ﺑﻌﺪ ﺻﻼﺓ ﺍﻟﻤﻐﺮﺏ ﻓﻲ ﻣﺪﻧﻲ ﻭﺩ ﺍﻟﻀﻮ ﻗﻔﻞ ﺍﻟﺒﻮﺗﻴﻚ ﻭﺷﻐﻞ ﺍﻟﺒﻜﺴﻲ ﻭﺍﻟﻌﺒﻴﺪ ﺑﻌﺪ ﺭﻛﺒﻮﺍ ﻗﺎﻝ ﻟﻌﻤﺮ ﻏﺸﻴﻨﺎ ﺳﻼ ﺁ ﻋﻤﺮ ﻋﺒﺎﺱ ﻗﺎﻝ ﺁﻱ ﻭﺍﻟﻠﻪ ﻭﻛﻮﻳﺲ ﻋﺸﺎﻥ ﺍﻧﺎ ﻣﺎ ﺍﻣﺸﻲ ﻷﺧﻮﺍﻧﻲ ﻭﻳﺪﻱ ﻓﺎﺿﻴﺎﺕ ﺍﻟﻌﺒﻴﺪ ﻗﺎﻝ ﻟﻴﻬﻮ ﻭﺍﻟﻠﻪ ﺍﻧﺎ ﻗﻠﺘﻬﺎ ﻋﺸﺎﻥ ﻛﺪﺍ ﻭﻧﺤﻦ ﺍﻣﺲ ﺷﻠﻨﺎ ﻣﻨﻬﺎ ﺑﺲ ﺣﺮﻡ ﻣﺎ ﺑﺘﻨﺰﻝ ﺩﺍﻳﺮ ﻛﻢ ﻛﻴﻠﻮ ؟
_ ﻻ ﻻ ﻳﺎﺥ ﺑﻨﺰﻝ
_ ﺗﻨﺰﻝ ﻛﻴﻒ ﻭﺣﺮﺍﻣﻲ ﺩﺍ ﺍﻧﺎ ﺍﻭﺩﻳﻬﻮ ﻭﻳﻦ
_ ﻣﺎ ﻛﺎﻥ ﺗﺤﻠﻒ ﻳﺎﺥ
_ ﺍﻟﺤﺎﻟﺔ ﻭﺍﺣﺪﺓ ﺍﺟﻴﺐ ﻟﻴﻚ ﻛﻢ ؟
_ ﺟﻴﺐ ﺍﻟﺒﺘﺠﻴﺒﻮ
_ ﻗﻮﻝ ﺳﺎﻱ ﺍﺟﻴﺐ ﻟﻴﻚ ﻛﻢ ؟
ﻋﻤﺮ ﻗﺎﻝ ﻟﻴﻬﻮ ﺟﻴﺐ ﺍﺭﺑﻌﺔ ﻛﻴﻠﻮ ﺍﺗﻨﻴﻦ ﻟﻲ ﻭﺍﺗﻨﻴﻦ ﻟﻴﻬﻮ
ﺍﻟﻌﺒﻴﺪ ﻓﺎﺕ ﻭﻋﻤﺮ ﻗﺎﻝ ﻟﻌﺒﺎﺱ ﺍﻟﺸﻐﻞ ﻛﻴﻒ ؟
_ ﻭﺍﻟﻠﻪ ﻣﺎ ﺳﻤﺢ
_ ﻗﻮﻝ ﺍﻟﺤﻤﺪ ﻟﻠﻪ ﻳﺎﺥ
_ ﺍﻟﺤﻤﺪ ﻟﻠﻪ ﺑﺲ ﻣﺎ ﺳﻤﺢ ﻳﺎﺥ ﻛﻌﺐ ﻋﺪﻳﻞ ﻭﺍﻟﻠﻪ ﻣﺎ ﻓﻴﻬﻮ ﺃﻱ ﻓﺎﻳﺪﺓ
_ ﺍﺻﺒﺮ ﻋﻠﻴﻬﻮ ﺍﻟﻔﺎﻳﺪﺓ ﺑﺘﺠﻲ
_ ﺍﺻﺒﺮ ﺷﻨﻮ ﻳﺎﺥ ﻭﺍﻟﻠﻪ ﺍﻧﺎ ﺑﻄﻨﻲ ﻃﻤﺖ ﻣﻨﻮ ﻭﻫﺴﻲ ﻟﻴﻨﺎ ﺷﻬﺮﻳﻦ ﺷﻐﺎﻟﻴﻦ ﺗﻌﺐ ﺳﺎﻱ
_ ﻓﻴﻬﻮ ﺧﺴﺎﺭﺓ ؟
_ ﻣﺎ ﻓﻴﻮ ﺧﺴﺎﺭﺓ ﻭﻣﺎ ﻓﻴﻮ ﻓﺎﻳﺪﺓ ﻭﺯﻱ ﺍﻟﺸﻐﺎﻟﻴﻦ ﻓﻲ ﺍﻟﻔﺎﺿﻲ ﺩﺍﺏ ﻣﺼﺎﺭﻳﻔﻨﺎ ﻭﻣﺼﺎﺭﻳﻒ ﺍﻟﺪﻛﺎﻥ ﺑﺲ ﻟﻜﻦ ﻭﻓﺮ ﻣﺎﻓﻲ
_ ﻣﺎ ﺩﺍﻡ ﻣﺎﻓﻲ ﺧﺴﺎﺭﺓ ﻣﺎ ﻛﻌﺐ ﻭﺍﻟﺮﺑﺢ ﺑﺠﻲ ﻣﺎ ﺗﺨﻠﻮﺍ ﺯﺑﻮﻥ ﻳﻤﺮﻕ ﺣﺘﻰ ﻟﻮ ﺑﺄﻗﻞ ﻓﺎﻳﺪﺓ
_ ﺍﺻﻠﻮ ﻣﺎ ﻗﺎﻋﺪﻳﻦ ﻧﻔﻮﺕ ﺯﺑﻮﻥ ﻭﺩﻱ ﺳﻴﺎﺳﺔ ﻋﺒﺪ ﺍﻟﻘﻴﻮﻡ ﻭﻛﻢ ﻣﺮﺓ ﺑﺎﻉ ﺑﺴﻌﺮ ﺍﻟﺸﺮﺍﺀ ﺑﻘﻮﻝ ﺍﻧﻜﺴﺐ ﺯﺑﻮﻥ ﺍﺣﺴﻦ ﻣﻦ ﻳﻔﻮﺕ ﺳﺎﻱ
_ ﻧﺎﺱ ﺍﻟﺸﺮﻕ ﺩﻳﻞ ﺷﺎﻃﺮﻳﻦ ﺑﻌﺮﻓﻮ ﺍﻟﺸﻐﻞ ﻛﻮﻳﺲ
_ ﺻﺎﺡ ﻟﻜﻦ ﺍﻻﻟﻜﺘﺮﻭﻧﻴﺎﺕ ﺩﻱ ﺷﻐﻠﺔ ﻓﺎﺿﻴﺔ ﺳﺎﻱ ﺍﻧﺎ ﻣﺎ ﻗﺎﻳﻠﻬﺎ ﻛﺪﻱ . ﺍﻫﺎ ﻭﺍﻧﺖ ﺍﻟﺸﻐﻞ ﻛﻴﻒ ﻣﻌﺎﻙ ؟
_ ﻭﺍﻟﻠﻪ ﺍﻟﺤﻤﺪ ﻟﻠﻪ ﻣﺎ ﺑﻄﺎﻝ ﻭﺍﻟﻌﺮﺑﻴﺔ ﺩﻱ ﺍﺷﺘﺮﻳﺘﻬﺎ ﻣﻨﻮ
_ ﻣﺎ ﺑﻄﺎﻝ ؟ ﻳﺎﺥ ﺩﺍ ﺳﻤﺢ ﻋﺪﻳﻞ
_ ﺍﻟﺤﻤﺪ ﻟﻠﻪ ، ﺍﻫﺎ ﺍﻟﺠﻤﺎﻋﺔ ﺩﻳﻠﻚ ﻣﺎ ﻳﻜﻮﻧﻮﺍ ﺟﻮﻙ ﺗﺎﻧﻲ
_ ﻻ ﻻ ﻻ ﺑﺪﺭﻱ ﻓﺎﺭﻗﺘﻬﻢ
ﺍﻟﻌﺒﻴﺪ ﺟﺎﺀ ﻭﻋﻤﺮ ﻭﻋﺒﺎﺱ ﻃﻮﺍﻟﻲ ﻏﻴﺮﻭ ﺍﻟﻤﻮﺿﻮﻉ ﻭﻗﻌﺪﻭﺍ ﻳﺘﻮﻧﺴﻮﺍ ﻭﻧﺴﺔ ﻋﺎﻣﺔ ﻭﻛﻢ ﻣﺮﺓ ﺟﺎﺑﻮﺍ ﺳﻴﺮﺓ ﻭﺩ ﺍﻟﺴﺖ ﻭﻟﻤﻦ ﻗﺮﺑﻮﺍ ﻟﻠﺤﻠﺔ ﻋﺒﺎﺱ ﺳﻜﺖ ﻣﺴﺎﺍﺍﻓﺔ ﻭﺳﺮﺡ ﻭﻋﺎﻳﻦ ﻟﻮﺩ ﺍﻟﻀﻮ ﺑﻄﺮﻑ ﻋﻴﻨﻮ ﻭﻗﺎﻝ ﺷﻮﻑ ﺑﺎﻟﻠﻪ ﺍﻟﺪﻧﻴﺎ ﻭﺩ ﺍﻟﻀﻮ ﺍﻟﻤﻌﻔﻦ ﺩﺍ ﺑﻘﻰ ﺯﻭﻝ ﻭﺍﻛﺎﻥ ﺍﻟﻤﻌﻮﻟﻖ ﻋﻨﺪﻭ ﻓﺪ ﻛﺸﻚ ﺻﻐﻴﺮ ﺣﻖ ﻧﻌﻼﺕ ﻭﻳﻮﻣﻲ ﺑﺠﻲ ﺍﻟﺒﻴﺖ ﻣﺪﻟﺪﻝ ﻳﺪﻳﻬﻮ ﺳﺎﻛﺖ ﻣﻦ ﺍﻟﻔﻠﺲ ﻫﺴﻲ ﻋﻤﻞ ﻟﻴﻬﻮ ﺑﻮﺗﻴﻚ ﻭﺑﻜﺴﻲ ﻭﺑﻘﻰ ﺑﺠﻴﺐ ﻻﻭﻻﺩﻭ ﺑﺎﺳﻄﺔ ﻳﻮﻣﻴﺎ ﻣﻦ ﺳﻼ ﻭﺍﻧﺎ ﻟﻤﻦ ﺍﻛﺎﻥ ﻋﻨﺪﻱ ﺍﻟﻘﺮﺵ ﻫﻮ ﻛﺎﻥ ﺭﻣﺔ ﺳﺎﻱ ﻛﻞ ﺍﺳﺒﻮﻉ ﺣﺘﻴﻦ ﻳﺠﻴﺐ ﻣﻌﺎﻫﻮ ﻣﻼﺡ ﻭﻟﻮ ﻣﺎ ﺍﻧﺎ ﺍﻛﺎﻥ ﻟﻬﺴﻲ ﺭﻣﺔ ﻭﺍﻟﺨﻴﺮ ﺍﻟﻔﻴﻬﻮ ﺩﺍ ﻛﻠﻮ ﺳﺒﺒﻮ ﺍﻧﺎ ﻭﺷﻜﺮﺍ ﺳﺎﻱ ﻣﺎ ﺑﻘﻮﻟﻬﺎ ﻟﻲ ، ﻻ ﻭﻛﻤﺎﻥ ﺑﺘﺒﺎﺧﻞ ﻋﻠﻲ ﻛﻤﺎﻥ ﻫﺴﻲ ﺍﻻﺗﻨﻴﻦ ﻛﻴﻠﻮ ﺩﻳﻞ ﺍﻧﺎ ﻋﻼ ﺍﻗﺴﻤﻦ ﻟﻲ ﻧﺎﺱ ﺍﻣﻲ ﻭﺍﺑﻮﻱ ، ﻭﻟﻮ ﻣﺸﻴﺖ ﺑﺮﺍﻱ ﺩﺍﻳﺮ ﺍﺟﻴﺒﻦ ﺍﺭﺑﻌﺔ ﻛﻴﻠﻮ ﻟﻜﻦ ﻋﺸﺎﻥ ﺡ ﻳﺪﻓﻊ ﺍﻟﻌﺒﻴﺪ ﻗﺎﻝ ﻟﻴﻬﻮ ﺟﻴﺐ ﺍﺗﻨﻴﻦ ﻛﻴﻠﻮ ﻟﻲ ﻭﺍﺗﻨﻴﻦ ﻟﻴﻬﻮ ﻭﻫﻮ ﺍﻣﺲ ﺷﺎﻝ ﺑﺎﺳﻄﺔ ﺍﻟﻤﻌﻮﻟﻖ ﻫﺴﻲ ﺍﻛﺎﻥ ﻣﺎ ﺳﺎﻱ ﺩﻱ ﺧﻠﻘﺔ ﺯﻭﻝ ﻳﺎﻛﻞ ﺑﺎﺳﻄﺔ ، ﻭﺍﻟﻠﻪ ﺣﻘﻮ ﺍﻟﻮﺍﺣﺪ ﻳﺤﻠﻒ ﻣﻨﻬﺎ ﻭﻳﺨﻠﻴﻬﺎ ﻟﻴﻬﻮ ﺍﻟﻠﺸﺒﻊ ﺑﻴﻬﺎ ﺍﻛﺎﻥ ﺑﺸﺒﻊ ﺍﻟﺠﻴﻌﺎﻥ
ﻭﺻﻠﻮﺍ ﺍﻟﺤﻠﺔ ﻭﻋﻤﺮ ﻗﺎﻝ ﻟﻴﻬﻮ ﺳﺎﺭﺡ ﻭﻳﻦ ﺁ ﻋﺒﺎﺱ ؟
_ ﻻ ﻻ ﻣﺎ ﺳﺎﺭﺡ ﻭﻻ ﺣﺎﺟﺔ
_ ﻣﺎ ﺳﺎﺭﺡ ﺷﻨﻮ ﺍﻧﺖ ﻭﻻ ﻣﻌﺎﻧﺎ
_ ﺍﺗﺬﻛﺮﺕ ﻟﻲ ﻣﻮﺿﻮﻉ ﻛﺪﺍ ﻣﺎ ﻋﻠﻴﻚ ﻣﻨﻮ ﻭﻣﺎ ﺫﺍﺕ ﺍﻫﻤﻴﺔ
_ ﻣﻮﺿﻮﻉ ﺷﻨﻮ
_ ﻭﺍﺣﺪ ﻛﺪﺍ ﻗﺮﻳﺐ ﺍﻟﺘﺎﺝ ﺟﺎﻫﻮ ﺍﻣﺲ ﺍﻟﻤﻬﻢ ﻣﺎ ﻣﻮﺿﻮﻉ ﻳﺎﺥ
_ ﺧﻼﺱ ﻧﺤﻦ ﺯﺍﺗﻮ ﻭﺻﻠﻨﺎ ﻭﺩﺍ ﺑﺎﺑﻜﻢ ﻓﻜﺮ ﻓﻴﻬﻮ ﺑﺮﺍﺣﺘﻚ ﺍﻧﺰﻝ ﻭﺷﻴﻞ ﻣﻌﺎﻙ ﺑﺎﺳﻄﺘﻚ ﺩﻱ ﻭﺷﻴﻞ ﺍﻻﺗﻨﻴﻦ ﻛﻴﻠﻮ ﺩﻳﻞ ﺑﺮﺿﻮ ﻣﻌﺎﻙ
_ ﻻ ﻻ ﺩﻳﻞ ﺣﻘﺎﺕ ﺍﻭﻻﺩﻙ ﺍﺷﻴﻠﻦ ﻛﻴﻒ ؟
_ ﺍﻭﻻﺩﻱ ﺍﻣﺲ ﺟﺒﺘﻬﺎ ﻟﻴﻬﻢ ﻭﻟﺴﺔ ﻓﻴﻬﺎ ﺑﺎﻗﻲ ﻭﺍﻧﺎ ﻗﻠﺖ ﻟﻠﻌﺒﻴﺪ ﺍﺗﻨﻴﻦ ﻭﺍﺗﻨﻴﻦ ﻋﺸﺎﻥ ﺗﻮﺩﻱ ﺩﻳﻞ ﻟﻨﺎﺱ ﺍﺑﻮﻙ ﺑﺮﺿﻮ
_ ﻻ ﻻ ﻣﺎ ﺑﺸﻴﻠﻦ ﻳﺎﺥ
_ ﻳﻌﻨﻲ ﺩﺍﻳﺮ ﺗﻘﺴﻢ ﻟﻴﻬﻢ ﺍﻟﻜﻴﻠﻮﻳﻦ ﺩﻳﻞ ﻭﻟﻼ ﻛﻴﻒ ﻳﺎ ﺯﻭﻝ ﻳﻤﻴﻦ ﻣﺎ ﻃﻠﺒﺘﻬﺎ ﻟﺮﻭﺣﻲ
_ ﻣﺤﻤﺪ ﺍﺧﻮ ﻋﺒﺎﺱ ﺟﺎﺀ ﻣﺎﺭﻕ ﻭﻋﻤﺮ ﻗﺎﻝ ﻟﻴﻬﻮ ﺗﻌﺎﻝ ﺁ ﺣﻤﻮﺩﻱ ﻫﺎﻙ ﻭﻧﺎﻭﻟﻮ ﺍﻟﺒﺎﺳﻄﺔ ﻋﺒﺎﺱ ﻧﺰﻝ ﻭﻗﺎﻝ ﻟﻴﻬﻮ ﺳﻤﺢ ﺧﻼﺱ ﺑﻄﻞ ﺍﻟﻌﺮﺑﻴﺔ ﺩﻱ ﻭﺧﺸﻮﺍ
ﻋﻤﺮ ﻗﺎﻝ ﻟﻴﻬﻮ ﺗﻌﺒﺎﻧﻴﻦ ﻳﺎﺥ ﻟﻜﻦ ﺑﻨﺠﻴﻚ ﺑﺎﻛﺮ ﺍﻛﺎﻥ ﺍﻧﺖ ﻗﺎﻋﺪ ﻭﻓﺎﺗﻮﺍ ﻣﻨﻮ
ﻋﺒﺎﺱ ﺩﺧﻞ ﻭﺳﻠﻢ ﻋﻠﻲ ﺍﻫﻠﻮ ﻭﻗﻌﺪ ﻳﺘﻮﻧﺲ ﻣﻌﺎﻫﻢ
ﻭﺩ ﺍﻟﺴﺖ ﺟﺮﺩ ﺍﻟﺪﻛﺎﻥ ﻛﻠﻮ ﻭﺍﻟﻤﺨﺰﻥ ﭼﺖ ﻣﺎ ﺧﻠﻰ ﺍﻱ ﺷﻲ ﻭﺍﻟﺰﻳﻦ ﻣﺎﺳﻚ ﺍﻟﺪﻓﺘﺮ ﻳﺴﺠﻞ ﻭﺃﻱ ﺻﻨﻒ ﺯﺍﺩﻭ ﻭﺍﻻﻗﻞ ﻣﻦ ﻋﺸﺮﺓ ﻛﻠﻮ ﺑﺘﻤﻮ ﻋﺸﺮﺓ ﻣﺎﺳﻚ ﻓﻲ ﻣﻀﺎﻋﻔﺎﺕ ﺍﻟﻌﺸﺮﺓ ﺑﺲ ﻗﺎﻝ ﻟﻮﺩ ﺍﻟﺴﺖ ﻋﺸﺎﻥ ﺑﺘﺴﻬﻞ ﻋﻠﻴﻨﺎ ﺍﻟﺤﺴﺎﺏ ﻭﺍﻟﺼﻨﻒ ﺍﻟﺒﻠﻘﺎﻫﻮ ﻭﺍﺣﺪ ﻭﻱ ... ﺑﺰﻳﺪﻭ ﺗﺴﻌﺔ ﻣﻦ ﻋﻨﺪﻭ ﻋﺸﺎﻥ ﻣﺎ ﻳﻈﻠﻢ ﻭﺩ ﺍﻟﺴﺖ ﻭﺑﻌﺪ ﺍﻧﺘﻬﻮﺍ ﻣﻨﻮ ﻛﻠﻮ ﻗﺎﻝ ﻟﻮﺩ ﺍﻟﺴﺖ ﺍﻻﺻﻨﺎﻑ ﺩﻱ ﺍﻧﺎ ﻛﻠﻬﺎ ﺯﺩﺗﻬﺎ ﻭﺍﻟﺼﻨﻒ ﺍﻟﻘﺮﻳﺐ ﻣﻦ ﻣﻴﺔ ﻛﻠﻮ ﻋﻤﻠﺘﻮ ﻣﻴﺔ ﻭﺍﻟﻜﻢ ﻭﺗﻼﺗﻴﻦ ﻛﻠﻮ ﻛﺘﺒﺘﻮ ﺧﻤﺴﻴﻦ ﻭﺩ ﺍﻟﺴﺖ ﻗﺎﻝ ﺭﺍﺿﻲ ﺗﺐ ﻭﺟﺎﺑﻮﺍ ﺍﻵﻟﺔ ﺍﻟﺤﺎﺳﺒﺔ ﻭﻗﻌﺪﻭﺍ ﻟﻠﺤﺴﺎﺑﺖ ﻭﺍﻟﺘﻀﺮﻳﺐ ، ﻭﺟﻤﻌﻚ ﻭﺿﺮﺑﻚ ﻭﺟﻤﻌﻚ ﻭﺿﺮﺑﻚ ﻭﺑﺎﻟﻠﻴﻞ ﺗﺐ ﺍﻧﺘﻬﻮﺍ ﻣﻨﻮ ﭼﺖ
ﻃﻠﻊ ﻓﻮﻗﻮ ﻣﻴﺔ ﻭﺷﻮﻳﺔ
ﻭﻓﻲ ﺩﻳﻮﻥ ﻋﻨﺪ ﺍﻟﻨﺎﺱ ﻣﺎ ﻭﺍﺻﻠﺔ ﺍﻟﻌﺸﺮﻳﻦ ﺍﻟﺰﻳﻦ ﻗﺎﻝ ﻟﻴﻬﻮ ﻗﻮﻝ ﻋﺸﺮﻳﻦ
ﻭﺍﻟﺪﻛﺎﻥ ﻣﻴﺔ ﻭﺷﻮﻳﺔ ﻗﻮﻝ ﻣﻴﺔ ﻭﻋﺸﺮﺓ
ﻳﻌﻨﻲ ﻣﻴﺔ ﻭﺗﻼﺗﻴﻦ . ﺗﻤﺎﻡ ؟
ﻭﺩ ﺍﻟﺴﺖ ﺳﻜﺖ ﻭﺑﻄﻨﻮ ﻃﺎﻣﺔ
ﻟﻜﻦ ﺍﻟﺰﻳﻦ ﻣﺎ ﺧﻼﻫﻮ ﻗﺎﻝ ﻟﻴﻬﻮ ﻭﺩﺍ ﺍﻟﺪﻓﺘﺮ ﺍﻟﻔﻴﻬﻮ ﺍﻟﺒﻀﺎﻋﺔ ﺍﻻﻧﺖ ﻟﻘﻴﺘﻬﺎ ﻓﻲ ﺍﻟﻤﺤﻞ ﻗﺒﺎﻝ ﺗﺸﺘﻐﻞ ﻭﺣﺴﺒﺘﻬﺎ ﺑﺮﺍﻙ ﻛﺎﻧﺖ ﻛﻢ ﻭﻋﺸﺮﻳﻦ ﻗﻮﻝ ﻋﺸﺮﻳﻦ ﺑﺲ ﻟﻤﻦ ﻧﻨﻘﺼﻬﺎ ﻣﻦ ﺍﻟﻤﻴﺔ ﻭﺗﻼﺗﻴﻦ ﺑﻔﻀﻞ ﻟﻴﻨﺎ ﻣﻴﺔ ﻭﻋﺸﺮﺓ ﺍﻟﻒ ﺗﻤﺎﻡ ؟
ﺑﺮﺿﻮ ﻭﺩ ﺍﻟﺴﻜﺖ ﻣﺎ ﻧﻀﻢ ﻭﺑﻄﻨﻮ ﻃﻤﺖ ﺯﻳﺎﺩﺓ
ﺍﻟﺰﻳﻦ ﻗﺎﻝ ﻟﻴﻬﻮ ﺍﻟﻤﻴﺔ ﻭﻋﺸﺮﺓ ﺩﻱ ﺍﻟﻤﻔﺮﻭﺽ ﻧﺤﻦ ﻧﻘﺴﻤﻬﺎ ﺍﻟﻨﺺ ﺍﻟﻨﺺ ﻳﻌﻨﻲ ﻛﻞ ﻭﺍﺣﺪ ﻓﻴﻨﺎ ﻧﺼﻴﺒﻮ ﺧﻤﺴﺔ ﻭﺧﻤﺴﻴﻦ ﺍﻟﻒ ﻭﺍﻧﺖ ﺷﻠﺖ ﻟﻴﻚ ﺳﺒﻌﻴﻦ ﺍﻟﻒ ﻛﺎﺵ ﻣﺎ ﺗﻨﺴﻰ ﻭﻟﻮ ﺍﺿﻔﻨﺎﻫﺎ ﻟﻠﻤﺤﻞ ﻋﺸﺎﻥ ﺍﻧﺎ ﺍﺷﻴﻞ ﻧﺼﻬﺎ ﺑﻄﻠﻊ ﺍﻟﻤﺤﻞ ﻓﻴﻬﻮ ﻭﺑﺎﻟﺪﻳﻮﻥ ﺍﻟﻌﻨﺪ ﺍﻟﻨﺎﺱ ﻣﻴﺔ ﻭﺗﻤﺎﻧﻴﻦ ﺃﻟﻒ ، ﻳﻌﻨﻲ ﻛﻞ ﻭﺍﺣﺪ ﻧﺼﻴﺒﻮ ﺗﺴﻌﻴﻦ ﺃﻟﻒ ﺗﻤﺎﻡ ﻣﻌﺎﻙ ؟
ﻭﺩ ﺍﻟﺴﺖ ﻗﺎﻝ ﻣﺎ ﺗﻤﺎﻡ ﻣﻌﺎﻱ ﻭﻻ ﺷﻲ ﻣﺎ ﺻﺎﺡ ﺗﻨﻘﺺ ﺍﻟﻌﺸﺮﻳﻦ ﺍﻟﻠﻘﻴﺘﻬﺎ ﻓﻲ ﺍﻟﻤﺤﻞ ﺍﻭﻝ
_ ﺍﻭﻛﻲ ﻣﺎ ﺑﻨﻘﺼﻬﺎ ﻭﻛﺪﺍ ﺍﻟﺪﻛﺎﻥ ﺑﺒﻘﻰ ﻓﻴﻬﻮ ﻣﻴﺘﻴﻦ ﺃﻟﻒ ﻃﻖ ﻃﺮﻕ ﺑﺎﻟﺪﻳﻮﻥ ﺍﻟﺒﺮﺓ ، ﺗﺎﻧﻲ ﻓﻲ ﺷﻲ ؟
_ ﻣﺎﻓﻲ ﺷﻲ
_ ﻳﺒﻘﻰ ﻛﺪﺍ ﻳﺎ ﺍﺧﻮﻱ ﺣﻘﻚ ﻣﻴﺔ ﺃﻟﻒ ﻃﻖ ﻭﺍﻧﺖ ﺷﻠﺖ ﻣﻨﻬﺎ ﺳﺒﻌﻴﻦ ﻳﺒﻘﻰ ﻛﻞ ﺍﻟﺒﺎﻗﻲ ﻟﻴﻚ ﻋﻨﺪﻱ ﻣﻦ ﺍﻟﺪﻛﺎﻥ ﺗﻼﺗﻴﻦ ﺍﻟﻒ
ﻭﺩ ﺍﻟﺴﺖ ﺩﻧﻘﺮ ﻣﺎ ﻗﺎﺩﺭ ﻳﻘﻮﻝ ﺍﻱ ﺷﻲ ﻻﻧﻮ ﺍﻟﺰﻳﻦ ﻣﺎ ﻗﺼﺮ ﺍﻟﺒﻀﺎﻋﺔ ﻛﻠﻬﺎ ﺯﺍﺩﻫﺎ ﻣﻦ ﻋﻨﺪﻭ ﻭﺍﻟﻘﺎﻟﻮﺍ ﻟﻴﻬﻮ ﻛﻠﻮ ﺳﻮﺍﻫﻮ ﻭﻫﻮ ﻣﺘﺄﻛﺪ ﺍﻟﺪﻛﺎﻥ ﺍﻗﻞ ﻣﻦ ﻛﺪﺍ ﺑﻜﺘﻴﺮ ﻭﻏﻠﺒﻮ ﺍﻟﺒﻘﻮﻟﻮ
ﺍﻟﺰﻳﻦ ﻗﺎﻝ ﻟﻴﻬﻮ ﻣﺎﻟﻚ ﺳﺎﻛﺖ
_ ﺍﻗﻮﻝ ﺷﻨﻮ ؟
_ ﻧﺮﺍﺟﻊ ﺗﺎﻧﻲ ؟
_ ﻻ ﻻ ﻣﺎ ﻳﺤﺘﺎﺝ
_ ﻃﻴﺐ ﺑﺎﻗﻲ ﻟﻴﻚ ﺗﻼﺗﻴﻦ ﺃﻟﻒ ﻭﺷﻠﺖ ﻣﻨﻲ ﺧﻤﺴﻴﻦ ﻳﺒﻘﻰ ﺍﻧﺎ ﺩﺍﻳﺮ ﻣﻨﻚ ﻋﺸﺮﻳﻦ ﺃﻟﻒ ﻛﺪﺍ ﺁ ﻭﺩ ﺍﻟﺴﺖ
_ ﺑﺲ ﻛﺪﺍ ﺍﻧﺖ ﻇﻠﻤﺘﻨﻲ
_ ﻇﻠﻤﺘﻚ ﻛﻴﻔﻦ ؟
_ ﺍﻟﺪﻛﺎﻥ ﺩﺍ ﺍﻧﺎ ﺍﻟﺘﻌﺒﺖ ﻓﻮﻗﻮ ﻟﻴﻞ ﻧﻬﺎﺭ ﻓﺎﺗﺤﻮ ﻭﻛﻠﻮ ﻣﻠﻴﺘﻮ ﺍﻧﺎ ﻭﻟﻮ ﻣﺎ ﺍﻧﺎ ﻣﺎ ﻛﺎﻥ ﺑﺒﻘﻰ ﻛﺪﺍ ﻣﻔﺮﻭﺽ ﺍﻧﺖ ﻣﺎ ﺗﺸﻴﻞ ﺍﻟﻨﺺ
_ ﻟﻜﻦ ﺍﻟﺪﻛﺎﻥ ﺩﺍ ﺣﻘﻲ ﺍﻧﺎ ﻭﺍﻧﺎ ﺍﻟﺒﻨﻴﺘﻮ ﻭﺳﻮﻳﺘﻮ ﻭﺭﺍﺱ ﺍﻟﻤﺎﻝ ﺣﻘﻲ ﺍﻟﻠﻜﺎﻥ ﻓﻴﻬﻮ ﺑﺮﺿﻮ ﻗﺴﻤﺘﻮ ﻟﻴﻚ ﺍﻟﻨﺺ ﻭﺑﻌﺪ ﻛﺪﺍ ﺍﻧﺎ ﻋﺎﻓﻲ ﻟﻴﻚ ﺍﻟﻌﺸﺮﻳﻦ ﺣﻘﺘﻲ ﺍﻟﻌﻨﺪﻙ ﻗﺼﺮﺕ ﻣﻌﺎﻙ ؟
_ ﻳﻌﻨﻲ ﻫﺴﻲ ﺍﻧﺎ ﺍﻣﺮﻕ ﺳﺎﻱ ﻣﻨﻮ
_ ﺍﻧﺖ ﻣﻔﺮﻭﺽ ﺗﺪﻓﻊ ﻟﻲ ﻋﺸﺮﻳﻦ ﺍﻟﻒ ﻗﺒﻞ ﺗﻤﺮﻕ ﻟﻜﻦ ﺍﻧﺎ ﻋﻔﻴﺘﻬﺎ ﻟﻴﻚ ﻭﺍﻗﻮﻝ ﻟﻴﻚ ﺷﻲ ؟ ﺑﻌﺪ ﻛﺪﺍ ﻗﻮﻡ ﻭﺭﺡ ﻣﻌﺎﻱ
_ ﻭﺭﺡ ﻭﻳﻦ ؟
_ ﻫﻨﻲ ﻗﺮﻳﺐ ﻗﻮﻡ ﻗﻮﻡ
ﺍﻟﺰﻳﻦ ﺳﺎﻗﻮ ﻭﻭﺭﺍﻫﻮ ﺑﻴﺘﻮ ﻭﻗﺎﻝ ﻟﻴﻬﻮ ﺩﺍ ﺑﻴﺘﻲ ﺍﻟﻘﻠﺘﻮ ﻟﻴﻚ ﻭﺍﻧﺎ ﻟﺴﺔ ﻋﻨﺪ ﻛﻠﻤﺘﻲ ﻭﺗﻌﺮﺱ ﺑﺖ ﺧﺎﻟﺘﻚ ﻭﻟﻼ ﺑﺖ ﺍﻟﻜﺮﺍﺏ ﻋﻠﻲ ﻛﻴﻔﻚ ﺍﻧﺎ ﻣﺎ ﻣﻦ ﺣﻘﻲ ﺍﺗﺪﺧﻞ ﻓﻲ ﺍﻟﻤﻮﺿﻮﻉ ﺩﺍ ﺍﻟﻤﻬﻢ ﻋﺮﺱ ﺍﻟﺒﺘﻌﺮﺳﻬﺎ ﻭﺟﻴﺒﻬﺎ ﻭﺗﻌﺎﻝ ﺍﺳﻜﻦ ﻓﻮﻗﻮ ﻭﺍﺷﺘﻐﻞ ﻓﻲ ﺩﻛﺎﻧﻚ ﺍﺻﻠﻮ ﻣﺎﻧﻲ ﻣﺎﺭﻗﻚ ﻣﻨﻮ
_ ﺍﻧﺎ ﻣﻮﺍﻓﻖ ﻟﻜﻦ ﺍﻳﺠﺎﺭ
_ ﺍﻳﺠﺎﺭ ﺍﻧﺎ ﻣﺎ ﺑﺄﺟﺮ ﻭﺩﺍ ﺣﻘﻲ ﻭﺍﻧﺎ ﺣﺮ ﻓﻴﻬﻮ ﻭﻫﺴﻲ ﺍﻧﺎ ﻓﻲ ﺍﻟﺤﺴﺎﺏ ﻇﻠﻤﺖ ﻟﻴﻚ ﺭﻭﺣﻲ ﻭﻟﻮ ﺍﺗﺤﺎﺳﺒﻨﺎ ﺻﺎﺡ ﺍﻟﺪﻛﺎﻥ ﺩﺍ ﻣﻴﺔ ﻣﺎ ﺑﺼﻠﻬﺎ ﻏﻴﺮ ﺍﻟﺴﺒﻌﻴﻦ ﺍﻟﺸﻠﺘﻬﺎ ﺍﻧﺖ ﻣﻨﻮ
_ ﺍﻧﺎ ﻣﺎ ﺩﺍﻳﺮ ﺷﺮﺍﻛﺔ
_ ﻭﺍﻧﺎ ﻣﺎ ﺑﺄﺟﺮ ﻭﻟﺴﺔ ﺑﺎﻗﻲ ﻋﻠﻴﻚ
_ ﺍﻟﺪﻛﺎﻥ ﺩﺍ ﺍﻧﺎ ﻣﻦ ﻏﻴﺮﻱ ﻣﺎ ﺑﻨﻔﻊ ﻳﺎ ﺗﺄﺟﺮﻭﺍ ﻟﻲ ﻳﺎ ﺑﻤﺶ ﺃﺃﺟﺮ ﺩﻛﺎﻥ ﺍﻟﺠﺪ ﻭﺑﺪﻣﺮ ﻟﻴﻚ ﺩﻛﺎﻧﻚ ﺩﺍ
_ ﻋﻠﻲ ﻛﻴﻔﻚ ﺷﻮﻑ ﻣﺼﻠﺤﺘﻚ ﻭﻳﻦ
_ ﻭﺍﻟﻠﻪ ﺑﺘﻨﺪﻡ ﺍﻛﺎﻥ ﺍﻧﺎ ﻣﺸﻴﺖ ﺃﺟﺮﺕ ﺩﺍﻙ ﻭﺍﻧﺖ ﻋﺎﺭﻑ ﻛﺪﻱ ﺍﺣﺴﻦ ﻟﻴﻚ ﺗﺄﺟﺮﻭ ﻟﻲ
_ ﺩﺍﻳﺮ ﺍﻧﺪﻡ ﺍﻧﺎ ﻭﻟﻮ ﺩﺍ ﻛﻼﻣﻚ ﺍﻣﺶ ﺳﺎﻱ ﻟﺪﻛﺎﻥ ﺍﻟﺠﺪ ﻭﻟﻮ ﺍﺣﺘﺠﺖ ﻷﻱ ﺷﻲ ﺗﻌﺎﻝ ﻟﻲ
_ ﻳﺎﺯﻭﻝ ﺍﻧﺎ ﻟﻮ ﻣﺸﻴﺖ ﺍﻟﺪﻛﺎﻥ ﺩﺍ ﺑﻘﻊ ﻭﺍﻟﻠﻪ
_ ﺍﻋﻤﻞ ﺍﻟﻔﻲ ﺭﺍﺳﻚ
ﻭﺩ ﺍﻟﺴﺖ ﻓﺎﺕ ﻃﻮﺍﻟﻲ ﻟﻮﺩ ﺍﻟﺠﺪ ﻭﻧﺒﺰ ﻟﻴﻬﻮ ﺍﻟﺰﻳﻦ ﻧﺒﺰ ﺷﺪﻳﺪ ﻭﻗﺎﻝ ﻟﻴﻬﻮ ﺃﺟﺮ ﻟﻲ ﺩﻛﺎﻧﻚ ﺩﺍ ﺍﻧﺎ ﺑﺒﻘﻴﻚ ﺍﻏﻨﻰ ﺯﻭﻝ ﻓﻲ ﺍﻟﺤﻠﺔ ﺩﻱ
ﻭﺩ ﺍﻟﺠﺪ ﻗﺎﻝ ﻟﻴﻬﻮ ﻣﺎﻟﻮ ﻣﻌﺎﻙ ﺍﻟﺰﻳﻦ ؟
_ ﺩﺍ ﺯﻭﻝ ﻛﻠﺐ ﻣﺎ ﻓﻴﻬﻮ ﺧﻴﺮ ﻭﺍﻛﻞ ﺣﻘﻲ
_ ﻭﺍﻟﻠﻪ ﺍﻟﺰﻳﻦ ﻣﻮ ﻛﻠﺐ ﻭﺍﺣﺴﻦ ﺯﻭﻝ ﻓﻲ ﺍﻟﺤﻠﺔ ﺩﻱ
_ ﺍﻟﻤﻬﻢ ﺍﻧﺎ ﺩﺍﻳﺮ ﺩﻛﺎﻧﻚ ﺩﺍ
_ ﺍﻧﺎ ﺍﻟﺪﻛﺎﻥ ﻣﺎ ﻫﻴﻠﻲ ﺑﺮﺍﻱ ﺍﻧﺸﺎﻭﺭ
_ ﺧﻼﺱ ﺍﻧﺎ ﺑﻤﺸﻲ ﺣﻠﺘﻨﺎ ﻭﺑﺠﻴﻚ ﺑﻌﺪ ﻛﻢ ﻳﻮﻡ ﻭﺍﻧﺖ ﺷﺎﻭﺭ ﺑﺮﺍﺣﺘﻚ ﻭﻻﻗﻲ ﻏﻴﺮﻭ ﻣﺎ ﺗﻘﻮﻝ ﻣﺎ ﻻﻗﻲ
_ ﺳﻤﺢ
ﻭﺩ ﺍﻟﺴﺖ ﻓﺎﺕ ﻟﻠﺰﻳﻦ ﻋﺸﺎﻥ ﻳﺸﻴﻞ ﻫﺪﻭﻣﻮ ﻣﻦ ﺍﻟﺪﻛﺎﻥ ﻭﺍﻟﺰﻳﻦ ﻗﺎﻝ ﻟﻴﻬﻮ ﺩﻗﻴﻘﺔ ﺍﻧﺠﻴﺐ ﻟﻴﻚ ﺷﻨﻄﺔ ﻭﺍﻧﺎ ﺑﻮﺩﻳﻚ ﻟﺤﺪﻱ ﺣﻠﺘﻜﻢ
ﺟﺎﺏ ﻟﻴﻬﻮ ﺷﻨﻄﺔ ﺳﻤﺤﺔ ﺍﻛﺎﻥ ﺍﻟﺰﻳﻦ ﺟﺎﺑﻬﺎ ﻣﻌﺎﻫﻮ ﻣﻦ ﺍﻟﺴﻌﻮﺩﻳﺔ ﻭﻋﻨﺪﻭ ﺗﻼﺗﺔ ﻣﻘﺎﻃﻊ ﺣﻘﺎﺕ ﺟﻼﻟﻴﺐ ﺟﺎﺑﻦ ﻣﻌﺎﻫﻮ ﻭﻗﺎﻝ ﻟﻴﻬﻮ ﻭﺩ ﺍﻟﺠﺪ ﻗﺎﻝ ﻟﻴﻚ ﺷﻨﻮ ؟
_ ﻗﺎﻝ ﺩﺍﻳﺮ ﻳﺸﺎﻭﺭ
_ ﻳﺎﺯﻭﻝ ﺧﻴﺮ ﻭﺍﻧﺎ ﺩﺍﻳﺮ ﺍﻭﺻﻠﻚ ﻋﺸﺎﻥ ﺍﻋﺮﻑ ﺣﺼﻞ ﺷﻨﻮ ﻓﻲ ﺧﻄﻮﺑﺘﻚ ﻭﻛﻤﺎﻥ ﻋﺸﺎﻥ ﻧﺎﺱ ﺣﻠﺘﻜﻢ ﻓﺎﻫﻤﻴﻦ ﺍﻧﻮ ﺍﻟﻌﺮﺑﻴﺔ ﺩﻱ ﺑﺘﺎﻋﺘﻚ ﻣﺎ ﺣﻠﻮﺓ ﺗﻤﺶ ﺑﺎﻟﻤﻮﺍﺻﻼﺕ
ﻭﺩ ﺍﻟﺴﺖ ﻛﻠﻤﺔ ﻣﺎ ﻗﺎﻟﻬﺎ ﻭﺭﻛﺒﻮﺍ ﻓﺎﺗﻮﺍ
ﻋﺒﺎﺱ ﺍﺗﻜﻴﻒ ﻟﻤﻦ ﺟﺪﻭ ﺍﺑﺮﺍﻫﻴﻢ ﻗﺎﻝ ﻟﻴﻬﻮ ﺍﻟﻜﺮﺍﺏ ﺭﻓﺾ ﻳﺪﻱ ﺑﺘﻮ ﻟﻮﺩ ﺍﻟﺴﺖ
ﻭﺩ ﺍﻟﺴﺖ ﺩﺍﻳﺮ ﻳﻄﺮﺷﻖ ﻣﻦ ﺍﻟﺰﻋﻞ ﻟﻤﻦ ﻭﺻﻞ ﺍﻟﺤﻠﺔ ﻭﻋﺮﻑ ﻭﺳﺎﻕ ﺑﻜﺴﻲ ﺍﻟﺰﻳﻦ ﺍﺧﺪ ﻟﻴﻬﻮ ﺑﻴﻬﻮ ﻛﻢ ﻟﻔﺔ ﻭﻓﺎﺕ ﺑﻴﻬﻮ ﻟﺤﺎﺝ ﺍﺑﺮﺍﻫﻴﻢ ﻭﻟﻘﻰ ﻋﺒﺎﺱ ﻣﻌﺎﻫﻮ ﻭﺳﻠﻢ ﻋﻠﻲ ﻋﺒﺎﺱ ﺳﻼﻡ ﺑﺎﺭﺩ ﻭﻳﺸﻴﻞ ﻭﻳﻜﺸﻜﺶ ﻓﻲ ﺍﻟﻤﻔﺘﺎﺡ ﻭﻋﻤﻞ ﻓﻴﻬﺎ ﻣﺎ ﻣﻬﺘﻢ ﻟﻤﻦ ﺣﺎﺝ ﺍﺑﺮﺍﻫﻴﻢ ﻭﺭﺍﻫﻮ ﺍﻟﺤﺼﻞ ﻗﺎﻝ ﻟﻴﻬﻮ ﻣﺎ ﻣﺸﻜﻠﺔ ﻫﻢ ﺍﻟﺨﺴﺮﺍﻧﻴﻦ ﻭﻣﺮﻕ
ﻋﺒﺎﺱ ﻗﺎﻝ ﻻﺑﻮﻫﻮ ﻋﺎﻥ ﺍﻟﻌﻔﻴﻦ
ﺍﺑﻮﻫﻮ ﻭﺟﺪﻭ ﻗﻌﺪﻭﺍ ﻳﻀﺤﻜﻮﺍ
ﻭﺩﺍﻟﺴﺖ ﻭﺻﻞ ﺍﻟﺒﻴﺖ ﻭﻗﺎﻝ ﻟﻠﺰﻳﻦ ﻗﻮﻡ ﻭﺭﺡ ﺍﻧﺎ ﺭﺍﺟﻊ ﻣﻌﺎﻙ
ﺍﻟﺰﻳﻦ ﻭﺩﻉ ﺣﺎﺟﺔ ﺍﻟﺴﺖ ﻋﺸﺎﻥ ﻣﺎﻓﻲ ﺣﺎﺟﺔ ﺑﺘﺠﻴﺒﻮ ﻟﻴﻬﻢ ﺗﺎﻧﻲ ﻭﺍﺩﺍﻫﺎ ﻋﺸﺮﺓ ﺍﻟﻒ ﻭﻓﺎﺗﻮﺍ
ﻭﺍﻟﺰﻳﻦ ﺍﺗﺄﻛﺪ ﺗﺐ ﺍﻧﻮ ﻭﺩ ﺍﻟﺴﺖ ﺩﺍ ﺯﻭﻝ ﻃﻴﺮﺓ ﺳﺎﻱ ﻭﺍﻛﺒﺮ ﺟﺎﻫﻞ
ﻳﺘﺒﻊ