ﻳﺎ ﻛﻮﻡ ﺍﻟﻨَّﻤﻞ ﺳُﻜَّﺮﻧﺎ ﻭﻳﻦ ﻭﺩِّﻳﺘﻮ
ﺳﻔِّﻴﺘﻮ ﻭﻣﻌﺎﻙ ﺍﻟﺸَّﻌﺐ ﻃﺎﻟﻊ ﺯﻳﺘﻮ
ﻋﻨﺪﻱ ﺇﺣﺴﺎﺱ ﻋﻤﻴﻖ ﻣﻊ ﺇﻧِّﻲ ﻣﺎ ﺑﺎﺭﻳﺘﻮ
ﺍﻟﺴُّﻜَّﺮ ﻳﻜﻮﻥ ﻧﻘﻠﻮ ﺍﻟﻨَّﻤﻞ ﻟﻲ ﺑﻴﺘﻮ
ﻓﻲ ﻫﺬﺍ ﺍﻟﻮﻃﻦ ﻳﺎ ﺃﺧﻮﺍﻧَّﺎ ﻟﻠﺘَّﺎﺭﻳﺦ
ﺍﻟﻔﻴﺮﺍﻥ ﺑﺘﺎﻛﻞ ﻓﻲ ﺍﻟﻜﺒﺎﺭﻱ ﺍﻟﺴِّﻴﺦ
ﺍﻟﻠِّﻴﻤﻮﻥ ﺭﻗﺪ ﻭﺇﺗﻌﺰَّﺯ ﺍﻟﺒﻄِّﻴﺦ
ﻭﺍﻟﻌﺠﺐ ﺍﻟﻨَّﻤﻞ ﺧﻠَّﺎﻫﻮ ﺷﺎﻳﻨﺎ ﻣﺴﻴﺦ
ﻧﺤﻨﺎ ﺃﻭﻻﺩ ﺑﻠﺪ ﻓﻴﺮﺍﻧَّﺎ ﻟﻠﻌﻴﻦ ﺗﻤﻼ
ﺷﻮَّﺍﻟﻨﺎ ﺍﻟﻐﻠﻴﺪ ﻋﺎﺩﻱ ﺑﺘﻘﻮﻣﺒﻮ ﺍﻟﻨَّﻤﻠﺔ
ﺃﺻﻼً ﻣﺎ ﺑﻌﻴﺪ ﺑﺎﻛﺮ ﺗﺠﻴﻨﺎ ﺍﻟﻘﻤﻠﺔ
ﺑﺘﺴﻒ ﺍﻟﺪَّﻗﻴﻖ ﻭﺗﺸﻦ ﻋﻠﻴﻨﺎ ﺍﻟﺤﻤﻠﺔ
ﻳﺎ ﻧﻤﻞ ﺍﻟﺒﻠﺪ ﻭﺭﻳِّﻨﺎ ﻭﻳﻦ ﺍﻟﺴُّﻜَّﺮ
ﺧﻠِّﻴﺖ ﺍﻷﻟﻢ ﺟـُــﻮَّﺓ ﺍﻟﻀُّﻠﻮﻉ ﻳﺘﺤﻜَّﺮ
ﺍﻟﺨﻠَّﺎﻧﻲ ﺃﺗﺄﻣَّﻞ ﻛﻤﺎﻥ ﻭﺃﺗﻔﻜَّﺮ
ﺍﻟﺸَّﻮَّﺍﻝ ﺩﺍ ﻛﻴﻒ ﺑﺘﺴﻔِّﻮ ﻧﻤﻠﺔ ﺳُﻜَّﺮ
ﺃُﺭﺑُﻌﻤﻴَّﺔ ﻗﺎﻟﻮﺍ ﻭﺯﺍﺩﻭﺍ ﻓﻮﻗِﻦ ﺣﺒَّﺔ
ﺷﻮَّﺍﻻﺕ ﻣُﻌﺒَّﺄﺓ ﻭﺍﻗﻔﺔ ﺯﻱ ﺍﻟﺼَّﺒَّﺔ
ﻳﺎ ﺃﺧﻮﺍﻧَّﺎ ﺍﻟﻨَّﻤﻞ ﻣﻌﺮﻭﻑ ﺑﻴﺎﺧﺪ ﺣَﺒَّﺔ
ﺷﻮَّﺍﻝ ﺫﺍﺗﻮ ﻛﻴﻒ ﺟـُــﻮَّﺓ ﺍﻟﺠُّﺤﻮﺭ ﻳﺘﺨﺒَّﻰٰ
ﺍﻟﺴُّﻜَّﺮ ﻗﻄﻊ ﻻ ﺷﺎﻱ ﻭﻻ ﺑﺴﺒﻮﺳﺔ
ﻭﺍﻟﺠَّﺒﻨﺎﺕ ﺧﻼﺹ ﺳﺒﻨﺎﻫﺎ ﻣﺎ ﺑﻨﻜﻮﺳﺎ
ﺑﺎﻏﺎﺕ ﺍﻟﺰُّﻳﻮﺕ ﺑـُـﻜـــﺮﺓ ﺍﻟﺒﺠﻴﻨﺎ ﻳﺪﻭﺳﺎ
ﺃﻭﻋﻰٰ ﺗﻘﻮﻟﻮﺍ ﻟــﻴﻨﺎ : ﺃﺳﺄﻟﻮﺍ ﺍﻟﻨَّﺎﻣﻮﺳﺔ