ﺍﻟﻠﻴﻠﻪ ﻣﺎﻟﻚ ﻳﺎ ﺩﻣﻮﻉ
ﻣﺎﻧﺎﻭﻳﻪ ﺗﻤﺮﻗﻲ ﻓﻲ ﺍﻟﺨﺪﻭﺩ
ﺍﻧﺎ ﻗﻠﺒﻲ ﺑﺘﻘﻄﻊ ﺷﺪﻳﺪ
ﻭﺍﻟﻠﻪ ﻟﻲ ﺍﺑﻌﺪ ﺣﺪﻭﺩ
ﻣﺘﻤﻨﻲ ﻳﺎﺧﻲ ﺍﻣﻮﺕ ﺍﻧﺎ
ﻣﺎﺩﺍﻡ ﺣﺒﻴﺒﻲ ﻧﻮﺍ ﺍﻟﺼﺪﻭﺩ
ﺧﻼﻧﻲ ﻭﺍﺗﻨﺎﺳﺎ ﺍﻟﻐﺮﺍﻡ
ﻓﺎﺭﻗﻨﻲ ﻭﺗﻨﺎﺳﺎ ﺍﻟﻮﻋﻮﺩ
ﺍﻟﻠﻴﻠﻪ ﻣﺎﺍﺍﺍﺍﺍﺍﻟﻚ ﻳﺎﺩﻣﻮﻉ
ﻣﺎﻗﺎﺩﺭﻩ ﺗﻨﺰﻟﻲ ﺍﻧﺘﻲ ﺳﺎﻱ
ﻏﻠﺒﻚ ﻋﺪﻳﻞ ﺣﺘﻲ ﺍﻟﻨﻮﺍﺡ
ﻏﻠﺒﻚ ﺗﺰﻳﺪﻱ ﻋﻠﻲ ﺑﻜﺎﻱ
ﺍﺭﺟﻮﻛﻲ ﻳﺎ ﺩﻣﻌﻲ ﺍﻟﻌﻨﻴﺪ
ﺍﺭﺟﻮﻙ ﻃﻔﻄﻒ ﻧﺎﺭﺷﻘﺎﻱ
ﺍﻟﻌﺒﺮﻩ ﻳﺎﺥ ﺧﺎﻧﻘﺎﻧﻲ ﺟﺪ
ﺍﻧﺎ ﺭﻭﺣﻲ ﻣﺮﻗﺖ ﻣﻦ ﺟﻮﺍﻱ
ﻣﻜﺴﻮﺭ ﻭﻏﺎﻟﺒﻨﻲ ﺍﻟﻤﺴﻴﺮ
ﻣﺨﻨﻮﻕ ﻭﻏﺎﻟﺒﻨﻲ ﺍﻟﻜﻼﻡ
ﻣﺠﺮﻭﺡ ﻭﻣﺎﻗﺎﺩﺭ ﺍﻃﻴﺐ
ﻣﺸﺘﺎﻕ ﻭﻣﺎ ﻻﻗﻲ ﺍﻟﺴﻼﻡ
ﻣﻘﻄﻮﻉ ﻭﺭﻳﺪﻱ ﻋﻠﻲ ﻧﺰﻳﻒ
ﻣﻈﻠﻮﻡ ﻭﻣﺮﻣﻲ ﻋﻠﻲ ﻣﻼﻡ
ﻳﺎﺭﻳﺘﻨﻲ ﻣﺎﺣﺒﻴﺘﻮ ﻳﻮﻡ
ﻳﺎﺭﻳﺘﻨﻲ ﻣﺎﻋﺮﻓﺖ ﺍﻟﻐﺮﺍﻡ
ﺍﻧﺎ ﻧﻔﺴﻲ ﺍﺑﻜﻲ ﺷﺪﻳﺪ ﺧﻼﺹ
ﻣﻦ ﺣﻴﻄﻪ ﻟﻲ ﺣﻴﻄﻪ ﻭﺍﻧﻮﺡ
ﺍﺗﻤﺮﺩﻍ ﻳﻤﻼﻧﻲ ﺍﻟﺘﺮﺍﺏ
ﺯﻱ ﺍﻟﺼﻐﻴﺮ ﻭﻛﺘﻴﻦ ﻳﺮﻭﺡ
ﺍﻧﺎ ﺍﺻﻠﻲ ﺿﻌﺖ ﺑﺪﻭﻥ ﻫﻮﺍﻱ
ﻭﺣﺒﻴﺒﻲ ﺯﻭﺩ ﺍﻟﺠﺮﻭﺡ
ﻭﺩﻣﻮﻋﻲ ﺍﺑﺖ ﺗﺴﻴﻞ
ﺧﻠﻴﺘﺎ ﻟﻲ ﺍﻻﺩﺍﻧﻲ ﺭﻭﺡ
ﺗﺐ ﻣﺎﻓﻲ ﺯﻭﻝ ﺩﺍﻳﺮ ﺍﻟﻨﻮﺍﺡ
ﻻﺣﺖ ﺯﻭﻝ ﺩﺍﻳﺮ ﺍﻟﺪﻣﻮﻉ
ﻭﺍﻧﺎ ﺩﻣﻌﻲ ﻣﺘﻤﻨﻴﻮ ﻳﺴﻴﻞ
ﻳﻤﺮﻕ ﻭﻻ ﻳﻌﺮﻑ ﺍﻟﺮﺟﻮﻉ
ﻭﺩﻣﻮﻋﻲ ﻟﻮ ﺟﻔﺖ ﺧﻼﺹ
ﺍﻧﺎ ﺻﻮﺗﻲ ﺑﻌﻠﻦ ﻟﻲ ﺍﻟﺨﺪﻭﻉ
ﻟﻜﻦ ﻏﺎﻟﺒﻨﻲ ﺍﻟﻨﻮﺍﺡ
ﻣﻜﺒﻮﺕ ﻭﻗﺎﻋﺪﻓﻲ ﺧﺸﻮﻉ
ﺍﻟﻠﻴﻠﻪ ﻣﺎﻟﻚ ﻳﺎﺩﻣﻮﻉ
ﺣﺎﺭﻣﺎﻧﻲ ﻣﻦ ﺍﺑﺴﻂ ﺣﻘﻮﻕ
ﺟﺎﻓﺎﻧﻲ ﺑﺲ ﺳﺎﻛﺘﻪ ﻭﺧﻼﺹ
ﻭﺍﻟﻌﺒﺮﻩ ﺻﺒﺤﺖ ﻛﺎﻟﺸﻘﻮﻕ
ﻧﺎﺣﺮﻩ ﺍﻟﺤﻠﻖ ﻣﻦ ﻏﻴﺮ ﺿﻤﻴﺮ
ﻻﺗﻘﺴﻲ ﻣﺎﻗﺎﺩﺭ ﻳﺤﻮﻕ
ﺍﺭﺟﻮﻛﻲ ﺣﻨﻲ ﻋﻠﻲ ﺑﺲ
ﺍﺭﺟﻮﻛﻲ ﻋﺠﻠﻲ ﺑﻲ ﺍﻟﻤﺮﻭﻕ