رد: ﺃﺷﻌﺎﺭ ﻋﻤﺎﺭ ﺍﻟﺰﻳﻦ



مسافر ...عشانك مفارق الدروب التسوق لي مكانك مودع بلاد فيها شلتك محنه ونكرت العيون اللي شالت حنانك مفارق خلق بالظروف تستبيحني وأسيب الكؤوس التجرع هوانك أضيع في بلاد يمكن القاني فيها وألاقي الكيان اللي ضاع من زمااانك مسافر....بدونك بدون ما أفكر بوجهة طريقي وأشاور دليلي الزمان....كان عيونك ولا في سماك برجي نجمك يسوقني.. ويزيد احتراق_ اشتياقي_لجنونك أكيد الشوارع بلاك اصطفيتا وأريت الوادع يبقي خاارج ظنونك فيا زكريات الحنين امشي غادي رويت من كؤوسك مرار حد شرقت وحلقي البفتش نداك لسه صادي وإذا ما نويت إني أرحل وأسافر تدفق غيومك علي وتنادي ولا فارقه تاني غيومك تعاند تحرق- تغرق ولا فارقه أصلا اذا ما خطاي عزة ساقت بعادي مسافر عشانك مفارق اماكن معاك كم غشيتها شوارع بدونك مشيها بيحرق دا نفس الشوارع المعاك كم هويتها بلاد لسه نجمك بزيين سماها قصايد عشانك براك اصطفيتها صفات فيني حلت عشان بس هويتك أصول الغرام العشانك نسيتها مسافر عشانك ولا لي سواك كنت قاصد اجافي ولا كت بطيق يوم فراق المدينه اذا ما هي صبحت شبيهة المنافي ويزيد الجنين بالقصايد الحزينه تعكر مزاج ديمه كان فيني صافي وتقصقص ضفاير الحبيبه الحنينه دي نفس الحبيبه اللي ملت طوافي وشاكت دروب فيها كان بس مشينا مسافر عشانك مشافر عشان القي دونك قوافي واحرر قصايدي المعاك كان سجينه

الله يسلمك

روعة بجد سلمت يداك

ﻳﺎﻏﺎﺋﺐ ﻭﺳﺎﻣﻌﻴﻦ ﻧﺒﻀﺎﺗﻚ
ﺍﺷﺘﻘﻨﺎ ﻛﺘﻴﺮ ﻟﻴﻚ ﻭﺣﻴﺎﺗﻚ
ﻃﻮﻟﻨﺎ ﻭﻛﺎﺗﻤﻴﻦ ﺍﻧﻔﺎﺳﻨﺎ
ﻣﺎ ﻛﻨﺎ ﺑﻨﺴﺘﻨﺸﻖ ﺿﺤﺎﺗﻚ
****
ﻣﺎ ﻋﺎﺭﻑ ﺍﻧﻚ ﻟﻤﺎ ﺗﻐﻴﺐ
ﺟﻮﺍﻧﺎ ﻣﻀﻮﻳﺔ ﺷﻤﻌﺎﺗﻚ
ﻣﺎ ﻛﻨﺎ ﺑﻨﺘﺤﻤﻞ ﻏﻴﺒﺘﻚ
ﻭﻣﺎ ﺑﻨﺤﻤﻞ ﻓﻲ ﻳﻮﻡ ﺩﻣﻌﺎﺗﻚ
ﻭﺍﻟﺸــــــﻮﻕ ﺣﺮﺍﻕ
ﻭﺍﻟﺸﻮﻕ ﺟﻮﺍﻧﺎ ﺑﺼﺎﺑﻖ ﺍﻟﺮﻳﺢ
ﺷﺎﻥ ﻳﻜﺸﻒ ﻋﻮﺩﺗﻚ ﻳﺴﺘﻨﺎﻙ
ﻣﻊ ﺍﻧﻮ ﻗﻠﻴﺒﻨﺎ ﻫﻮ ﻟﺴﻪ ﺟﺮﻳﺢ
ﺍﺗﻨﺎﺳﻲ ﻧﺰﻳﻔﻮ ﻭﺑﺘﺮﺟﺎﻙ
ﻭﺍﻥ ﺷﻮ ﺍﻟﻠﺒﻴﺼﻴﺮ ﻟﻮ ﺍﺻﺒﺢ ﻋﻨﺪﻱ ﺣﺒﻴﺐ ﻣﺠﻮﻥ
ﻭﺗﺮﻱ ﻣﻴﻦ ﻏﻴﺮﻙ ﻳﺸﻔﻴﻨﻲ
ﻭﻳﻘﻮﻝ ﻟﻲ ﻭﻳﺰﻳﺪﻧﻲ ﻭﻟﻪ ﻭﺟﻨﻮﻥ
ﻭﻳﺶ ﻋﺎﻣﻞ ﻓﻴﻨﻲ ﻭﻛﻴﻒ ﺍﻧﺴﺎﻙ
ﻭﻏﻴﺎﺑﻚ ﺯﺍﺩ ﺍﺷﺠﻮﻧﻲ ﺷﺠﻮﻥ
ﻭﺑﻜﺘﺐ ﺣﺮﻓﻴﻦ
ﻭﺍﺳﺮﺡ ﺳﺎﻋﺔ
ﻭﺍﺭﺟﻊ ﻟﻠﺪﻓﺘﺮ ﺍﺗﻤﺎﺳﻚ ﻭﺍﺗﻠﻌﺴﻢ ﻣﻠﻴﺎﺭﻳﻦ ﻣﺮﺓ
ﺷﺎﻥ ﺍﻭﺻﻒ ﺟﻮﺍﻱ ﺍﺣﺴﺎﺳﻚ
ﻣﺎ ﺑﻄﻠﻊ ﺷﺊ
ﻣﺎ ﺍﻟﻔﻴﻨﻲ ﻫﻮ ﺍﻛﺒﺮ ﻣﻦ ﻣﻘﻄﻊ
ﻭﻟﺴﻪ ﻳﺎﺩﺍﺏ ﺍﺑﺘﺴﺎﻣﺘﻚ
ﻭﻣﺎﺳﻚ ﺭﺍﺳﻲ
ﻣﺎ ﻟﺴﻪ ﻣﺼﺪﻭﻡ ﻣﻦ ﻣﺎﺳﻚ
ﻣﺎﺳﻚ ﻛﻬﺮﺏ ﺷﻮﻗﻲ ﻭﺯﺍﺩﻭ
ﻭﻟﺴﻪ ﻗﻠﻴﺒﻲ ﻋﻠﻲ ﻣﻴﻌﺎﺩﻭ
ﻭﻣﻴﻦ ﺩﺍ ﺍﻟﻠﻌﺎﺩﻭ ﺍﻟﺮﻳﺪ
ﺍﻟﻮﺩﻉ ﻭﺳﺎﺏ ﺍﺳﻴﺎﺩﻭ
ﻭﻣﻴﻦ ﺍﻟﺠﺎﺑﻚ
ﻫﻤﺎ ﺍﻟﻠﺴﺎﺑﻮﻧﺎ ﻓﻲ ﻭﺣﺪﺗﻨﺎ
ﻭﻻ ﻣﺮﺓ ﺍﺯﺍﻱ ﺍﻟﺤﺎﻝ ﺳﺄﻟﻮ
ﻧﺴﻴﻮﻧﺎ ﻓﻲ ﺍﻭﻗﺎﺕ ﻣﺤﻨﺘﻨﺎ
ﻭﻟﻜﻞ ﺍﻟﻠﺒﻴﻨﺎﺗﻨﺎ ﺍﻋﺘﺬﻟﻮ
ﻭﺗﻤﻠﻲ ﻓﻲ ﺑﺎﻟﻨﺎ ﻭﺫﺍﻛﺮﺗﻨﺎ
ﻭﺩﻣﻮﻋﻨﺎ ﻟﻮﺍﺣﺪﻫﺎ ﺍﻧﺴﺘﻨﺎ
ﻋﺠـــــــﺒﻚ
ﻋﺠﺒﻚ ﺷﻨﻮ ؟؟؟؟؟؟؟؟
ﺍﺫﺍ ﺍﻟﺤﺮﻭﻑ ﺍﻟﻄﺎﻟﻌﺔ ﻟﻴﻚ ﺍﺷﺘﻜﺖ
ﻭﻗﺼﺪﻙ ﺷﻨﻮ؟؟؟؟؟؟؟
ﻳﺎﺭﺑﻲ ﺍﻛﻮﻥ ﻓﺎﻫﻤﻚ ﻏﻠﻂ
ﻭﻣﻦ ﻏﻴﺮ ﻏﻠﻂ ﻛﻞ ﺍﻟﺴﺬﺍﺟﺔ ﺑﺠﺴﺪﺍ
ﺣﺎﺳﺪﺍﻧﻲ ﻓﻲ ﺍﻟﺮﻳﺪﺓ ﺍﻟﻌﻴﻮﻥ
ﻭﺑﻘﻴﺖ ﺍﻧﺎ ﺍﻟﻘﺎﻋﺪ ﺍﺣﺴﺪﺍ
ﻣﺎ ﺣﺎﻝ ﺩﺍ ﺍﻻﺻﺒﺤﺖ ﻓﻴﻬﻮ
ﻣﺎ ﻻﻗﻲ ﺍﻧﻔﺎﺱ ﺍﺟﺒﺪﺍ
ﻭﻓﻲ ﻟﺤﻈﺔ ﺩﻭﻥ ﺍﻋﺮﻑ ﺑﻘﻴﺖ
ﻣﻌﺎﻕ ﺍﻋﻤﻲ ﻭﺍﺻﻢ ﻭﻟﻘﻮﻧﻲ ﺯﻱ ﻣﺸﻠﻮﻝ ﻛﺪﺍ
ﻭﺩﺍ ﻛﻠﻮ ﻟﻴﻪ
ﻣﺎ ﺍﻟﺮﺍﺟﻞ ﺍﻟﻌﺪﻳﻞ ﻣﺎ ﺑﺨﻠﻲ ﺣﺮﻣﺔ ﺗﻐﺸﻮ
ﻣﺎ ﺑﺮﺿﻲ ﺍﻟﻬﻮﺍﻥ ﻭﺍﻟﺴﺎﺱ ﻓﻲ ﺩﺭﺑﻮ ﺑﻘﺸﻮ
ﻣﺎ ﺑﻘﺘﻠﻮ ﺍﻟﻬﻮﻱ ﻭﺍﺟﻤﻞ ﻏﺰﺍﻝ ﻓﻲ ﻭﺷﻮ
ﻭﺍﻟﺮﺷﺎﻫﻮ ﻣﻮﻳﻪ ﺍﻟﺪﻡ ﻳﻤﻴﻦ ﺑﺮﺷﻮ
ﺩﺍ ﻛﻠﻮ ﻭﻫﻢ
ﻣﺸﺘﺎﻕ ﻟﻠﻌﻴﻮﻥ
ﻭﺩﺍ ﺳﺆﺍﻝ ﻣﻄﺮﻭﺡ ﺍﻳﻪ ﻳﻌﻨﻲ ﺍﻟﺮﻳﺪ؟؟؟
ﺟﻮﺍﺑﻮ ﺍﻻﻣﺜﻞ ﻋﻨﺪﻱ ﺳﻜﻮﺕ
ﻭﺑﻘﻴﺖ ﻻ ﺭﺍﻳﺪ ﻭﻻ ﻣﺮﻳﻮﺩ
ﻣﺶ ﺍﺣﺴﻦ ﻟﻴﻚ
ﺻﺎﺑﺢ ﻭﺑﺎﻳﺖ ﺩﺍﻳﻤﺎ ﻣﺒﺴﻮﻁ
ﻭﺍﺑﺴﻂ ﺍﻳﺪﻙ
ﺷﺎﻥ ﻟﻤﻦ ﺗﻨﺴﻲ ﻭﺗﺘﺬﻛﺮ
ﺗﺠﻠﺪ ﻧﻔﺴﻚ ﻣﻴﺔ ﺳﻮﻁ
ﺍﺣﺴﻦ ﻣﺎ ﺗﺤﺎﻭﻝ ﺗﺘﺬﻛﺮ ﻭﺍﺧﺮﻃﺖ ﺫﺍﻛﺮﺗﻚ ﻭﺍﻣﺤﻲ ﺍﻟﺼﻮﺕ
ﻳﺎ ﻏﺎﺋﺐ ﻭﺳﺎﻣﻌﻴﻦ ﻧﺒﻀﺎﺗﻚ
ﺍﺷﺘﻘﻨﺎ ﻛﺘﻴﺮ ﻟﻴﻚ ﻭﺣﻴﺎﺗﻚ
ﻭﻧﻌﺘﺬﺭ ﺍﺫﺍ ﻛﺎﻥ ﻫﻨﺎﻙ ﺍﻱ ﺧﻄﺄ ﻓﻲ ﺍﻟﻘﺼﻴﺪﺓ

ﻣﻮﺍﺿﻴﻊ ﺫﺍﺕ ﺻﻠﺔ

ﺃﺷﻌﺎﺭ ﻋﻤﺎﺭ ﺍﻟﺰﻳﻦ