ﻗﺎﻟﺖ ﻟﻲ ﻋﺎﺯﻣﺎﻙ ﺷﺎﻯ ﺍﺭﺣﻜﺎ ﺍﻟﺒﻴﺖ
ﻗﺪﺭ ﻣﺎﺯﺍﺩﺕ ﺍﻻﺻﺮﺍﺭ ﺭﻓﻀﺖ ﺍﺑﻴﺖ
ﺑﻌﺪ ﻛﻞ ﺍﻟﺼﺮﺍﺡ ﺍﻟﺒﻴﻨﺎ ﺗﺨﺠﻞ ﻳﺎ ﺣﺒﻴﺒﻰ ﺑﻘﻴﺖ
ﺍﺧﺠﻞ ﻟﻴﻪ ﻭﺷﻦ ﺳﻮﻳﺖ ﺍﻻ ﻣﻌﺎﻛﻲ ﻣﺎﺑﻤﺸﻲ
ﻭﻣﺎﺻﺎﺡ ﻛﺎﻥ ﻣﻌﺎﻛﻲ ﻣﺸﻴﺖ
ﻟﻮ ﻭﺍﻟﺪﻙ ﺳﺎﻟﻨﻲ ﺳﻮﺍﻝ ﺑﻌﺪ ﺗﺮﺣﺎﺑﻮ ﻣﻦ ﻭﻳﻦ ﺟﻴﻴﺖ
ﺍﻗﻮﻟﻮ ﺷﻨﻮ ﺍﻗﻮﻟﻮ ﻛﻼﻡ ﻳﻔﺘﺸﻮ ﻳﻠﻘﻲ ﺭﺍﺱ ﺍﻟﺨﻴﺖ
ﺍﻻ ﺍﻗﻮﻟﻮ ﺟﻴﻴﺖ ﺯﺍﻳﺮ ﻭﻛﺖ ﻋﺎﺑﺮ ﺳﺒﻴﻞ ﺿﻠﻴﺖ
ﻗﺎﻟﺘﻠﻲ ﻣﺎﺗﺨﺎﻑ ﺷﻲ ﺣﺘﻲ ﺍﻻﺳﺮﻩ ﻣﺎ ﺍﺷﻜﺎﻝ
ﻭﻣﺎﺗﺸﻴﻞ ﻫﻢ ﺯﻣﺎﻥ ﻣﺎﻗﻠﺘﻮ ﻧﺤﻦ ﺭﺟﺎﻝ
ﺭﺟﺎﻟﺔ ﺍﻳﻪ ﺩﺍ ﺍﺳﺘﻬﺒﺎﻝ ﻭﺍﻣﺸﻲ ﻣﻌﺎﻙ ﺩﺍ ﺍﺻﻠﻮ ﻣﺤﺎﻝ
ﺑﻌﺪ ﺍﺻﺮﺍﺭ ﻭﺍﻣﺸﻰ ﺗﻌﺎﻝ
ﻣﺸﻴﺖ ﻣﺠﺒﻮﺭ ﻭﺍﻟﻤﺸﻮﺍﺭ ﻋﻠﻲ ﺍﻧﺎ ﻃﺎﻝ
ﻭﺻﻠﻨﺎ ﺍﻟﺒﻴﺖ ﻭ ﻛــﻮ ﻛـﻮ ﻧﻘﺮﺕ ﺍﻟﺒﺎﺏ ﺑﺄﺳﺘﻌﺠﺎﻝ
ﺭﺟﻌﺖ ﺍﻧﺎ ﺧﻄﻮﺓ ﻭﺣﺪﻩ ﻗﻔﺎﻱ ﻟﻘﻴﺖ ﻛﺮﻋﻲ ﺑﻘﻠﻲ ﺗﻘﺎﻝ
ﻭﺑﺎﻟﻤﻨﺪﻳﻞ ﻣﺴﺢ ﻋﺮﻗﻲ ﺍﻟﻤﺼﺒﺐ ﺳﺎﻝ
ﻓﺘﺢ ﺍﻟﺒﺎﺏ ﻃﻔﻼ ﻳﺎﺩﻭﺏ ﻓﻲ ﺳﻨﻮ ﺍﻟﺼﻐﺎﺭ ﺟﻬﺎﻝ
ﺳﺎﻝ ﺍﺧﺘﻮ ﻯ ﺩﺍ ﻣﻴـــﻦ ﻳﺎ ﻧﻮﺍﻝ ﺩﺍ ﻣﻴﻦ ﻳﺎ ﻧﻮﺍﻝ ؟؟؟
ﻗﺎﻟﺖ ﻟﻴﻬﻮ ﺯﻭﻻ ﺿﻴﻒ ﻭﺍﻣﺶ ﺍﻟﻌﺐ ﺧﻼﺹ ﻳﺎﺟﻤﺎﻝ
ﻗﺎﻟﺘﻠﻲ ﺍﺗﻔﻀﻞ ﺩﺧﻠﺖ ﺍﻧﺎ ﻗﺮﻓﺔ ﺍﺳﺘﻘﺒﺎﻝ
ﺟﺎﻧﻲ ﺍﺑﻮﻫﺎ ﻳﺎ ﺃﻫﻼ ﻭﻛﻴﻒ ﺍﻟﺤﺎﻝ ﺷﺒﻜﻨﻲ ﺳﻼﻡ ﻭﻛﻴﻒ ﺍﻟﺤﺎﻝ
ﻳﻤﻴﻦ ﺧﻮﻓﻨﻲ ﺑﻲ ﺟﺪﻱ ﺑﻘﻴﺖ ﻓﻲ ﻟﺤﻈﺔ ﺯﻱ ﻧﺸﺎﻝ
ﺭﺟﻔﺖ ﺭﺟﻔﺖ ﺟﺴﻤﻲ ﺿﺮﺏ ﺗﻘﻮﻝ ﺍﻟﺪﻧﻴﺎ ﻓﻲ ﺯﻟﺰﺍﻝ
ﺑﻘﻴﺖ ﺍﻧﺎ ﺍﺳﻮﻱ ﺍﺳﺘﺎﺫﻥ ﺍﻣﺶ ﻳﺎﺧﺎﻝ
ﻳﻘﻮﻟﻲ ﺍﻟﺨﺎﻝ ﺗﻤﺶ ﻻﻭﻳﻦ
ﻣﺎ ﺍﺗﺸﺎﻭﻓﻨﺎ ﻣﺎ ﺍﺗﻌﺎﺭﻓﻨﺎ ﻣﻦ ﻗﺒﺎﻝ
ﺷﺒﻜﻨﻲ ﻛﻼﻡ ﻛﻼﻣﺎ ﻛﻠﻮ ﻓﻲ ﺍﻻﻣﻮﺍﻝ
ﻫﻮ ﺗﺎﺟﺮ ﺍﻇﻦ ﻳﺒﻴﻊ ﻗﻄﺎﻋﻲ ﻭﺍﻻﺟﻤﺎﻝ
ﺷﺮﺣﻠﻲ ﺍﻟﺴﻮﻕ ﻭﻧﺎﺱ ﺍﻟﺴﻮﻕ ﻭﻳﺎﺗﻮ ﺍﻟﺪﻏﺮﻱ ﺍﻟﻤﺤﺘﺎﻝ
ﻗﺮﺍﻟﻲ ﻗﻮﺍﻳﻢ ﺍﻻﺳﻌﺎﺭ ﺣﺘﻲ ﻗﺒﺎﻳﻞ ﺍﻟﺘﺠﺎﺭ ﻭﺍﻧﺎ ﺍﺳﻮﻳﻠﻮ ﻋﺎﻝ ﺍﻟﻌﺎﻝ
ﺻﺤﻴﺢ ﻳﺎﺧﺎﻝ ﺻﺤﻴﺢ ﻳﺎﺧﺎﻝ
ﻭﺍﻟﺤﺎﺝ ﻳﺤﻜﻲ ﻋﻦ ﺍﻣﻮﺍﻟﻮ ﻛﻢ ﻓﻲ ﺍﻟﻴﻮﻡ ﻗﻌﺪ ﺗﺮﺑﺢ
ﺑﺪﻳﺖ ﺍﺳﺮﺡ ﺍﻗﻮﻡ ﺍﻣﺮﻕ ﻣﺸﻴﻲ ﺍﻧﺎ ﻟﻲ ﻧﻮﺍﻝ ﻳﺠﺮﺡ
ﻫﻲ ﻓﺎﺗﺖ ﻭﻳﻦ ﺍﺗﺎﺭﻱ ﺟﻮﻩ ﺗﺘﺴﺮﺡ
ﻭﺍﻧﺎ ﺍﻟﻔﻲ ﺿﻔﻮﺭﻱ ﺩﺧﻠﺖ ﺟﻴﺖ ﻓﻲ ﺑﻴﺖ ﻏﺮﻳﺐ ﻣﺠﺪﻭﻉ
ﻭﻗﻠﺒﻲ ﻳﺪﻕ ﺩﻕ ﺩﻕ ﺩﻕ ﺩﻕ
ﺗﻘﻮﻝ ﻳﺠﻲ ﺑﺮﻩ ﻟﻮ ﺿﺎﻟﻲ ﺳﺪﺭﻱ ﺿﻠﻮﻉ
ﻋﻤﻚ ﺷﻔﺘﻮ ﻟﻴﻚ ﻳﻔﺘﺢ ﻋﻴﻦ ﻭﻳﻘﻤﺾ ﻋﻴﻦ
ﻫﻲ ﺗﺒﻘﻲ ﺯﻯ ﺍﻟﻤﻼﻧﻰ ﺩﻣﻮﻉ
ﻗﺎﻝ ﻟﻲ ﻗﻮﻡ ﺧﻼﺹ ﺍﺭﺗﺎﺡ ﻭﻋﻨﺪﻧﺎ ﺭﺟﻌﻪ ﻟﻠﻤﻮﺿﻮﻉ
ﺭﺟﻴﺘﻮ ﺩﻗﺲ ﺷﻮﻳﺘﻴﻴﻦ ﻧﺎﻡ
ﻭﻗﻤﺖ ﺑﺸﻴﺸﻲ ﺯﻯ ﺍﻟﻤﺎﺷﻲ ﻟﻠﺤﻤﺎﻡ
ﻣﺸﻴﺖ ﻗﺼﺪﺗﻪ ﺑﺎﺏ ﺍﻟﺤﻮﺵ ﺍﻋﺎﻳﻦ ﻻﻭﺭﺍ ﻭﻗﺪﺍﻡ
ﺗﺸﻴﻠﻨﻲ ﺍﻟﻌﺘﺒﻪ ﺗﺮﻣﻴﻨﻲ
ﻭﻋﻤـــــــــــــــﻚ ﻗـــــــــــــــﺎﻡ
ﺍﻗﻴـــــــــﻒ ﻳﺎﺯﻭﻝ ﺗﻌــــﺎﻝ ﻳﺎﺯﻭﻝ
ﻭﻓﺠــــــــــــــــــــﺎﺓ ﺻﺤﻴﺖ ﻣـــــﻦ ﺍﻟﻨﻮﻡ
ﻟﻘﻴﺘﻮ ﺍﺗﺎﺭﻱ ﻛﻠﻮ ﻣﻨﺎﻡ