ﺳﺎﺧﺮ ﺳﺒﻴﻞ - ﺍﻟﻔﺎﺗﺢ ﺟﺒﺮﺍ
ﻟﻮ ﻋﻨﺪﻭ ﻓﻜﻚ !
ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ .. ﻧﻄﻘﺖ ﺑﻬﺎ ﻻ ﺷﻌﻮﺭﻳﺎً ﻣﺜﻨﻰ ﻭﺛﻼﺙ ﻭﺃﻧﺎ ﺃﺗﺎﺑﻊ ﺍﻟﺨﻼﻑ ﺍﻟﺬﻱ ﺩﺍﺭ ﺑﻴﻦ ﺇﺩﺍﺭﺗﻲ ‏( ﻣﺴﺘﺸﻔﻴﻴﻦ ﺣﻜﻮﻣﻴﻴﻦ ‏) ﻭﻫﻤﺎ ﺇﺩﺍﺭﺓ ﻣﺴﺘﺸﻔﻲ ﺍﻟﻨﻮ ﻭﺇﺩﺍﺭﺓ ﻣﺴﺘﺸﻔﻲ ﺍﻟﺒﻘﻌﺔ ﻭﺍﻟﺬﻱ ﻟﻠﻤﺮﺓ ﺍﻷﻭﻟﻰ ﺃﻋﺮﻑ ﺃﻧﻪ ﻣﺴﺘﺸﻔﻰ ﺃﻡ ﺩﺭﻣﺎﻥ ﻭﻻ ﺃﺩﺭﻱ ﻣﺎ ﺳﺮ ﻫﺬﺍ ﺍﻟﻮﻟﻪ ﻓﻲ ﺗﻐﻴﻴﺮ ﺍﻷﺳﻤﺎﺀ ﻓﻤﺴﺘﺸﻔﻰ ﺃﻡ ﺩﺭﻣﺎﻥ ‏( ﻣﻤﺎ ﻗﻤﻨﺎ ‏) ﻳﺎﻫﻮ ﺩﻩ ﺇﺳﻤﻬﺎ .
ﻛﻞ ﻓﺮﻳﻖ ﻣﻦ ﺍﻟﻤﺴﺘﺸﻔﻴﻴﻦ ﻳﺘﻨﺼﻞ ﻣﻦ ﺃﻱ ﺗﻘﺼﻴﺮ ﻗﺎﻡ ﺑﻪ ﻭ ‏( ﻳﺪﺭﻉ ‏) ﺍﻟﻘﺼﺔ ﻓﻲ ﺍﻟﻔﺮﻳﻖ ﺍﻵﺧﺮ ، ﺍﻟﻘﺼﺔ ﻭﺑﺈﺧﺘﺼﺎﺭ ﻛﺎﻵﺗﻲ :
• ﺍﻟﺴﺎﻋﺔ ﺍﻟﺜﺎﻣﻨﺔ ﺻﺒﺎﺣﺎً : ﺟﻴﺊ ﺑﺸﺨﺺ ﻭﻫﻮ ﻓﻲ ﻏﻴﺒﻮﺑﺔ ﻛﺎﻣﻠﺔ ﺇﻟﻰ ﻣﺴﺘﺸﻔﻰ ﺍﻟﻨﻮ ﺑﻌﺪ ﺇﺻﺎﺑﺘﻪ ﻓﻲ ﺣﺎﺩﺙ ﻣﺮﻭﺭﻱ .
• ﺍﻟﺴﺎﻋﺔ 12 ‏( ﺑﻌﺪ 4 ﺳﺎﻋﺎﺕ ‏) ﻛﺘﺐ ﻣﺪﻳﺮ ﻣﺴﺘﺸﻔﻰ ﺍﻟﻨﻮ ﺧﻄﺎﺏ ﺗﺤﻮﻳﻞ ﺇﻟﻰ ﻟﻠﻤﺮﻳﺾ ﻟﻤﺴﺘﺸﻔﻰ ﺍﻟﺒﻘﻌﺔ ﻳﻮﺻﻲ ﻓﻴﻪ ﺑﻌﻤﻞ ﺻﻮﺭﺓ ﻣﻘﻜﻄﻌﻴﺔ ﻟﻠﻤﺮﻳﺾ ﻣﺠﺎﻧﺎ ﻟﻌﺪﻡ ﻭﺟﻮﺩ ﻣﺮﺍﻓﻘﻴﻦ ﻣﻌﻪ ﺣﻴﺚ ﺃﻥ ﻫﺬﻩ ﺍﻟﺼﻮﺭﺓ ﻏﻴﺮ ﻣﺘﻮﻓﺮﺓ ﻓﻲ ﻣﺴﺘﺸﻔﻰ ﺍﻟﻨﻮ
• ﺍﻟﺴﺎﻋﺔ 4:10 ﻋﺼﺮﺍً ‏( ﺑﻌﺪ 4 ﺳﺎﻋﺎﺕ ﺗﺎﺍﺍﻧﻲ ‏) ﺗﺤﺮﻙ ﺍﻹﺳﻌﺎﻑ ﻣﻦ ﻣﺴﺘﺸﻔﻰ ﺍﻟﻨﻮ ﻳﺤﻤﻞ ﺍﻟﻤﺮﻳﺾ
• ﻭﺻﻞ ﺍﻟﻤﺮﻳﺾ ﺑﺎﻹﺳﻌﺎﻑ ﺇﻟﻰ ﻣﺴﺘﺸﻔﻲ ﺍﻟﺒﻘﻌﺔ ﻭﻫﻨﺎﻟﻚ ﻗﺎﻡ ﺍﻟﻤﺪﻳﺮ ﺍﻟﻄﺒﻲ ﺑﺎﻟﺴﺆﺍﻝ ﻋﻦ ﺗﻘﺮﻳﺮ ﺣﺎﻟﺔ ﺍﻟﻤﺮﻳﺾ ﻓﺈﺗﻀﺢ ﺃﻥ ﺍﻟﻤﺮﻳﺾ ﺧﺮﺝ ﻣﻦ ﻣﺴﺘﺸﻔﻰ ﺍﻟﻨﻮ ﺩﻭﻥ ﺗﻘﺮﻳﺮ ﻭﻋﻨﺪ ﺳﺆﺍﻝ ﻃﺒﻴﺐ ﺍﻹﻣﺘﻴﺎﺯ ﺍﻟﻤﺮﺍﻓﻖ ﻋﻦ ﺍﻟﺤﺎﻟﺔ ﻗﺎﻝ ﺃﻧﻪ ﻻ ﻳﻌﻠﻢ ﻋﻨﻬﺎ ﺷﻴﺌﺎً .
• ﺍﻟﺴﺎﻋﺔ 8 ﻣﺴﺎﺀ : ‏( ﺑﻌﺪ ﺃﺭﺑﻌﺔ ﺳﺎﻋﺎﺕ ﺗﺎﺍﺍﺍﺍﻟﺖ ‏) : ﺗﻢ ﻋﻤﻞ ﺻﻮﺭﺓ ﺍﻷﺷﻌﺔ ﻟﻠﻤﺮﻳﺾ ‏( ﺑﻌﺪ ﺃﺟﺎﻭﻳﺪ ‏) !
ﺗﻌﻠﻴﻖ :
ﻋﻠﻴﻜﻢ ﺍﻟﻠﻪ ﺩﻩ ﺇﺳﻤﻮ ﻛﻼﻡ؟ ﺍﻟﻤﺮﻳﺾ ﺩﻩ ﻟﻮ ﻋﻨﺪﻭ ‏( ﻓﻜﻚ ‏) ﻓﻲ ﻛﺮﺍﻋﻮ ﻣﻔﺮﻭﺽ ﻳﻜﻮﻥ ﻣﺎﺕ !!
ﻣﻦ ﻓﻮﺍﺋﺪ ﺣﺪﻭﺙ ﺍﻟﻘﺼﺔ ﺍﻟﻔﻮﻕ ﺩﻱ ‏( ﻛﺎﻥ ﻓﻴﻬﺎ ﻓﻮﺍﺋﺪ ‏) ﺇﻧﻮ ﻋﺮﻓﻨﺎ ﺇﻧﻮ ﻋﻼﺝ ﺍﻟﺤﻮﺍﺩﺙ ‏( ﻣﺎ ﻣﺠﺎﻧﻲ ‏) ﻭﺇﻧﻮ ﻟﻮ ﺍﻟﺰﻭﻝ ﻋﻤﻞ ﺣﺎﺩﺙ ﻭﻣﺎ ﻣﻌﺎﻫﻮ ﺃﻫﻠﻮ ‏( ﺃﻭ ﻣﺮﺍﻓﻘﻴﻦ ﻟﻴﻬﻮ ‏) ﺩﻱ ﻣﺸﻜﻠﺔ ﻷﻧﻮ ﺍﻟﻤﺴﺘﺸﻔﻴﺎﺕ ﻣﺎ ﺡ ﺗﻘﺪﺭ ﺗﻌﺎﻟﺠﻚ ﻭﺗﻘﻮﻡ ﺑﺎﻟﻼﺯﻡ ، ﻋﺸﺎﻥ ﺍﻟﻼﺯﻡ ﺩﻩ ﻋﺎﻭﺯ ﻗﺮﻭﺵ ﻭﺇﻧﺘﺎ ﺟﺎﻱ ﺑﺮﺍﻙ ﻣﺎﻓﻲ ﺯﻭﻝ ﺡ ﻳﺪﻓﻊ ﻟﻴﻚ ... ﻳﻌﻨﻲ ﺇﺫﺍ ﺣﺼﻞ ﻟﻴﻚ ﺣﺎﺩﺙ ﻭﺭﺟﻠﻴﻨﻚ ﺇﺗﻜﺴﺮﻭ ‏( ﻣﺜﻼ ‏) ﻳﺠﺐ ﺃﻥ ﺗﻤﺸﻲ ﺑﻲ ﺭﺟﻠﻴﻨﻚ ‏( ﺍﻟﻤﻜﺴﺮﺍﺕ ‏) ﺩﻳﻞ ﺫﺍﺍﺍﺗﻢ ﻭﺗﻜﻠﻢ ﺃﻫﻠﻚ ﻋﺸﺎﻥ ﻳﻤﺸﻮﺍ ﻣﻌﺎﻙ ﺍﻟﻤﺴﺘﺸﻔﻰ ...
• ﻟﻴﻪ ؟
• ﺷﻨﻮ ﻟﻴﻪ؟ ﺇﻧﺘﺎ ﻫﺴﻪ ﻟﻮ ﻣﺸﻴﺖ ﺗﻄﻠﺐ ﺑﺖ ﺑﺮﺍﺍﺍﻙ ﺃﻫﻠﻬﺎ ﺑﻴﺪﻭﻙ ﻟﻴﻬﺎ؟
• ﻻ ﻃﺒﻌﻦ .. ﺇﻻ ﻳﻜﻮﻧﻮﺍ ﻣﻌﺎﻱ ﺃﻫﻠﻲ
• ﺧﻼﺱ ﺍﻟﻤﺴﺘﺸﻔﻲ ﻛﺪﻩ .. ﻛﺎﻥ ﻣﺸﻴﺖ ﻟﻴﻬﻮ ﺑﺮﺍﻙ ﻋﺎﻣﻞ ﺣﺎﺩﺙ ﻣﺎ ﺑﺴﻌﻔﻚ ﺇﻻ ﻳﻜﻮﻧﻮ ﻣﻌﺎﻙ ﺃﻫﻠﻚ !!
• ﻳﻌﻨﻲ ﻗﺒﻞ ﻣﺎ ﺃﻋﻤﻞ ﺣﺎﺩﺙ ﺃﻛﻠﻢ ﺃﻫﻠﻲ ﺃﻗﻮﻝ ﻟﻴﻬﻢ ﺗﻌﺎﻟﻮ ﺃﻧﺎ ﺡ ﺃﻋﻤﻞ ﺣﺎﺩﺙ؟
• ﻻ ﻃﺒﻌﻦ ﻣﺎﺍﺍ ﺗﺒﺎﻟﻎ .. ﻟﻜﻦ ﺑﻌﺪ ﺍﻟﺤﺎﺩﺙ ﻣﺎ ﻳﺤﺼﻞ ﻭﻣﻬﻤﺎ ﺍﻟﻀﺮﺭ ﻭﺍﻹﺻﺎﺑﺎﺕ ﺍﻟﺤﺼﻠﺖ ﻟﻴﻚ ﻻﺯﻡ ﺗﻤﺸﻲ ﺗﻜﻠﻢ ﺃﻫﻠﻚ ﻳﺮﺍﻓﻘﻮﻙ !
ﺍﻟﺤﺎﺟﺔ ﺍﻟﺘﺎﻧﻴﺔ ‏( ﺍﻟﻌﺮﻓﻨﺎﻫﺎ ‏) ﺇﻧﻮ ﻭﻻﻳﺔ ﺍﻟﺨﺮﻃﻮﻡ ﺩﻱ ﻛﻮﻭﻭﻭﻭﻟﻬﺎ ﻓﻴﻬﺎ ﺟﻬﺎﺯﻳﻦ ﺑﺘﺎﻋﻴﻦ ﺃﺟﻬﺰﺓ ﻣﻘﻄﻌﻴﺔ ﻟﺨﺪﻣﺔ ﺍﻟﻤﻮﺍﻃﻨﻴﻦ ، ﻳﻌﻨﻲ ﻟﻮ ﻗﻠﻨﺎ ﻭﻻﻳﺔ ﺍﻟﺨﺮﻃﻮﻡ ﺩﻱ ﻓﻴﻬﺎ ﻋﺸﺮﺓ ﻣﻠﻴﻮﻥ ﻣﻮﺍﻃﻦ ﻓﺎﻟﻌﺸﺮﺓ ﻣﻠﻴﻮﻥ ﻗﺼﺎﺩ ﺍﻟﺠﻬﺎﺯﻳﻦ ﺩﻳﻞ ﺑﺲ !! ‏( ﻫﺴﻪ ﺩﻱ ﻭﻻﻳﺔ ﻋﻠﻴﻜﻢ ﺍﻟﻠﻪ ﻳﺘﺤﻠﻠﻮﺍ ﻓﻴﻬﺎ ‏) !!
ﺍﻟﺤﺎﺟﺔ ﺍﻟﺘﺎﻟﺘﻪ ﻋﺮﻓﻨﺎ ﻣﻤﺎ ﺩﺍﺭ ﻓﻲ ﺍﻟﺼﺤﻒ ﻭﺍﻟﻔﻀﺎﺋﻴﺎﺕ ﺑﺸﺄﻥ ﻫﺬﺍ ﺍﻷﻣﺮ ﺑﺄﻥ ﺍﻟﻤﺮﻳﺾ ﺍﻟﻤﺬﻛﻮﺭﺇﺣﺘﻤﺎﻝ ﻛﺒﻴﺮ ﻳﻜﻮﻥ ﻗﺪ ﺣﺪﺙ ﻟﻪ ﻗﻄﻊ ﺑﺎﻟﻨﺨﺎﻉ ﺍﻟﺸﻮﻛﻲ ﻭﺫﻟﻚ ﻣﻦ ﻃﺮﻳﻘﺔ ﺣﻤﻠﻪ ﻭﺗﺤﺮﻳﻜﻪ ﻭﺍﻟﻌﺒﺪﻟﻠﻪ ﻳﻀﻴﻒ ﻟﺬﻟﻚ ‏( ﺍﻹﺳﻌﺎﻑ ﺫﺍﺍﺍﺗﻮ ‏) ﻭ ‏( ﻧﻘﺎﻻﺕ ﺍﻟﺤﺪﻳﺪ ‏) ﺍﻟﻤﺴﺘﻌﻤﻠﺔ ﻓﻲ ﻣﻌﻈﻢ ﻣﺴﺘﺸﻔﻴﺎﺗﻨﺎ ﻓﻤﻌﻈﻢ ﻋﺮﺑﺎﺕ ﺍﻹﺳﻌﺎﻑ ‏( ﻓﺎﺿﻴﺔ ‏) ﻻ ﻓﺮﻕ ﺑﻴﻨﻬﺎ ﻭﺑﻴﻦ ‏( ﺑﻜﺎﺳﻲ ﺍﻟﺴﻮﻕ ﺍﻟﺸﻌﺒﻲ ‏) ﺍﻟﺘﻲ ﻳﻨﻘﻞ ﻋﻠﻴﻬﺎ ‏( ﺍﻟﺨﻀﺎﺭ ‏) ﺃﻣﺎ ‏( ﻧﻘﺎﻻﺕ ﺍﻟﺤﺪﻳﺪ ‏) ﻓﻠﻮ ﻛﻨﺘﺎ ﻣﺤﻈﻮﻅ ﻭﻃﻠﻌﺘﺎ ﻣﻦ ﺣﺎﺩﺙ ﻣﻤﻜﻦ ‏( ﻳﺠﻴﻚ ﺗﻴﺘﺎﻧﻮﺱ ‏) !
ﻛﺴﺮﺓ :
ﺟﻬﺎﺯﻳﻦ ﺃﺷﻌﺔ ﻣﻘﻄﻌﻴﺔ ‏( ﺑﺲ ‏) ﻓﻲ ﻭﻻﻳﺔ ﻓﻴﻬﺎ ﺳﺘﻴﻦ ﺃﻟﻒ ﺣﺮﺍﻣﻲ ‏( ﺃﻧﻈﺮ ﺗﻘﺮﻳﺮ ﺍﻟﻨﺎﺋﺐ ﺍﻟﻌﺎﻡ ‏) ... !
• ﻛﺴﺮﺓ ﺗﺼﺮﻳﺢ ﺍﻟﻨﺎﺋﺐ ﺍﻟﻌﺎﻡ : ‏( ﻻ ﺣﻤﺎﻳﺔ ﻟﻔﺎﺳﺪ ﻭﻻ ﻛﺒﻴﺮ ﻋﻠﻰ ﺍﻟﻘﺎﻧﻮﻥ ‏) ... ﻓﻲ ﺇﻧﺘﻈﺎﺭ ﻣﻠﻒ ﻫﻴﺜﺮﻭ ‏( ﻟﻴﻬﺎ ﺷﻬﺮ !(
ﻛﺴﺮﺓ ﺟﺪﻳﺪﺓ ﻟﻨﺞ : ﺃﺧﺒﺎﺭ ﻛﺘﺐ ﻓﻴﺘﻨﺎﻡ ﺷﻨﻮ ‏( ﻭ ‏) ﻳﺎ ﻭﺯﻳﺮ ﺍﻟﻤﺎﻟﻴﺔ ﻭﻭﺯﻳﺮﺓ ﺍﻟﺘﺮﺑﻴﺔ ﻭﺍﻟﺘﻌﻠﻴﻢ ﺷﻨﻮ ‏( ﻭ ‏) ... ‏( ﻟﻴﻬﺎ ﺳﺘﺔ ﺷﻬﻮﺭ ‏)
• ﻛﺴﺮﺓ ﺛﺎﺑﺘﺔ ‏( ﻗﺪﻳﻤﺔ ‏) : ﺃﺧﺒﺎﺭ ﻣﻠﻒ ﺧﻂ ﻫﻴﺜﺮﻭ ﺍﻟﻌﻨﺪ ﺍﻟﻨﺎﺋﺐ ﺍﻟﻌﺎﻡ ﺷﻨﻮ؟ 94 ﻭﺍﻭ - ‏( ﻟﻴﻬﺎ ﺳﺒﻊ ﺳﻨﻮﺍﺕ ﻭﺣﺪﺍﺷﺮ ﺷﻬﺮ ‏) ؟
• ﻛﺴﺮﺓ ﺛﺎﺑﺘﺔ ‏( ﺟﺪﻳﺪﺓ ‏) :
ﺃﺧﺒﺎﺭ ﺗﻨﻔﻴﺬ ﺗﻮﺟﻴﻬﺎﺕ ﺍﻟﺴﻴﺪ ﺍﻟﺮﺋﻴﺲ ﺑﺨﺼﻮﺹ ﻣﻠﻒ ﺧﻂ ﻫﻴﺜﺮﻭ ﺷﻨﻮ؟ 53 ﻭﺍﻭ ‏( ﻟﻴﻬﺎ ﺃﺭﺑﻌﺔ ﺳﻨﻮﺍﺕ ﻭﺳﺘﺔ ﺷﻬﻮﺭ ‏)
ﺍﻟﺠﺮﻳﺪﺓ