بعد ما كنا فرحانين سميناها بالانغاز
فكت فينا حرب عدم العيش وقل الغاز
اصبحنا جزانا بالإفتراء والكلام الشاز
قايتو عوضنا سمح الرقصه في التلفاز

نحنا اولاد وطن نمشي مكرمين وعزاز
نحمي وطنا ما منقبل خونا وستفزاز
تلاتين سنه قصرك شفتو مبني قزاز
نحنا عوضنا رقصه فاقده تووب هزاز

صبرنا كتيييير وحالنا اصبحت بطاله
اشتقلو الاجانب شبابنا صبحو عطاله
وكت اشوف عاذه للعيشه بقت شقاله
بتمنا لو روحي مرقت وجا نكير شاله

قايتو صبرنا والوضع صبح ملاله
عايشين بالصبر الطلبه والعتاله
ارامل ايتام دموعن تسييل شلاله
الروح لو بتنباع بسوي ليها دلاله

سمحه رقصتك لاكين ايامنا ما ايام فرحه
سكتنا علييك كتر السكات بيعمل قرحه
وكت داير ترقص ونفسك للرقيص منشرحه
شيل شيلتك عديييل البسلك عبايه وطرحه

تسقط سقطه كمان وراااها لسان
سقطه عويره سقطت حكم وجبان
كان عشته تعيش مدنقر وخجلان
وكان درته الرقيص ملبسك فستان

الكيزان يغنو والكوز الكبير حنانه
نعمل للرقيص ،حفله وكمان فنانه
البسقط نشبعو في الرقيص والهانه
رئسنا الجديد يبشر ويضرب الجبخانه

ناصرعبدالرحيم الكباشي
خربشه جديد تصقط بسسس