ﺑﺘﺄﻣﻞ ﺣﺎﻝ ﺍﻟﺪﻧﻴﺎ ... ﻭﺍﻟﻤﻴﻞ ﺍﻟﻜﺴﺮ ﺍﻟﺨﺎﻃﺮ
ﺍﻟﻤﺴﺦ ﻃﻌﻢ ﺍﻟﻔﺮﺣﻪ ... ﻭﺍﻟﺒﺎﻉ ﺍﻟﺮﻳﺪ ﺍﻟﻨﺎﺩﺭ
ﺍﻟﺒﺪﻝ ﺑﻴﻨﺎ ﺍﻟﺴﻜﻪ ... ﻭﺍﻟﺨﻠﻰ ﺍﻟﺮﺍﺑﺢ ﺧﺎﺳﺮ
ﺍﻟﻄﻴﺒﻪ ﺑﺘﺒﻘﻰ ﺳﺬﺍﺟﻪ .... ﻭﺍﻟﻈﺎﻝﻡ ﻳﺼﺒﺢ ﺷﺎﻃﺮ
ﺃﻏﺮﺍﺏ ﺑﻴﺸﻴﻠﻮﺍ ﻫﻤﻮﻣﻚ ... ﻭﺣﺒﻴﺒﻚ ﻗﺎﺳﻰ ﻭﻧﺎﻛﺮ
****
ﺃﺣﺰﺍﻥ ﻣﺎﻟﻴﺎﻧﺎ ﻣﺂﺳﻰ ... ﻭﺷﺠﻮﻥ .. ﻭﺍﻟﺤﻴﻠﻪ ﻗﻠﻴﻠﻪ
ﺷﺎﻳﻠﻴﻦ ﺍﻟﻬﻢ ﻣﻦ ﺑﻜﺮﻩ ... ﺧﺎﻳﻔﻴﻦ .. ﻭﺍﻟﺸﻴﻠﻪ ﺗﻘﻴﻠﻪ
ﻣﺎﺷﻴﻦ ﻓﻰ ﺩﺭﺏ ﺍﻟﺤﻴﺮﻩ ... ﺗﺎﻳﻬﻴﻦ ﻭﺍﻟﺴﻜﻪ ﻃﻮﻳﻠﻪ
ﺧﻠﻮﻧﺎ ﻗﺮﺍﺏ ﻣﻦ ﺍﻟﻠﻪ .... ﻭﺍﻟﺨﻄﻮﻩ ﺑﺘﺒﻘﻰ ﻋﺪﻳﻠﻪ
ﻭﺍﻟﺮﺿﺎ ﺑﺎﻟﻘﺴﻤﻪ ﺣﻘﻴﻘﻪ ... ﺑﻴﺨﻠﻰ ﺍﻟﺪﻧﻴﺎ ﺟﻤﻴﻠﻪ
****
ﺍﻟﺮﺣﻤﻪ ﻛﻤﺎﻥ ﻣﻄﻠﻮﺑﻪ ... ﺧﻠﻮﻧﺎ ﺧﻼﺹ ﻧﺘﺮﺍﺣﻢ
ﻟﻴﻪ ﻳﻌﻨﻰ ﻧﺴﻚ ﺍﻟﺪﻧﻴﺎ ... ﻭﻋﻠﻴﻬﺎ ﺩﻭﺍﻡ ﻧﺘﺰﺍﺣﻢ؟
ﻛﻞ ﻭﺍﺣﺪ ﻋﻨﺪﻭ ﻧﺼﻴﺒﻮ ... ﻣﻜﺘﻮﺏ ﻣﻦ ﻗﺒﻞ ﺍﻟﻌﺎﻟﻢ
ﻣﻔﺮﻭﺽ ﻻ ﻧﺠﻮﻁ ﻻ ﻧﻜﺮﻩ .... ﺑﺎﻟﺤﻜﻤﻪ ﻛﻤﺎﻥ ﻧﺘﻔﺎﻫﻢ
ﻧﺘﻌﺎﻓﻰ ﻭﺗﺼﻔﻮ ﻧﻔﻮﺳﻨﺎ .... ﺑﺎﻟﺤﺐ ﻭﺍﻟﺸﻮﻕ ﻧﺘﺴﺎﻟﻢ
*****
ﻭﺑﺘﺄﻣﻞ ﺣﺎﻝ ﻭﺟﺪﺍﻧﻰ .... ﻭﺍﻟﺸﻮﻕ ﺍﻟﻬﺪﺍ ﻛﻴﺎﻧﻰ
ﻭﺍﻟﺮﻳﺪ ﺍﻟﺴﺎﻛﻦ ﺭﻭﺣﻰ ... ﻭﺍﻟﻠﻬﻔﻪ ﺍﻟﻔﻴﻬﺎ ﺣﻨﺎﻧﻰ
ﻭﺍﻟﺸﺠﻦ ﺍﻟﺒﻜﺘﺐ ﻭﻳﺮﺳﻢ ... ﻭﻳﻄﻠﻊ ﺻﻮﺕ ﺃﺣﺰﺍﻧﻰ
ﻭﺍﻟﺤﻆ ﺍﻟﻌﺎﻛﺲ ﻭﻋﺎﻧﺪ .... ﻭﺧﻼﻭ ﻣﺘﺄﺧﺮ ﺟﺎﻧﻰ
ﻭﺍﻟﺨﻮﻑ ﻳﺎﻏﺎﻟﻰ ﺗﻐﺎﺩﺭ .... ﻭﺗﻐﻴﺐ ﻋﻦ ﺩﺭﺑﻨﺎ ﺗﺎﻧﻰ
***
ﻗﺮﺭﺗﺎ ﺃﺳﺎﻣﺤﻚ ﻭﺃﻧﺴﻰ ..... ﻗﺼﺘﻨﺎ ﺩﻯ ﻣﺎﺑﺘﺴﺘﺎﻫﻞ
ﻻﺯﻡ ﻧﻌﻔﻮ ﻭﻧﺘﺴﺎﻣﺢ .... ﻭﺷﻮﻱﻩ ﻛﻤﺎﻥ ﻧﺘﻨﺎﺯﻝ
ﺍﻟﻌﻤﺮ ﻗﺼﻴﺮ ﻟﻮ ﻳﻄﻮﻝ .... ﻟﻴﻪ ﻧﺤﻘﺪ ﻭﻟﻴﻪ ﻧﺘﺠﺎﻫﻞ؟
ﺑﻴﻨﺎﺗﻨﺎ ﺍﻟﻌﺸﺮﻩ ﺑﺘﺒﻘﻰ .... ﻭﺿﺮﻭﺭﻯ ﻛﻤﺎﻥ ﻧﺘﻌﺎﻣﻞ
ﺧﻠﻴﻚ ﻣﻦ ﻏﺪﺭﻙ ﺃﻛﺒﺮ ... ﻭﺗﻌﺎﻝ ﺑﺎﻟﻮﺩ ﻧﺘﻮﺍﺻﻞ