ﺳﺎﺧﺮ ﺳﺒﻴﻞ
ﺍﻟﻔﺎﺗﺢ ﺟﺒﺮﺍ
ﻣﻦ ﺃﺭﺷﻴﻒ ﺍﻟﻔﺴﺎﺩ ‏( 12 ‏)
‏( ﻟﻜﻲ ﻻ ﻧﻨﺴﻰ ‏)
ﺇﺳﻢ ﺍﻟﻤﻘﺎﻝ : ﻣﺴﺘﻌﺠﻠﻴﻦ ﻟﻴﻪ؟
ﺗﺎﺭﻳﺦ ﺍﻟﻨﺸﺮ : 30 ﻳﻮﻟﻴﻮ 2015
ﻓﻲ ﻋﺎﻡ 2011 ﺇﻛﺘﺸﻔﺖ ﻭﺯﺍﺭﺓ ﺍﻟﺸﺒﺎﺏ ﻭﺍﻟﺮﻳﺎﺿﺔ ﻭﺟﻮﺩ ﻣﺒﺎﻥ ﻻ ﺗﻤﺖ ﻟﺨﺎﺭﻃﺔ ﺍﻟﻤﺪﻳﻨﺔ ﺍﻟﺮﻳﺎﺿﻴﺔ ﺍﻟﺘﻰ ﻻ ﺯﺍﻟﺖ ﺗﺤﺖ ﺍﻟﺘﺸﻴﻴﺪ ﺑﺼﻠﺔ ﻭﻋﻨﺪﻣﺎ ﻗﺎﻣﺖ ﺍﻟﻮﺯﺍﺭﺓ ﺑﺤﺼﺮ ﻫﺬﻩ ﺍﻟﻤﺴﺎﺣﺎﺕ ﺍﻟﺘﻰ ﺗﻢ ‏( ﺑﻴﻌﻬﺎ ‏) ﻭﺍﻟﺘﻰ ﺧﺼﺼﺖ ﻷﻏﺮﺍﺽ ﻏﻴﺮ ﺭﻳﺎﺿﻴﺔ ‏( ﻓﻠﻞ ، ﻣﺤﻼﺕ ﺇﻟﺦ ‏) ﻭﺟﺪﻭﺍ ﺃﻥ ﻣﺴﺎﺣﺘﻬﺎ ﺗﺒﻠﻎ ﻧﺤﻮ ‏( ﻣﻠﻴﻮﻥ ‏) ﻣﺘﺮ ﻣﺮﺑﻊ ﻭﺗﺤﺪﻳﺪﺍً ‏( 941.415 ‏) ﻣﺘﺮ ﻣﺮﺑﻊ ﻋﻠﻤﺎً ﺑﺄﻥ ﺇﺟﻤﺎﻟﻲ ﻣﺴﺎﺣﺔ ﺍﻟﻤﺪﻳﻨﺔ ﻫﻮ ﻣﻠﻴﻮﻥ ﻭ 488 ﺃﻟﻒ ﻭ 144 ﻣﺘﺮﺍً ﻣﺮﺑﻌﺎً ‏( ﻳﻌﻨﻰ ﺑﺎﻋﻮﺍ ﺗﻠﺘﻴﻦ ﺍﻟﻤﺪﻳﻨﺔ ﻭﺧﻠﻮ ﺗﻠﺖ !(
ﻭﻟﻌﻠﻢ ﺍﻟﺴﺎﺩﺓ ﺍﻟﻘﺮﺍﺀ ﺃﻥ ﺍﻟﻤﺪﻳﻨﺔ ﺍﻟﺮﻳﺎﺿﻴﺔ ﻗﺪ ﺗﻢ ﺗﺨﺼﻴﺺ ﺍﻷﺭﺽ ﻟﻬﺎ ﻭﺑﺎﻟﻤﺴﺎﺣﺔ ﺃﻋﻼﻩ ﺑﻘﺮﺍﺭ ﻣﻦ ﺭﺋﻴﺲ ﺍﻟﺠﻤﻬﻮﺭﻳﺔ ﺷﺨﺼﻴﺎً ﻳﺤﻤﻞ ﺍﻟﺮﻗﻢ 45 ﺑﺘﺎﺭﻳﺦ 4 ﻳﻨﺎﻳﺮ 1991 ، ﻃﺒﻌﺎ ﺍﻟﻘﺼﺔ ﺩﻯ ﻣﺎ ﻣﻤﻜﻦ ﺗﺤﺼﻞ ﻓﻰ ﺃﻯ ‏( ﻧﻈﺎﻡ ﻓﻲ ﺍﻟﺪﻧﻴﺎ ‏) .. ﺭﺋﻴﺲ ﺟﻤﻬﻮﺭﻳﺔ ﻳﺼﺪﺭ ﻗﺮﺍﺭ ﺑﺈﻧﺸﺎﺀ ﻣﺪﻳﻨﺔ ﺭﻳﺎﺿﻴﻪ .. ﻭﻳﻘﻮﻡ ﺍﻟﻤﻬﻨﺪﺳﻮﻥ ﻭﺍﻟﻤﺴﺎﺣﻮﻥ ﻳﻤﺸﻮﺍ ﻳﻤﺴﺤﻮﺍ ‏( ﺍﻟﺤﺘﺔ ‏) ﻭﻳﺤﺪﺩﻭﺍ ﺍﻷﺑﻌﺎﺩ ‏( ﺑﺘﺎﻋﺘﺎ ‏) ﻭﻳﺤﺪﺩﻭﺍ ‏( ﺍﻟﻤﺴﺎﺣﺔ ﺑﺘﺎﻋﺘﺎ ‏) ﻭﻳﻌﻤﻠﻮﺍ ﻟﻴﻬﺎ ‏( ﻛﺮﻭﻛﻰ ‏) ﻳﻮﺿﺢ ﺟﻴﺮﺍﻥ ﺍﻟﻤﺪﻳﻨﺔ ﺑﺎﻟﺠﻬﺎﺕ ﺍﻷﺭﺑﻌﺔ .. ﻭﻳﺴﺠﻠﻮﻫﺎ ﻓﻰ ﺍﻷﺭﺍﺿﻰ ، ﻭﺍﻟﻤﻌﻤﺎﺭﻳﻴﻦ ﻳﻘﻌﺪﻭﺍ ﻳﻌﻤﻠﻮﺍ ﻟﻴﻬﺎ ‏( ﺧﺮﻳﻄﺔ ‏) .. ﺍﻟﻤﻼﻋﺐ ﺑﻲ ﺟﺎﻯ .. ﻭ ‏( ﺍﻟﻤﺴﺎﺑﺢ ‏) ﺑﻰ ﻫﻨﺎ ﻭ‏( ﺍﻟﻤﺘﻔﺮﺟﻴﻦ ‏) ﺑﻲ ﻫﻨﺎﻙ ﻭ ‏( ﺍﻟﻤﻀﻤﺎﺭ ‏) ﺑﻲ ﺟﺎﻱ .. ﻭﺍﻟﺸﻨﻮ ﻣﺎ ﺑﻌﺮﻑ ﺑﻲ ﻫﻨﺎ .. ﻭﻳﺘﻌﺎﻗﺪﻭﺍ ﻣﻊ ﺷﺮﻛﺔ ﻭﻳﺪﻭﻫﺎ ﺍﻟﺨﺮﻳﻄﻪ ﻟﻠﺘﻨﻔﻴﺬ ﻭﺍﻟﺸﺮﻛﺔ ﺗﺒﺪﺃ ﺍﻟﺸﻐﻞ … ﻭﺑﻌﺪﻳﻦ ﻭﺯﺍﺭﺓ ﺍﻟﺸﺒﺎﺏ ﻭﺍﻟﺮﻳﺎﺿﺔ ﺍﻟﺘﻰ ﻳﺘﺒﻊ ﻟﻬﺎ ﻫﺬﺍ ﺍﻟﻤﺸﺮﻭﻉ ﺗﻔﺎﺟﺄ ﺑﺄﻥ ‏( ﺗﻠﺘﻴﻦ ﺍﻟﻤﺪﻳﻨﺔ ‏) ﺇﺗﺒﺎﻉ !!
ﻟﻌﻠﻜﻢ ﺃﻋﺰﺍﺋﻲ ﺍﻟﻘﺮﺍﺀ ‏( ﺇﺳﺘﻐﺮﺷﺘﻢ ‏) ﻭﻃﺮﺃﺕ ﻋﻠﻰ ﺃﺩﻣﻐﺘﻜﻢ ﻫﺬﻩ ﺍﻷﺳﺌﻠﺔ : ‏( ﺍﻟﺒﻴﻊ ﺩﻩ ﺣﺼﻞ ﻛﻴﻒ ‏) ؟ ﻣﺼﻠﺤﺔ ﺍﻷﺭﺍﺿﻰ ﺩﻯ ﺑﺘﺒﻴﻊ ﻭﺑﺘﺴﺠﻞ ﺳﺎﺍﺍﻛﺖ؟ ﻣﺶ ﺍﻟﺴﺠﻞ ﺍﻟﻔﻲ ﺍﻷﺭﺍﺿﻲ ﻣﻜﺘﻮﺏ ﻋﻠﻴﻬﻮ ﺇﻧﻮ ﺩﻱ ﻣﺪﻳﻨﺔ ﺭﻳﺎﺿﻴﺔ ؟
ﺍﻟﻌﺒﺪ ﻟﻠﻪ ﻻ ﻣﺴﺘﻐﺮﺵ ﻭﻟﻼ ﺣﺎﺟﺔ .. ﺷﻨﻮ ﻳﻌﻨﻰ ﻟﻤﻦ ‏( ﺍﻟﻤﺴﺌﻮﻟﻴﻦ ‏) ﻳﺒﻴﻌﻮﺍ ‏( ﻭﺍﻃﺎﺕ ﻣﺪﻳﻨﺔ ﺭﻳﺎﺿﻴﺔ ‏) ؟ ﺩﻯ ﺣﺎﺟﺔ ﺻﻌﺒﻪ ؟ ﺍﻟﻮﺍﺣﺪ ﻳﻤﺸﻰ ﺍﻷﺭﺍﺿﻰ ﻭﻳﻘﻮﻝ ﻟﻴﻬﻢ ﺃﻧﺎ ﻋﺎﻭﺯ ﻟﻴﺎ ﻗﻄﻌﻪ ﻓﻰ ‏( ﺍﻟﻤﺪﻳﻨﺔ ﺍﻟﺮﻳﺎﺿﻴﺔ ‏) ﻳﻘﻮﻡ ﺍﻟﻤﻬﻨﺪﺱ ﺍﻟﻤﺴﺆﻭﻝ ﻳﻄﻠﻊ ﺍﻟﺨﺮﻳﻄﻪ ﺑﺘﺎﻋﺖ ﺍﻟﻤﺪﻳﻨﺔ ﻭﻳﺴﺄﻟﻮ :
– ﺃﻫﺎ ﺍﻟﻘﻄﻌﻪ ﺩﻯ ﻋﺎﻭﺯﺍ ﻓﻰ ﻳﺎﺗﻮ ﻣﻮﻗﻊ ؟ ﻓﻲ ﻣﻴﺪﺍﻥ ‏( ﺍﻟﺒﺎﺳﻜﺖ ﻭﺍﻟﻄﺎﺋﺮﺓ ‏) ﻭﻟﻼ ‏( ﺃﺣﻮﺍﺽ ﺍﻟﺴﺒﺎﺣﺔ ‏) ؟
– ﻻ ﻻ ﻓﻲ ﻣﻴﺪﺍﻥ ﺍﻟﻜﻮﺭﺓ ﺃﺣﺴﻦ !
- ‏( ﻭﻫﻮ ﻳﻨﻈﺮ ﺇﻟﻲ ﺍﻟﺨﺮﻳﻄﺔ ‏) : ﺃﻫﺎ ﻧﺪﻳﻚ ﻟﻴﻬﺎ ﻓﻰ ‏( ﺩﺍﺋﺮﺓ ﺍﻟﺴﻨﺘﺮ ‏) ﻭﻟﻼ ﻓﻲ ﺧﻂ ‏( ﻃﻤﻨﺘﺎﺷﺮ ‏) ؟
– ﻭﺍﻟﻠﻪ ﻳﺎﺧﻰ ﻟﻮ ﻟﻘﻴﺖ ﻟﻴﺎ ﻭﺍﺣﺪﻩ ﻓﻲ ‏( ﺧﻂ ﺳﺘﻪ ‏) ﻳﻜﻮﻥ ﻛﻮﻳﺲ
– ﻣﻌﻠﻴﺶ ﺍﻟﻘﻄﻊ ﺑﺘﺎﻋﺖ ‏( ﺧﻂ ﺳﺘﻪ ‏) ﺩﻯ ﻛﻮﻭﻭﻟﻬﺎ ﺇﺗﺒﺎﻋﺖ ﻋﺸﺎﻥ ﺍﻟﻨﺎﺱ ﻛﻮﻭﻭﻟﻬﺎ ﻋﺎﻭﺯﻩ ﺗﻜﻮﻥ ﻗﺮﻳﺒﻪ ﻣﻦ ﺍﻟﻘﻮﻥ !
– ﻭﺑﻌﺪﻳﻦ؟
– ﻣﺎ ﻣﺸﻜﻠﺔ ﻣﻤﻜﻦ ﻧﺸﻮﻑ ﻟﻴﻚ ﻭﺍﺣﺪﻩ ‏( ﻧﺎﺻﻴﺔ ‏) ﻓﻰ ﺧﻂ ﺍﻟﺘﻤﺎﺱ ‏( ﻣﻮﺍﺻﻼً ‏) ﺇﻧﺘﺎ ﺍﻟﻘﻄﻌﻪ ﺩﻯ ﻋﺎﻭﺯﺍ ﺳﻜﻨﻴﺔ ﻭﻟﻼ ﺇﺳﺘﺜﻤﺎﺭﻳﺔ؟
– ﻋﺎﻭﺯﺍ ﺇﺳﺘﺜﻤﺎﺭﻳﺔ !
– ﻭﻋﺎﻭﺯ ﺗﻌﻤﻞ ﻓﻴﻬﺎ ﻣﺸﺮﻭﻉ ﺷﻨﻮ؟
– ﻭﺍﻟﻠﻪ ﻋﺎﻭﺯ ﺃﻋﻤﻞ ﻓﻴﻬﺎ ﻣﻄﻌﻢ ﺳﻴﺎﺣﻰ
– ﻃﻴﺐ ‏( ﺧﻂ ﺍﻟﺘﻤﺎﺱ ‏) ﺩﻩ ﺡ ﻳﻜﻮﻥ ﻛﻮﻳﺲ ﻣﻌﺎﻙ ؟ ﺃﻯ ﻻﻋﺐ ﺍﻟﻜﻮﺭﺓ ﺗﻄﻠﻊ ﻣﻦ ﺧﺼﻤﻮ ‏( ﺭﻣﻴﺔ ﺗﻤﺎﺱ ‏) ﻳﺨﺶ ‏( ﺍﻟﻤﺤﻞ ‏) ﻳﻀﺮﺏ ﻟﻴﻬﻮ ‏( ﺑﻴﺮﻗﺮ ‏) ﻭﻛﺒﺎﻳﺔ ﻋﺼﻴﺮ ﻭﻳﻄﻠﻊ ﻳﺮﻣﻴﻬﺎ ﻳﻮﺻﻼ ﺍﻟﻘﻮﻥ ﺍﻟﺘﺎﻧﻲ
‏( ﻗﺒﻞ ﺃﻥ ﺗﺘﺎﺑﻊ ﺍﻟﻤﻘﺎﻝ ﻟﻮ ﻋﻨﺪﻙ ﺣﺒﻮﺏ ﻗﻮﻡ ﺃﺑﻠﻌﺎ ‏) .. ﺍﻟﺴﺆﺍﻝ ﺍﻟﺒﻔﺮﺽ ﻧﻔﺴﻮ ﻫﻮ ﺃﻳﻦ ﻭﺯﺍﺭﺓ ﺍﻟﺘﺨﻄﻴﻂ ﺍﻟﻌﻤﺮﺍﻧﻲ ﺍﻟﻮﻻﺋﻴﺔ ﻣﻦ ﻫﺬﺍ ‏( ﺍﻟﻌﺒﺚ ‏) ؟ ﻭﻣﺎ ﻫﻮ ﺩﻭﺭﻫﺎ ﻓﻰ ﺇﻳﻘﺎﻑ ﻫﺬﻩ ‏( ﺍﻟﺨﺮﻣﺠﺔ ‏) ؟ ﻭﻟﻺﺟﺎﺑﻪ ﻋﻠﻲ ﻫﺬﺍ ﺍﻟﺴﺆﺍﻝ ‏( ﺧﻠﻲ ﺃﻋﺼﺎﺑﻚ ﻗﻮﻳﻪ ‏) ﻧﻘﻮﻝ ﺃﻥ ﻭﺯﺍﺭﺓ ﺍﻟﺘﺨﻄﻴﻂ ﺍﻟﻌﻤﺮﺍﻧﻲ ﺍﻟﻮﻻﺋﻴﺔ ‏( ﺫﺍﺕ ﻧﻔﺴﻬﺎ ‏) ﻗﺪ ﺷﺎﺭﻛﺖ ‏( ﺗﻘﻮﻝ ﻟﻴﺎ ﺷﻨﻮ ‏) ﻓﻰ ﻫﺬﻩ ‏( ﺍﻟﻤﻮﻟﺪ ‏) ﻭﺫﻟﻚ ﻋﻦ ﻃﺮﻳﻖ ﺍﻻﺳﺘﻴﻼﺀ ﻋﻠﻰ 999 ﻗﻄﻌﺔ ﺑﻤﺴﺎﺣﺔ ﺗﻘﺪﺭ ﺑﺤﻮﺍﻟﻰ 513 ﺃﻟﻒ ﻣﺘﺮ ﻣﺮﺑﻊ ﺑﺜﻼﺙ ﻣﻮﺍﻗﻊ ﻣﺨﺘﻠﻔﺔ ﻣﻦ ﺍﻟﻤﺪﻳﻨﺔ ﺍﻟﺮﻳﺎﺿﻴﺔ … ‏( ﺷﻔﺘﻮ ﺍﻟﻜﻼﻡ ﺩﻩ ﻛﻴﻒ؟
ﺍﻟﺸﺊ ﺍﻟﺬﻱ ﺩﻓﻊ ﺍﻟﻌﺒﺪ ﻟﻠﻪ ﻟﻜﺘﺎﺑﺔ ﻫﺬﺍ ﺍﻟﻤﻘﺎﻝ ﺧﺒﺮ ﺟﺎﺀ ﺑﺼﺤﻴﻔﺔ ‏( ﺍﻟﺼﻴﺤﺔ ‏) ﺑﻌﺪﺩ ﺍﻷﻣﺲ ﺍﻷﺭﺑﻌﺎﺀ ﺍﻟﻤﻮﺍﻓﻖ 29 ﻳﻮﻟﻴﻮ 2015 ﺑﻌﻨﻮﺍﻥ ‏( ﻟﺠﻨﺔ ﺑﺮﻟﻤﺎﻧﻴﺔ : ﻓﺴﺎﺩ ﺍﻟﻤﺪﻳﻨﺔ ﺍﻟﺮﻳﺎﺿﻴﺔ ﻻ ﺗﺨﻄﺌﻪ ﺍﻟﻌﻴﻦ ‏) ، ﺑﻌﺪ ﺃﺃﻛﺜﺮ ﻣﻦ ﺃﺭﺑﻊ ﺳﻨﻮﺍﺕ ﻳﺄﺗﻲ ﺍﻟﺒﺮﻟﻤﺎﻥ ﻣﻤﺜﻼً ﻓﻲ ﺭﺋﻴﺲ ﻟﺠﻨﺔ ﺍﻹﻋﻼﻡ ﺍﻟﻔﺮﻋﻴﺔ ﺍﻷﺳﺘﺎﺫ ؟ ﻣﺤﻤﺪ ﺍﻟﻤﻌﺘﺼﻢ ﺣﺎﻛﻢ ﻟﻴﺼﺮﺡ ﺑﻮﺟﻮﺩ ﻓﺴﺎﺩ ﻛﺒﻴﺮ ﻓﻲ ﻣﻠﻒ ﺍﻟﻤﺪﻳﻨﺔ ﺍﻟﺮﻳﺎﺿﻴﺔ !! ﻳﻌﻨﻲ ﺍﻟﻤﻠﻒ ﻗﺎﻋﺪ ﻗﺮﺍﺑﺔ ﺍﻟﺨﻤﺲ ﺳﻨﻴﻦ ﻣﻨﺬ ﺃﻥ ﺗﻢ ﻓﺘﺤﻪ ﺑﻮﺍﺳﻄﺔ ﻭﺯﺍﺭﺓ ﺍﻟﺸﺒﺎﺏ ﻭﺍﻟﺮﻳﺎﺿﺔ ﻭﺍﻟﻔﺴﺎﺩ ‏( ﺭﻳﺤﺘﻮ ﺿﺎﺭﺑﺔ ‏) ﻭﻣﺎﻓﻲ ﺯﻭﻝ ﻋﻤﻞ ﻓﻴﻬﻮ ﺣﺎﺟﺔ، ﻭﻳﺎ ﺩﻭﻭﻭﺏ ‏( ﺍﻟﺒﺮﻟﻤﺎﻥ ‏) ﻋﺎﻭﺯ ﻳﻔﺘﺤﻮ .. ‏( ﻣﺴﺘﻌﺠﻠﻴﻦ ﻟﻴﻪ ﻳﺎﺍﺍﺥ ﺧﻠﻮﻫﻮ ﻛﻤﺎﻥ ﺧﻤﺴﺔ ﺳﺘﺔ ﺳﻨﻴﻦ ﺗﺎﺍﺍﻧﻲ ‏)
ﻛﺴﺮﺓ :
ﺇﻗﺘﺮﺡ ﺑﻌﺾ ‏( ﺍﻟﻤﺴﺆﻭﻟﻴﻦ ‏) ﺇﻧﺸﺎﺀ ﻣﺪﻳﻨﺔ ﺭﻳﺎﺿﻴﺔ ﺑﺪﻳﻠﻪ ﻓﻰ ﻣﻜﺎﻥ ﺁﺧﺮ .. ﺍﻟﻌﺒﺪﻟﻠﻪ ﻳﻘﺘﺮﺡ ﻋﻠﻲ ﺍﻟﺴﻴﺪ ﺭﺋﻴﺲ ﺍﻟﺠﻤﻬﻮﺭﻳﺔ ﻋﻨﺪ ﺇﺻﺪﺍﺭﻩ ﻟﻘﺮﺍﺭﻩ ﺍﻟﻘﺎﺩﻡ ﺑﺈﻧﺸﺎﺀ ﺍﻟﻤﺪﻳﻨﺔ ﺍﻟﺮﻳﺎﺿﻴﺔ ‏( ﺍﻟﺒﺪﻝ ﻓﺎﻗﺪ ‏) ﻭﻋﺸﺎﻥ ﻣﺎ ‏( ﻧﺨﺶ ﺍﻟﻔﻠﻢ ﺩﻩ ﺗﺎﻧﻲ ‏) ﺃﻥ ﻳﺸﺘﻤﻞ ‏( ﺍﻟﻘﺮﺍﺭ ﺍﻟﺠﻤﻬﻮﺭﻯ ‏) ﻋﻠﻰ ﻣﺴﺎﺣﺔ ﺍﻟﻤﺪﻳﻨﺔ ﺍﻟﺠﺪﻳﺪﺓ ﺯﺍﺋﺪﺍً ﻣﺴﺎﺣﺔ ﺍﻷﺭﺍﺿﻰ ﺍﻟﺘﻰ ﺳﻮﻑ ﻳﺘﻢ ﺍﻹﻋﺘﺪﺍﺀ ﻋﻠﻴﻬﺎ !!
ﻛﺴﺮﺍﺕ ﺛﺎﺑﺘﺔ :
• ﺃﺧﺒﺎﺭ ﺍﻟﺨﻤﺴﺔ ﻣﻠﻴﻮﻥ ﺩﻭﻻﺭ ﺍﻟﺘﻲ ﻗﺎﻝ ﺍﻟﺒﺸﻴﺮ ﺃﻧﻪ ﺳﻠﻤﻬﺎ ﻟﻌﺒﺪﺍﻟﺤﻲ ﺷﻨﻮﻭﻭ؟
• ﺃﺧﺒﺎﺭ ﺍﻟﻘﺼﺎﺹ ﻣﻦ ﻣﻨﻔﺬﻱ ﻣﺠﺰﺭﺓ ﺍﻟﻘﻴﺎﺩﺓ ﺷﻨﻮ ‏( ﻭ ‏) ؟
• ﺃﺧﺒﺎﺭ ﻣﻠﻒ ﻫﻴﺜﺮﻭ ﺷﻨﻮﻭﻭﻭﻭ؟ ﻓﻠﻴﺴﺘﻌﺪ ﺍﻟﻠﺼﻮﺹ