴﺔ .
* ﻟﻜﻦ ﺃﺩﺍﺀﻙ ﻏﻴﺮ ﺟﻴّﺪ؟
_ ﺷﻮﻑ ﺃﻧﺎ ﻣﻦ ﻃﻠﻌﺖ ﻣﻦ ﺍﻻﻋﺘﻘﺎﻝ ﻣﺎ ﺭﺍﺿﻲ ﻋﻦ ﻣﺴﺘﻮﺍﻱّ .
* ﺃﺧﻴﺮًﺍ ﻫﻞ ﺃﻧﺖ ﺻﻔﻘﺔ ﺧﺎﺳﺮﺓ ﻓﻲ ﺍﻟﻤﺮﻳﺦ ﻛﻤﺎ ﻳﺮﻯ ﺍﻟﺒﻌﺾ؟
_ ﺍﻟﻨﺎﺱ ﺑﺘﻘﻮﻝ ﺇﻧّﻲ ﺻﻔﻘﺔ ﺧﺎﺳﺮﺓ ﻟﻜﻦ ﺃﻧﺎ ﺃﺻﻼّ ﻣﺎ ﺭﺍﺿﻲ ﻋﻦ ﻧﻔﺴﻲ .. ﺃﻧﺎ ﻣﺴﺘﻮﺍﻱ ﺍﻟﺤﺎﻟﻲ ﻣﺎ ﻧﻔﺲ ﺍﻟﻤﺴﺘﻮﻯ ﺍﻟﻠﻌﺒﺖ ﺑﻴﻪ ﻓﻲ ﺍﻟﺨﺮﻃﻮﻡ ـﻮ ﺍﻟﻤﻨﺘﺨﺐ ﺍﻟﻮﻃﻨﻲ ﻟﻜﻦّ ﺩﻩ ﻭﻋﺪ ﻟﻲ ﺟﻤﻬﻮﺭ ﺍﻟﻤﺮﻳﺦ ﺇﻧﻮ ﺣﻴﺸﻮﻓﻮﺍ ﺳﻴﻒ ﺗﻴﺮﻱ ﻋﻠﻰ ﺣﻘﻴﻘﺘﻮ ﻓﻲ ﺍﻟﻔﺘﺮﺓ ﺍﻟﺠﺎﻳﺔ ﻭﺃﺗﻤﻨﻰ ﺇﻧّﻮ ﺃﺳﻌﺪﻫﻢ ﻭﺃﻧﺎ ﺑﻘﺪﺭ ﻭﻗﻔﺘﻬﻢ ﻣﻌﺎﻱ ﺷﺪﻳﺪ