ﻣﺎﻟﻚ ﻣﻜﺘﺤﺔ ﺑﺎﻟﻮﺟﻊ
ﻏﺒﺸﺔ ﺫﻱ ﻟﻮﻥ ﺍﻟﺘﺮﺍﺏ
ﺑﺘﺠﺪﻋﻲ ﺍﻟﻬﻢ ﻓﻲ ﺍﻟﻘﻠﻮﺏ
ﻭﺗﺮﺻﻲ ﻓﻲ ﻃﻮﺏ ﺍﻟﻌﺬﺍﺏ
ﻭﺑﻴﻮﺕ ﻫﻮﺍﻙ ﻣﺘﻬﺪﻣﺔ
ﺍﻃﻼﻟﻚ ﺍﺟﺘﺎﺣﺎ ﺍﻟﺨﺮﺍﺏ
ﻣﺎﻟﻚ ﻣﻮﺷﺤﺔ ﺑﺎﻟﺴﻜﺎﺕ
ﺳﺎﻳﻘﺎﻙ ﺧﻄﺎﻛﻲ ﻋﻠﻲ ﺍﻟﺮﻫﺎﺏ
ﻛﻀﺎﺑﺔ ﻣﺎ ﺩﺍﻳﺮﺓ ﺍﻟﺮﺣﻴﻞ
ﺍﻻ ﺍﻟﻘﺪﺭ ﻟﻠﻔﺮﻗﺔ ﺟﺎﺏ
ﻣﺎﻟﻚ ﻣﺘﺎﻛﻴﺔ ﺍﺑﻮﺍﺏ ﻫﻮﺍﻙ
ﻻ ﻗﻔﻠﺘﻲ ﻓﻲ ﻭﺷﻲ ﺍﻟﻌﺸﻢ
ﻻ ﻫﻄﻠﺖ ﻓﻲ ﺟﻮﻓﻚ ﺳﺤﺎﺏ
ﻳﺒﺴﺎﻧﺔ ﻋﺪﻣﺎﻧﺔ ﺍﻟﻔﺮﺡ
ﻏﺮﻗﺎﻧﺔ ﻓﻲ ﻟﺠﺔ ﻋﺬﺍﺏ
ﺑﺘﻔﺘﺸﻲ ﺍﻻﺣﺰﺍﻥ ﺑﺮﺍﻙ
ﻭﺩﺍﻗﺸﻲ ﻓﻲ ﻭﺩﻳﺎﻥ ﺳﺮﺍﺏ
ﺑﺘﺴﺎﻣﺮﻱ ﻟﻴﻠﻚ ﻭﺍﻟﻬﻤﻮﻡ
ﻭﺗﺤﺎﺣﻲ ﻓﻲ ﺍﺷﻮﺍﻕ ﻫﻮﺍﻙ
ﻣﺎ ﺗﺨﺘﺸﻲ ﺧﻠﻴﻨﻲ ﺍﻛﻮﻧﻚ ﻭﺍﺣﺘﻮﻳﻚ
ﺿﻤﻴﻨﻲ ﻟﻲ ﺧﺎﻃﺮﻙ ﺣﻨﻴﻦ
ﺍﺗﻮﻟﺪ ﺟﻮﺍﻛﻲ ﻋﻴﺪ
ﻭﺍﺑﺪﺍ ﺍﻟﺨﻄﺎﻭﻱ ﻣﻌﺎﻙ ﺍﺭﺡ
ﺗﺎﺗﻴﻨﻲ ﻟﺪﺭﺑﻚ ﺍﻛﻴﺪ
ﺍﺩﻳﻨﻲ ﺍﺣﺴﺎﺳﻚ ﺍﻣﺎﻥ
ﺍﻣﻼﻛﻲ ﺑﺎﻻﻧﻔﺎﺱ ﻗﺼﻴﺪ
ﺃﻳﺎﻣﻲ ﺑﻴﻚ ﺳﻌﺎﺩﺓ ﺟﺖ
ﻣﺎﺯﺟﻴﻨﻲ ﺑﻲ ﺩﻡ ﺍﻟﻮﺭﻳﺪ
ﺍﻣﻜﻦ ﻫﻮﺍﻳﺎ ﻳﻌﺪﻟﻚ
ﻳﺴﻮﻕ ﺧﻄﺎﻛﻲ ﻫﻨﺎﻙ ﺑﻌﻴﺪ
ﺍﻣﻜﻦ ﻣﻼﻣﺤﻲ ﺗﻐﻴﺮﻙ
ﺗﻨﻔﺦ ﺭﻭﻳﺤﺘﻲ ﺟﻮﺍﻙ ﻋﻴﺪ
ﻭﺍﺷﻜﻠﻚ ﻣﻦ ﻃﻴﻦ ﻫﻮﺍﻱ
ﻣﻦ ﺗﺎﻧﻲ ﺍﺑﺪﺍﻙ ﻣﻦ ﺟﺪﻳﺪ
ﺍﺭﺳﻢ ﻋﻴﻮﻧﻚ ﺑﺎﻟﺤﻨﺎﻥ
ﺍﺣﻔﻆ ﺗﻔﺎﺻﻴﻠﻚ ﻗﺼﻴﺪ
ﻭﻣﻦ ﺣﺮ ﻫﻮﺍﻳﺎ ﺍﺟﻴﻚ ﺳﻼﻡ
ﺍﺗﻨﻔﺴﻚ ﻋﺰ ﺍﻟﻠﻬﻴﺐ
ﺍﻓﺘﺢ ﻣﺪﺍﺭﻛﻚ ﻟﺠﺮﻭﻑ
ﺍﻟﺨﻀﺮﺓ ﻭﺍﻟﻨﻴﻞ ﻭﺍﻟﺴﻤﺎﺀ
ﻭﺍﻟﺒﺴﻚ ﺗﻮﺏ ﺍﻷﺭﺽ
ﻭﺍﻛﺴﻴﻜﻲ ﻣﻦ ﺫﺍﺗﻲ ﻛﺴﺎﺀ
ﻣﻦ ﻃﻴﺒﺔ ﺍﻟﻨﺎﺱ ﺍﻟﺤﻨﺎﻥ
ﺍﺳﻘﻴﻜﻲ ﻛﺎﺳﺎﺕ ﺍﻟﻮﻓﺎﺀ
ﻭﺍﺟﺮﺗﻘﻚ ﻋﺰ ﺍﻟﻨﻬﺎﺭ
ﺯﻏﺮﻭﺩﺓ ﻃﺎﻟﻌﺔ ﻣﻦ ﺍﻟﺤﺸﺎ
ﺣﻨﺔ ﻭﺿﺮﻳﺮﺓ ﻭﺑﻴﺖ ﻛﺒﻴﺮ
ﻣﻌﺮﻭﺵ ﻣﻔﺮﺵ ﺑﺎﻟﻬﻨﺎﺀ
Somia A Abdalla
#ﺳﻢ _ ﻳﺔ