ﺍﻟﺴﻌﺎﺩﺓ !
ﺍﻟﻤﻜﺎﻥ ﺍﻟﻔﻴﻬﻮ ﺇﻧﺘﺎ .. ﺃﺣﻠﻰ ﻣﻦ ﻃﻌﻢ ﺍﻟﺴﻌﺎﺩﺓ ..
ﻭﺍﻟﺤﻀﻮﺭ ﺍﻟﻔﻲ ﻋﻴﻮﻧﻚ .. ﻳﺴﻠﺐ ﺍﻟﺮﻭﺡ ﺍﻹﺭﺍﺩﺓ ...
ﻳﺪﻱ ﻟﻲ ﺫﺍﺕ ﺍﻟﺒﺸﻮﻓﻚ ... ﺃﺭﻗﻰ ﺇﺣﺴﺎﺱ ﺑﺎﻟﺴﻴﺎﺩﺓ ...
ﻣﺎﺑﻮﺻﻒ ﻛﻞ ﺻﻔﺎﺗﻚ .... ﻭﺗﺒﻘﻰ ﻣﺠﺮﻭﺣﺔ ﺍﻟﺸﻬﺎﺩﺓ ..
ﺇﻧﺘﺎ ﻣﻌﺮﻭﻑ ﺯﻭﻝ ﻓﻀﻴﻠﺔ ... ﻭﺍﻟﻜﺮﻡ ﺑﻘﻰ ﻟﻴﻜﺎ ﻋﺎﺩﻩ ..
ﺍﻟﻠﻪ ﻳﻔﺘﺢ ﻧﻮﺭ ﺑﺼﻴﺮﺗﻚ ... ﻭﺩﻳﻤﺔ ﺧﻴﺮﻙ ﺑﺎﻟﺰﻳﺎﺩﺓ ...
ﻭﻳﻜﺮﻣﻚ ﺑﻰ ﺟﺎﻩ ﺣﺒﻴﺒﻚ .... ﻭﺗﻠﻘﻰ ﺭﻭﺣﻚ ﻛﻞ ﻣﺮﺍﺩﻫﺎ ..
ﻻ ﺗﻀﻮﻕ ﻃﻌﻢ ﺍﻟﺘﻌﺎﺳﺔ ... ﻻﺗﺰﻭﺭ ﻳﻮﻡ ﺍﻟﻌﻴﺎﺩﺓ ..
ﻭﺑﻴﻨﺎ ﺗﻔﻀﻞ ﺃﺣﻠﻰ ﻋﺸﺮﺓ .... ﻳﺎ ﺳﻨﺎ ﺍﻟﺮﻭﺡ ﻳﺎﻭﺩﺍﺩﻫﺎ ..
ﺇﻧﺘﺎ ﺳﻴﺪﻯ ﻭﻳﺎﻧﻲ ﺳﺘﻚ ... ﻭﺍﻟﻤﺤﻨﺔ ﺃﻛﻴﺪ ﺯﻭﺍﺩﺓ ..
ﻧﺤﻦ ﻋﺎﻳﺸﻴﻦ ﺟﻮﺓ ﺟﻨﺔ ... ﻭﺍﻟﻌﺰﻭﻝ ﻣﺎﺍﺍﺍﺍﺍﺕ ﺑﺎﻟﺤﺴﺎﺩﺓ ...
*****
ﺍﻟﺴﻨﻴﻦ ﺍﻟﻌﺸﻨﺎ ﻓﻴﻬﺎ .... ﺃﺣﻠﻰ ﻟﺤﻈﺎﺕ ﻣﻦ ﻋﻤﺮﻧﺎ
ﻛﻨﺘﺎ ﺇﻧﺘﺎ ﺭﺑﻴﻊ ﻓﺼﻮﻟﻬﺎ ... ﻭﻓﻰ ﻇﻼﻡ ﺍﻟﻠﻴﻞ ﻗﻤﺮﻧﺎ
ﻳﺎﻣﺎ ﻧﺤﻨﺎ ﻛﺘﻴﺮ ﻏﻠﻄﻨﺎ .... ﻭﺇﻧﺘﺎ ﺗﺘﻘﺒﻞ ﻋﺬﺭﻧﺎ
ﻭﻗﻠﺒﻚ ﺍﻟﺤﺎﻧﻰ ﺍﻟﻤﺴﺎﻣﺢ .... ﻻﺗﺐﺩﻝ ... ﻻﻫﺠﺮﻧﺎ
ﺇﺣﺘﻮﺍﻧﺎ ﺑﻜﻞ ﻣﺤﺒﺔ .... ﻭﺑﻰ ﻧﺪﻯ ﺍﻟﺘﺤﻨﺎﻥ ﻏﻤﺮﻧﺎ
ﺿﻠﻞ ﺍﻟﺮﻭﺡ ﺑﺎﻷﻣﺎﻧﻰ .... ﻭﻛﺎﻥ ﺳﺤﺎﻳﺐ ﻟﻰ ﻣﻄﺮﻧﺎ
ﻧﺤﻤﺪ ﺍﻟﻠﻪ ﺍﻟﻠﻴﻨﺎ ﺟﺎﺑﻚ .... ﻭﺍﻟﺠﻌﻞ ﺭﻳﺪﻙ ﻗﺪﺭﻧﺎ
****
ﺍﻷﻣﺎﻧﻰ ﺍﻟﺒﺸﺘﻬﻴﻬﺎ .... ﺇﻥﺗﺎ ﻣﺤﻮﺭ ﺇﻫﺘﻤﺎﻣﻬﺎ
ﻭﺍﻟﻮﻋﻮﺩ ﺍﻟﻠﻰ ﻋﻴﻮﻧﻚ ... ﻓﻴﻨﺎ ﺣﺘﻤﺎ " ﺇﻟﺘﺰﺍﻣﻬﺎ
ﻟﻴﻚ ﻣﻦ ﺍﻟﻘﻠﺐ ﺍﻟﻤﺤﺒﺔ ... ﻭﻟﻴﻚ ﻣﻦ ﺍﻟﺮﻭﺡ ﺇﺣﺘﺮﺍﻣﻬﺎ
ﻭﻣﻦ ﻋﺬﺍﺏ ﻟﻮﻋﺔ ﻏﺮﺍﻣﻚ ... ﻧﺴﺄﻝ ﺍﻟﻠﻪ ﺍﻟﺴﻼﻣﺔ
ﺃﺻﻠﻮ ﻧﺎﺭ ﺍﻟﺸﻮﻕ ﻓﻰ ﺑﻌﺪﻙ ... ﻛﻠﻮ ﻳﻮﻡ ﺯﺍﻳﺪ ﺿﺮﺍﻣﺎ
ﻳﺎﺭﻓﻴﻖ ﺩﺭﺑﻰ ﻭﺣﻴﺎﺗﻰ ... ﻭﺗﻮﺃﻡ ﺍﻟﺮﻭﺡ ﻓﻰ ﻭﺋﺎﻣﻬﺎ
ﻓﻴﻚ ﻣﺤﻄﺘﻨﺎ ﺍﻷﺧﻴﺮﺓ ... ﻭﻓﺮﺻﺔ ﻭﺍﺟﺐ ﺇﻏﺘﻨﺎﻣﻬﺎ
ﻟﻴﻚ ﻋﻠﻰ ﺣﻖ ﺍﻟﻤﻮﺩﺓ .... ﻭﻟﻰ ﻋﻠﻴﻚ ﺣﻖ ﺍﻟﻘﻮﺍﻣﻪ
ﻣﺴﺘﺤﻴﻞ ﺃﻧﺴﺎﻙ، ﺣﺘﻔﻀﻞ ... ﺯﻭﻟﻰ ﻟﻰ ﻳﻮﻡ ﺍﻟﻘﻴﺎﻣﺔ