ﻓﻲ ﺍﻟﺴﻠﻚ
ﺑﺎﺑﻜﺮﺳﻠﻚ
ﻓﻀﺎﺋﻴﺔ ﻣﻤﻴﺘﺔ
< ﻛﺸﻔﺖ ﺍﻟﺜﻮﺭﺓ ﺍﻟﺸﺎﺑﺔ ﻋﻦ ﺗﺨﺮﻳﻔﺎﺕ ﻛﻬﻮﻝ ﻋﺠﻴﺒﺔ
< ﺗﺨﻴﻞ ﻳﺎ ﺍﺧﻲ ﺍﻟﺤﺒﻴﺐ
< ﻓﻀﺎﺋﻴﺔ ﺗﺴﺒﺢ ﻓﻲ ﺍﻟﻔﻀﺎﺀﺍﺕ ﺍﻻﻋﻼﻣﻴﺔ ﻭﺗﺼﻞ ﺟﻞ ﺍﻟﻌﺎﻟﻢ
< ﺗﻔﺮﺩ ﺍﺟﻨﺤﺔ ﺷﺎﺷﺘﻬﺎ ﻻﺳﻘﺎﻃﺎﺕ ﻣﺨﺠﻠﺔ ﻭﺑﺒﺠﺎﺣﺔ ﻣﺘﻨﺎﻫﻴﺔ ﻭﻗﻮﺓ ﻋﻴﻦ ﻻﺗﻌﺮﻑ ﺍﻟﺤﻴﺎﺀ
< ﺍﺧﻲ ﺍﻟﻜﺮﻳﻢ
< ﺛﻮﺭﺗﻨﺎ ﺍﻟﺸﺎﺑﺔ ﻭﺻﻠﺖ ﻟﻜﻞ ﺍﻟﻌﺎﻟﻢ ﺑﺮﻏﻢ ﻣﻮﺍﻗﻒ ﺍﻻﻋﻼﻡ ﺍﻟﻤﺮﺋﻲ ﺍﻟﺪﺍﺧﻠﻲ ﻭﻗﺼﻮﺭ ﺍﻻﻋﻼﻡ ﺍﻟﻌﺎﻟﻤﻲ ﻓﻲ ﺑﺪﺍﻳﺎﺗﻬﺎ
< ﺛﻮﺭﺓ ﺍﻧﺘﺸﺮﺕ ﻭﻧﺸﺮﺕ ﻧﻔﺴﻬﺎ ﺑﺎﻳﺪﻫﺎ ﻭﺷﺪﻳﺪﻫﺎ
< ﻻﻧﻬﺎ ﻣﺎ ﻛﺎﻧﺖ ﺛﻮﺭﺓ ﺳﻴﺎﺳﺔ ﺑﻘﺪﺭﻣﺎ ﻛﺎﻧﺖ ﺛﻮﺭﺓ ﻋﻠﻰ ﺍﻻﺧﻼﻕ
< ﻭﻟﻜﻦ ﺍﺧﻲ ﺍﻟﻜﺮﻳﻢ
< ﻳﺼﺮ ﺍﻟﺒﻌﺾ ﻋﻠﻰ ﺍﻟﺘﻤﺴﻚ ﺑﺘﻠﻚ ﺍﻻﺧﻼﻕ ﺍﻟﺴﺎﻗﻄﺔ ﺍﻟﺘﻲ ﻗﺎﻣﺖ ﻻﺟﻞ ﺍﺑﺎﺩﺗﻬﺎ ﺍﻟﺜﻮﺭﺓ
< ﺛﻮﺭﺓ ﻻﺗﻌﺮﻑ ﺍﻟﻜﺬﺏ
< ﻭﻟﻜﻨﻬﺎ ﺗﺤﺎﺭﺏ ﺍﻟﻜﺬﺏ ﻭﺍﻟﺘﻠﻔﻴﻖ ﻭﺍﻟﺘﻠﺘﻴﻖ
< ﺛﻮﺭﺓ ﺍﺩﻫﺸﺖ ﺍﻟﻌﺎﻟﻢ ﺑﺴﻠﻤﻴﺘﻬﺎ ﺭﻏﻢ ﻭﺣﺸﻴﺔ ﻣﺤﺎﻭﻻﺕ ﻗﻤﻌﻬﺎ
< ﺛﻮﺭﺓ ﺃﻟﺠﻤﺖ ﺍﻟﺨﻮﻧﺔ ﺣﺠﺮﺍً ﻓﻲ ﺣﻼﻗﻴﻢ ﻛﺬﺑﻬﻢ ﺍﻟﻐﺮﻳﻘﺔ ﺍﻟﺘﻲ ﻳﻜﺬﺑﻮﻥ ﻣﻦ ﺧﻼﻟﻬﺎ ﻋﻠﻲ ﺍﻧﻔﺴﻬﻢ ﻭﻳﻌﺘﻘﺪﻭﻥ ﺍﻧﻬﻢ ﻳﺨﺪﻋﻮﻥ ﺍﻟﻨﺎﺱ ﻭﻣﺎ ﻳﺨﺎﺩﻋﻮﻥ ﺍﻻ ﺍﻧﻔﺴﻬﻢ
< ﺛﻮﺍﺭ ﺍﺣﺮﺍﺭ ﺷﺒﺎﺏ ﺍﺻﺤﺎﺏ ﻗﻴﻢ ﻭﺍﺧﻼﻕ ﻭﻭﻻﺀ ﻟﻠﻤﻮﺍﻃﻦ ﻭﺍﻟﻮﻃﻦ
< ﻗﺪﻣﻮﺍ ﺍﻻﺭﻭﺍﺡ ﻓﺪﺍﺀ ﻟﻠﺜﻮﺭﺓ ﻭﺑﺪﻟﻮﺍ ﺍﻻﻓﺮﺍﺡ ﺍﺗﺮﺍﺣﺎً ﻻﺟﻞ ﺍﻟﻮﻃﻦ ﺍﻟﺤﺰﻳﻦ
< ﻓﻴﻬﻢ ﻣﻦ ﺧﺮﺝ ﻣﻦ ﺍﻟﺜﻮﺭﺓ ﺑﻌﺎﻫﺔ ﺩﺍﺋﻤﺔ
< ﻭﻓﻴﻬﻢ ﻣﻦ ﻳﻌﺎﻧﻲ ﻧﺰﻑ ﺍﻟﺠﺮﺍﺡ ﻭﺍﻵﻻﻡ ﺣﺘﻰ ﻛﺘﺎﺑﺔ ﻫﺬﻩ ﺍﻻﺳﻄﺮ
< ﻭﺑﻌﺪ ﺩﻩ ﻛﻠﻮ ﺗﻄﻞ ﻋﻠﻴﻨﺎ ﺗﻠﻚ ﺍﻟﻔﻀﺎﺋﻴﺔ ﺍﻟﻘﺒﻴﺤﺔ ﺧﻠﻘﺔ ﻭﺍﺧﻼﻕ
< ﻟﺘﺼﻒ ﺍﻟﺜﻮﺍﺭ ﻭﺍﻟﻜﻨﺪﺍﻛﺎﺕ ﺑﺎﻟﺰﻧﺎﺓ ﻭﺍﻟﺴﻜﺎﺭﻯ ﻭﺍﻟﺨﺎﺭﺷﻴﻦ ﻭﺍﻟﻤﺴﺎﻃﻴﻞ
< ﺑﺮﺑﻜﻢ ﺍﻻ ﺗﺴﺘﺤﻖ ﺗﻠﻚ ﺍﻟﺸﺎﺷﺔ ﺍﻟﻤﺤﺎﺳﺒﺔ ﻗﺒﻞ ﺍﻟﻤﻘﺎﻃﻌﺔ ﺍﻻﺑﺪﻳﺔ؟؟؟
< ﺍﻵﻥ ﻓﻘﻂ ﻋﺮﻓﺖ ﻟﻤﺎﺫﺍ ﻫﻲ ﻓﺎﺷﻠﺔ ﺍﺻﻼً ﻭﻣﻘﺎﻃﻌﺔ ﺣﺘﻰ ﻣﻦ ﻗﺒﻞ ﺍﻟﺜﻮﺭﺓ
< ﻓﻀﺎﺋﻴﺔ ﻳﺠﺐ ﻣﺴﺢ ﺗﺮﺩﺩﻫﺎ ﻣﻦ ﻛﻞ ﺍﻻﺟﻬﺰﺓ ﻭﺍﻟﻰ ﺍﻻﺑﺪ
< ﻗﺮﻑ ﻳﻘﺮﻓﻜﻢ
< ﺣﺘﻰ ﺍﻟﺜﻮﺭﺓ ﻋﻠﻰ ﺍﻻﺧﻼﻕ ﻣﺎﺧﺠﻠﺘﻜﻢ ﻣﻦ ﺍﺧﻼﻗﻜﻢ ﺍﻟﻘﺒﻴﺤﺔ؟؟؟؟
< ﺍﻟﻤﻬﻢ
< ﻫﻼﻻﺑﻲ ﻗﺎﻝ ﻟﻲ ﻋﻨﺪﻧﺎ ﺳﺘﺔ ﻛﻮﺭ ﺩﻗﺖ ﻓﻲ ﺍﻟﺤﺪﻳﺪﺓ
< ﻗﻠﺖ ﻟﻴﻬﻮ ﺍﻧﻪ ﻋﻬﺪ ﺍﻟﻌﺪﺍﻟﺔ ﺍﻟﻤﺎﺑﺸﺘﻐﻞ ﻓﻴﻬﻮ ﺗﺤﻜﻴﻢ ﻭﻻﺗﻨﺠﻴﻢ ﻭﻻ ﻣﺤﺎﺑﺎﺓ
< ﺣﺎﺗﻌﻴﺸﻮﺍ ﻃﻮﻳﻞ ﻭﺗﺎﺧﺪﻭﺍ ﻏﻴﺮﻫﺎ ﻛﺘﻴﺮ
< ﻓﺎﻟﺘﻨﺎﻓﺲ ﺑﺎﻟﻤﺆﺛﺮﺍﺕ ﻗﺪ ﻭﻟﻰ
< ﻭﺍﺧﺎﻑ ﻋﻠﻰ ﺍﻟﻬﻼﻝ ﻓﻲ ﻋﻬﺪ ﺍﻟﻌﺪﺍﻟﺔ ﻣﻦ ﺍﻟﻠﻌﺐ ﻓﻲ ﻣﺠﻤﻮﻋﺔ ﻛﻮﺳﺘﻲ ﺁﺧﺮ ﺍﻟﻤﻮﺳﻢ ﺍﻟﻤﻘﺒﻞ
< ﺍﻳﻬﺎ ﺍﻟﻨﺎﺱ
< ﺍﻟﻜﻬﺮﺑﺎﺀ ﻭﺭﺗﻨﺎ ﺍﻟﻄﻔﺎ ﺍﻟﻨﻮﺭ ﻣﻨﻮ
< ﻓﻜﺎﻥ ﺍﻟﻬﺘﺎﻑ ﺍﻟﻤﺰﻳﻒ ﺍﻟﺴﺪ ﺍﻟﺴﺪ
< ﻭﺟﺎﺀﺕ ﺍﻟﻘﻄﻮﻋﺎﺕ ﺍﻟﺮﺩ ﺍﻟﺮﺩ
< ﻓﻬﻞ ﻣﺎﻧﺪﻓﻌﺔ ﺛﻤﻨﺎً ﻟﻬﺬﻩ ﺍﻟﻘﻄﻮﻋﺎﺕ ﺳﻨﺤﺎﺳﺐ ﺑﻪ ﻣﻦ ﺃﺗﻰ ﺍﻟﻴﻨﺎ ﺑﺘﻠﻚ ﺍﻷﺟﻬﺰﺓ ﺍﻟﺒﺎﻟﻴﺔ
< ﺍﻡ ﻧﻜﺘﻔﻲ ﻓﻘﻂ ﺑﺎﻟﺪﻋﺎﺀ ﻋﻠﻴﻬﻢ ﻛﺎﻟﻌﺎﺩﺓ؟؟
< ﺍﻟﻤﻬﻢ
< ﺳﻤﻌﺖ ﺍﻧﻮ ﻭﺍﺣﺪ ﻣﻦ ﺍﻟﻨﺎﺱ ﺍﻟﺠﻮﺓ ﺍﻟﺠﻚ ﻃﻠﺐ ﺍﻟﺴﻤﺎﺡ ﻟﻪ ﺑﺰﻳﺎﺭﺓ ﻭﺍﻟﺪﺗﻪ
< ﻭﺍﻟﺪﺗﻚ ﺑﺎﻟﺘﺎ؟
< ﻳﺎﺥ ﺍﻧﺘﻮﺍ ﺣﺮﻣﺘﻮﺍ ﺍﻣﻬﺎﺕ ﻣﻦ ﺷﻮﻓﺔ ﺍﻭﻻﺩﻫﻦ ﻣﺪﻯ ﺍﻟﺤﻴﺎﺓ
< ﻳﺎﺥ ﺍﻧﺘﻮﺍ ﺣﺮﻣﺘﻮﺍ ﺷﺒﺎﺏ ﻣﻦ ﺷﻮﻓﺔ ﺍﻟﺪﻧﻴﺎ ﻣﺪﻯ ﺍﻟﺤﻴﺎﺓ
< ﻳﺎﺥ ﺍﻧﺘﻮﺍ ﺣﺮﻣﺘﻮﺍ ﺍﺳﺮ ﻣﻦ ﺍﻭﻻﺩﻫﺎ
< ﻭﺍﻭﻻﺩ ﻣﻦ ﺍﺳﺮﻫﻢ
< ﻳﺎﺥ ﺍﻧﺘﻮﺍ ﺣﺮﻣﺘﻮﺍ ﺍﻟﻨﺎﺱ ﻣﻦ ﻭﻃﻨﻨﻬﻢ
< ﻭﺣﺮﻣﺘﻮﺍ ﺍﻟﻮﻃﻦ ﻣﻦ ﻧﺎﺳﻮ
< ﺗﻘﻮﻝ ﻟﻲ ﺍﺷﻮﻑ ﺍﻣﻲ ؟
< ﻣﺎﻣﺎ ﻣﺎﻓﻲ ﺑﺒﺢ .. ﻓﻄﻤﻮﻙ ﻳﺎ ﺍﻟﺤﺒﻴﺐ
< ﺿﻮﻕ ﻓﻘﺪﺍﻥ ﺍﻟﺤﻠﻴﺐ
< ﻳﺎﺥ ﺍﻧﺘﻮﺍ ﺣﺮﻣﺘﻮﺍ ﺍﻟﺰﻭﻝ ﻣﻦ ﻣﺎﻫﻴﺘﻮ
< ﺗﻘﻮﻝ ﻟﻲ ﺍﻣﻲ .. ﺍﻟﺠﻤﻪ
< ﺍﻳﻬﺎ ﺍﻟﻨﺎﺱ
< ﺍﻟﻜﺎﺱ ﻛﺎﺳﻨﺎ
< ﻭﺍﻟﻔﻲ ﻛﺎﺱ ﻛﺎﺳﻨﺎ
< ﻭﻧﺤﻨﺎ ﺍﻫﻠﻮ ﻭﻧﺴﺘﺎﻫﻠﻮ
< ﺍﺧﻲ ﺍﻟﺤﺒﻴﺐ ﺍﻧﻬﺎ ﺛﻮﺭﺓ ﺍﺧﻼﻕ ﻭﻋﻠﻰ ﺍﻻﺧﻼﻕ
< ﺍﻟﻴﺎﺑﺎﻥ ﻣﺎ ﻓﻴﻬﺎ ﺩﻳﻦ
< ﻟﻜﻦ ﺍﺧﻼﻗﻬﺎ ﻋﺎﻟﻴﺔ
< ﻋﺸﺎﻥ ﻛﺪﻩ ﻣﺎﺑﻜﺬﺑﻮﺍ ﺑﺎﺳﻢ ﺍﻟﺪﻳﻦ
< ﻭﻻﺑﻜﺬﺑﻮﺍ ﺑﺎﺳﻢ ﻋﺪﻡ ﺍﻟﺪﻳﻦ
< ﺍﻳﻜﺬﺏ ﺍﻟﻤﺆﻣﻦ ﻳﺎﺭﺳﻮﻝ ﺍﻟﻠﻪ؟
< ﺍﻳﻬﺎ ﺍﻟﻨﺎﺱ
< ﺇﻥ ﺗﻨﺼﺮﻭﺍ ﺍﻟﻠـﻪ ﻳﻨﺼﺮﻛﻢ
< ﺍﻫﺎ
< ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
< ﺑﺎﻟﻘﻄﻮﻋﺎﺕ ﺍﻟﻜﺘﻴﺮﺓ ﺩﻱ
< ﻋﺮﻓﻨﺎ ﻣﻨﻮ ﺍﻟﻄﻔﺎ ﺍﻟﻨﻮﺭ ﻳﺎ ﻭﺍﻟﻴﻨﺎ
< ﻟﻜﻦ ﺍﻻﺯﻣﺎﺕ ﺍﻟﻔﻴﻨﺎ
< ﻧﺎﺱ ﺍﻟﺠﺎﺯ ﻭﺍﻟﻔﻠﺲ ﻭﺍﻟﺒﻨﺰﻳﻨﺎ
< ﻣﺎﻋﺮﻓﻨﺎ ﺳﺒﺒﻬﺎ ﻣﻨﻮ ﻳﺎ ﻭﺍﻟﻴﻨﺎ
< ﺍﻟﻤﺠﻠﺲ ﻭﻻ ﻗﻮﻯ ﺍﻟﺘﺠﻤﻊ
< ﻭﻻ ﻣﺴﻮﺩﺓ ﺍﻻﺗﻔﺎﻕ
< ﻭﻻ ﺍﻟﻌﻘﺎﻻﺕ .. ﻭﺭﻳﻨﺎ
< ﺍﻟﺼﻔﻮﻑ ﺟﻨﻨﺖ ﺍﻟﻨﺎﺱ ﻭﻃﻠﻌﺖ .. ﻋﻴﻨﺎ
< ﻋﻴﻨﺎ ﻳﺎ ﻭﺍﻟﻴﻨﺎ
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﺍﻟﻜﻠﺐ ﻗﺎﻝ ﺷﻔﺖ ﺍﻟﻌﻘﺎﻝ ﺍﻟﻤﺰﻳﻒ ﻗﺎﻋﺪ ﻭﺳﻂ ﺍﻟﻌﻘﺎﻻﺕ ﺍﻻﺻﻠﻴﺔ ﺯﻱ ﺍﻟﺘﻤﺮﺓ ﺍﻟﻜﻌﺒﺔ ﻭﺳﻂ ﺻﺤﻦ ﺍﻟﺘﻤﺮ .. ﺍﻟﻠﻪ ﻳﻘﻄﻊ ﺍﻟﺘﻘﻠﻴﺪ
ﻭﺍﻟﻲ ﻟﻘﺎﺀ
ﺳﻠﻚ