ﺷﻔﺘﻚ ﻭﻳﻦ
*******
ﺩﺍﻟﻴﺎ ﺍﻟﻴﺎﺱ
*******
ﻛﻮﻧﻚ ﺇﻧﻮ ﺗﻘﺴﺎ ﻋﻠﻰ .. ﻣﺎ ﻣﻌﻨﺎﻫﺎ ﺇﻧﻲ ﺃﺟﻦ ..
ﻭﻻ ﻣﻌﻨﺎﻫﺎ ﺃﺑﻜﻲ ﻋﻠﻴﻚ .. ﻭﻳﺮﺟﻊ ﻗﻠﺒﻲ ﺗﺎﻧﻲ ﻳﺤﻦ ..
ﺧﻼﺹ ﻣﻠﻴﺖ ﻣﻦ ﺍﻟﺘﺤﻨﻴﺲ .. ﻭﺭﻳﺪﻙ ﻛﺎﻥ ﻛﺄﻧﻮ ﺳﺠﻦ ..
ﻭﻫﺴﻪ ﺿﺮﻭﺭﻱ ﺃﻧﺴﻲ ﺍﻟﻜﺎﻥ .. ﺃﻟﻒ ﺇﺧﻼﺻﻲ ﻟﻴﻚ ﻓﻲ ﻛﻔﻦ ..
ﺃﺣﺎﻭﻝ ﺃﻟﺤﻖ ﺍﻟﺴﻨﻮﺍﺕ .. ﻭﺃﻓﺘﺶ ﻟﻲ ﺣﻨﺎﻧﻲ ﻭﻃﻦ ..
ﺃﻧﺎ ﺍﻟﻐﻠﻄﺎﻥ ﻋﺸﺎﻥ ﺣﺒﻴﺖ .. ﺣﺒﻴﺐ ﻣﺎ ﻋﻨﺪﻭ ﻟﻴﺎ ﺯﻣﻦ ..
***
ﺃﻗﺴﻰ .. ﻭﻗﻔﻞ ﺍﻷﺑﻮﺍﺏ .. ﻭﺑﺮﺓ ﺣﻴﺎﺗﻚ ﺃﺭﻣﻴﻨﻲ ..
ﻭﻫﺪﺩ ﺑﺎﻟﻔﺮﺍﻕ ﻭﺍﻟﺒﻴﻦ .. ﻭﺣﺎﻭﻝ ﻳﺎﺧﻲ ﺧﻠﻴﻨﻰ ..
ﺯﻫﺠﺖ ﻣﻦ ﺍﻟﻐﺮﻭﺭ ﺍﻟﻔﻴﻚ .. ﻭﻣﺎ ﻣﺴﺘﻨﻲ ﺗﺮﺿﻴﻨﻲ ..
ﺑﻠﻤﻠﻢ ﻫﺴﻪ ﻓﻲ ﺍﻷﺣﻼﻡ .. ﻟﻮ ﺍﻷﻳﺎﻡ ﺗﻜﻔﻴﻨﻲ
ﻭﺃﺭﺳﻢ ﻓﻲ ﺍﻟﺨﻴﺎﻝ ﻣﺤﺒﻮﺏ .. ﺃﺭﻳﺖ ﺑﺎﻟﺠﺪ ﻳﻼﻗﻴﻨﻲ ..
ﻳﻌﻮﺽ ﻟﻴﺎ ﻛﻞ ﺍﻟﻔﺎﺕ .. ﻭﻣﻦ ﺗﺤﻨﺎﻧﻮ ﻳﺮﻭﻳﻨﻲ ..
****
ﻟﻘﻴﺘﻚ ﻭﻛﻨﺖ ﻗﺎﻳﻠﻚ ﻗﻴﻒ .. ﻋﻠﻴﻬﻮ ﺑﺘﺮﺳﻰ ﺃﻳﺎﻣﻰ ..
ﻭﻇﻨﻴﺘﻚ ﻳﺎﻣﺎ ﻓﻴﻚ ﺍﻟﺨﻴﺮ .. ﻭﻓﻴﻚ ﻋﻠﻘﺘﺎ ﺃﺣﻼﻣﻲ ..
ﻛﺘﺒﺖ ﻋﺸﺎﻧﻚ ﺍﻏﻠﻰ ﺣﺮﻭﻑ .. ﻭﻟﻴﻚ ﺍﻧﺴﺎﺑﺖ ﺍﻧﻐﺎﻣﻲ ..
ﻭﺭﺷﻴﺖ ﻓﻴﻚ ﺭﺫﺍﺫ ﺍﻟﺮﻳﺪ .. ﻭﺩﺍﻋﺒﺘﻚ ﺑﺄﻧﺴﺎﻣﻲ ..
ﺃﺗﺎﺭﻳﻚ ﻛﻨﺖ ﻳﺎﺧﻲ ﺧﻴﺎﻝ .. ﻭﻣﻨﺴﻮﺝ ﺣﻮﻟﻮ ﺃﻭﻫﺎﻣﻲ ..
****
ﻟﻨﻔﺮﺽ ﺇﻧﻮ ﺇﻧﺖ ﻧﺒﻴﻞ .. ﻭﻗﺪﺭﻙ ﻋﺎﻟﻲ ﺑﻴﻦ ﺍﻟﻨﺎﺱ ..
ﻭﻋﻨﺪﻙ ﺣﺎﺷﻴﺔ ﻣﻦ ﺧﺪﺍﻡ .. ﻭﻣﻦ ﻋﺸﺎﻕ .. ﻭﻣﻦ ﺣﺮﺍﺱ ..
ﻣﻨﻮ ﺍﻟﻘﺎﻝ ﺍﻟﻤﺤﺒﺔ ﻣﻘﺎﻡ .. ﻭﻣﺎ ﻣﺤﻜﻮﻣﺔ ﺑﺎﻹﺣﺴﺎﺱ؟
ﻭﻛﻴﻒ ﺣﺎﻧﺤﺴﺐ ﺍﻟﻨﺒﻀﺎﺕ .. ﺑﺎﻷﻗﻼﻡ ﻭﺑﺎﻟﻜﺮﺍﺱ؟
ﻭﻛﻴﻒ ﺣﻨﻐﻴﺮ ﺍﻷﻗﺪﺍﺭ .. ﺇﺫﺍ ﺩﻕّ ﺍﻟﻐﺮﺍﻡ ﺃﺟﺮﺍﺱ؟
ﺗﺄﻛﺪ ﺇﻧﻮ ﻣﻬﻤﺎ ﻋﻠﻴﺖ .. ﺣﻴﻔﻀﻞ ﻃﻴﻦ ﻫﻮﺍﻧﺎ ﺍﻟﺴﺎﺱ ..
****
ﻭﺍﻛﻴﺪ ﺍﻟﺪﻧﻴﺎ ﺑﻴﻚ ﺣﺘﺪﻭﺭ .. ﻣﻬﻤﺎ ﻋﺪﻭﺍ ﺑﻴﻨﺎ ﺳﻨﻴﻦ ..
ﺗﻔﺘﺶ ﻋﻦ ﻏﺮﺍﻣﻲ ﺍﻟﻜﺎﻥ .. ﻳﺴﻮﻗﻚ ﻟﻲ ﻗﻠﻴﺒﻲ ﺣﻨﻴﻦ ..
ﻭﺗﺴﺄﻝ ﻋﻨﻲ ﻛﻞ ﺍﻟﻨﺎﺱ .. ﻭﺗﺒﻜﻲ ﻋﻠﻲ ﺑﺪﻣﻊ ﺍﻟﻌﻴﻦ ..
ﺗﻀﻮﻕ ﻃﻌﻢ ﺍﻟﻨﺪﻡ ﻭﺍﻟﺨﻮﻑ .. ﺗﺸﻴﻞ ﺍﻟﻠﻴﻞ ﺳﻬﺎﺩ ﻭﺃﻧﻴﻦ ..
ﻭﻟﻮ ﻻﻗﻴﺘﻨﻲ ﻳﻮﻡ ﻭﻟﻬﺎﻥ .. ﺑﻘﻮﻝ ﻟﻴﻚ : ﻳﺎﺧﻲ ﺷﻔﺘﻚ ﻭﻳﻦ؟
ﺗﻠﻮﻳﺢ :
ﺍﻟﻘﺴﻮﺓ .. ﻗﺪ ﺗﻔﻘﺪﻧﺎ ﺍﻟﺬﺍﻛﺮﺓ