ﻗﻠﺖ ﺃﻛﺘﺐ ﺣﺎﺟﺔ ﺗﺎﻧﻴﺔ ﺣﺎﺟﺔ ﻻ ﺣﺐ ﻻ ﻏﺰﻝ
ﺑﺪﻳﺖ ﺃﻓﺘﺶ ﻓﻲ ﺍﻟﻤﻮﺍﺿﻴﻊ .. ﺑﺪﻳﺖ ﺃﺭﺻﺮﺹ ﻓﻲ ﺍﻟﺠﻤﻞ
ﻗﻠﺖ ﺃﻛﺘﺐ ﻓﻲ ﺑﻠﺪﻧﺎ .. ﺗﻬﺖ ﻣﺎ ﺧﻠﻴﺖ ﻣﺤﻞ
ﻗﻠﺖ ﺃﻛﺘﺐ ﻓﻲ ﺟﺮﻭﻓﻨﺎ ﻭ ﻟﻴﻪ ﺑﺰﻳﺪ ﺳﻌﺮ ﺍﻟﺒﺼﻞ
ﻗﻠﺖ ﺃﻛﺘﺐ ﻓﻲ ﺣﺮﻭﻓﻨﺎ .. ﻭﻓﺠﺄﺓ ﺃﺷﻌﺮ ﺑﺎﻟﻤﻠﻞ
ﻗﻠﺖ ﺃﻛﺘﺐ ﻓﻲ ﺍﻟﻤﺰﺍﺭﻉ .. ﻭ ﻟﺴﻪ ﻣﺎ ﻃﻠﺎﻫﺎ ﻃﻞ
ﻗﻠﺖ ﺃﻛﺘﺐ ﻓﻲ ﺍﻟﻤﺼﺎﻧﻊ .. ﻭ ﻟﺴﻪ ﻣﺎ ﺩﻭﺭ ﻋﺠﻞ
ﻗﻠﺖ ﺃﻛﺘﺐ ﻓﻲ ﻋﻤﺮﻧﺎ .. ﻟﻘﻴﺘﻨﻲ ﻗﺼﺮﺕ ﺍﻷﺟﻞ
ﻗﻠﺖ ﺃﻛﺘﺐ ﻓﻲ ﺃﻫﻠﻨﺎ ﻭ ﻳﺎ ﺣﻠﻴﻞ ﺯﻣﻦ ﺍﻷﻫﻞ
ﻗﻠﺖ ﺃﻛﺘﺐ ﻓﻲ ﺍﻟﺸﺠﺎﻋﺔ ﻟﻘﻴﺘﻨﻲ ﻣﺎ ﺑﻌﺮﻑ ﺑﻄﻞ
ﻗﻠﺖ ﺃﻛﺘﺐ ﻓﻲ ﺍﻟﻄﻬﺎﺭﺓ ﻟﻘﻴﺘﻨﻲ ﺑﻜﺸﺢ ﻓﻲ ﺍﻟﻌﺴﻞ
ﻗﻠﺖ ﺃﻛﺘﺐ ﻓﻲ ﺍﻟﺸﻬﺎﻣﺔ ﻟﻘﻴﺘﻨﻲ ﻣﺎﻟﻴﻨﻲ ﺍﻟﺨﺠﻞ
ﻗﻠﺖ ﺃﻛﺘﺐ ﻓﻲ ﺷﺒﺎﺑﻨﺎ ﻟﻘﻴﺘﻨﻲ ﻏﺮﻗﺎﻥ ﻓﻲ ﺍﻟﻜﺴﻞ
ﻗﻠﺖ ﺃﻛﺘﺐ ﻓﻲ ﺯﻣﻨﺎ .. ﻟﻘﻴﺘﻮ ﻣﺮ ﻋﻠﻰ ﻋﺠﻞ
ﻗﻠﺖ ﺃﻛﺘﺐ ﺫﻛﺮﻳﺎﺗﻲ ﻭ ﻛﻠﻮ ﻭﺩﻋﻨﻲ ﻭ ﺭﺣﻞ
ﻗﻠﺖ ﺃﻛﺘﺐ ﺣﻠﻢ ﺑﺎﻛﺮ ﻭ ﻓﺠﺎﺀﺓ ﻓﺎﺭﻗﺖ ﺍﻷﻣﻞ
ﻗﻠﺖ ﺃﻛﺘﺐ ﻓﻲ ﺍﻟﺴﻌﺎﺩﺓ ﺃﻟﻘﻰ ﺩﻣﻌﻲ ﺑﺮﺍﻭ ﻧﺰﻝ
ﻗﻠﺖ ﺃﻛﺘﺐ ﻓﻲ ﻃﺮﻳﻘﻨﺎ ﻟﻘﻴﺘﻨﻲ ﻣﺎ ﻣﻤﻜﻦ ﺃﺻﻞ
ﻗﻠﺖ ﺃﻛﺘﺐ ﻓﻲ ﺍﻟﺼﺪﺍﻗﺔ ﻭ ﻋﻴﻨﻲ ﻟﻠﺒﺎﺏ ﺇﻧﻘﻔﻞ
ﻗﻠﺖ ﺃﻛﺘﺐ ﻓﻲ ﺍﻟﻄﻔﻮﻟﺔ ﻭ ﺑﻠﻘﻰ ﻛﻢ ﻃﻔﻞ ﺇﻧﻘﺘﻞ
ﻗﻠﺖ ﺃﻛﺘﺐ ﻣﺠﺘﻤﻌﻨﺎ ﻭ ﻛﻢ ﻣﺸﺎﻛﻞ ﺩﺍﻳﺮﺍ ﺣﻞ
ﻗﻠﺖ ﺃﺭﺟﻊ ﻟﻴﻚ ﺃﺣﺴﻦ ﺃﻳﻮﺓ ﺑﺮﺟﻊ ﻟﻴﻚ ﺃﺟﻞ
ﻻ ﻫﻤﻮﻡ ﻓﻲ ﺣﻠﻤﻲ ﺑﻴﻚ ﻻ ﻓﻲ ﻟﻴﺖ ﻭ ﻻ ﻟﻌﻞ
ﻭﺃﻓﻀﻞ ﺃﻫﺮﺏ ﻣﻦ ﻋﻴﻮﻧﻚ ﻭ ﻳﻮﻡ ﺃﺟﻴﻬﻦ ﺑﻲ ﻣﻬﻞ
ﻗﻠﺖ ﺃﻛﺘﺐ ﻓﻲ ﻋﻴﻮﻧﻚ ﻳﺎ ﺣﻼﺕ ﺃﺟﻤﻞ ﻣﺤﻞ
ﻗﻠﺖ ﺃﻛﺘﺐ ﻓﻴﻬﻦ ﺃﺣﺴﻦ ﻭ ﺃﺣﺴﻦ ﺃﺭﺟﻊ ﻟﻠﻐﺰﻝ