ﺷﻜﺮﺍ ﻟﻴﻚ
ﻗﺪﺭ ﻭﺟﻌﻲ ﺍﻟﺠﻮﺍﻱ
ﻣﻔﺮﻭﺵ ﻋﻠﻲ ﺃﺭﺽ ﺍﻷﻣﺎﻧﻲ ﺍﻟﺒﻮﺭ
ﻗﺪﺭ ﻣﻄﺮ ﺍﻟﻐﺮﺍﻡ ﺍﻟﺼﺒﺎ ﻓﻲ ﻭﺍﺿﺎﺕ ﺟﻔﺎﻙ ﺑﺤﻮﺭ
ﻗﺪﺭ ﻗﻴﻒ ﺍﻟﻌﺬﺍﺏ ﺍﻟﻬﺪﺃ ﺣﻴﻞ ﺻﺒﺮ
ﺳﻨﻮﺍﺕ ﻋﻤﺮﻱ ﺍﻟﻐﺸﺎﻫﻮ ﻓﺘﻮﺭ
ﻗﺪﺭ ﻣﺎ ﻟﻌﺒﺘﺎ ﺑﻄﻴﻦ ﺍﻟﻮﻫﻢ ﺷﻜﻠﺘﺎ ﻣﻨﻮ ﻗﺼﻮﺭ
ﻭﻋﻔﻮﺍ
ﺃﺫﺍ ﻻﻣﻚ ﺿﻤﻴﺮ ﺍﻟﺸﻮﻕ
ﻭﺻﺤﺎ ﺍﻟﻔﻴﻚ ﻣﻦ ﺇﺣﺴﺎﺱ ﻭﺑﺎﻗﻲ ﺷﻌﻮﺭ
ﺃﺫﺍ ﻃﻴﻔﻰ ﺗﻐﻔﻞ ﺟﺎﻙ ﺍﻃﺮﺩﻭ ﻭﺛﻮﺭ
ﻭﺃﻗﻔﻞ ﺿﻠﻔﺔ ﺍﻟﺮﻳﺪﺓ
ﻣﺤﺎﻝ ﺃﺣﻼﻣﻲ ﻟﻴﻚ ﺗﺰﻭﺭ
ﻭﻻ ﺑﺘﺸﺎﺑﻰ ﺷﺎﻥ ﺍﻟﻘﺎﻙ
ﺍﺫﺍ ﻗﺪﻡ ﺍﻟﻌﺸﻢ ﻣﻜﺴﻮﺭ
ﻭﻋﻔﻮﺍ
ﺍﺫﺍ ﺩﺧﻠﻦ ﺑﻨﺎﺕ ﺭﻳﺪﻱ ﺣﺪﻭﺩ ﻭﺟﻌﻚ
ﻭﺩﻓﻖ ﻓﻴﻚ ﺣﻨﻲ ﺳﺮﻭﺭ
ﻋﻠﻰ ﻭﻋﺪﻙ ﻗﺒﻴﻞ ﻏﻨﻦ
ﻭﻣﺪْﻥ ﻣﻦ ﻗﺼﺎﺋﺪﻱ ﺟﺴﻮﺭ
ﺳﻌﺎﺩﺓ ﺍﻟﺪﻧﻴﺎ ﻣﺎﻫﻲ ﻏﺮﺍﻡ
ﻭﻻ ﻭﻗﻔﺖ ﻓﻲ ﻳﻮﻡ ﻋﻠﻰ ﺯﻭﻝ
ﻭﺍﻳﻪ ﻳﻌﻨﻲ ﺣﺒﻴﺒﻚ ﻓﺎﺕ ؟
ﻏﺮﺍﻡ ﺧﺪﺍﻉ ﻭﻣﺎ ﻣﺴﺆﻝ
ﻭﻫﻤﻚ
ﺍﻥ ﻛﺒﺮ ﺟﻮﺍﻙ ﺗﻤﻮﺕ ﻭﺍﻗﻎ
ﻭﻛﺎﺗﻠﻚ ﻳﺒﻘﻰ ﺭﻳﺪ ﻣﺠﻬﻮﻝ
ﺍﺫﺍ ﺿﻞ ﺍﻟﻔﺮﺡ ﺭﻗﺮﺍﻕ
ﻭﻣﻮﻳﺔ ﺍﻟﺼﺒﺮ ﺳﺎﻃﺎ ﻓﺮﺍﻕ
ﻭﺟﻠﺒﺎﺏ ﺍﻟﻌﺸﻢ ﺑﻴﻚ ﺿﺎﻕ
ﻭﻟﻴﻞ ﺍﻟﺤﺰﻥ ﻃﻮﺍﻕ
ﻗﺪﺭ ﻧﻴﺘﻚ
ﻗﺪﺭ ﻧﻴﺘﻚ ﻫﻮﺍﻱ ﺧﻨﺎﻕ
ﻗﺪﺭ ﻣﺎ ﺑﻜﻴﺖ ﻋﻠﻴﻚ ﻓﻲ ﻳﻮﻡ
ﻳﺠﻴﻚ ﺳﻴﻞ ﺍﻟﺤﺰﻥ ﻏﺮﺍﻕ
ﻗﺪﺭ ﻣﺎ ﻧﺪﻫﺖ ﻟﻴﻚ ﺗﻌﻮﺩ
ﻳﺮﻓﺎﻙ ﺍﻟﻮﺟﻊ ﺳﺎﺳﺎﻕ
ﺷﻜﺮﺍ ﻟﻴﻚ ﻭﻣﺎ ﻋﺎﻓﻴﺎﻟﻚ ﺍﻟﺒﻴﺎ
ﺷﺮﻭﻁ ﺍﻟﺮﻳﺪﺓ ﻛﺎﻧﺖ ﺯﻳﻒ
ﻭﻋﻘﺪﺍ ﻟﻴﻠﺔ ﺑﻴﻨﺎ ﺍﻧﺤﻞ
ﺩﺭﻭﺏ ﺍﻟﻔﺮﻗﺔ ﺑﻤﺸﻴﺎ
ﻭﻻ ﺿﻞ ﺭﻳﺪﺓ ﻓﻴﻬﻮ ﺍﻧﺬﻝ
ﺑﺒﻴﻊ ﺍﻟﻌﺸﺮﺓ ﻟﻸﻳﺎﻡ
ﻭﻫﺎﻙ ﻛﺎﺱ ﺍﻟﻔﺮﺍﻕ ﺍﻧﻬﻞ
ﻭﺍﺷﺮﺏ ﻣﻦ ﺩﻣﻮﻉ ﻭﺟﻌﻲ
ﺍﺫﺍ ﻣﻄﺮ ﺍﻟﺤﻨﻴﻦ ﻫﻄﻞ
ﻭﻟﻊ ﻓﻴﻨﻲ ﺟﻤﺮ ﻫﻮﺍﻙ
ﻭﻓﻮﺕ ﺩﻧﻴﺎﻱ ﻭﻟﻲ ﺍﺟﻬﻞ
ﺍﺭﻳﺘﻚ ﺑﻌﺪﻱ ﺗﺒﻘﻰ ﺳﻌﻴﺪ
ﻭﻻ ﺗﻀﻮﻕ ﺍﻟﻮﺟﻊ ﺗﺬﻋﻞ
ﻭﻻ ﺗﺤﻔﻰ ﻭﺭﺍﻱ ﺑﺎﻟﻬﻢ
ﺗﺮﻭﺡ ﺭﻭﺣﻚ ﻭﺳﻂ ﺟﻠﺪ ﺍﻟﻌﺬﺍﺏ
ﺗﺴﺎﻝ
ﻋﻠﻰ ﺳﻤﻴﺔ ﺑﺘﺴﺎﻭﻱ ﺍﻟﻜﻮﻥ
ﺍﺭﻳﺖ ﻣﺎﺿﻴﻨﺎ ﻣﺎ ﺗﻨﻌﻞ
# ﺳﻤﻴﺔ _ ﺍﻟﻌﺒﺪﺍﻟﻠﻪ