ﺑﺎﺑﻜﺮ ﺳﻠﻚ
ﻓﻲ ﺍﻟﺴﻠﻚ
* ﻣﻨﺘﺨﺐ ﺻﻐﺎﺭ ﺻﻘﻮﺭ ﺍﻟﺠﺪﻳﺎﻥ ﺣﻘﻖ ﻧﺘﻴﺠﺔ ﺟﻴﺪﺓ ﺍﻣﺎﻡ ﻧﻈﻴﺮﻩ ﺍﻟﺠﻴﺒﻮﺗﻲ
* ﻭﻧﺎﻝ ﺍﻟﻤﻬﻨﺪﺱ ﻣﺤﻤﺪ ﻣﻮﺳﻰ ﻭﺳﺎﻡ ﻗﻴﺎﺩﺓ ﺍﻟﻤﻨﺘﺨﺐ ﻟﺬﻟﻚ ﺍﻟﻔﻮﺯ ﺍﻟﻜﺒﻴﺮ
* ﻭﻟﻔﺖ ﻧﻈﺮﻱ ﺑﺸﺪﺓ ﺗﻌﻠﻴﻖ ﻣﺪﺭﺏ ﻣﻨﺘﺨﺐ ﺟﻴﺒﻮﺗﻲ ﺍﻟﺬﻱ ﻗﺎﻝ
* ﺍﻓﺘﻘﺪﺕ ﺳﺘﺔ ﻣﻦ ﺍﻋﻤﺪﺓ ﺍﻟﻤﻨﺘﺨﺐ ﻻﻧﻬﻢ ﺗﺨﻠﻔﻮﺍ ﻣﻊ ﺍﻟﻤﻨﺘﺨﺐ ﺍﻟﻜﺒﻴﺮ
* ﻧﻘﻴﻒ ﺷﻮﻳﺔ ﻫﻨﺎ
* ﻫﺬﺍ ﺍﻟﻌﺪﺩ ﺍﻟﻤﻬﻮﻝ ﻣﻦ ﻣﻨﺘﺨﺐ ﺻﻐﺎﺭ ﺟﻴﺒﻮﺗﻲ ﺗﻢ ﺿﻤﻬﻢ ﻟﻠﻤﻨﺘﺨﺐ ﺍﻟﻜﺒﻴﺮ ﻭﺍﻻﺳﺘﻌﺎﻧﺔ ﺑﻬﻢ؟؟
* ﺍﺫﻥ ﻛﻢ ﻣﺘﻮﺳﻂ ﺍﻋﻤﺎﺭ ﺍﻟﻤﻨﺘﺨﺐ ﺍﻟﺠﻴﺒﻮﺗﻲ ﺍﻟﻜﺒﻴﺮ؟
* ﻭﻛﻢ ﻣﺘﻮﺳﻂ ﺍﻋﻤﺎﺭ ﻣﻨﺘﺨﺐ ﺍﻟﺼﻘﻮﺭ ﺍﻟﻜﺒﺎﺭ؟؟
* ﻭﻛﻢ ﺳﻴﻤﻜﺚ ﻣﻨﺘﺨﺐ ﺟﻴﺒﻮﺗﻲ ﺍﻟﻜﺒﻴﺮ ﺑﺎﻟﻤﻼﻋﺐ؟
* ﻭﻛﻢ ﺳﺘﻤﻜﺚ ﺻﻘﻮﺭﻧﺎ ﺩﺍﺧﻞ ﺍﻟﻤﺴﺘﻄﻴﻞ ﺍﻻﺧﻀﺮ؟؟
* ﺍﻻﺟﺎﺑﺔ ﻋﻠﻰ ﻛﻞ ﻫﺬﻩ ﺍﻷﺳﺌﻠﺔ ﺗﻮﺻﻠﻨﺎ ﻟﺤﻘﻴﻘﺔ ﺍﻥ ﺟﻴﺒﻮﺗﻲ ﻭﺿﻌﺖ ﻗﺪﻣﻬﺎ ﻋﻠﻰ ﺍﻟﻄﺮﻳﻖ ﺍﻟﺼﺤﻴﺢ
* ﻗﺮﻳﺒﺎً ﺳﻴﺘﻤﺘﻌﻮﻥ ﺑﺨﺒﺮﺍﺕ ﻛﺒﻴﺮﺓ ﻭﺍﻋﻤﺎﺭ ﺻﻐﻴﺮﺓ
* ﻭﻧﺤﻦ ﻳﺎﻧﺎ ﻧﺤﻨﺎ
* ﻭﺻﺪﻗﻮﻧﻲ ﺑﻌﺪ ﺗﻼﺗﺔ ﺳﻨﻮﺍﺕ ﻭﻗﺒﻞ ﺍﻧﺘﻬﺎﺀ ﺍﻣﺪ ﺍﻟﺤﻜﻮﻣﺔ ﺍﻻﻧﺘﻘﺎﻟﻴﺔ
* ﺟﻴﺒﻮﺗﻲ ﺣﺎ ﺗﻐﻠﺒﻨﺎ ﺭﺍﻳﺢ ﺟﺎﻱ
* ﻷﻧﻬﻢ ﻭﻗﺘﻬﺎ ﺳﻴﺤﺎﺭﺑﻮﻧﻨﺎ ﺑﻤﻨﺘﺨﺐ ﺷﺎﺏ ﺻﺎﺣﺐ ﻃﺎﻗﺎﺕ ﻭﺧﺒﺮﺍﺕ ﻋﺮﻳﻀﺔ
* ﻭﺳﻨﻨﺎﺯﻟﻬﻢ ﺑﺘﺸﻜﻴﻠﺔ ﺗﻀﻢ ﻛﻼً ﻣﻦ
* ﺍﻣﻴﺮ ﻛﻤﺎﻝ ﻭﺑﻮﻳﺎ ﻓﻲ ﻗﻠﺐ ﺍﻟﺪﻓﺎﻉ
* ﺍﻟﺸﻐﻴﻞ ﻭﺍﺑﻮ ﻋﺎﻗﻠﺔ ﻣﺤﺎﻭﺭ
* ﺭﻣﻀﺎﻥ ﻋﺠﺐ ﻭﻣﻌﺎﺫ ﺍﻟﻘﻮﺯ ﺛﻨﺎﺋﻲ ﻣﻘﺪﻣﺔ ﻫﺠﻮﻣﻴﺔ
* ﺍﻃﻬﺮ ﺍﻟﻄﺎﻫﺮ ﻭﺍﻟﺘﺎﺝ ﺇﺑﺮﺍﻫﻴﻢ ﻋﻠﻰ ﺩﻛﺔ ﺍﻟﺒﺪﻻﺀ
* ﻧﺤﻨﺎ ﺍﺻﻠﻨﺎ ﻛﺪﻩ
* ﻻﻋﺒﻨﺎ ﻭﻟﻮﻭﻭﻑ
* ﻳﺆﻟﻒ ﻋﻠﻰ ﺍﻟﺨﺎﻧﺔ ﻳﻘﻌﺪ ﻓﻴﻬﺎ ﺧﻤﺴﻄﺎﺷﺮ ﺳﻨﺔ
* ﻭﻫﻮ ﺫﺍﺗﻮ ﻟﻤﺎ ﻳﻮﻟﻔﻮﻫﻮﺍ ﻋﻠﻰ ﺍﻟﺨﺎﻧﺔ ﺑﻜﻮﻥ ﻋﻤﺮﻭ ﺗﻤﻨﻴﺔ ﻭﻋﺸﺮﻳﻦ ﺳﻨﺔ
* ﻭﻣﺎ ﺩﺭﻳﻨﺎ ﺍﻥ ﺍﻟﻮﻟﻒ ﻛﺘﺎﻝ
* ﻋﻠﻰ ﺍﻟﻌﻤﻮﻡ
* ﺗﻤﻨﻴﺎﺗﻲ ﻃﺒﻌﺎً ﻟﻤﻨﺘﺨﺐ ﺳﻮﺩﺍﻥ ﺍﻟﺜﻮﺭﺓ ﺑﺘﺤﻘﻴﻖ ﻧﺘﻴﺠﺔ ﺑﺘﻨﺰﺍﻧﻴﺎ ﺗﻘﻮﺩﻧﺎ ﺑﻘﻮﺓ ﻧﺤﻮ ﺍﻟﻨﻬﺎﺋﻴﺎﺕ
* ﻓﺎﻧﺎ ﺍﻛﺘﺐ ﻗﺒﻞ ﺍﻟﻤﺒﺎﺭﺍﺓ
* ﺍﻟﻤﻬﻢ
* ﺍﺑﻮ ﺷﻨﺐ ﻣﺪﺭﺏ ﺍﻟﻤﺮﻳﺦ ﺍﻟﺠﺪﻳﺪ ﺍﺳﺘﻠﻢ ﺍﻟﺸﻐﻞ
* ﻭﻟﻮ ﻛﻮﺭﺗﻮ ﻗﺪﺭ ﺷﻨﺒﻮ ﺩﻩ
* ﺻﺪﻗﻮﻧﻲ ﺍﻻﻣﻴﺮﺓ ﺍﻟﺴﻤﺮﺍﺀ ﺣﺎ ﺗﺠﻴﻨﺎ ﻓﻲ ﻣﺤﻠﻨﺎ ﻣﺤﻨﻨﺔ ﻭﻣﺠﺮﺗﻘﺔ ﻭﻗﺴﻴﻤﺘﻬﺎ ﻓﻲ ﺍﻳﺪﻫﺎ
* ﺍﻣﺎ ﻟﻮ ﻃﻠﻊ
* ﻋﻤﻚ ﺷﻨﺒﻮ ﺯﻱ ﻋﻤﻚ ﺣﺴﺒﻮ ﺍﻟﺸﺘﺖ ﻗﺼﺒﻮ
* ﺻﺪﻗﻮﻧﻲ ﻃﻴﺮﺍﻥ ﻣﻦ ﺍﻟﺘﻤﻬﻴﺪﻱ ﺣﺎ ﻳﺨﻠﻲ ﺟﻤﺎﻫﻴﺮ ﺍﻟﻤﺮﻳﺦ ﺗﻤﻌﻂ ﺷﻨﺒﻮ ﻭﺗﺸﻐﻠﻮ ﻭﻗﺎﻳﺔ ﻟﻠﺠﺒﻨﺔ
* ﻓﺨﺮﻭﺝ ﺍﻟﻤﺮﻳﺦ ﻣﻦ ﺍﻟﺘﻤﻬﻴﺪﻱ ﺑﻘﻲ ﺯﻱ ﺍﻟﺨﺮﻭﺝ ﻣﻦ ﺍﻟﺤﻤﺎﻡ
* ﻣﻀﻤﻮﻥ ﻭﻣﺨﺠﻞ ﻭﻣﺤﺮﺝ
* ﻭﺗﺤﺲ ﺍﻧﻮ ﺍﻟﻨﺎﺱ ﻛﻠﻬﺎ ﺑﺘﻌﺎﻳﻦ ﻟﻴﻚ
* ﻭﻓﻲ ﺑﻌﺾ ﺍﻻﺣﻴﺎﻥ ﺯﻱ ﺍﻟﺤﻤﺎﻡ ﺍﻟﺒﻠﺪﻱ
* ﺍﻟﻨﻮﻉ ﺍﻟﺒﻜﻮﻥ ﻣﺎ ﻣﻌﺮﻭﺵ ﺩﺍﻙ
* ﻛﺎﻥ ﻭﻗﻔﺖ ﺣﻴﻠﻚ ﺍﻟﺪﻧﻴﺎ ﻛﻠﻬﺎ ﺗﻌﺮﻓﻚ ﻣﺎﺭﻕ
* ﺍﻟﻠﻪ ﻳﺴﺘﺮﻧﺎ ﻋﺎﺩ
* ﺍﻟﻤﻬﻢ
* ﺩﺍﻳﺮ ﺍﺳﺄﻝ ﺍﻟﺠﻤﺎﻋﺔ ﺍﻟﺒﺘﺒﺎﻛﻮﺍ ﻋﻠﻰ ﺗﻔﻨﻴﺶ ﻣﺪﻳﺮﻱ ﺍﻟﺠﺎﻣﻌﺎﺕ
* ﺍﻳﻦ ﻛﺎﻧﺖ ﺩﻣﻮﻋﻜﻢ ﻭﻣﺄﻣﻮﻥ ﺣﻤﻴﺪﺓ ﺑﻌﺪ ﺗﻌﻴﻴﻨﻪ ﻣﺪﻳﺮﺍً ﻟﺠﺎﻣﻌﺔ ﺍﻟﺨﺮﻃﻮﻡ ﻟﻢ ﻳﺘﺮﻙ ﻋﻠﻰ ﻇﻬﺮﻫﺎ ﻛﻔﺎﺀﺓ؟
* ﻳﺎ ﺩﻭﺑﻜﻢ ﺑﻘﺖ ﻋﻨﺪﻛﻢ ﻋﻴﻮﻥ ﺗﺪﻣﻊ؟
* ﺍﻳﻦ ﻛﻨﺘﻢ ﻭﺍﻳﻦ ﻛﺎﻧﺖ ﺩﻣﻮﻋﻜﻢ ﻭﻓﺮﻳﺔ ﺍﻻﻗﺼﺎﺀ ﺍﻟﺘﻲ ﺍﺳﺘﻌﺮﺗﻢ ﺑﺪﻻً ﻣﻨﻬﺎ ﻣﺴﻤﻰ ﺍﻟﺼﺎﻟﺢ ﺍﻟﻌﺎﻡ ﺗﺠﺘﺚ ﺍﻟﻜﻔﺎﺀﺍﺕ ﻭﺍﻟﺨﺒﺮﺍﺕ ﻟﺘﺤﻞ ﻣﺤﻠﻬﺎ ﻣﺠﺮﺩ ‏( ﻛﺮﻭﺭﺍﺕ ‏) ﻭﺩﺕ ﺍﻟﺒﻠﺪ ﻓﻲ ﺩﺍﻫﻴﺔ؟
* ﻳﺎ ﺩﻭﺑﻜﻢ ﻋﺮﻓﺘﻮﺍ ﺍﻧﻮ ﻓﻲ ﺣﺎﺟﺔ ﺍﺳﻤﻬﺎ ﺩﻣﻮﻉ؟
* ﻭﺍﻟﻠﻪ ﺍﻧﺎ ﻟﻮ ﻣﺤﻞ ﺍﻟﻮﺯﻳﺮﺓ ﺍﺭﺍﺟﻊ ﻛﻞ ﺍﻟﺪﺭﺟﺎﺕ ﺍﻟﻌﻠﻤﻴﺔ ﺍﻟﻤﻤﻨﻮﺣﺔ ﻣﻦ ﺗﺴﻌﻴﻦ ﻭﺍﻟﻰ ﺣﺪﺍﺷﺮ ﺍﺑﺮﻳﻞ ﺍﻟﻔﻴﻦ ﻭﺗﺴﻌﻄﺎﺷﺮ
* ﺍﺧﺠﻠﻮﺍ ﻳﺎﺥ
* ﺩﻩ ﺷﻨﻮ ﺩﻩ؟
* ﻗﺮﻑ ﻳﻘﺮﻓﻜﻢ ﺯﻱ ﻣﺎ ﻗﺎﻟﺖ ﺗﺮﺍﺟﻲ
* ﺍﻳﻬﺎ ﺍﻟﻨﺎﺱ
* ﺍﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
* ﺍﻫﺎ
* ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
* ﻭﺍﻟﻴﻨﺎ
* ﻳﻌﻨﻲ ﺑﺘﺎﻉ ﻗﻄﺮ ﺩﻩ ﻣﺎ ﺣﻠﺖ ﻟﻴﻬﻮ ﺍﻟﻜﻮﺭﺓ ﻓﻲ ﻓﺮﻧﺴﺎ ﺍﻻ ﺑﻌﺪ ﻣﺎﻫﻤﻴﻨﺎ؟
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﺍﻟﻜﻠﺐ ﻗﺎﻝ : ﺭﺃﺱ ﺍﻓﺮﻳﻘﻴﺎ ﻛﺎﻥ ﺍﻓﻀﻞ ﻣﻦ ﺿﻨﺐ ﺍﻟﻌﺮﺏ
ﻭﺍﻟﻰ ﻟﻘﺎﺀ .
ﺳﻠﻚ