ﺭﺍﻣﻲ ﻗﺴﻢ ﺍﻟﺴﻴﺪ
ﺍﻟﺒﻨﻴﺔ ﺍﻟﺠﺎﻱ ﻣﻨﻲ ﻭﻏﻴﺮﺕ ﺳﻜﺔ
ﻣﺴﺎﺭﻱ
ﻭﺷﺎﻳﻠﻲ ﻗﺸﻬﺎ ﺟﺎﻳﻲ ﻃﺎﻟﻌﻲ ﻋﻠﻲ
ﻓﺮﻳﻘﺎ ﻣﻊ ﺍﻟﻌﺼﺎﺭﻱ
ﺇﻧﺘﻈﺮﺗﻬﺎ ﻣﻨﻲ ﺗﻄﻠﻊ ﻭﺗﻄﺮﺩ ﺍﻟﻠﻴﻞ ﻣﻦ
ﻧﻬﺎﺭﻱ
ﻭﺗﺴﺘﻘﺮ ﻓﻲ ﻗﻠﺒﻲ ﺗﺴﺮﺡ ﻭﺗﺮﻋﻲ ﻟﻲ
ﻛﻞ ﺍﻟﺒﺮﺍﺭﻱ
ﻭﻣﻦ ﺑﻠﺪﻧﺎ ﺍﻧﻮﺍﺭﺍ ﺗﺸﻠﻊ ﻭﺗﺴﻘﻲ ﺑﻲ
ﺗﺤﻨﺎﻥ ﺧﺪﺍﺭﻱ
ﻭﺗﺒﻘﻲ ﺯﻱ ﺍﻟﻨﺨﻠﺔ ﺷﺎﻣﺨﺔ ﻭﻣﺎ ﻳﻐﻴﺮﺍ
ﺃﻱ ﻃﺎﺭﻱ
ﺷﻔﺖَ ﻓﻴﻬﺎ ﺳﻤﺎﺡ ﺍﻫﻠﻨﺎ ﻭﻛﻞ ﺗﻐﺮﻳﺪ
ﺍﻟﻘﻤﺎﺭﻱ
ﻭﺣﻦ ﺑﻴﻮﺗﺎﺗﻨﺎ ﺍﻟﻘﺪﻳﻤﺔ ﻭﺍﻟﻤﻄﺎﻣﻴﺮ
ﻭﺍﻟﺠﺮﺍﺭﻱ
ﻭﺭﻭﻋﺔ ﺍﻟﻐﺒﺶ ﺍﻟﺒﻴﻨﺰﻟﻮﺍ ﺑﺎﻟﺴﻼﻟﻴﻚ
ﻭﺍﻟﻄﻮﺍﺭﻱ
ﺷﺎﻥ ﻳﻌﻤﺮﻭ ﻟﻲ ﺑﻠﺪﻧﺎ ﻭﻳﻤﻠﻮ ﺑﺎﻟﺨﻴﺮﺍﺕ
ﺩﻳﺎﺭﻱ
ﻟﻮ ﻳﺠﻴﺒﻮ ﺍﻟﺪﻧﻴﺎ ﻛﻠﻬﺎ ﻣﺎﺑﻐﻴﺮ ﻟﻲ ﻗﺮﺍﺭﻱ
ﻭﺗﺎﻧﻲ ﻟﻮ ﺧﻠﻮﻧﻲ ﺃﺧﺘﺎﺭ ﺑﺮﺿﻮ ﺑﺘﻜﻮﻥ
ﻫﻲ ﺍﺧﺘﻴﺎﺭﻱ
ﻟﻮ ﺍﻋﻴﺶ ﻭﺣﺪﺍﻧﻲ ﻏﻴﺮﺍ ﻭﺃﺑﻘﻲ ﺍﺑﻮ ﺫﺭ
ﺍﻟﻐﻔﺎﺭﻱ
ﻓﻲ ﺭﺻﻴﻒ ﺍﻟﻬﻢ ﺑﻜﻮﻉ ﻭﺍﺭﺿﻲ ﺇﻧﻮ
ﻳﻔﻮﺕ ﻗﻄﺎﺭﻱ
ﻓﻲ ﺩﻭﻳﻢ ﻭﺩﺣﺎﺝ ﺷﻘﺘﻨﻲ ﻭﺍﺟﺒﺮﺗﻨﻲ
ﺃﺩﻗﻮ ﻃﺎﺭﻱ
ﻭﺍﺷﺪﻭ ﺑﺎﻻﺫﻛﺎﺭ ﻭﺍﺭﺗﻞ ﻳﻮﻡ ﺑﻘﺖ ﺷﻴﺨﻲ
ﻭﺣﻮﺍﺭﻱ
ﻭﻓﻲ ﻋﻴﻮﻧﺎ ﺳﺮﺣﺖ ﻣﺮﺓ ﻭﻧﻈﺮﺓ ﺑﺲ
ﺟﺎﺑﺖ ﺧﺒﺎﺭﻱ
ﻭﻟﻴّﺎ ﺇﺑﺘﺴﻤﺖ ﻣﻮﺩﻋﺔ ﺯﻭﺩﺕ ﺃﻟﻤﻲ
ﻭﻭﺩﺍﺭﻱ
ﺟﺎﺗﻨﻲ ﻋﺰ ﺍﻟﺮﻳﺢ ﻣﺮﻳﻜﺐ ﻟﻤﺎ ﻏﺮﻗﺖ ﺑﻲ
ﺑﺤﺎﺭﻱ
ﻭﻗﺮﺑﺖ ﺑﻌﺪ ﺍﻟﻤﺴﺎﻓﻪ ﻭﺧﻔﻔﺖ ﺷﻮﻕ
ﺍﻧﺘﻈﺎﺭﻱ
ﺩﻧﻘﺮﺕ ﻓﻲ ﺍﻟﻨﻴﻞ ﺗﻌﺎﻳﻦ ﺷﺎﻓﺖ ﺍﻟﻨﻴﻞ
ﻓﻴﻬﺎ ﺟﺎﺭﻱ
ﻭﻗﺮﺭﺕ ﺗﺪﻳﻬﻮ ﺭﺍﻓﺪ ﻭﺗﺴﻘﻲ ﻟﻲ ﻛﻞ
ﺍﻟﺼﺤﺎﺭﻱ
ﺍﻟﺒﻨﻴﺔ ﺍﻟﺠﺎﻳﻲ ﻣﻨﻲ