ﻓﻲ ﻧﺎﺱ ﺑﺘﺨﺶ ﺣﻴﺎﺗﻚ ﺳﺎﻱ
ﻳﺸﺎﺭﻛﻮﻙ ﻓﻲ ﺍﻟﻔﻬﻢ ﻭﺍﻟﺮﺍﻱ
ﻳﺴﻨﺪﻭﻙ ﻟﻠﺰﻣﺎﻥ ﺍﻟﺠﺎﻱ
ﻭﻳﺒﻘﻮﻟﻚ ﻏﻨﺎ ﻭﺩﻭﺑﺎﻱ
،،،،،،
ﻓﻲ ﻧﺎﺱ ﺑﺘﺮﻳﺪﺍ ﺩﻭﻥ ﻣﺎﺗﺤﺲ
ﺗﺮﻫّﻒ ﻓﻴﻚ ﺩﻭﺍﻡ ﺍﻟﺤﺲ
ﺗﻠﻢ ﺳﺮﻙ ﺗﻀﺎﻳﺮﻭ ﺗﺪﺱ
ﻭﻻ ﺑﺘﺨﺪﺵ ﺣﻴﺎﻙ ﻭﺗﻤﺲ
،،،،،
ﻓﻲ ﻧﺎﺱ ﺗﺘﻤﻨﻰ ﻟﻘﻴﺎﻫﻢ
ﺗﻔﺘﺶ ﻭﺗﺴﻌﻰ ﺗﻠﻘﺎﻫﻢ
ﺑﺼﻮﻧﻮ ﺍﻟﻌﺸﺮﻩ ﻭﺍﻟﺠﺎﻫﻢ
ﻭﻻ ﺑﺘﺒﺎﻫﻮ ﺑﻲ ﺟﺎﻫﻢ
"""
ﻓﻲ ﻧﺎﺱ ﻣﺴﺮﻭﻓﻪ ﺇﻟﻔﻪ ﻭﺣﻦ
ﺗﺤﺲ ﺍﻵﻣﻨﺎ ﺩﻭﻥ ﻣﺎﻧﺌﻦ
ﻗﻠﻮﺏ ﻳﻮﻣﺎﺗﻲ ﻟﻴﻨﺎ ﺗﺤﻦ
ﺗﻀﺠﻨﺎ ﻓﺮﺣﻪ ﻟﻤﺎ ﻧﺼﻦ

ﺍﻧﺎ ﻋﻨﺪﻱ ﻟﻴﻚ ﻛﻢ ﻣﻘﺘﺮﺡ
ﺍﻧﺎ ﻭﺍﻧﺖ ﻧﺒﻘﻰ ﺩﻭﺍﺀ ﻭﻋﻼﺝ
ﻟﻜﻞ ﻣﺤﺒﻮﺏ ﺍﻧﺠﺮﺡ
ﺍﻧﺎ ﻭﺍﻧﺖ ﺯﺍﺗﻨﺎ ﻧﻌﻴﺶ ﻧﻌﻴﻢ
ﻭﻧﺰﻳﺪ ﺑﺸﺎﺋﺮ ﺍﻟﻌﻴﺪ ﻓﺮﺡ
ﻭﺗﻜﻮﻧﻲ ﻟﻲ ﻭﻣﻀﺔ ﻭﺷﻤﻮﻉ
ﻧﺮﺳﻢ ﻣﻌﺎﻟﻢ ﻟﻠﻤﺮﺡ
ﻭﺍﻧﺎ ﺯﺍﺗﻲ ﻟﻴﻚ ﺍﺑﻘﻰ ﺍﻟﺸﻌﺎﻉ
ﻭﺍﺑﻘﺎﻛﻲ ﺯﻱ ﺃﻗﻮﺍﺱ ﻗﺰﺡ
ﻭﺍﺭﺳﻢ ﺧﻴﺎﻝ ﻃﻴﻔﻚ ﺣﻨﻴﻦ
ﻭﺍﺗﻮﺳﺪﻙ ﺳﺎﻋﺔ ﺍﻟﻤﺮﺡ
ﺗﻤﺸﻴﻚ ﺧﻄﺎﻭﻱ ﺍﻟﺮﺟﻌﺔ ﻟﻴﻚ
ﻻ ﺁﻫﺔ ﺗﺎﻧﻲ ﻭﻻ ﺗﺮﺡ
ﺑﻬﻮﺍﻛﻲ ﻳﺎ ﻧﻮﺭ ﺍﻟﻌﻴﻮﻥ
ﻣﺎ ﺍﻧﺘﻲ ﻗﻠﺒﻲ ﺍﻻﻧﻔﺘﺢ
ﺷﺒﺎﻙ ﻏﺮﺍﻡ ﻟﻲ ﻃﻠﺘﻚ
ﻭﺍﺗﻮﺳﺪﻙ ﻟﻴﻜﻲ ﺍﻧﺸﺮﺡ

ﺧﻠﻴﻨﻲ ﺃﺑﻜﻴﻚ ﻣﺮﺗﻴﻦ
ﺍﻷﻭﻟﻰ ﻳﻮﻡ ﻛﺎﻥ ﺍﻟﻌﺸﻖ
ﻭﺍﻟﺘﺎﻧﻴﻪ ﻳﻮﻡ ﻏﺎﺏ ﺍﻟﺤﻨﻴﻦ
ﻭﺧﻠﻴﻨﻲ ﺃﻋﺰﻑ ﻏﻨﻴﺘﻴﻦ
ﺍﻷﻭﻟﻰ ﺗﻄﺮﺏ ﻭﺗﻨﺘﺸﻲ
ﻭﺍﻟﺘﺎﻧﻴﻪ ﺫﺍﺕ ﻟﺤﻨﺂ ﺣﺰﻳﻦ
ﻭﺧﻠﻴﻨﻲ ﺃﻗﻮﻝ ﻟﻴﻚ ﻛﻠﻤﺘﻴﻦ
ﺍﻷﻭﻟﻰ ﻳﺎﺥ ﺍﻧﺎ ﺑﻌﺸﻘﻚ
ﻭﺍﻟﺘﺎﻧﻴﻪ ﻗﻠﺒﻲ ﻋﻠﻴﻚ ﺃﻣﻴﻦ !
ﻭﺃﺭﺟﻮﻙ ﻗﻮﻝ ﻟﻲ ﻛﻠﻤﺘﻴﻦ
ﻭﺭﻳﻨﻲ ﻳﺎﺥ ﺍﻧﺎ ﻣﻴﻦ ﺑﻜﻮﻥ ؟
ﻭﻋﺮﻓﻨﻲ ﻧﻔﺴﻚ ﺇﻧﺖ ﻣﻴﻦ ؟

ﺁﻧﺂ ﺣﺂﻟﺘﻲ ﻭﺻﻴﺘﻚ ﺯﻣﺂﻥ ...
ﺃﺣﻔﻈﻨﻲ ﺟُﻮﺁﻙ ﺧُﺘﻨﻲ !!!
ﻭﺩﻓﻌﺖ ﻟﻴﻚ ﻣﻬﺮ ﺍﻟﻔﺮﺡ ...
ﺍﺩﻳﺘﻨﻲ ﺣﺰﻧﻚ ﻭ ﺑﻌﺘﻨﻲ !!!
ﻗﻮﻝ ﻟﻲ ﻣﺘﻴﻦ ﺃﺭﺿﻰ ﻑﻫﻮﺍﻙ ..
ﻳﺎ ﺍﻟﺒﻲ ﺟﻔﺎﻙ ﻋﺬﺑﺘﻨﻲ !! ؟؟

ﺷﺮّﻗﺖ ﺳﻤﺎ ﺍﻟﺨﺮﻃﻮﻡ
ﻣﺪﺕ ﺻﺒﺎﺡ ﺍﻟﻌﻴﺪ
ﻓﺘﺤﺖ ﻛﻤﺎ ﺍﻟﻄﺎﻗﺎﺕ
ﺑﺎﺭﻙ ﺻﻤﻮﺩﻧﺎ ﺷﻬﻴﺪ
ﺣﺮﻳﺔ ﺭﺳﻤﺖ ﻃﻴﺮ
ﻏﺮﺩ ﻫﺘﺎﻓﻨﺎ ﻧﺸﻴﺪ
ﻛﻞ ﻳﻮﻡ ﺗﻌﻤِّﺪ ﺻﻮﺕ
ﻛﻞ ﻳﻮﻡ ﺃﻣﻠﻨﺎ ﻭﻟﻴﺪ
ﺷﺮّﻗﺖ ﺳﻤﺎ ﺍﻟﺨﺮﻃﻮﻡ
ﻣﻴﻼﺩ ﻭﻃﻦ ﻭﺍﺳﻊ
ﻓﻮﻕ ﺍﻷﻳﺎﺩﻱ ﻧﺠﻮﻡ
ﻣﺎ ﺃﺟﻤﻞ ﺍﻟﻄﺎﻟﻊ
ﺣﻤﺖ ﺍﻟﻀﻠﻤﺔ ﺍﻟﻨﻮﻡ
ﻭﻟﺪﺕ ﺣﻠﻢ ﺷﺎﻓﻊ
ﻳﻮﻣﺎﺗﻲ ﺑﻜﺒﺮ ﻓﻴﻚ
ﻳﺎ ﻃﺎﻟﻊ ﺍﻟﺸﺎﺭﻉ
ﺷﺮّﻗﺖ ﺳﻤﺎ ﺍﻟﺨﺮﻃﻮﻡ
ﻣﻠﺖ ﺍﻟﻮﻃﻦ ﻭﺣﺪﺓ
ﺻﻨﻌﺖ ﻃﺮﻳﻘﻨﺎ ﺧﻄﺎﻙ
ﻭ ﺍﻟﺸﺎﺭﻉ ﺍﻣﺘﺪ
ﺃﻳﺪَﻳَّﻔﻲ ﺇﻳﺪﻳﻚ
ﻓﻲ ﺍﻟﺨﻴﺮ ﻭ ﻓﻲ ﺍﻟﺸﺪﺓ
ﻣﺎ ﺗﺨﺎﻑ ﺃﺧﻮﻙ ﻭﺭﺍﻙ
ﻻ ﺭﺟﻌﺔ ﻻ ﺭﺩﺓ
ﺷﺮّﻗﺖ ﺳﻤﺎ ﺍﻟﺨﺮﻃﻮﻡ
ﺳﺒﻮﺭﺓ ﻓﻲ ﺍﻟﺤﻴﻄﺎﻥ
ﺷﻌﺒﺎ ﻣﻌﻠﻢ ﻗﺎﻝ
ﺍﻟﻌﺰﺓ ﻟﻸﻭﻃﺎﻥ
ﻛﻞ ﺍﻟﺒﻠﺪ ﻣﻨﺼﻮﺭ
ﻛﻞ ﺍﻟﺒﻠﺪ ﺳﻮﺩﺍﻥ
ﻭﺁﻣﺎﻟﻨﺎ ﺯﻱ ﺍﻟﺸﺎﻱ
ﻣﺼﺒﻮﺑﺔ ﻓﻲ ﺍﻟﻤﻴﺪﺍﻥ

ﺍﻟﺜﻮﺭﺓ - ﺯﻫﺮﺓ ﻧﺎﺭ -
ﺇﻟﻰ ﺯﻫﺮﺓ ﺍﻟﻨﺎﺭ :
ﻗﺪ ﻓﺎﺽ ﻧﻴﻞ ﻟﻴﺴﻘﻴﻚ ﻟﻢ ﻳﻠﺘﻔﺖ ﻟﻠﺒﻨﺎﺀ ﺍﻟﺠﺪﻳﺪ ﻭ ﻟﻢ ﻳﻨﺘﺒﻪ ﻻﺭﺗﻔﺎﻉ ﺍﻟﺠﺪﺍﺭ ...
ﺳﻴﺠﺮﻓﻚ ﻟﻠﺠﺪﺍﻝ ﺍﻟﻘﺪﻳﻢ
ﺇﻟﻰ ﺣﻴﺚ ﻓﻲ ﻛﻞ ﻓﻜﺮ ﺗﻘﻴﻢ ﻣﻼﻣﺢ ﻟﻠﺪﻭﻟﺔ ﺍﻟﻔﺎﺿﻠﺔ
ﻳﻘﻮﻝ ﺍﻟﺤﻜﻴﻢ ﺑﺄﻟّﺎ ﺇﺟﺎﺑﺔ
ﺇﻥ ﺍﻟﺬﻛﻲ ﺍﻟﺬﻱ ﻳﺼﻨﻊ ﺍﻷﺳﺌﻠﺔ
ﻭ ﺃﻟّﺎ ﻋﺒﻮﺭ ﻟﺬﺍﺕ ﻋﻠﻰ ﻣﺎ ﺟﺮﻯ ﻣﺮﺗﻴﻦ
ﻓﻼ ﺍﻵﻥ ﻳﺒﻘﻰ
ﻭ ﻻ ﺃﻧﺖ ﺃﻧﺖ
ﻭ ﻟﻴﺲ ﻫﻮ ﺍﻟﻨﻬﺮ ﻓﻲ ﺍﻟﻤﺮﺓ ﺍﻟﻤﻘﺒﻠﺔ
ﻭ ﺃﻥ ﺍﻟﺤﻘﻴﻘﺔ
ﺇﻥ ﺍﻟﺤﻘﻴﻘﺔ ﻟﻴﺴﺖ ﻋﻠﻰ ﺩﻳﻦ ﺃﻛﺜﺮ ﺃﻫﻞ ﺍﻟﺪﻳﺎﺭ
ﺃﺛﻴﺮﻱ ﺍﻧﺘﺒﺎﻫﺎ ﻳﻘﺎﻭﻡ ﻓﻲ ﺍﻟﻀﻔﺘﻴﻦ ﺍﻹﻃﺎﺭ
ﻭ ﻳﻌﻠﻖ ﻛﺎﻟﻠﻮﻥ ﻓﻲ ﺫﻛﺮﻳﺎﺕ ﺍﻟﻐﺒﺎﺭ
ﻭ ﻗﻮﻟﻲ ﻟﻜﻞ ﻏﺮﻳﺐ ﺳﺘﻠﻘﻴﻨﻪ ﻓﻴﻪ ﻗﻮﻻ ﺛﻘﻴﻼ
ﺃﺿﻴﺌﻲ ﺍﻟﺤﻮﺍﺭ
ﻭﺻﺒﻲ ﺻﺪﺍﻩ ﺑﻜﻞ ﺍﻟﺮﺅﻭﺱ
ﻛﻌﺮﺍﻓﺔ ﻓﻲ ﻣﻤﺮ ﺍﻟﻘﻄﺎﺭ
ﻭ ﺇﻳﺎﻙ
ﺇﻳﺎﻙ
ﺇﻳﺎﻙ ﺃﻥ ﺗﺒﺪﺋﻴﻪ ﺍﻟﺪﻭﺍﺭ ...
ﻋﻠﻰ ﺿﻔﺔ ﺍﻟﻨﻬﺮ ﺃﻟﺴﻨﺔ ﺗﻠﺒﺲ ﺍﻻﺧﻀﺮﺍﺭ
ﻳﻐﻨﻲ ﺍﻟﺼﻐﺎﺭ :
‏( ﻭ ﻳﻮﻣﺎ ﺳﻴﻮﺣﻰ ﺇﻟﻰ ﺍﻟﺸﻤﺲ ﺃﻥ ﺗﺨﻠﻊ ﺍﻟﻈﻞ ﻋﻨﺎ ﻭ ﺗﺪﻫﻦ ﺃﺟﺴﺎﺩﻧﺎ ﺑﺎﻟﻨﻬﺎﺭ ‏)
ﻳﺮﺩ ﺍﻟﻜﺒﺎﺭ :
ﻭﻗﺪ ﻻ ﻓﻼ ﺗﻮﻗﻈﻮﺍ ﺍﻻﻧﺘﻈﺎﺭ
ﻳﻐﻨﻲ ﺍﻟﺼﻐﺎﺭ :
‏( ﺳﺘﻠﻤﻊ ﻓﻲ ﺑﺮﺯﺥ ﺍﻟﻀﺪ ﻣﻨﺎ ﻋﻮﺍﻟﻢ ﺃﺧﺮﻯ ﺑﺤﺴﻦ ﺍﻟﺠﻮﺍﺭ ‏)
ﻳﺮﺩ ﺍﻟﻜﺒﺎﺭ :
ﻭﻗﺪ ﻻ ﻓﻼ ﺗﻮﻗﻈﻮﺍ ﺍﻻﻧﺘﻈﺎﺭ
ﻳﻐﻨﻲ ﺍﻟﺼﻐﺎﺭ :
‏( ﻟﺠﺎﺭﻱ ﻣﺎﺋﺪﺓ ﺗﺴﺘﺪﻳﺮ
ﻭ ﺗﻈﻠﻤﻨﻲ ﻛﻠﻤﺎ ﺗﺴﺘﻨﻴﺮ
ﻧﻐﻨﻲ ﻟﻤﻮﻟﺪ ﺣﻆ ﺟﺪﻳﺪ
ﺳﻴﻠﻘﻰ ﻋﻠﻰ ﺫﺍﺕ ﻗﺮﺹ ﺍﻟﻘﻤﺎﺭ ‏)
ﻳﻐﻨﻲ ﺍﻟﺼﻐﺎﺭ
ﻳﺮﺩ ﺍﻟﻜﺒﺎﺭ ﻳﻐﻨﻲ
ﺍﻟﺼﻐﺎﺭ ﻳﺮﺩ ﺍﻟﻜﺒﺎﺭ
ﻭ ﺻﻮﺕ ﺍﻟﺘﻌﺎﻭﻳﺬﻛﺄﺱ ﺗﺪﺍﺭ
ﻋﻠﻰ ﺿﻔﺔ ﺍﻟﻨﻬﺮ ﺧﺎﻑ ﺍﻟﺤﺼﺎﺭ ﻭ ﻟﻢ ﻳﻠﻤﺢ ﺍﻟﻨﺎﺱ ﺧﻮﻑ ﺍﻟﺤﺼﺎﺭ ..
ﻫﻨﺎﻟﻚ ﻓﻲ ﺍﻟﺴﺮ ﻏﻨﻴﺖ ﻭﺣﺪﻱ
ﺇﻟﻰ ﺯﻫﺮﺓ ﺍﻟﻨﻬﺎﺭ
ﻗﺪ ﻓﺎﺽ ﻧﻬﺮ ﻟﻴﺴﻘﻴﻚ ﻟﻢ ﻳﻠﺘﻔﺖ ﻟﻠﺒﻨﺎﺀ ﺍﻟﺠﺪﻳﺪ
ﻭ ﻟﻢ ﻳﻨﺘﺒﻪ ﻻﺭﺗﻔﺎﻉ ﺍﻟﺠﺪﺍﺭ
ﺳﻴﺠﺮﻓﻚ ﻟﻠﺠﺪﺍﻝ ﺍﻟﻘﺪﻳﻢ
ﻓﺜﻤﺔ ﻓﻲ ﺍﻟﺤﺐ ﻣﻮﺕ ﻳﺰُﺍﺭ
ﻭﻣﺎﻓﻲ ﺍﻟﺨﺮﻳﻄﺔ ﻏﻴﺮ ﺍﻟﻤﺴﺎﺭ
ﻭ ﻏﻨﻴﺖ ﺃﻳﻀﺎ :
‏( ﻭ ﻗﺪ ﻻ ﻓﻼ ﺗﻮﻗﻈﻲ ﺍﻻﻧﺘﻈﺎﺭ ‏)

ﻫﻮ ﺍﻟﺒﺎﻗﻲ ﻣﻦ ﺍﻳﺎﻣﻨﺎ ﻛﻢ ،، ﻋﻠﺸﺎﻥ ﻧﻌﻴﺸﺎ ﺟﻔﺎ ﻭ ﺧﺼﺎﻡ
ﻭ ﻫﻤﻮﻣﻨﺎ ﻧﺎﻗﺼﺔ ﻧﺰﻳﺪﺍ ﻫﻢ ؟،، ﻡ ﻛﻔﺎﻳﺔ ﻳﺎ ﻏﺎﻟﻲ ﺍﻟﻤﻼﻡ
ﻫﻮ ﺍﻟﺒﺎﻗﻲ ﻣﻦ ﺍﻳﺎﻣﻨﺎ ﻛﻢ ،، ﻭ ﺍﻟﻠﺤﻈﺔ ﺑﺎﻻﻓﺮﺍﺡ ﺗﺮﻭﺡ
ﻭ ﻧﻌﻴﺸﺎ ﺑﻲ ﺩﻣﻌﺔ ﻭ ﻋﺬﺍﺏ ،، ﺩﺍﺋﻤﺎ ﻧﻔﺘﺶ ﻟﻠﺠﺮﻭﺡ
ﺧﻠﻴﻨﺎ ﻓﻲ ﺍﻻﻳﺎﻡ ﻧﻌﻴﺶ ،، ﺑﺎﻟﺒﺴﻤﺔ ﻭ ﺍﻟﻮﺵ ﺍﻟﺼﺒﻮﺡ
ﺧﻠﻴﻨﺎ ﻧﺼﻨﻊ ﺫﻛﺮﻳﺎﺕ ،، ﺣﺘﺨﻠﻲ ﻓﻲ ﺍﻳﺎﻣﻨﺎ ﺭﻭﺡ
ﺍﻟﺪﻧﻴﺎ ﺑﻴﻦ ﺿﺤﻜﺔ ﻭ ﺩﻣﻮﻉ ،، ﺳﺎﻳﻘﺎﻧﺎ ﻧﺠﺮﻱ ﻣﻊ ﺍﻟﺴﻨﻴﻦ
ﻭ ﻛﺘﻴﺮ ﺑﻨﺘﻨﺎﺳﻰ ﺍﻟﺤﻨﺎﻥ ،، ﻭ ﻧﻄﺮﺍ ﺍﻟﻤﻮﺍﺟﻊ ﺑﺎﻟﺤﻨﻴﻦ
ﻟﻴﻪ ﻧﺮﺑﻂ ﺍﻟﺮﻳﺪ ﺑﺎﻟﺪﻣﻮﻉ ،، ﺑﺎﻟﻘﺴﻮﺓ ﻭ ﺍﻷﺳﻰ ﻭ ﺍﻻﻧﻴﻦ
ﻫﻲ ﺍﻟﺪﻧﻴﺎ ﻓﺎﺿﻞ ﻓﻴﻬﺎ ﻛﻢ ،، ﻳﺎ ﻏﺎﻟﻲ ﻭﻳﻦ ﺍﻟﺒﺴﻤﺔ ﻭﻳﻦ
ﻣﻴﻦ ﺿﺎﻣﻦ ﺇﻧﻮ ﻧﻌﻴﺶ ﻛﻤﺎﻥ .. ﻗﺪﺭ ﺍﻟﻠﻴﺎﻟﻲ ﺍﻟﺮﻭّﺣﺖ
ﻭ ﺷﻨﻮ ﺍﻟﺒﻴﺴﺘﺎﻫﻞ ﺣﺰﻥ .. ﻭ ﻗﻠﻮﺏ ﺗﻜﻮﻥ ﺇﺗﺠﺮّﺣﺖ
ﻭﻳﻦ ﺇﺑﺘﺴﺎﻣﺘﻚ ﻳﺎ ﺟﻤﻴﻞ .. ﺍﻟﻠﻤﺤﺒﻴﻦ ﻓﺮّﺣﺖ
ﺧﻠﻲ ﺍﻟﻠﻴﺎﻟﻲ ﺗﻜﻮﻥ ﺟﻤﺎﻝ .. ﻗﺪﺭ ﺍﻷﻣﺎﻧﻲ ﺍﻟﻠﻮّﺣﺖ

ﻣﻨﻮ ﺍﻟﻘﺎﻝ ﺍﻟﺒﻌﺎﺩ ﺑﻴﻨﺴﻲ
ﻭﻣﻴﻦ ﺍﻟﻘﺎﻝ ﺍﻟﻤﺴﺎﻓﻪ ﻣﻘﺎﺱ
ﻭﻣﻴﻦ ﺍﻟﻘﺎﻝ ﺍﻟﻤﺘﺮ ﻭﺍﻟﻴﺎﺭﺩﻩ
ﺑﺘﻘﺮﺏ ﻗﻠﻮﺏ ﺍﻟﻨﺎﺱ
ﻗﺮﻳﺐ ﺯﻭﻻ ﺳﻜﻦ ﻓﻲ ﺍﻟﺮﻭﺡ
ﻭﻧﺒﺾ ﺍﻟﻘﻠﺐ ﻭﺍﻻﺣﺴﺎﺱ
ﻭﺍﺗﻮﺳﻂ ﺭﻣﻮﺵ ﺍﻟﻌﻴﻦ
ﻭﺷﻬﻘﺔ ﻭﺯﻓﺮﺓ ﺍﻻﻧﻔﺎﺱ
ﻟﻮ ﺍﺻﻠﻮ ﺍﻟﺤﻜﺎﻳﻪ ﻣﺴﺎﻓﻪ
ﻋﺮﺽ ﻭﻃﻮﻝ ﺣﺴﺎﺏ ﻭﻛﺴﻮﺭ
ﻣﺎ ﻛﺎﻥ ﺍﻟﻘﻤﺮ ﺑﻲ ﻧﻮﺭﻭ
ﺑﻮﺻﻞ ﻟﻲ ﺩﻳﺎﺭﻧﺎ ﻳﺰﻭﺭ
ﻭﻻ ﻛﺎﻥ ﺍﻟﻄﻴﻮﺭ ﺑﻲ ﻟﻬﻔﻪ
ﺑﺘﺴﺎﻓﺮ ﺗﻌﺪﻱ ﺑﺤﻮﺭ
ﻭﻻ ﻛﺎﻥ ﺍﻟﺸﻤﺲ ﻳﻮﻣﺎﺗﻲ
ﺑﺘﺮﺳﻞ ﺷﻌﺎﻉ ﺍﻟﻨﻮﺭ
ﻻ ﻗﺮﺏ ﺍﻟﻤﻜﺎﻥ ﺗﺤﻨﺎﻥ
ﻭﻻ ﺑﻌﺪ ﺍﻟﻤﺴﺎﻓﻪ ﺟﻔﺎ
ﻭﻻ ﻛﻞ ﺍﻟﻮﺻﺎﻝ ﺍﺷﻮﺍﻕ
ﻭﻻ ﻃﻮﻝ ﺍﻟﻐﻴﺎﺏ ﻣﻨﻔﻲ
ﻓﻲ ﻧﺎﺱ ﺯﻱ ﺍﻟﺒﺤﺮ ﺑﺘﺤﻦ
ﺣﻨﻴﻦ ﺍﻟﻤﻮﺟﻪ ﻟﻠﻀﻔﻪ
ﻭﻧﺎﺱ ﺯﻱ ﺍﻟﺒﺤﺮ ﺗﺒﺨﻞ
ﻋﻠﻰ ﻏﺮﻗﺎﻫﺎ ﺑﻲ ﻣﺮﻓﺎ !!

ﻟـﻮ ﻫـﺴـﻪ ﻣـﺎ ﻓــﺮﻗـﺖ ﻣـﻌـﺎﻛـ
ﺑــﺎﺃﺃﺃﻛــﺮ ﺑـﺘــﻔــﺮﻗـ ﻳــﺎﺟـﻤــﻴـﻞ
ﻟـﻤــﻦ ﺗـﺤـﺐ ﻭﺗﺸﻮﻓـ ﺳـﻮﺍﻱ
ﺍﻟـﻔــﺮﻗـ ﺑــﻈـﻬــﺮ ﻟـﻴـﻜـ ﻋـﺪﻳـﻞ
ﺍﻧــﻮ ﺍﻟــﻘـﻠـﻴـﺐ ﺍﻟـﺴـﺒـﺘﻮ ﺩﺍﻛـ
ﻣـﺎﺃﻇـﻦ ﺣﺘﻠﻘﻰ ﺳﻮﺍﻫـ ﺑﺪﻳﻞ
ﺑـﺎﻛــﺮ ﺣـﺘــﻔــﺮﻗـ ﺟــﺪ ﻣـﻌــﺎﻛـ
ﻟــﻤـﻦ ﺑــﺮﺍﺍﺍﻛـ ﺗـﻄـﺮﺍﻧــﻲ ﻟـﻴﻞ
ﺗـﺘــﺰﻛــﺮ ﺍﻳــﺎﻣـــﻲ ﺍﻟـــﺰﻣــــﺎﻥ
ﻭﻳﺠـﻴﻜﺎ ﻃﻴﻔـ ﺣـﺒـﻲ ﺍﻟﺠﻤـﻴﻞ
ﻣــﺎﻓــﺎﺍﺭﻗــﻪ ﻳــﺎﺍﺥ !! ؟؟
ﻭﺍﻟﻠﻪ ﻓـــﺎﺍﺍﺭﻗــﻪ ﻣـــﻌـﺎﻱ ﺍﻧـــﺎ
ﻛـﻞ ﺍﻻﺣـﺎﺳــﻴـﺴـ ﺍﻟـﻘـﺒـﻴـﻞ
ﻛﺘـٌـﺮﺕ ﺣﻨﺎﻧﻲ ﺍﻟﺸـﻠﺘﻮ ﻟﻴﻜـ
ﻗـﻴـﻠـﺘـﻮ ﻓـﻲ ﻗـﻠـﺒـﻜـ ﻣـﻘـﻴـﻞ
ﻭﺭﺟــﻴــﺘـﺎ ﻋــﻮﺩﺗــﻜـ ﻣﻦ ﺑﻌﻴﺪ
ﻭﺍﻧﺎ ﺷﻮﻗﻲ ﻟﻴﻜـ ﻓﻴﻀﺎﻥ ﻭﺳﻴﻞ
ﻟـﻜﻦ ﻃـﻠــﻌـﺘـﺎ ﺭﺟﻴﺖ ﺳﺮﺍﺏ
ﻭﺍﻟــﻜـﻠـﻤـﻪ ﺩﻳــﻜـ ﺍﻛـﺒـﺮ ﺩﻟـﻴﻞ
ﻣـﺎﻓــﺎﺍﺍﺭﻗــﻪ ﻳـــﺎﺍﺥ !! ؟
ﻣــﺼـﺪﻭﻣﻪ ﻓـﻴﻜـ ﻛﻞ ﺍﻟﺤﻮﺍﺱ
ﻭﺍﺍﺍ ﺧــﻴـﺒـﻪ ﺍﻻﻣــﻞ ﺍﻟـﺘـﻘـﻴـﻞ
ﻭﺍﺍﺍ ﺣﺮﻗــﻪ ﺍﻟـﺤﺸﺎ ﻭﺍﻟـﻘﻠﻴﺐ
ﻭﺍﺍﺍ ﺭﺣـﻠـﻪ ﺍﻻﺳــﻔـ ﺍﻟـﻄـﻮﻳـﻞ
ﻳــﺎﺿـﺮﺑـﻪ ﻛــﺎﻧــﺖ ﻣــﻮﺟـﻌـﻪ
ﻗـﺴﻤـﺖ ﻇـﻬـﺮ ﺣﺒﻲ ﺍﻟﻨﺒﻴﻞ
ﻳـﺎﺯﻛــﺮﻱ ﻣـﺎ ﺣــﺘــﺮﻭﺡ ﻗـﻮﺍﻣـ
ﻟـﺴـﻪ ﺍﻟـﻘﻠـﻴﺐ ﺭﺍﺟـﻴـﻬﻮ ﻭﻳﻞ
ﻣـﺎ ﻓــﺎﺍﺍﺭﻗــﻪ ﻳــﺎﺍﺥ !! ؟
ﻭﺍﻟﻠﻪ ﻟـﻴـﻜـ ﺷـﻜــﺮﺃ ﺟـﺰﻳـﻴﻴﻞ

تم الإرسال من خلال التطبيق Topic'it

ﻣﺎ ﻣﺤﺘﺎﺝ ﻟﻲ ﺳﻜﺮ ﺯﺍﺗﻮ
ﺣﺘﻲ ﻣﻼﻣﺤﻚ ﻟﻤﻦ ﺗﺰﻋﻞ
ﻳﺎﺍﺍﺍﺥ ﺍﻟﺰﻋﻞ ﺍﻟﻔﻴﻜﺎ ﺣﻼﺗﻮ
ﻭﻧﻮﺭ ﺍﻟﻘﻤﺮ ﺍﻟﺴﺎﻃﻊ ﻓﻴﻨﺎ
ﺷﺎﻝ ﻣﻦ ﺯﺍﺗﻚ ﺍﻧﺖ ﺻﻔﺎﺗﻮ
ﻳﻮﻡ ﻓﻜﺮﺕ ﺍﺭﺳﻞ ﺷﻮﻗﻲ
ﺍﻟﻜﻠﻤﺎﺕ ﻓﻲ ﺍﻟﺪﻓﺘﺮ ﺟﺎﻃﻮ
ﻧﺴﻮ ﻣﺮﺳﺎﻝ ﺍﻟﺮﻳﺪ ﺍﻟﻤﻨﻲ
ﻗﻴﻠﻮ ﻋﻨﺪﻙ ﻗﻌﺪﻭ ﻭﺑﺎﺗﻮ
ﻣﺎ ﻗﺎﻟﻮﻟﻚ ﺍﻧﻲ ﺷﻬﻴﺪﻙ
ﻭﺍﻛﺘﺮ ﻣﻦ ﺍﻟﻨﺎﺱ ﺍﻟﻤﺎﺗﻮ
ﺑﺎﻧﻲ ﻟﻴﻚ ﺍﻭﺿﺘﻴﻦ ﻓﻲ ﺭﻭﺣﻲ
ﻗﺎﻳﻢ ﻓﻴﻨﻲ ﺍﻟﺮﻳﺪ ﺳﺎﺳﺎﺗﻮ
ﺍﻧﺎ ﻃﺒﻠﺘﻚ ﺟﻮﻩ ﺣﻨﺎﻧﻲ
ﺍﺳﻊ ﻭﻳﻦ ﻣﻔﺘﺎﺣﻚ ﺯﺍﺍﺍﺗﻮ
ﺧﻠﻲ ﻳﻀﻴﻊ ﺗﻔﻀﻞ ﻣﺴﺠﻮﻧﻲ
ﻓﻜﺮﻱ ﻋﻠﻴﻚ ﻗﻔﻞ ﺑﺎﺑﺎﺗﻮ
ﺍﻧﺖ ﺻﺮﺍﺣﻪ ﻗﻠﺒﺖ ﻛﻴﺎﻧﻲ
ﻭﻗﻠﺒﻲ ﻣﻌﺎﻙ ﻫﺪﻳﺖ ﺣﺎﺟﺎﺗﻮ
ﺯﻱ ﺗﻠﻤﻴﺬ ﻗﺎﻋﺪ ﻗﺪﺍﻣﻚ
ﻭﺍﺟﺐ ﺣﺼﺖ ﺭﻳﺪﻙ ﻓﺎﺗﻮ
ﺳﻠﻢ ﻟﻴﻚ ﺍﻣﺮﻭ ﻭﺇﺳﺘﺴﻠﻢ
ﺭﺍﺿﻲ ﻇﺮﻭﻓﻚ ﻣﻬﻤﺎ ﺟﺎﺗﻮ
ﺍﺣﻼ ﻣﻦ ﺍﻻﺣﻼﻡ ﺍﻧﺎ ﺷﺎﻳﻔﻚ
ﻭﺷﺎﻳﻒ ﺍﻟﻮﺍﻗﻊ ﺯﺍﺗﻮ ﺣﻼﺗﻮﻭ